نداء إلى الأخ سكر وخبراء الكاسكو [الأرشيف]

مشاهدة النسخة كاملة : نداء إلى الأخ سكر وخبراء الكاسكو

الخبر مان

31-03-2009, 12:15 AM

أنا شريت كاسكو من قبل إسبوع وهو أليف بس مايطلع على اليد للحين

حبيت أغيرله القفص لكنه خاف وقام يجعر مع العلم إنه اول مرة يجعر من يوم شريته من إسبوع

كيف أقدر أخليه يتعود على القفص الجديد من غير ما أخوفه ؟!

جزاكم الله خير

Q8 Sailer

31-03-2009, 12:24 AM

هلا اخوي اول شي لازم يكون حجم القفص مناسب .. يعني مو كبير ولا صغير ... وما يكون ملون أو فيه اشياء تتحرك يخاف منها ...

وعطه مهله كم يوم بروحه يتعود على القفص .. بس لا يكون القفص صغير عليه .. ولا تغير مكان القفص خله نفس مكان القفص القديم افضل .. :)

وان شاءالله باجي الاعضاء يفيدونك اكثر مني :) ...

والسلام عليكم ورحمة الله وبركاته :)

الخبر مان

31-03-2009, 12:31 AM

يعطيك العافية أخوي أنا خليت القفص الجديد قدام القفص القديم مو راضي ينزل من القفص حقه

الحين صارله يومين حتى مو راضي يقعد فوق القفص مثل ماهو متعود :(

جزاك الله خير أخوي وبنتظر بشوف وش آخرتها معاه

القفص الجديد لونه أبيض مع ستاند ومابداخله شي بس إنه أكبر من القفص القديم

Q8 Sailer

31-03-2009, 12:35 AM

مبين من كلامك ان متعود على قفصه القديم ... ممكن تحاول اتدخله بالقوه وتخليه لين يتعود :))

أو حط الاكل بالقفص الجديد وشيله من القديم وخله بروحه يروح لهناك وياكل منه وبيحس ان شاءالله بالامان وما بيخاف منه ..

اخوي الخبر في اساليب وطرق كثيره للتعامل مع الكاسكو ...

وكل شخص له طريقته واسلوبه بالتعامل مع الكاسكو :)) حتى انت بنفسك تقدر تبتكر اسلوب أو طريقه جديده للتعامل مع الكاسكو ..

وهناك مثل تذكره دائما (انت اللي تفرز شخصيتك على الطير ومو اهو اللي يفرز شخصيته عليك)

واسف على الاطاله يا اخي العزيز :))

الخبر مان

31-03-2009, 12:41 AM

الله يسلمك حبيبي لا طولت ولا شي يالغالي خلنا نستفيد من خبرتك هذا أول ببغاء أشتريه وماعندي

خبرة أبد بس قاعد أتصفح في المنتدى ماشاء الله ماهم مقصرين الشباب

أبجرب مثل ماقلت أجوعه وأحط الأكل بالقفص الجديد وإن شاء الله تضبط معاي

جزاك الله خير أخوي ..

سكر

31-03-2009, 12:43 AM

الخبر مان خوفتني وجيت أجري من العنوان

قلت يمكن فزت بسيارة جائزة لا سمح الله :D

أخوي ان شاء الله الموضوع سهل بس انت هدي نفسك.

اللي اعرفه ان ببغائك جناحه مقصوص.

قرب القفص الجديد من القفص القديم, بس خليه خلفه (وراء القفص القديم) وافتح باب القفص عشان يطلع فوقه بشكل طبيعي.

الببغاء بيطلع فوق القفص الجديد, خصوصاً إذا كان اعلى منه اذا كان اعلى منه.

وقت ما يطلع اسحب القفص القديم وطلعه من الغرفة.

بس خلي باب القفص الجديد مفتوح, وحط له فيه أكل وموية.

وبيرجع لوحده مع الوقت.

واذا ما نفعت الطريقة رد علينا والأعضاء ما بيقصرون ان شاء الله

وأشكرك على ثقتك فيني وتقبل تحياتي يا غالي.

.