ابي اشتري جيرمن شيبرد وعندي أستفسارات

[TheSailor]

بسم الله الرحمن الرحيم

أخواني الأعضاء الكرام ..

السلام عليكم ورحمة الله وبركاته ..

أنا نويت اشتري جيرمن شيبرد ولكن عندي إستفسارات مهمة جدا ..

طبعا ما عمري مسكت كلب في حياتي وبصراحة اخاف منها
لكني متحمس للنوع هذا من زمان وابيه للحراسة بعد انتقالي لبيت فيه حوش ..

وسمعت انه بودي قارد في حال خرجت من البيت ..

الإستفسارات هي ..

1- هل النوع هذا يسمع الكلام (مطيع) يعني ما يهجم على احد إللا بامري وللا يسبب مشاكل أنا في غنى عنها ؟

2- هل احتاج مدرب خاص له أو لا ..
إذا كان الجواب نعم فاتمنى وضع رقم المدرب .(الدمام)

3- كم عمر الكلب المفترض إقتناءه .. يعني شهرين ثلاثة سنه ؟؟
مع العلم اني ابي اسميه بنفسي واعوده على العائلة ..

4- الأفضل ذكر أم انثى ؟؟ ولماذا ؟

5- وين احصل محل يبيعه بالدمام .

6- كم السعر المعقول له ..

السعر ---> العمر ---> اللون

وهل يختلف السعر من لون إلى لون (ابيض - عادي)

7- كم تكلفة العناية بالكلب الإجمالية (طعام ، طوق + حبل ، بيت ، تطعيم ، فحص بيطري ، كمام)

8- أنا ناوي اربطه بالحوش ولا باخليه يدخل البيت فهل هذا عادي بالنسبة للكلب ؟؟

9- عندي أحد جدران الحوش منخفض 2 متر تقريبا .. فهل يقدر ينقز من فوقه ؟؟

هذا اللي عندي الحين وومكن ارجع بأكثر من إستفسار ..

أتمنى الإجابة من الخبراء ...

[boobee]

ج 1 : الجيرمن كلب مطيع وذكي
ج 2 : تقدر تدربه بنفسك واذا ما عرفت تقدر تستعين بمدرب يدربه بس انت لازم كل يوم تقوله الأوامر عشان لا ينساهم
ج 3 : تقدر تشتريه من عمر شهرين بس تبدي معاه التدريب بعمر 4 شهور وفوق
ج 4 : من ناحيه الشراسه و اوامر الطاعه نفس الشي مافي فرق بس ذكر الجيرمن يكون اضخم من النثيه يعني شكليا احلى
ج 5 : انا مو من المملكه وان شاءالله اهالي الممكله ما يقصرون معاك
ج 6 : السعر بالمملكه ما اعرفه بس بالكويت يبدي من 300 و يوصل لي 1800 دينار على حسب الرس
وهم على حسب اللون لانه في الوان مو مرغوبه عنده بالكويت مثل السيبل
ج 7 : الطوق والحبل والبيت طبعا هذا مرح تشتريه كل شهر
اما الاكل اذا انت حاطه بالبيت تقدر تعطيه طياح اكل البيت بس السمك ممنوع
والتطعيم مو غالي
بس لازم تهتم فيه من ناحيه البروتينات والفيتامينات والكالسيوم
ج 8 : عادي ماكو مشكله اصلا انا كلابي معلمهم انهم بس يكونون بالحوش وما يدخلون البيت حتى لو الباب مفتوح
ج 9 : واهو صغير ما يقدر بس واهو كبير يقدر بس على ما يكبر بيكون تعود على البيت

[prince_emad]

انا شايف الاخ boobee قالك كل الاجوبه و انا متفق معاه وده راي انا كمان

تقبل مروري

[الكويتاوي]

صح صح

وبعد يعني عني انا اقولك اشتر جيرمن من عمر شهر ولون مثل ما انت عايز

ولون اللي تبيه واخذ ذكر لانه واايد هادئ

وهووو مطيع

تكلفة العناية بالكلب امن ناحية الصحه هاذي يبيلها كل شهر تقريبا 20 دينار بالمصري مادري جم


السعر المعقول له .. يوص لي 1000 دينار فقط هاذا الاكبير جداا ومتدرب


اما لعمر صغير اقل من خمسين دينا وجيرمن اصلي

يقدر ينقز من فوقه اذا كبير بس تقدر تربطه احسن واحسن .

تحياتي : الكويتاوي