اقتـــــراح

[guitarq8]

السلام عليكم اخواني اعضاء المنتدى والمشرفين
انا عندي اقتراح ليش مانسوي مسابقه احلى كلب شغل يعني مدام ان الاعضاء لديهم كلاب
جميله مشالله نشارك ويصير تصويت ويكون نوع من الاثاره والحركه بالمنتدى ويشارك فيها
الجيرمن شيبرد والروت ولر والبتبول والدوبر مان وجميع الانواع لنكسر قاعدة التفضيل لان لكل نوع حزب ههههههه
يعني في عشاق الجيرمن شيبرد وعشاق الروت وعشاق البتبول والدوبرمان وهذي المسابقه ستكون نوع من التحدي
والاثاره طبعاً هذا راح يسوي حركه حلوه وايد بالقسم اذا تمت الفكره مثل ما اهي ببالي ويكون فيها تنظيم حلو

[فطوم]

والله انا اقترحت هالاقتراح بس محد رد علي:(

[guitarq8]

ليش عاد والله بالعكس تصير حركه حلوه والله بالقسم مال الجلاب الحين احس القسم صاير بارد
حيل انا بحاول اكلم المشرفين

[sniper]

اقتراح جميل بس يحطون كل نوع من كلاب لحاله للتصويت

[guitarq8]

هم خوش فكره اخوي sniper يعطيك العافيه وانا متأكد ان المشرفين اذا شافو الردود قويه راح يسون المسابقه

[رياني]

اقتراح حلو اخوي

[guitarq8]

ثانكيووو رباني على الرد وانا بسوي حمله عشان المسابقه

[جوري]

خوووش فكره....مع ان ماعندي كلب
بس انا احب اشترك بالتصويت معكم :)

[lou]

والله فكرة حلوة بنتمناها من زمان

يللا شدوا حيلكم و احنا معاكم

[guitarq8]

انشالله يا شباب اول ما ارجع اليمعه اليايه بشد حيلي من عشان نسوي المسابقه

[بوفهد]

اخي الكريم guitarq8

الاقتراح ممتاز جدا ومميز ونشكرك عليه

ولكن كما تعلم هناك تنسيق ضروري بين المسابقات القائمه في صفحات المنتدى بشتى اقسامه

وطبعا مسابقة قسم الكلاب ضروريه جدا جدا ولهذا فإن الاداره وضعت في الحسبان هذه الامور ورأت ان تتم المسابقه في وقت لاحق تحدده الاداره في وقت قريب بإذن الله

وللمزيد من المعلومات ارجوا ان تراجع الاخ بوعزوز مشرف القسم

ولك ولجميع الاعضاء اجمل التمنيات بالتوفيق والنجاح

وشكرا

[راعي روتات]

الله يوفقك اخوي قيتار وانا معاك :) اقتراح جميل جدا

[فطوم]

اخواني مع احترامي لجميع المسابقات الاخرى الي جرت بالمنتدى ومشاركتي فيها...

ارى انه مسابقه الكلاب هي الأهم..

لأن الكثير من الأعضاء يتسائلون عن
- أصاله كلابهم
- مواصفات لفصيله معينه للكلاب
- طرق اجراء المسابقات العالميه
- المواصفات العالميه المطلوبه

والكثير من الأساله الاخرى الي راح تجاوب عليها مسابقه الكلاب اذا اجريت انشاءالله

[بوعزوز]

متي تبون تبدئون المسابقه حددو انتو واتفقو كلكم وعطوني متي تبون بالضبط وانشاءالله اكلم المشرفين واردلكم خبر.
وشكراا

[che-guevara]

فكرة حلوووووووووووووةةةةةةةةةةةةة
الله يعطيكم العاااااافية

[RED NOSE]

فكرة حلوة وياريت اسونها

[guitarq8]

مشكوووورين اخواني ومشكور اخوي بوعزوز واخوي بوفهد على الموافقه ونشكر الاداره يالله ياشباب
قررو متى تبونها وانا معاكم

[عاشق التربية]

خوش فكرة وأتمنى العمل بها في المستقبل القريب

[aouina]

أنا معاك في هل اقتراح