تسجيل الدخول

مشاهدة النسخة كاملة : لحقو علي كاسكوي بيمووت ...

Noo
30-03-2009, 10:36 PM
السلام عليكم ...

عندي الكاسكو مريض من امس يرجع وفيه اسهال ... وديته البيطري وعطاة أبرة وحبوب اخلطهم مع السيريلاك ... مضاد حيوي و شي يوقف الاسهال ..

لاكن ماشي فايدة يرجع كل شي ... ومويم ونافش ريشة وما يبا يلعب ...

والبيطري قال لي اذا ما وقف عنه لين بكرة ... خلاص مافي أمل يعيش وممكن يموت خلال كمن يوم ...
وكاسكوي عمرة 4 او 5 شهور ... وفحصته قبل ما اشترية وكان كل شي اوكية ...

والله خايفة عليه ... الله يخليكم أدعولة ...

واذا اتعرفون شي ممكن اعطية او اسويلة ؟؟؟
Q8 Sailer
30-03-2009, 10:47 PM
وعليكم السلام ..

هلا اختي ...

حاولي انج تشربيه ماي غصب بالابره أو أي شيء .. وحتى الاكل ...

ولاتخلينه بمكان بارد ...

هذا اللي اعرفه واقدر افيدج فيه .. والاعمار بايد الله سبحانه ..

وان شاءالله باجي الاخوان يساعدوونج احسن مني ...
vipaltear
30-03-2009, 10:54 PM
طبعا انا مو خبير بس صار عندي كاسيكو في هذا العمر تقريبا وجاه اسهال ووديناه البيطري وعطاه مضاد وبروتينات
اكلناه سريلك غصب وشربناه ماي غصب بس ماكو فايده ضل كل خامل ومايتحرك ولا ياكل وبعد يومين مات

طبعا انا ما اقول ان الكاسيكو راح يموت لاسمح الله بس هاي مشكلة ممكن الاغلبية واجهته
الا اذا في احد عنده خبره طويله ممكن يوصف لك دواء ممتاز وخليه تمام

اتمنى من الله اخليه لج وطول بعمره ويتشافى بسرعه
والمعذرة على كل حال
سكر
31-03-2009, 03:35 AM
انتي في أي مدينة يا أختي؟؟

ما أبغى أخوفك بس توقعي أسوأ الإحتمالات.

حاولي تعطيه عسل وحبة سوداء مطحونة واخلطيها مع أي شي حتى لو ماء فقط.

أو مع خبز بر أو شابورة بر, وأعطيه بأسرع وقت ممكن.

ربي يشفيه ويعافيه يا اختي

إذا كنتي من المنطقة الشرقية اقرأي الموضوع هذا

http://www.2zoo.com/vb/showthread.php?t=95687

تحياتي
Noo
31-03-2009, 05:42 AM
مشكورين اخواني على الدعاء ... وهو الحمدلله ياكل لاكنه يستفرغ كل شي ...

واخوي سكر انا من الامارات ... وان شاء الله بحاول اليوم اعطية الخلطة ...
احمد 55
31-03-2009, 08:05 AM
فيه شراب اطفال اسمه فلاجيل عطيه 4مل قبل الاكل لمدة 5 ايام
وراح تدعين لي واتمنى بسرعه
Noo
31-03-2009, 01:45 PM
فيه شراب اطفال اسمه فلاجيل عطيه 4مل قبل الاكل لمدة 5 ايام
وراح تدعين لي واتمنى بسرعه
مشكور اخوي ...
وكم مرة اعطية في اليوم ؟؟؟
alzaheef
31-03-2009, 09:01 PM
ويش هل ببغاء إلي في الصوره
Noo
31-03-2009, 10:23 PM
وديت كاسكوي اليوم للبيطري وعطاة ابرة فيتامينات ... وبعدين رحت للمحل الي اشتريت الكاسكو منه وقلت لة ان الكاسكو مريض وعطوة ابرة ... قال لي "لاماماه بعدين في مووت مافي أعطي أبرة" ... قلت لة اشوة قال لي البيطري وقال لي روحي لواحد ثاني قريب منه ...
ووديته ... ولما شافتة البيطرية قالت انه حالته خطيرة والامل ضعيف انه يعيش وهي ما تقدر اتسوي لي شي ألحين ولازم أروح الها باجر وبتعطية أبرة ثانية والي فهمته من كلامها انها بتكون مضاد حيوي ... وان الطير لازم ما ينظرب أبرة وهو بهاي الحالة لانه ممكن يموت <<< لان عضلات الجسم تكون مشدودة والابرة وايد تعور فـ من الالم ممكن يتوقف قلب الطير ..
وقالت لي ان الطير فيه كمن مرض منها السلمونيلا وفطريات في البراز مع بكتريا ودم في البراز ...
احمد 55
01-04-2009, 02:17 AM
مره وحده يوميا
وبسرعه وراح تدعي لي بس بسرعه
لوتيه
01-04-2009, 03:44 AM
نوو اي بيطري وديتيه البريطاني ؟؟؟
ومن عند اي محل خذتيه ؟؟
سوري على كثرة اسئلتي ؟؟
Noo
02-04-2009, 02:41 PM
وديت طيري البيطري الثاني ولما شافة البيطري تم يصارخ علي وما رضا يعالج الطير الا لما اترجيته ... والله كنت اشوي وبصيح جدامه ... قال مافي امل لان الدوا الي عطاة اياة البيطري الثاني غلط وطلع مضاد ومضاد ... مب شي يوقف الاسهال ومضاد مثل ما قال لي ... وعطاة أبرة فيتامين ونوعين بودرة مضاد حيوي + فيتامين ...

وقالت لي البيطرية الي وياة ان الكبد متوقف عندة ومستحيل يعيش حتى لو عالجته ... لانه برازة لونه بني هالكمن يوم وهذا دليل على وجود دم في البراز ...