كمن سؤال عن الكاسكو

[أم صوفي]

السلام عليكم

جمعة مباركه ..

بسألكم كم سؤال عن الببغاء حقي

احين هو بيكمل أسبوع .. يصفر ويطلع أصوت وكذا

ويتحرك بحريه داخل القفص وياكل لكن لو اقرب تقل جاه الموت يجعر

مايستوي بعد ابقي ساكته ماكو حل يعني ..

الشي الـ 2 يفتح فمه كثير أيش يعني هو يتثاوب أو يحاول يصفر شنو يعني

وو بعدين ريشه ماعجبني احسه مو منظم من تحت اللي لونه أحمر مدري

شلون صاير ..

ومتى اقدر اقص جناااحه ...؟

أبي اجابات ع اسألتي ومشكووووووورين واسفه ع الازعاااااااج

[أم صوفي]

المشاهدات 7

ولا رد

:/

[عاشقة الطيور]

وعليكم السلام ورحمة الله وبركاته

اختي مثل ماقلت لج سابقا ببغائج عود واسبوع فتره غير كافيه عشان يتعود اعطيه فتره من شهر-شهرين

اختي ممكن توضحين يعني يعاني اسهال ياكل طبيعي ..!


وعن ريشه لتحاتين اهو بروحه بيرتبه وفي امكانج تحممينه وراعي شروط التحميم


وعن القص تقدرين تودينه لبيطري اوخبيير

وصبري عليه

وبالتوفيق

[أم صوفي]

منووو قال في اسهال .. بعد يجعر وقلنا يالله يجيه اسهال من البدايه قسم طيرته مو بعته بعد

مششكوووووووووره أختي لكن

الصبر هذى ماتقنعني .. لازم اكو احل للجعير


بعدين نسيت اقول هووو وايد يحاول يفتح القفص من الزوايا

[so*so]

أختي و الله ما اقدر افيدك


بس ان شاء الله الباقين يفودونك

وان شاء يتعود عليك

وصوريه ونزليه يكون اوضح للخبرااء

[أم صوفي]

فديتكـ

نزلت صوره من قبل :/

[عاشقة الطيور]

خخخخ اختي انا مااقولج في اسهال انا الي اقصده وضحي قلتي انه يفتح منقاره زين انا اسألج اهو ياكل زين فيه اسهال مجرد سؤال :D

وليش الصبر ماينفع نسيتي كلامج في ذاك الموضوع اختي حل الجعير اهو الصبر لان اساس الجعير خوفه وخوفه يعني انه للحين مب مطمأن فلطمئنان يبي له وقت وهالوقت يعني الصبر فصبري وقد اطول المده لان طيرج عود

[أم صوفي]

ايه ياكل زين ماكو فيه اسهال

أنا اسأل هو يفتح فمه لكن ماكو صوت أسأل هو يتثاوب أو يبي يطلع صوتو مو قادر

مع انه يصفر و يطقطق ويطلع صوت إذا كان بحاله بالغرفه


ماقول الصبر ماينفع

أقصد مو مقتنعه يعني لابد هناك طريقه ^^

[سكر]

كلامك صح فيه حل , مع الصبر.

بس تقصد الأخت عاشقة, ان الصبر بيكون أكثر إذا كانت خبرتنا أقل.


سؤال ( أم صوفي انتي حاطة الببغاء في المطبخ؟)


لما يفتح فمه لما يشوفك ويطالع فيك وينزل راسه تحت, هذي معناها انه يحاول يخوفك, ويحذرك.
ويمكن وقتها يعض الخشبة أو طرف القفص بشويش عشان يستعرض سلاحة.
أما اذا يفتح فمه بدون ما ينتبه له هذي تثاؤب عادي.

إذا كنتي ما تطلعي ببغائك من القفص فلازم من اليوم تبدأي تطلعيه شوي يرفرفر ويغير جو ويمد عظامه وعظلاته.

لا تحاولي تروضيه وهو داخل القفص لأنه وقتها يحس بالتهديد بشكل أكبر.

طلعيه فوق القفص وجربي تقربي منه اذا جعر وركزي على عيونه وانتي ثابته وبتلاقي انه شوي ويسكت مع شدة انتباهه لك.
اذا تحركتي بيجعر مرة ثانية وبرضه بيسكت بعد شوي.

كرري الحركة هذي ثلاث الى اربع مرات في نص ساعه وشوفي ايش يصير معاك. بس غيري مكان القفص وخلي أعلى نقطة في القفص على مستوى فمك.

هذي جزء من الطريقة والباقي بعد ما تردي علينا وتقولي ايش صار لأنه احتمال تتغير اشياء في الأسلوب.

أنتظر ردك بعد التجربة

تحيااتي

[أم صوفي]

أما المطبخ

سلاماااااااااات المطبخ هههههههههه

لا بغرفتي معي

لا اجل تثاوب لأنه اصلا بعيد عني لكن اشوفه من فتره لفتره يفتح فمه استغربت

هو مايجعر إلا إذا قربت واهلي لا سمعوا صوته سوو سوالف

بحاول اطلعه بكرا الصبح ماعندي شي ومحد من اهلي يعور راسي :)

وبقلكم بعديييين

[أم صوفي]

اليوم حاولت اطلعه وجي ماقدرت جلس يجعر ومدري شنووو

خليته

من شوي جبت تفاح وحاولت اعطيه قرب شوي حط منقاره وبسرعه وخر بعيد

خليت باب القفص مفتوح قلت يمكن يطلع من حاله ماكو فايده

مع انه كثير يحاول يطلع

بشوف بكرا شنو يستوى ..~

[سكر]

اذا فتحتي القفص يا ام صوفي نزليه في الأرض تحت عشان يغريه بالصعود فوق القفص.

ولا تشيلي هم, الببغاء ما بيفهم بسرعة, بس المهم انه في الأخير بيفهم.

كرري نفس الحركة بكرة ونشوف ايش بيصير

التفاحة كل نص ساعه تقريبا تعالي من برى الغرفة او من آخرها وقولي كلمة معينة, مثلا (يالله أكل, أو أنا جاية) عشان نتبه لك, وتعالي عنده بالتفاحة ومديها له بس بينك وبينه مسافة نص متر تقريباً.
أعطيه الفتاحة, اذا عظها اسحبيها وروحي, وارجعي كرري نفس الحركة بعد نص ساعه.
في البداية بيفكر انك تهاجميه, وبعد كم حركة بيفهم انها لعبة لأنه ما حس بألم. وبعد كم يوم بيفهم انها أكل لأنه كل يوم يطعم طعم حلو.


أنتظر ايش يصير معاك.

[أم صوفي]

طيب ماقلت لي ليه تقول المطبخ ..؟

لأنو من جد سؤالك غريب والمكان اغرب

[Madrid Spirit]

طيب ماقلت لي ليه تقول المطبخ ..؟

لأنو من جد سؤالك غريب والمكان اغرب


لانه بالعاده في ناس تضع طيورها بالمطبخ و يسير الطير يفتح فمه او يعمل حركات لانه بحاجه لهواء نظيف و هواء المطبخ و الطبخ يؤذيه

اعتقد عشان كذا سال الغالي سكر

اذا كان يصفر و بدء يفتح فمه و هكذا فهي محاوله للكلام باذن الله

[أم صوفي]

أما طير بالمطبخ ..

مشكورررين ع المعلومه .. لكن ماهو بالمطبخ ..

<<< إذا جا الليل جلس ينوع فـ التصفيرات والصبح لا حس ولا خبر :)

[أم صوفي]

اليوم خليت باب القفص مفتوح .. المهم طلع بحاله من دون ماطلعه

شوي جيت لمه وكذا لكن جعيره زاااد

خليته ماسويت له شي وطلعت من الغرفه ونام وهو بمكانه المهم

رديت دخلته القفص وكذا

المهم جبت قطعة تفاحه وزي ماقلت ماقربت لم القفص ماااره بس مديت يدي

جلس يجعر وماااره خايف كنه مخوف /:

قرب شوي وبعدين بعد حاولت ثاني قرب منقاره ووخره وجلس يجعر وخرت عنه

تقرير اليوم :)

[سكر]

حلوة تقرير اليوم ههههه

تمام عليك هذا المطلوب كل يوم كرري نفس الحركة حتى يتعود عليها

اذا طلع برى القفص اجلسي شوي مو شرط قريبه منه, بس أهم شي يشوفك, وانتي اعتبريه مو موجود.

اذا قررتي تقربي منه لا تتراجعي وقت ما يجعر على طول.

بالعكس اجلسي هادية قدامه واعتبريه اذا جعر يقول لك تكفين اجلسي.

كرري كل يوم هذا الاسلوب ولو تقدري في اليوم أكثر من مرة يكون أفضل.

المسألة مسألة تكرار الحدث, وبعدها يصير حدث مألوف, وبعدها يصير عادة مقبولة, وبعدين يصير فيه تطور وإبداع.

تحياتي

[عاشقة الطيور]

اخوي سكر عندي سؤال بخصوص ردك السابق "أعطيه الفتاحة, اذا عظها اسحبيها وروحي, وارجعي كرري نفس الحركة بعد نص ساعه."

احس ان هالحركه بطول من فترة الجعير .. يعني بدل ماتسحب التفاحه تخليه يعضض قد مايبي ولين كملت التفاحه تيه يوم ثاني وبجذي بعد يومين ولا 3 ان شاءالله بيبتدي ياكل من يدها << وانت شرايك؟

[سكر]

كلامك منطقي اختي عاشقة

بس في الواقع يتصرف تصرف مختلف, لأنه يعضها كأنها جزء من اللي ايد اللي يقدمها.
وبعد كم يوم يصير يتعود انه كل ما شاف تفاحه يعضها وبس.
وفي نفس الوقت ما يجيه شعور انه هو بسلوكه المتوحش السبب في اختفاء التفاحة وانتهائها.

الهدف من اننا ننسحب هو اننا نتركه يتطعم التفاحة في فمه وهو مركز.


لأن الببغاء اذا كان يجعر, يكون أعطى مخه اجازة,,, يصير فعلاً غبي وما يفهم أي اشارة أو معنى غير الخطر وبس.

وعلى فكرة الحركة هذي كل نص ساعة تخلي الجعير يخف بشكل ملحوظ في نفس اليوم لو استمرينا عليها بالطريقة الصحيحة.

تحياتي

[أم صوفي]

اوكـ راح اكرر ذا الشي ..

بس عندي سؤال إذا جاء الليل بدأ يطقطق ويصفر ويسوي حركات ليييه مو بالصبح ..؟

[سكر]

هذا اوفر تايم :D

أي وقت يصفر ويطقطق.

حتى لو تجي نص الليل وتشغلي النور وترفعي القفص شوي تلاقيه شغال تصفير.

أنا في نظري إن أهم شي اننا ننقل مكان الببغاء في اليوم أكثر من مرة في نفس الغرفة عشان نغير له الجو وما يمل ويكسل.


أنتظر تقرير اليوم :D



تحياتي

[أم صوفي]

القصه مو كذا .. الصبح ماله حس موليه :rolleyes:
بس من المغرب وطالع

اليوم سويت نفس امس جيته من بعيد مديت يدي بالتفاحه

جعييييييييييييييييييييييره زااااااااااااااااااااااااااااااااااااااااااااااااااااااد عن من يوم جبته بس اليوم

كنه يقول تقلعي مابي اتدرب :D

تقرير اليوم :(

[عاشقة الطيور]

ماشاءالله عليك اخوي عيني عليك بارد

والله لايحرمنا من معلوماتك القيمه ...


واختي ام صوفي لاتيأسين وان شاءالله مثل ماقال اخوي سكر كل نص ساعه بيخف واهم شي الصبر

[سكر]

أشكرك عاشقة الطيور ربي يبارك فيك ويحفظك

أم صوفي, كأنك بديتي تكسلي؟

توكلي على الله وواصلي بنشاط.

تقدري تستغني عن التفاحة اذا تحسي انه ما يطيقها حالياً أو صغري حجمها اذا كانت كبيرة.

لكن واصلي انك تقربي منه وتمدي يدك حتى توصل لعند منقاره (تأكدي ان أصابعك مقبوضه أو نازلة لتحت).

وخليك ثابته على هذا الشكل فترة دقيقتين أو أكثر بغض النظر عن ردة فعله (كل ما طولتي يكون أفضل).

ولا تخافي ما بيعضك اذا كنتي ثابته.

أنتظر تقرير بكرة ان شاء الله

تحياتي

[أم صوفي]

عاشقة

اشكرك ع متابعتكـ :)

والصبر معليه لا تخافين أنا وهو ربع :D

سكر

لا ما كسلت لكن عندي مشكله وهي العائق الكبير
(أهـلي يطفشون من صوته ) :D

و إن شاء الله بكرا بجيكم بـ تقرير

[هدير الأمواج]

:D واصلووووو معاكم على الخط ,,,:D

:rolleyes:

يا أختي ممكن تسوي حركه عشان يبطل جعير ,,(مجربه)
تقوليلو ونتي تطلي في عينو (لا) وتأشري بيدك ,,بس مو تصرخي فيه لأنو حساس
عاشقة ميسووون

[أم صوفي]

مااااااااااااااااااااااكو فايده الجعير احس كل ماله يزيد مو يخف

<< هذا تقرير حق يومين :D

[سكر]

شفتك ما تدخلي المنتدى قلت يمكن الببغاء أكلك :D

ايش صار معاكي يا ام صوفي بالضبط؟ ايش سويتي, عشان نفهم بس ايش صار.

أوعدك اذا مر شهر من الحين وما روضتيه آخذه منك وأحاول أروضه ان شاء الله.

لأن الحين وضعي شوي صعب ويبغاله ترتيب.


تحياتي

[أم صوفي]

أبد ياطويل العمر ماكو شي جديد ينذكر نفس العاده

لكن احين إذا جيت اغير اكله مايجعر بس ارد ابي اغير الماء يقوم يجعر وبزياااده

ومشكور ع الخدمه مااتقصر

[سكر]

لو أقولك امسكيه بقطعة قماش متينه أو بطانية ( تكتفيه مثل الأطفال) تقدري؟؟

[أم صوفي]

امممم اي اكيد اقدر

لكن ايش الحكمه ..؟

أو ليييه ..؟!!

[سكر]

الحكمة طال عمرك انك تخلين الببغاء يواجه أكبر مخاوفه
وهي الإمساك به
إذا مسكتيه وكتفتيه ومررتي يدك بحيث تلمسي راسه ولا توقفي إلا إذا وقف عن التجعير عشان يرتاح من التعب
وقتها وقفي عن اللمس وخليك هادية وبدون أي حركة
وبيرجع يجعر مرة ثانية وارجعي المسي راسه بهدوء لحد ما يسكت
العملية هذي تآخذ منك نص ساعة وبعدها شوفي الفرق بإذن الله
وصدقيني بتكون نص ساعة مثيرة وحماس بمعنى الكلمة

أبغى منك تتشجعي وتعملي الطريقه هذي
وأنا واثق انك تقدري بإذن المولى عز وجل

تحياتي

[كاسكو1]

الله يعطيك العافيه اخوي سكر وتراني متابع معكم واحاول اطبق على طيري
الله يوفقك

[أم صوفي]

إن شاء الله بحااول .. وبقولكم

[سكر]

إن شاء الله ترجعي وأصابعك كاملة :D

بإنتظارك


أخوي كاسكو1

أتمنى لك متابعة ممتعة ونتائج ممتازة, وعلى فكرة يا غالي

النتائج اللي تطلع مع الأخت ام صوفي مو شرط تكون هي نفسها النتائج معاك.


يعني بعض الأساليب اللي طرحتها ممكن تنفع معاك وما تنفع معاها او العكس صحيح.

أرجو انك ما تتأثر بالنتائج التي تحدث مع غيرك

تحياتي

[أم صوفي]

بصراااحه ماجربت الطريقه اللي قلت << الكرون عقدني بعد عضته وخفت يعضني هذا بعد

لكن

في تغيرات بسيطه صرت اطلع صوت يوم اجي اغير له الاكل صاار يطلع صووت خفيف يعني مو بزياااده

لكن المشكله لو جيته بوقت ثاني صار يجعر بصوووت عالي ويروح ويجي

لكن هووو صار يغرد بزييااده ويطقطق ومدري ايش يسوي << هذا التقدم الوحيد

ويسوي حركه مدري كيف اوصفها ووو أبي انزل الفيديووو مدري شنووو

[أم صوفي]

هذا هووو الرابط بصيغة MP4 الحركه داايم يسويها بين فتره وفتره شنووو يعني !!!

http://www.4shared.com/file/95822367/ea6f2303/_online.html

[سكر]

شفت الفديو وشكل عند ببغائك قصيدة خاطره يلقيها :D

أختي أم صوفي واضح انه ينقص ببغائك نشاط.

لازم يطلع برى القفص كل يوم ويتحرك ويلعب.

قفصه عبارة عن سجن بالنسبة له.


الترويش يساعده, والكلام بقربه يساعده وحتى لو تحطيه في الصالة وتشغلي التلفزيون على قناة أناشيد مثلا يساعدة كثير, بس لا تطولي خليه نص ساعه مثلا وبتلاحظين كيف يبدع

ولو تقدرين تطلعينه السطوح أو الحوش وتفكينه هناك يكون شي ممتاز (إذا كان جناحه مقصوص)

وفيه طريقة تضحك بقولك اياها بعدين. :D


تحياتي

[أم صوفي]

طيب مافهمت شنوو يعني الحركه هذى

<< كل هذا من الكبت والا في امل يحكي ويقول شي

مشكله ماقدر اسوي شي كثير لأن أهلي يضجرو من صوته

وقت مايطلعوا اجلس معاه أما عن اطلعه الصطوح إن شاء الله بقص جناحه عشان افرج عنه :)

و أنا احين غيرت محله عشان اغير نفسيته


أأأأيييش هي الطريقه اللي تضحكـ !!!! :D

[أم صوفي]

طيب بسألك إذا هووو ناقصه نشاط ولازم اطلعه

مشكله هوو مايعطيني فرصه عشان اطلعه او اتفاهم معاه

ماغير يجعر لو اجي لمه ..!!!

وآت كآآآن آآآي دووو

[سكر]

هههههههه أم صوفي الطريقة قلتها في موضوع

http://www.2zoo.com/vb/showthread.php?t=95875

وبعدين مو شرط توقفين على راس الببغاء عشان يطلع.


افتحي باب القفص وهو بيطلع لوحده


بسألك انتي تروشي ببغائك.؟

تحياتي

[أم صوفي]

هووو اصلا مايعطيني فرصه عشان اروشه :confused:

بعدين كيف اروشه :D

آيووو شفت الطريقه

[جداااوي]

ماشاءالله عليكم ام صوفي ولاستاذ سكر
قصه في غايت الروعه
انا متابع معاكم
يا اخ سكر انا مطبق البرنامج هادا نفسه وزياده اللي انت كلمتني عليه
الله يعطيكم العافيه
ان شاءالله تدربي طير يا ام صوفي

[سكر]

جداوي أتمنى لك متابعة طيبة يا قمر.

أم صوفي أفهم من كلامك ان ببغائك لسى بتغبيرة بلده؟؟

حطيه تحت الدش الدافي هذي أسهل طريقة بس بهدوء.

وخلي الدش على ظهره بس لحد ما يهدى وبعدين رجعيه تحت الدش كامل, وارجعي ورى للباب عشان ما يخاف.

وما عليك من اللي قول لا تخلي الموية توصل لراسه.

اعتبريه في الغابة في راس شجرة وقت مطر وفي الليل. يعني ما يقدر يطير ولا شي.


تحياتي

[أم صوفي]

شنوو الطير مو مدرب كلش اصلا حتى حجل مدري وش اسمه ماعليه

وشري يعض واظافره طووويله

كيف اروشه اوكي اخليه بطلع برى القفص وادخله بعد عناء طويل

بس اروشه كيف ماكو ستاند عشان يجلس عليه

<<< حسيت اني بقول يامن شراله من حلاله عله

ماتوقعت السالفه كذا

ووووبعدين أنا عندي مشكله اللي هي اهلي من يجعر جلسووو يتكلموووا

فديت الدره ماحس تعذبنا وياها كذا :(

<< بدت تستسلم :(

[سكر]

أقصد بالقفص خليه تحت الدش
بس شيلي الأكل أول

وإذا رجعتيه خليه في مكان دافي ومافيه تيارات هوائية
بس صرفي أهلك خخخخخ

.

[أم صوفي]

آهاااا


اجل اوكي

<< آزعجتك معاااااي ..~

[سكر]

لا العفو مافيه ازعاج

الإزعاج بيكون على أهلك اذا روشتيه يمكن يصارخ في البداية عشان كذا اختاري وقت مناسب لهم

تحياتي

[جداااوي]

هلا والله
كيفكم اليوم
انا منتظر الحلقه الجايه >>>>>>>>ههههه صار مسلسل اسمه (ام صوفي كيف تروض طيرها )حلوه
والسموحه

[أم صوفي]

هلا والله جداوي

الله يسمع منك ويتربي

<< اتمنى لك متابعه شيقه :D

[أم صوفي]

خلاص استسلم اهلي فضحوني

بيعيه طيريه :(

وش اسوي

حتى بستي يبوني ابيعها :(

بــس يمكن ابدله بدره او ابيعه مدري والله وش اسوي محتاااره << وش تشوفون

<< اهلي نحيسين بقووووووووووووووووه :(

[سكر]

والله دخلت متحمس قلت بلاقي قصة ام صوفي مع ترويش الببغاء, وتوقعت انك بتفاجئيني بإنجازك معاه.

ما توقعت انك تستسلمي بهذي السهولة :(

شوفي انتي ايش تقررين وردي علي, اذا بتبيعيه والا بتخليه واحاول اشوف وضعه بس أرسليه لي.

وبالنسبة لأهلك فيهم الخير والبركة ومحشومين من النحاسة, ربي يخليهم لك ويرزقهم الصحة والعافية.

ويعطيهم طولة العمر, ويرزقك رضاهم والبر فيهم, جزاك الله وجزاهم خير.

تحياتي

[جداااوي]

اخت ام صوفي
يعني هادي نهاية القصه
ليه انتي كدا من سببلك احباط
ترى اذا واصلتي كدا رح يمشي معاك الامر بأحسن مايكون
تحياتي لك

[أم صوفي]

اولا اهلي كل شوي يقولوا شكله يخرع صوته مو حلوو مزعج

<< محد يفهمني :(

ثانيا هوو مو راضي يقتنع يعني خوفه بزياااده

ودي فيه وودي اعلمه لكن مدري وش اسوي

يعني أنا لوو يروح الجعير ارتحت

لكن محد واقف معاي كلش .. كلهم يقولوا بيعيه


**

لكن أنا اليوم بعد غيرت مكانه حطيته لم التلفزيون :D

<< عشان يشوفونه عدل خخخ

[أم صوفي]

خلاص تم البيع:(

راح اسلمه نهاية الشهر:(

:(:(:(:(:(

مشكووووور استاذ سكر وربي ماقصرت

يجزاك ربي كل خير

ويرزقك كل ماتتمنى ..~

[سكر]

ايه شفت البيعه في قسم البيع والله حزنت عليه

وتمنيت اني ألحق قبل ما ينباع

كنت بقدم لك عرض,, وقلت بعطيك ببغائي الغيني مدرب وجاهز وأليف, مقابل ببغائك. بس الله ما راد.

والحمد لله على كل حال.

انتي يا ام صوفي عشان ضروف البيت عندك تحتاجين ببغاء جاهز ومدرب, حتى لو كان سعره أغلى شوي.

أهم شي تنبسطي.

وأي احد بيشتري عشان يربي لا يفكر في السعر كثير.


ربي يوفقك ويوفق اللي اشتراه ويبارك له

أتمنى تقوليلي بكم شريتيه

تحياتي

[أم صوفي]

كل شي مكتوب

اليوم الصبح روشته ونظفته

المهم شوي اسمع الرجال افتل يغرد ويصفر ومدري شنوو يسوي << حسيت اني بنقهر خخخخخ

بس بستفيد من وجوده عندي الين اخر الشهر ..~

<< عشان اخذ خبره لو جبت ثاني << معصى :D

[سكر]

ههههههههه شكله يغرد من الفرحه انه انباع وبيسافر.

أمزح

ومبروووك والله لأنك روشتيه أخيرا صالحتي بينه وبين المويه هههههههه


ربي يكتب لك مافيه الخير يا أم صوفي

تحياتي

[جداااوي]

الله يرزقك بواحد افضل منه ويهني اللي اشتراه منك
اخ صوفي انا شيت في في التدريب معاك انتي والاخ سكر من الاول الى الحلقه الاخير
والحمد لله انا طلعت بنتيجه مع طيري
ان شاء الله تلقي طير افضل منه بمليون مره
تحياتي الحاصه
وانتظر المسلسل الجديد>>>>ههههههه
امزح معاك

[أم صوفي]

مشكورين

شفت شلون ماصدق خبر << حاس انوا مو مرغوب فيه بالبيت

جداوي

الحمدالله انك طلعت بنتيجه احسن مني ولا نص نتيجه

الله يعين

أنا خلوني ع صوفي والكيتنز حقها ^^

[جداااوي]

كيفيك ام صوفي اليوم
اسمعي مني خذي طير تاني
بس قبل ما تاخذيه وهو لسه في المحل
لفي كم لفه على الطير وكلميه اذا هو مركز معاكي
وبصحه جيده توكلي وخذي
اما غير كدا ومزعج لاتفكري في عشان لا يصير نفس الاول
تقبلي مروري

[أم صوفي]

حاليا مافكر بالذات اني اعتني بصوفي والكيتنز

إن شاء الله بعيدين اشوف وبعدين انا صراحتا خاطري بالدره اللي لونها ازرق

واللي ربي كاتبه بيصير ..~