نقاش مع اهل الخبره :)

[خالد المهيري]

السلام عليكم ورحمه الله وبركاته ..
بعد نصائحكم اخواني اتبعتها خطوه خطوه وماشاء الله كوكي تقبلت المعامله الجديده ..
كنت مواجه مشكله العض في حال اني خليت جدامها الاكل .. واذا شليت الاكل عنها ترجع طبيعيه ..
لكن وصلت لحل وسط والي هو اني احط لها كميات قليله .. لكن تقريبا 6 مرات في اليوم .. صارت من ادخل البيت تطلع صوتها (صوت الفروخ) وتوقف على حافه القفص تبغي تركب عليي ..
لدرجه انه اذا حد شالنها وانا كنت موجود على طول تطير صوبي ..
الحمدلله الامور طيبه وماشاء الله هاديه ولعوبه وصحتها تمام ..

لكن الحين بديت التعليم معاها .. على كلام دكتور بيطري اني في بدايه التعليم اردد لها كلمه او كلمتين لمده كل اسبوع ..

ها اليومين ادخلها غرفتي وفي ايدي كم حبه بيذام واعيد وازيد لها .. السلام عليكم .. وتصفير .. واصفق لها واقول كوكي واحاول اتمايل بحيث انها تتعلم .. وبصراحه ملاحظ انها تتفاعل وتطلع اصوات ملخبطه :D

لكن سؤالي للي يعلمون .. كيف اعرف ان الطير بدا يستجيب للتعليم ؟
وكيف تكون بداياته في الكلام ومحاولاته ؟

وهل فيه سن معين يبدا يتكلم فيه او ممكن انه يتكلم قبل لا يكمل سنه ؟ ..

كوكي تقريبا عمرها مابين 5 الى 7 شهور او اكبر ما اعرف ..ممكن تقييم لعمرها ؟

اسف جدا اذا غاثنكم بالاسئله .. ودي اشارككم لكن مالي خبره في مجال الطيور وبعدني مبتدئ وان شاء الله اناقش واشارك معاكم .. واعذروني ماحب ردود الشكر الي مالها لزمه :) ..

هذي صورتها وقولوا ماشاء الله :) ..

http://www4.0zz0.com/2009/03/25/12/883918139.jpg

http://www8.0zz0.com/2009/03/25/12/121457520.jpg

[افريكانو]

هلا اخوي خالد

مرحبا بك في المنتدي

مشاء الله تبارك الرحمن الله يحفظة لك و مبرووك عليك

اخوي بالنسبة للعمر مثل ما ذكرت انت

و بداية تعلم الكلام يبدا يحاول يتكلم مثل التمتمه في سن السبع شهور و الله اعلم بس مافي سن معين يختلف من ببغاء الى اخر