تسجيل الدخول

مشاهدة النسخة كاملة : الفيتامينات والكاسيكو

vipaltear
30-03-2009, 11:21 PM
السلام عليكم ورحمة الله وبركاته

من اول ماشرينا الكاسيكو شرينا فيتامينات نخليه في الماي
ويصبح لون الماء وردي

هل هذه الفيتامينات تفيد الكاسيكو ؟؟
وهل نخلي الفيتامينات دائما؟؟

تحياتي للجميع
Q8 Sailer
30-03-2009, 11:43 PM
وعليكم السلام ..

هلا اخوي ...

بالعكس الفيتامينات وايد زينه للكاسكو وحتى لو صار الماي وردي عادي هذا اللون اهو يعتبر لون الفيتامين ..
واهيا تفيده وتقويه وتقوي ريشه وتحميه من الامراض ...

وعطه اكثر من نوع من الاكل مثلا حب شمسي وفواكه وخضروات ..

وفي حبوب فيتامينات اخذها له وايد زينه ...

:) واسف على الاطاله ياخوي ..
vipaltear
30-03-2009, 11:51 PM
اخي العزيز Q8 Sailer شكرا على الرد والله يعطيك الف عافيه
بس عزيزي هل احط له الفيتامينات دائما اقصد الفيتامين مع الماء
او لابد ان نعطيه الفيتامينات في ثلاة ايام من الاسبوع

اكرر شكري عزيزي على لاجابة
Q8 Sailer
30-03-2009, 11:58 PM
حسب علمي ان تحطه مع الماء وتغير الماي كل 5 ايام أو اقل ان شفت الماي توصخ أو غير نظيف :) .. بالعكس الفيتامينات زينه بس اهم شي تحط الكميه اللي قال لك عنها البيطري .. اقصد انك ماتزيد بالكميه داخل الماي .. :) عرفت .. واستمر عليه علشان تحمي طيرك من الامراض وتكسير بالريش :) ...

انا عندي حبوب فيتامينات يوميا اعطي الطير 5 حبات .. وصدقني هذي اشياء مفيده له ولا تحاتي واستمر عليها .. بس اهم شي ما تزيد بالكميه يعني في مثلا يقول (كل شي يزيد عن حده ينقلب ضده) ...

واسف على الاطاله ...
وعـــد الهـــوى
31-03-2009, 12:10 AM
3 مرات في الشهر تقريبا
vipaltear
31-03-2009, 12:10 AM
جاني فضول عن الحبوب الي تعطيها لطيرك ممكن تعطيني اسم الفيتامينات
ومن وين احصلها في البحرين ان امكن

وشكرا جزيلا عزيزي والمعذرة تعبناك معانا
Q8 Sailer
31-03-2009, 12:19 AM
انا بالكويت ياخوي الغالي .. بس بعطيك اسمها ..
<<< راح يجيب العلبه :> خخخخخخخخ

KIKI NUTRI-PSITTA
هذا اسمها .. ورخيص مو غالي وايد :) ...

واسئل الاخت عاشقة الطيور ممكن تقدر تفيدك اكثر :) بالاماكن لأن اعتقد ان اهيا من البحرين :)