المساعد الشخصي الرقمي

مشاهدة النسخة كاملة : العدوانيه مع الغير..

خالد المهيري
28-03-2009, 02:19 PM
السلام عليكم ورحمه الله وبركاته ..

اخواني طيري الكاسكو حبوب ولعوب معي .. لكن عدواني مع الغير ودايما يجعر ومستعد يعض وبعض المرات يعض .. وفي نفس اللحظه اروح له يلعب ويخليني امسحه ؟ ..

ممكن تفسير لهذا التصرف ؟

وممكن الحل لو سمحتوا ؟
عاشقة الطيور
28-03-2009, 04:39 PM
وعليكم السلام ورحمة الله وبركاته

اخوي تفسير هذي التصرف ان الببغاء يحبك ومتعلق فيك ومن شدة حبه لك مايرضى احد ايوده غيرك "مثل حالتي مع ببغائي"

والحل انا ماحصلت حل الصراحه بس خل اهلك يقعدون وياه ويأكلونه من يدهم واذا عندك يهال بعد زين لان اليهال ماشاءالله يروضون الي مايتروض:D بس لتخليهم يزعجونه ويضربونه او يضربون قفصه

وقول لاهلك يكلمونه من فتره للثانيه

والله يوفقك :)
امزوني وبس
28-03-2009, 04:45 PM
انا طيري نفس الحالة طيرك بس انا طيري شكله متعقد من الاطفال مايطق اي واحد منهم بس

مصلحجي اذا عندهم اكل ياخده منهم بس اذا ماعندهم شي الي يقرب ياويله هههههههههههههه
خالد المهيري
28-03-2009, 07:14 PM
الله كريم .. بصراحه ودي اشوفه يلعب مع غيري .. هو شعور حلو ان حد يغار عليك :D لكن ولو ابغي الي مار عليه يلعب وياه عادي ..

عموما بديت اخلي افراد العايله يأكلون كوكي اجباريا خخ
سالم باسليمان
29-03-2009, 11:52 PM
السلام عليكم ورحمه الله وبركاته ..

اخواني طيري الكاسكو حبوب ولعوب معي .. لكن عدواني مع الغير ودايما يجعر ومستعد يعض وبعض المرات يعض .. وفي نفس اللحظه اروح له يلعب ويخليني امسحه ؟ ..

ممكن تفسير لهذا التصرف ؟

وممكن الحل لو سمحتوا ؟

بس اعطيني سبب كيف سار يحبك واقول لك لاتغير من صفاته
:D
لوتيه
30-03-2009, 12:54 AM
حتى لي عندي عدوانيه مع الكل و تعض الكل الا انا من تشوفني اتم تصفر حق اشلها
مع انها كانت عادي اي حد يلعب معاها بس بعدين تغير طبعها ...
بودلال
30-03-2009, 04:35 PM
السلام عليكم

اخوي شي طبيعي هذا سبحان الله هل النوع من الطيور تتعلق بالشخص بدرجه كبيره

خل الناس يوكلونه من بره القفص وراح يكون اجتماعي مع الوقت بس لايخوفونه ديربالك:)

والله يعنيك وهل الشغله يعانون منها الكثير مو بس انت وخاصتا اذا كان الكاسكو من وهو صغير عندك

وبالتوفيق ان شاءلله