تسجيل الدخول

مشاهدة النسخة كاملة : ارجو الافاده

عشووووقه
31-03-2009, 06:44 PM
السلام عليكم ورحمة الله وبركاته

اشلونكم وشخباركم

لو سمحتوا عندي جم سؤال وياليت اتفيدوني

الاول : ابي اعرف القطط الهملايا من اي عمر تبدي تتزاوج ؟؟

الثاني : عندي قطوتي كاندي نوعها هملايا حجمها صغير حيل واصغر بوايد من اخوها مع انهم نفس العمر ممكن اعرف السبب ؟؟

الثالث : ممكن ازوج همالايا حق مون فيس وشنو بيكون انتاجهم ؟؟

ومشكورين مقدما

وهذي صور قطاوتي لما كبروا

ما شاء الله

تومي
http://www.pusup.com/up/get-3-2009-zwl9mwlh.jpg (http://www.pusup.com/up)

كاندي
http://www.pusup.com/up/get-3-2009-dwevjjbc.jpg (http://www.pusup.com/up)

جودي
http://www.pusup.com/up/get-3-2009-eyoa7ugj.jpg (http://www.pusup.com/up)
رعوود
31-03-2009, 06:55 PM
اختي عشووووقه

بالنسبة لعمر الانتاج بختلف من قط لقط ومن قطة لقطة

وغالبا الحاكم بهالموضوع المستوى الخاص بالقط واصالته

بالنسبة لقططك بالصور ممكن من 7 شهور الى سنة بالكثير المفروض بلغو وطلبو التزاوج خصوصا الاناث

اما حجم كاندي فطبيعي لان اخوها ذكر واهي انثى

ودائما الذكور اكبر حجم من الاناث

اعرف وحده عندها قطو اكبر من امه نفسها الي ولدته

الام صايره نصف حجم ولدها

السؤال الثالث اي نعم ممكن

بالنسبة للفيس على حسب مستوى الذكر والانثى بيكون بينهم وممكن يشابهم

والالوان غالبا تطلع من درجات الرمادي او مثل الهملايا لكن على اغمق بالنسبة للجسم

وهالانتاج يسمى [ سيبيري ] ويهتبر احد انواع الشيرازي الفرعيه

وطبعا يختلف عن سيبيري الغابات فهذاك نوع ثاني خالص

وبالتوفيق
عشووووقه
31-03-2009, 07:08 PM
مشكور اخوي رعوود على ردودك واهتمامك
تومي وكاندي عمرهم 6 شهور يعني بعد شهر
يتزاوجون ان شاء الله ؟
وعلى فكره قاعده الاحظ انه تومي صار له جم يوم يحن
عاد ماني عارفه اذا يبي يتزاوج والا بس جذي ؟؟
وانا فكرت اني ازاوج تومي مع جودي بس اهي اكبر منه بوايد عادي والا ممكن انهم ياذون بعض ؟
رعوود
31-03-2009, 07:25 PM
اختي عشووووقه

اي عادي دام الاثنين بالغين ويقدرون يتزاوجون ما هم العمر

وبالعكس افضل

لان لو الذكر اكبر من الانثى ممكن يأذيها

بالنسبة لتومي وكاندي

ممكن يبتدون يطلبون التزاوج قريب

لكن انهم ينتجون مو اكيد لانهم لسا بالغين

وكمان تومي بيكون لسا بادي التزاوج فمو قادر يلقح عدل

بسبب عدم خبرته

وشكرا
عشووووقه
31-03-2009, 07:42 PM
مشكور اخوي رعوود على اهتمامك
ومنكم نستفيد :)
آنـــــو
31-03-2009, 08:35 PM
ماشاءالله عجبني مستواهم

الله يحفظهم لك ..

ماقصر معك رعود ..

لكن بضيف أن الأناث يبلغون قبل الذكور عاده

والذكر لو بلغ بعد أخته يعني طلعت من الروايح الزكيه اللي تطلع من الذكور

بيتأخر على مايلقح ..

لأن كان عندي قطط أخوان ،، الأنثى بلغت بعمر 9 شهور .. وأخوها بعدها

لكن مالقح الا بعمر سنه ونص

وبالنهايه توقيت بلوغهم وتزاوجهم يعتمد على أصالتهم ونوعهم


وبالتووفيق
عشووووقه
31-03-2009, 10:18 PM
مشكوره آنو على ردك
بس انا لاحظت ان الذكر انه قام يحن بهالفتره
وما اعتقد ان اخته كاندي راح تبلغ قبله وبعدين اهي
حجمها وايد صغير ولا كانه عمرها 6 شهور بس ما شاء الله
تومي امبين كانه اهو اللي اكبر منها بوايد وراح يطلع راعيها :)
sisi_moon
31-03-2009, 10:41 PM
ماقصر معج رعود

بس بعلق بخصوص السؤال الاخير من ناحيه الانتاج

ممكن ينتجون الوان عاديه مو منقطه زي الهيمالايا ..و ممكن ينتجون الوان هيمالايا .. وممكن ينتجون الاثنين

موني بحملها الاول مع زوجها الهيمالايا .. انتجت الأثنين

بس بحملها الثاني ومع نفس الذكر انتجت الوان مو منقطه وكلهم نفس اللون بس كل واحد توزيعه غير ^^

يعني اتكلي على الله وزاوجيهم اكيد الانتاج بيطلع يهبل ^^

خصوصا ان الاثنين قموورين ^^
رعوود
01-04-2009, 03:46 AM
اختي عشووووقه

الحجم ماله دخل بموضوع البلوغ

قطتي الاخيره الي راحت

ناسي شافوها وعمرها سنة

وقالولي هذي بالكثير خمس شهور

كانت صغيره وقزمة

وبالتوفيق
عشووووقه
02-04-2009, 12:31 AM
ثانكيو sisi & رعود على ردودكم وما قصرتوا
بصراحه اقتنعت وايد بكلامكم لاني كنت متضايقه
حيل من شكل كاندي انه حجمها صغير وقاعده
افكر اشلون راح تحمل بعدين والله كريم
وانا بتوكل على الله وبزاوج جودي وتومي وبشوف انتاجهم
باذن الله
مشكورين