تسجيل الدخول

مشاهدة النسخة كاملة : سؤال عن الكاسكو ؟؟

Noo
27-03-2009, 08:24 PM
السلام عليكم ....

انا اشتريت من كمن يوم طير كاسكو العمر من 4 الى 5 شهور ... وحابه استفيد من خبرتكم ...

وماشاء الله عليه أليف ومن يبته وهو كله يبا يركب على ايدي والحمدلله ما يعض ولا يجاعر ... واذا اصفر له يرد يصفر ...

لاكن فيه عيب واحد ... ما يحب يدخل القفص مووول ... مع انه قفصة كبير وفيه عمودين خشب يركب عليهم ... واذا اجبرة ينزل يتم متمسك في ايدي وعادي يطلع لي الدم ...
وسويت له كمن لعبه علشان ما يمل ... (ان شاء الله بصورهن بعدين) ... مع انه يحب يلعب فيهن اذا اكون مشغولة عنه ... وانا ما احطة طول الوقت في القفص اللهم وقت النوم واذا بطلع وبخلية في البيت ( والله اشغل له التلفزيون علشان ما يمل) ...
وعلى فكرة تراة بدا ينتف ريشة لما احطة في القفص وامس جلع ريشة من ريشاتة الكبار وطلع لة شويت دم ...

وعندي استفسار بخصوص الاكل ... اشوة أأكله غير الحب الشمسي والسيريلاك (الخاص بالطيور) والتفاح ؟؟ واشوة ممكن اعطية كمكافأة ؟؟
وعن الاستحمام ... متى أبدا اسبحه او ارشة بالماي ؟؟
ومتى ممكن يبدا يردد الكلمات ؟؟
حبي كاسيكو
27-03-2009, 08:49 PM
لا تحطينه بالقفص حطيه بالإستاند
Noo
27-03-2009, 08:52 PM
لا تحطينه بالقفص حطيه بالإستاند

ما خذت له استاند لين الحين ... لاني اصلا ما اقدر اخلية عليه دايما ... ماشاء الله البيت كلة اصغارية وما بيخلونه في حالة ...

وانا ان شاء الله ناوية الاسبوع الياي اسويلة استاند من تصميمي ...
خالد المهيري
27-03-2009, 10:22 PM
ماشاء الله البيت كلة اصغارية وما بيخلونه في حالة

الله يكون في عونج !! اذا ازعجوه الاطفال صعب يبقى اليف
Noo
27-03-2009, 10:28 PM
الله يكون في عونج !! اذا ازعجوه الاطفال صعب يبقى اليف

وهذا الي خايفة منه ... لاكني لاحظت انه يحب يلعب وياهم واذا حطيتة في القفص والصغارية حوالية يتم امويم ومنزل راسة اونه زعلان ... والا بيتم يحفر في القفص وينبر جنه دياية يبا يطلع ...
Noo
28-03-2009, 02:47 PM
1. متى ابدا اسبحه ؟؟
2. اشوة اقدر ااكلة في هالعمر ؟؟
3. ومتى ممكن يبدا يتكلم ؟؟
Noo
29-03-2009, 07:53 PM
محد جاوبني :(
بودلال
31-03-2009, 04:17 PM
السلام عليكم

اختي بخصوص اللعب طبعا الكاسكو بهل العمر كله يبي يلعب ومايبي القفص هذا شي طبيعي بالفروخ

العبي معاه وقت ماتبين بس اذا خلصتي دخليه خليه يتعود على القفص

وبخصوص السبحه بالاسبوع مرتين او ثلاث مرات سبحيه

طبعا راح يصارخ من الماي اول مره ثاني مره ثالث مره لين يتعود بس رشي عليه الماي بايدج بالاول
بس لايحوش وجه الماي

وبخصوص الاكل اي شي ياكل مثل ذره حمص عيش مشخول بكميات قليله طبعا

وحاولي تكررين عليه كلمتين ثلاث باليوم وتكون سهله مثل الو -كوكو-هلو

وطولي بالج توالناس على الكلام لاحقه عليه ان شاءلله

وعسى الله يباركلج فيه واي خدمه انا حاضر :)