فزعتكم جزاكم الله الجنه [الأرشيف]

مشاهدة النسخة كاملة : فزعتكم جزاكم الله الجنه

برنس الخبر

30-03-2009, 10:06 PM

انا محتار بي طائرين يااخوان وابي رايكم من كل النواحي

بين النوع الاول (يلو فرونتدكراوند امازون)
النوع الثانى(اورنج ونجد امازون)

ياليت احد يقدر يفيدني هل تتكلم وش الفرق بينهم اذا كلهم امازونيات

حتي سعره ياليت اعرف بالسعوديه كم

ياليت تحطون لي صورهم والفرق لان اللي معروض علي عمره 6 شهور وقدره الكلام وكل شي ياليت الخبراء مايقصرون علي

لوتيه

30-03-2009, 10:10 PM

و الله ماعندي فكره و لا كنت افدتك..
بس اظن الاسم الاول افضل و الله اعلم ننتظر رد هل الامزوني :)

Q8 Sailer

30-03-2009, 10:23 PM

هلا اخوي ...

اكيد البلو فرونتد اغلى وافضل من الاورانج وينجد ..

وبالنسبه لأسعارهم بإعتقادي ان الاورانج وينجد فيه بحدود 2500 - 3500 ريال سعودي .. باعتقادي جذي ..

اما البلوفرونت سعره اغلى من جذي ....

والطائر سعره يختلف حتى لو كان نفس النوع .. يعتمد على ذكاءه وان كان يتكلم وان كان يركب على الايد ويكون نشيط .. أو ان يكون يخاف ويجعر .... الخ ...

بس نصيحتي اخذ لك البلوفرونتد ..

واذا عندك خير ... اخذ لك اليلوناب .. وادعي لي :))

والله يوفقك ان شاءالله

برنس الخبر

31-03-2009, 05:33 PM

جزاكم الله خير بس ياليت احد يشرح لي بالنسبه للكلام وش الافضل هو ولا الكاسكو ولا هذا يقول كلمات قليله

لوتيه

31-03-2009, 05:48 PM

بلو فرونت افضل عن الاورنج بس اليلووووووووووووووناااااااااااااااااااب :) حبيب قلبي افضل امزوني و اذكى واحد بس للاسف انه غالي :( يعني من 10,000 الاف و انته طالع لاكن الارخص لي انت ذكرتهم ..
انا ماربيت امزوني بس ان شاء الله و اذا الله راد و صخر هليه بأخذ اليلو ناب ..
عندي كاسكو الكاسكو يتكلم بس على حسب المربي <<< مش بس الكاسكو على حسب المربي كل انواع الطيور >> يعني انته و همتك و تدريبك و تحفيظك له
انا عن نفسي ماحس انتي ادربهم على الكلام اخليهم يلقطونه بروحهم يعني ما اقعد اردد الكلام دايمن عليهم بس يمكن اذا قعدت اردد كل يوم و اذيتهم يتعلمون يرمسون وايد :)

Q8 Sailer

31-03-2009, 06:48 PM

هلا اخوي .. شوف اهو يعتمد على المربي وشلون يدرب الكاسكو ..

بغض النظر عن نوعه افريقي وله امزوني وله وله وله .. الخ ...

كثر ما انت جابلت الكاسكو يتعلم بسرعه ويصير ذكي ...

بس تبي الكاسكو الذكي وطليق بالكلام عندك الامزوني اليلوناب بس غالي وايد مثل ماقالت لك الاخت لوتيه ..

وعندك الامزوني البلوفرونتد وايد زين ...

الاورانج وينجد عندي اياه انا وماصارله اسبوع وناطره يتأقلم على المكان .. واليوم شفته شوي يصفر ويبي يتكلم ...

بس وخر عنه واخذ نوع زين :) اليلوناب والبلوفرونتد ..

واسف على الاطاله .. :)

والاخت لوتيه ماقصرت معاك ..
:)

r_3ly

31-03-2009, 06:54 PM

ياخوي في الكلام
1 بلوفرونتد
2 يلو كراوند
3 اورنج وينجد
بس كلهم يتكلمون وعلى خبرة الهاوي

سكر

31-03-2009, 07:04 PM

ياخوي في الكلام
1 بلوفرونتد
2 يلو كراوند
3 اورنج وينجد
بس كلهم يتكلمون وعلى خبرة الهاوي

انت الوحيد اللي مستوعب الموضوع

يا شباب وشفيكم كل ما سألكم سؤال تقولون البلو فرونت

الرجال ما سأل عن البلو فرونت

سأل عن اليلو فرونت كروان

وهذا نوع ثاني في الأمازوني

يجي بلطعة صفراء في مقدمه راسه ومافيه أي لون أزرق نهائياً.

يا برنس الخبر اليلو فرونت كروان اسمه المختصر والشائع (اليلو كروان).

عشان ما تلخبط بينه وبين البلو فرونت

وسعره رخيص حوالي 2000 الى 2300 تقريباً والله أعلم

أما الأورنج وينج هذا نوع آخر من الامازوني وهو أقل قدرة على الكلام من اليلو فرونت كروان.

وسعره ما بين 1000 إلى 1800

ومافيه أي مقارنه بين النوعين هذي وبين البلو فرونت من ناحية القدرة.

والفرق شاسع.

أتمنى تكون وصلت الفكرة

تحياتي

برنس الخبر

31-03-2009, 08:34 PM

جزاك الله الجنه اخوي سكر وفيت وكفيت ولا هانو الاخوان بتوضيحهم انا هذا اللي اقصده والمعلومه وصلت

Q8 Sailer

31-03-2009, 11:15 PM

اسمح لي لأني ما فهمت شنو تقصد :)

ومشكور اخوي سكر على التوضيح ..

بس هدي بالك ولا تعصب :>:>

لوتيه

01-04-2009, 06:29 AM

حتى انا مافهمت فهموني انا و سيلر :) ؟؟؟
عيل في نوع ثاني ماعرفه حط صورته يا سكر
شوقر ليش ماتحطلي كل نوع بصورته حق ما لخبط :) هههههههههه طرار و يتشرط

كاجو

01-04-2009, 11:24 AM

يعذروني الاخوان لو تلقفت وجاوبت:

يلو ناب افضل المزونيات وهو طائر اخضر فيه بقعه صفراء اللون في وسط الراس من الخلف

يليه دبل يلو هد وهوطائر اخضر وراسه تقريبا بالكامل اصفر

يليه بلافضلية بلو فرنتد وهو يحتوي على اللون الازرق في مقدمة الراس ثم الاصفر

يليه يلو فرنتد او يلو كراون وهو يحتوي على اللون الاصفر فقط في مقدمة الراس

يليه اورنج وينج وهوله قليل من الازرق المخضر على اصفر وهو قريب من بلو فرنتد ويصعب التفريق بينهم

وهناك انواع اخرى من الامزونيات ..

اتمنى من الاخ سكر وبقية خبراء الامزون التصحيح لي في حالة اخطأت .....

تحياتي للجميع..

سكر

01-04-2009, 05:59 PM

ههههههه معليش والله انا مو معصب ولا شي

بس كنت مستعجل وكتبت الكلام بسرعه.

كاجو ما قصرت ياقمر

لوتيه كل مافي الموضوع ان الاخ برنس عنده بيعه يـلو فرونت كروان وأرونج وينجد.

اليلو كروان (بالياء وليس الباء) نوع آخر غير اللي فهموه الأعضاء

الأعضاء وانتي منهم فكرتم انه يقصج البلو فرونت, (بالباء), وهو يقصد اليلو فرونت كروان.

والمشكلة ان حتى برنس الخبر ما فهم ردودكم وسببتله لخبطه, وكنا بنوديه في داهيه ههههههه.

عشان كذا وضحت السالفة للشباب وتمنيت اننا كلنا ما نجيب سيرة البلو فرونت عشان ماحد يلخبط.

تحياتي

Q8 Sailer

04-04-2009, 04:54 AM

هههههههههههههه

من بعد اليوم بلبس نظاره طبيه ..

لوتيه ياايب لج نظاره طبيه هديه لج .. اخذيها :)) ..

شكرا اخ سكر على التوضيح .. ونأسف على اللخبطه :))