قصه بالصور ضفت الصور عدل هالمره :)

[لوتيه]

السلاااااام عليكم و رحمة الله و بركاته...
بقولكم قصه بالصور :)
مره من المرات كنا رايحين البحر فالويكند يمكن من 3 اسابيع او اسبوعين ..
و شليت معايه الكاسكو وحده منهن جناحها مش مقصوص و كنت وايد واثقه انها مابطير عني الانها متعوده اطير و تحل على كتفي و لاكن للاسف ظني خاب فيها .. :p
المهم اول ماوصلنا سيده حطيتهم فوق الاستاند و هذي الصوره و اثاريها كانت تحفظ المكان و انا على نياتي اشوفها اطير و ترد على الاستاند كانت تسويلي تمويه :p


http://up2.m5zn.com/photo/2009/3/22/04/b6ae25g15.jpg/jpg (http://up2.m5zn.com)

و هاي الصوره ال2


http://up2.m5zn.com/photo/2009/3/22/04/48674ohje.jpg/jpg (http://up2.m5zn.com)


http://up2.m5zn.com/photo/2009/3/22/04/cuhghjz8p.jpg/jpg (http://up2.m5zn.com)
4


http://up2.m5zn.com/photo/2009/3/22/04/vvp9n1u7a.jpg/jpg (http://up2.m5zn.com)


5
وهنيه رحت فوق اليبل الانها طارت فوقه اقصد اعلا عنه



http://up2.m5zn.com/photo/2009/3/22/05/7x8pyqom5.jpg/jpg (http://up2.m5zn.com)


6 بعد فوق و هيه التيسه اطير فوقي و انا ازقر ولا معبرتني


http://up2.m5zn.com/photo/2009/3/22/05/huiuts6yn.jpg/jpg (http://up2.m5zn.com)

و انا اغني و الله و طلعلك ريش يالزين و قمت اطير الملح و يا العيش ماله معك تأثير ربينا دلعنا قلنا النهايه خير و اخرها بايعنا و رايح لحضن الغير :p: D

بس الحمد الله رجعت ماراحت لحضن الغير :D
بس يوم طارت ماحسيت اني زعلت عليها وايد لاكن يوم رجعت البيت شفت لي فيها حاله نفسيه تنتف ريشها و قطعت ذيلها و تم يطلع الدم كسرت خاطري و قعدت اواسيها اقولها شو تبينها مافيها خير مايسوى تقطعين عمرج عليها لو تباج كان ماطارت و خلتج بروحج كان خذتج معاها :p لي يسمع الحين تفهم شو اقولها بس كنت اسوي الواجب و اواسيها خخخخ
بس يوم غابت الشمس بديت اخاف و قلت الحين بياكلونها الثعالب و لا القطاو و لا بتموت يوع شو بتأكل و هذاك اليوم اول مره ارقد من وقت و نشيت الساعه 6 و نص مادري 7 الصبح من كثر ما كنت ارقب الصبح حق ادورها و اقول يمكن ترد الانها كانت طول الوقت ادور فوق بيتنا و على الجبل لي ورانا و انا ازقرها لاكن مامن موجيب المهم يوم نشيت الصبح رحت اسوي كوفي و باب المطبخ مفتوح و اسمع صوتها و اقول حق الخدامه سيري برا اسمع صوتها تقول لا هذا الصوت الثانيات لي فالبيت مش صوتها انتي تتخيلين طلعت برا و شفت فوق انها اطير فوق البيت بمسافه بعييييييده اقصد ارتفاع بعيد و استغربت اقول الوتيه يوم كانت عندي اطير ماتروح بعيد وايد الحين اشوفها تستعرض و قعدت ازقرها و هيه ترد عليه بس ماتزل من الارتفاع لي هيه فيه بعدين حلت على الجبل و رحت لين فوق الجبل و قعدت ازقرها و لاكن لا من مجيب :( فقدت الامل تعبت من المشي و زين اني ماطحت من فوق اليبل كان مت و الله مايسوى عليه كنت امشي و اعيني فوق اشوفها و اقولها تعالي و انا امشي يوم وقفت ماشوف عمري الا عند حافة اليبل خفت و قلت خلاص كنت بطيح من فوق عشان خاطرها مايسوى عليه رجعت البيت قلت اذا تباني بتي البيت ادله قاعده تحوط من فوقه يعني تعرفه المهم رجعت البيت و خليتها تولي و رحت اتريق

هاي الصوره من فوق اليبل الصوره ال7


[IMG]http://up2.m5zn.com/photo/2009/3/22/05/995fbkfb0.jpg/jpg (http://up2.m5zn.com)



http://up2.m5zn.com/photo/2009/3/22/05/nh034tsm8.jpg/jpg (http://up2.m5zn.com)


وهاي ال9

http://up2.m5zn.com/photo/2009/3/22/05/ke8decbrx.jpg/jpg (http://up2.m5zn.com)


المهم رحت البيت بعدين لمحة شي احمر فالشير سرت ركض انها الكاسكو مالتي مسودة الويه و تميت ازقرها و خبر خير اطير توصل صوبي بس ماتحل عليه ترد على الشيره
هذي صورها و هي فوق الشيره ..


http://up2.m5zn.com/photo/2009/3/22/06/dzlur7ru6.jpg/jpg (http://up2.m5zn.com)



http://up2.m5zn.com/photo/2009/3/22/06/z8qg2invf.jpg/jpg (http://up2.m5zn.com)



http://up2.m5zn.com/photo/2009/3/22/06/sjyiijm6c.jpg/jpg (http://up2.m5zn.com)


بعدين اتصلت على الخدامه وقتلها تيب القفص و أم حاله نفسيه معاها المهم حطيت ام حاله نفسيه فوق القفص و الاكل معاها و تمت اطالعنا من فوق الشيره و كل وحده تزقر الثانيه لين مايت و حلت سيده فوق القفص تمت تأكل حب وربيعتها اطالها و مستانسه اتم تصفر و تزاعق و انا هذاك اليوم تميت نفس هذا :D

http://up2.m5zn.com/photo/2009/3/22/06/lj23b3olk.jpg/jpg (http://up2.m5zn.com)


http://up2.m5zn.com/photo/2009/3/22/07/s1iir9ot0.jpg/jpg (http://up2.m5zn.com)


هنيه عقب ماقصوا جناحها المسكينه عطشانه تشرب ماي

http://up2.m5zn.com/photo/2009/3/22/07/pscf9gsnu.jpg/jpg (http://up2.m5zn.com)



مش مصدقه لي صار معايه :p عقب مسكتها و سيده حطيتهم فالقفص و سيده البيت و الوالده كانت متحلفه حق لي طارت اول ماتمسكها تخلي الخدامه تقص جناحها و قصو جناحها بس للاسف القصه مب حلوه قصولها مارنز زعلت انه قصو جناحها الانها كانت دوم اطير و تحل على كتفي بس قلت تستاهل صح نسيت اخبركم كنت اقول اول ما اشوفها بضربها بس ماضربتها تفلت عليها هههههههههههههههههه:p

[لوتيه]

افااااااااااااااااااااااااااا كاني قاعده انزل الصور من ساعتين و الحين ولا صوره ظاهره افففففففففففففففففف قويه
يعني مواصله لين الصبح على الفاضي :( :( :( خلاص مسحوا الموضوع تعبت على الفاضي و مافيه اعيد تنزيل الصوره سالفه طويله و عريضه يااااااا مراقبين امسحوا الموضوع :(

[mohamed sameer]

ليه بس يمسحو الموضوع
ده قصه جميله
والاجمل انه رجعلك تانى

[سماوي الجبه]

وين لصور ننتظر تحملينهم مراه ثانيه،،

[ابو دانيال]

الحمدلله انها رجعت لك بالسلامة
والحمدلله انك ما طبيتي من فوق الجبل :p

[لوتيه]

تسلموووووووووووووووووون على المرور

[ابو دانيال]

تسلموووووووووووووووووون على المرور مع اني كنت عايش الأحداث اول مرة مع الحكاية بدون صور، بس الوضع اختلف جدا بعد اضافتهم :p

[عاشقة الطيور]

وعليكم السلام ورحمة الله وبركاته


هههههههههههههههههه قصه عجيييبه .. والحمدلله على سلامتها وعلى سلامتج

والله يحفظهم لج

[لوتيه]

اكيد غير بالصور يا بو دانيال بعدين العيش بدون ملح ماله ذوق :) و قصه بدون صور مالها حلاه :)

[لوتيه]

عاشقة الطيووووور
تسلمين على المرور ...
و الله يسلمج من كل شر ..
و يسلم غاليج و مغليج عزيزتي ...

[سكر]

الحمد لله انها رجعت

والله قصة غريبة.

بس شكل نيتك طيبة وربي أعطاك على قد نيتك.

ضحكتيني لما قلتي:

(صح نسيت اخبركم كنت اقول اول ما اشوفها بضربها بس ماضربتها تفلت عليها هههههههههههههههههه)

أحس الببغاء انقهر وتحسف وقال ليتني طرت ولا رجعت هههههههههه

[لوتيه]

هههههههههههههههههههه و الله يا سكر لو مارجعت كانت ماتت يوع هالمنطقه محد فيها و لاحد يروحلها الا فالويكند بس كنت خايفه انه حد يلقاها واظن لو حد حصلها ما بيردها حقي الانها ماتفوت ترمس انغليزي للاسف و ترقص و اليفه و تحب الرجال اكثر عن الحريم الاني ماخذتنها من عند ريال اجنبي ...
كنت الحقها بالدراجه يوم تروح مكان بعيد عن البيت و اعتقد لي خلاها ماترجع هذاك اليوم الاني كنت الحقها بالدراجه و شكلها خافت من صوتها و تمت تبعد و ترتفع اكثر اليوم لي لقيتها فيه كنت امشي على رجولي بس بعد يوم كنت فوق الجبل كنت امشي برجولي بس بعد مايتني لاكن اليوع رجعها :) لي اليوم الثاني
الا بتخبرك اليلو ناب مالك رجع حصلته ؟؟؟

[سكر]

قصدك البلو فرونت

لا والله شكله وصل مدغشقر :D

.

[لوتيه]

ههههههههههههههه لا وانت الصادق يمكن وصل اسلام اباد :)
ربي يعوده ان شاء الله ... :) <<< لي يسمع رايح الغوص مب كنه شارد عنك

[في خاطري شي]

ههههههههههههههه

قصة رائعة لوتيه

والحمدلله على سلامة رجوعها بالسلامة


لك كل الود ... وتقبلي مروري ،،،،

[Madrid Spirit]

مبارك عودتها

عودتها دليل على محبتها لك

اختي بس سؤال كم عمر الطير فوق الـ 3 سنوات ؟؟؟

[لوتيه]

ههههههههههههههه

قصة رائعة لوتيه

والحمدلله على سلامة رجوعها بالسلامة


لك كل الود ... وتقبلي مروري ،،،،

الله يسلمك من الشر و تسلم على المرور يا في خاطري شي ...و الله ينولك لي فخاطرك :p

[لوتيه]

مبارك عودتها

عودتها دليل على محبتها لك

اختي بس سؤال كم عمر الطير فوق الـ 3 سنوات ؟؟؟

الله يباركلك يا مدريد ...
عقبال ماترد الكاسكو مالت بلال و الله كاسر خاطري :(
عمرها 5 سنين و عقبال 60 :p

[باقيرا]

قصه ولا اروع عشت احداثها وحسيت اني اتابع فلم اكشن...شديتي اعصابي...بس نهايه سعيده...حمدالله علي السلامه..

[افريكانو]

الحمد الله على السلامة


و مبارك عودتها

[Madrid Spirit]

عمرها 5 سنين و عقبال 60

جربي زوجيها

احتماليه تريد الزواج

[Madrid Spirit]

و عقبال 100 سنه

اللهم امين

[لوتيه]

قصه ولا اروع عشت احداثها وحسيت اني اتابع فلم اكشن...شديتي اعصابي...بس نهايه سعيده...حمدالله علي السلامه..


فلم اكشن مره وحده عقبال ماسويلكم فلم كوميدي
:p
هيه و الله نهايه سعيده :D ماتوقعت ترد والله بس الحمد الله انها ردت ولا كان انتحرت ام حاله نفسيه :)
الله يسلمك من كل شر و تسلم على المرور ...

[لوتيه]

الحمد الله على السلامة


و مبارك عودتها

الله يسلمك من كل شر يا افريكانو
الله يباركلك و تسلم على المرور...

[لوتيه]

جربي زوجيها

احتماليه تريد الزواج

و الله اعتقد يا مدريد بس يبالي مكان عدل انا جربت وديتها بيت عمي عندهم ذكر
بس مش اليف و لا كان يبته و خليته عندي مرتين خذت ال2 لي عندي كلهم عمرهم 5 سنين و يوم وديتهم الذكر تم يستعرض عضلاته يحرك جناحه يمكن تميت ساعتين و هو نفس الحاله يحرك جناحه بس هم يطالعونه و لا قربو صوبه :( المفروض يتم معاهم كم شهر لاكن انا اوديهم زياره ساعتين و نرجع البيت

[Madrid Spirit]

^^

باذن الله اذا عندك الوقت و تقدرين على العناية و متفرغه تماما

اعلمك شلون تخليهم يتزاوجون

و يجيبولك فراخ كاسكو :D ( باذن الله )

بس تعطيني فرخ منهم :D:D:D