طائري الافريقي والاورانج وينجز

[Q8 Sailer]

السلام عليكم ..
هذي بعض صور الببغاء الافريقي والامازوني الاورانج وينجز اللي موجودين عندي .. .
وقلت بما انكم هواة للببغاوات فحبيت احط لكم بعض من صورهم

اولا نبدي بالافريقي ...

http://up2.m5zn.com/photo/2009/3/28/01/8fsn2c35u.jpg/jpg

http://up2.m5zn.com/photo/2009/3/28/01/hnfykjpeq.jpg/jpg

http://up2.m5zn.com/photo/2009/3/28/01/ux373uydf.jpg/jpg

http://up2.m5zn.com/photo/2009/3/28/01/d11aodyi1.jpg/jpg

وهذا الاورانج وينجز ...

http://up2.m5zn.com/photo/2009/3/28/01/uahj8ab4u.jpg/jpg

http://up2.m5zn.com/photo/2009/3/28/01/vvuueeuzl.jpg/jpg

واتمنى الصور تعجبكم ...
والسلام عليكم ورحمة الله وبركاته ..

[Q8 Sailer]

آسف الصور وايد كبار وتعمي العيون بس تحملووو :P :>

[بويوسف الميلاني]

طيور رائعة ما شاء الله....

ربي يحفظهم لك يارب من كل عين....

وفقك ربي...

[تركي12]

ماشاء الله تبارك الله عليهم والله يحفظهم لك ويباركلك فيهم

[mlk6]

ما شاء الله الله يحفظهم روعه

[r_3ly]

ماشاءالله طيور ممتازة
بس الطيور جريب يطلعون من الشاشة من كبر الصورة

[افريكانو]

مشاء الله

الصور رائعه و الببغاءات روعه بس المشكلة الصور كبيرة

يعطيك العافية

[بودلال]

ماشاءلله طيور طيبه

عسى الله يخليهم لك وبالتوفيق لك

[qadsiafans]

ماشاء الله

الاورنج بجم ماخذه وجم عمره ؟

[عاشقة الطيور]

وعليكم السلام ورحمة الله وبركاته


يحليللللهم ماشاءالله تبارك الله .. الله يحفظهم لك


وعقبال مانجوف جديدهم

وبالتوفيق:)

[Q8 Sailer]

هلافيكم واشكركم على مروركم ... وماقصرتوا ...

وادري الصور وايد كبيره .. ما انتبهت انهم كبار الا لما رفعتهم وحطيت الموضوع ... وماصار لي خلق اعدلهم :)))

وان شاءالله نشوف جديدكم انتو بعد :))

واحب اقولكم ان المنتدى وايد عجبني من اول ما دخلته ومن قبل هالمنتدى كنت مشترك بمنتدى عام يشمل كل شيء وصارت مشاكل وطلعت منه وقلت ماراح اشترك بمنتديات بس من دشيت هالمنتدى ماقاومته بصراحه .. لأن عشقي الطيور احب شي اسمه طيووور ودايما اقول كنت اتمنى اني افهم لغتهم واتكلمها :)))

واسف على الكلام الوايد .. وننتظر جديدكم

[ابو سفر]

بسم الله ماشاء الله ....الله يخليهم لك

[لوتيه]

ماشاء الله عليهم الله يحفظهم لك و يطرحلك البركه فيهم

[Q8 Sailer]

مشكورين اخواني وماقصرتووا ... وان شاءالله نشوف طيوركم بعد انتو !! :))

لاتحرمونا من مشاهدتها .. .

[سكر]

الله يحفظهم لك

والصور مو كبيرة مرة

عادي جيب شاشتين جنب بعض وشوف الصورة كاملة :D


بالمناسبة,,, كيف الأورانج معاك وكيف حركاته ولعبه, وهل يتكلم والا لسى؟

أسألك لأن المعلومات والمواضيع عن الأورانج قليلة جداً.

وبالمرة يا ليت تطرح الأسعار عندكم في الكويت للأورنج, واذا تكرمت احسبها بالريال و..الخ

( مو كأني مصختها والا لا؟؟ ههههههههههه ) :D


ربي يحفظك ويبارك فيك وفي طيورك يا قمر

تحياتي

[Q8 Sailer]

حبيبي سكر مشكور ياقلبي وماقصرت ...
شسوي ياخوي رفعت الصور من دون لا انتبه :)) ههههههههههه
...

ياخوي انا لي فتره مارحت لسوق الحمام .. بس على اخر مره رحت هناك ...

اللي ركزت عليه ان اليلوناب طليق ويتكلم ويركب على الايد سعره يعني بمعنى آخر طير فل اوبشن على قولتهم ... فيه تقريبا 10000 ريال ...

واذا كان عادي يلوناب يعني يتكلم بس مو متدرب كثر الباجيين .. سعره تقريبا 6000 الى 7000 ريال ...

والمكاو شفت اسعاره الفرخ سعره تقريبا 6000 ريال الى 7000
والكبير متدرب ويتكلم .. فيه بحدود 12000

والكوكاتو فيه 3500 الى 4500 ريال تقريبا ...

والرمادي الفرخ ممكن سعره اب 1000 الى 2000 على حسب حجمه ونوعه وان كان يخاف أو لا ... الخ

وبالنسبه للرمادي الكبير فيه تقريبا 2500 الى 3500 وايضا يعتمد على حجمه ونوعه ومواصفاته .. الخ مثل ما انت عارف :) ...



اما بالنسبه لطيري الاورانج اخذته اب 2300 ريال تقريبا

وان شاءالله اكون افدتك ياخوي .. وبالنسبه للاسعار تقريبيه وممكن تكون اكثر بشوي أو اقل لأن التحويل من دينار الى ريال عفسني شويه :)))

-------

اخوي بالنسبه للاورانج توني ماخذه ماصار له اسبوع بس ناطره يتأقلم عندي بس يخليني المس على راسه ورقبته وحسب كلام صاحب يقولي تقدر تشيله شيلة حمامه مايجعر ويتكلم شوي .. وانا بانتظار ان يتأقلم على المكان ..

وبعدها ان شاءالله برد لك خبر .. :))

بيني وبينك شاك ان يكون اهو بلوفرونتد بس فرخ .. لأن على جبهته فيه لون ازرق على رمادي ...
وان شاءالله يكون بلوفرونتد :>

واسف على الاطاله .. :)

[سكر]

كفيت ووفيت يا غالي

وبالنسبة لنوع الببغاء هذا اورنج وينج 100% وما فيها كلام.

بس حسب ما ظهر لي من صورة المنقار انه كبير حبتين في العمر. واحتمال أكون غلطان.
وربي يطرح فيه البركة ويوفقك في تربيته


تحياتي

[Q8 Sailer]

هلا حبيبي سكر .. انا اثق بصاحبه وقالي ان كان ماخذه واهو فرخ .. ومربيه على ايده ويقول ان عمره سنه تقريبا أو اكبر بشوي ... وبيني بينك اللي عاجبني بالطير ان هادي وما يجعر يعني من تشوفه تحسه حكيم ... (غلطاان حكيم مره وحده) ههههههه واسف على الاطاله ياخوي ... :))