تسجيل الدخول

مشاهدة النسخة كاملة : قطي مصاب بخرااااج ؟؟؟؟

أبو خل
21-03-2009, 11:58 PM
السلام عليكم ورحمة الله وبركاته ....

الحقوني يانااااس قطي مصاب بخراج ... رحت البيطري قالي الخراج قد انفقع وعطاني بخاخ

اسمه OTC أو Oxytetracycline Aerosol Spray قالي بخه وحده في اليوم وانا اعطيته بس بعد ما اعطيته صار يلحسه والجرح كبر شوي وفيه صديد ابيض على اصفر مادري كيف

لكن مادري انا ماني عارف ايش اسوي هل اكمل على العلاج ولا في علاج ثاني ولا اتركه مع العلم ان القط حالته ونشاطه طبيعي وياكل ويلعب ولا عنده اي مشكله بس يعني احيانا ينام على مكان الخراج ويلحسه كل شووووووووي

الله يخليكم ساعدوني ...........:(
آنـــــو
22-03-2009, 07:47 AM
أن شاءالله طيب

هو دامه ياكل ويشرب ويتحرك طبيعي أن شاءالله بيكون طيب بس لازم تعالجه ماتخليه حتى ماتتطور حالته ويكبر الخراج

ويفقد الشهيه أو تصيبه حمى

بالنسبه لعلاج الخراج ،، موويه دااااااافيه حييييل مع شووووية ملح (ملعقة صغيره ملح في كوب مويه)

تغسلها من 3 الى 4 مرات باليوم أو أكثررر


وبرضو تقدر تستخدم المطهرات الخفيفه كريم مضاد حيوي مناسب أو بيتادين مخفف ..

وتلفه بشاش بخفييف مو مره

ولبسه طوووق كذا حتى مايبهذلك ،، تحصله بالمحلات الخاصه

http://www.pusup.com/up/get-3-2009-2sxtb1oy.jpg (http://www.pusup.com/up)

وأحتياطاً يفضل تعطيه مضاد حيوي بيتاموكس حتى يحارب أى عدوى ممكن تصيبه أو يحد من تأزم الحاله


وطمنا عليه ...
سكوتـــــر
23-03-2009, 12:27 PM
هلا أبو خل والله أنو الصراحه ماقصر أختصرلك كل مفيد وانا رايي مع راي أنو
أموفق
كيوووت
23-03-2009, 04:14 PM
ماقصرت آنو

واحب اضيف "المس الازرق" مره حلوو لعلاج الخراج ووظيفته انه ينشف الخراج ويخلي الاوساخ تطلع منه
انا جربته مع قطوتي جتها عضه قويه وطلع لها خراج بنفس المكان ومع التطهير والمس الازرق الحمدلله الحين جروحها تقريباً مالها اثر :)
أبو خل
24-03-2009, 02:40 PM
بس عادي اطهر الخراج وهو قد انفجر يعني ما راح يضرها او شيء لاني خايف الصراحه وممكن اعرف ايش هو المس الازرق:confused:
آنـــــو
24-03-2009, 02:58 PM
لازم تستمر بتطهير الخراج حتى كل الوسخ يطلع وينظف من داخل ويتشافى نهائي

والمس الأزرق تحصله بالصيدليه البشريه .. حتى مطهر البيتادين من الصيدليه البشريه ..
أبو خل
24-03-2009, 03:05 PM
طيب معليش اخوي آنو تعبتك معي بس مادري ايش استعمل مطهر البيتادين ولا المس الازرق

ولا مويه وملح ؟؟؟:confused:
آنـــــو
24-03-2009, 03:14 PM
كلهم زينين

بالمواقع الأنجلش كلها قريت عن تنظيف الخراج يقولون مويه دااافيه وملح

تغسله كمن مره باليوم بعدها يبدا الصديد يطلع من نفسه وتستمر عليه

والبيتادين دايم أستخدمه لتنظيف الجروح والفطريات

والمس الأزرق نصحتك فيه كيوت عن تجربه


وأختار اللي تبيه كلهم ينفعون أن شاءالله

وأنا أختك :) ..