استفسار عن نقل حيوان من بلاد الى اخرى ؟؟؟

[7mamah]

السلام عليكم ورحمة الله وبركاته



عندي استفسارات واتمنى تفيدوني

اناا بسافر لأحد البلدان .. واريد اشتري حيوان منها ..

أريد اعرف هل احضار حيوان من بلاد اخرى مكلف ؟؟

وكيف يتم نقله بأسهل طريقه ؟؟

وهل يحتاج إلى جواز سفر ؟؟ وكيف اسوي له جواز يعني في اي مكان ؟؟ وكم تكون تكلفة الجواز ؟؟ وهل يحتاج الى تذكره ؟؟ وكم تكلفتها ؟؟

واذا كنت بنقله عن طريق شركه توصيل هل يحتاج الى جواز سفر ؟؟ وكم بيكلفني نقله عن طريق الشركه ؟؟


أفيدووووني الله يخليكم

أي شي تعرفوونه ممكن يساعدني خبروني عنه


وشكرا :)

[! هاويه الطيور !]

عليكم السلام

اعتقد لازم هناك نوع من التصريح لنقل الحيوانات

والله اعلم ماعندي خبره للامور هذي

[7mamah]

تسلميين اختي ع الرد الطيب ^_^

ان شااء الله احد يفيدني

[Octopus]

أريد اعرف هل احضار حيوان من بلاد اخرى مكلف ؟؟
نعم
وكيف يتم نقله بأسهل طريقه ؟؟
عن الطريق الشحن
وهل يحتاج إلى جواز سفر ؟؟ وكيف اسوي له جواز يعني في اي مكان ؟؟ وكم تكون تكلفة الجواز ؟؟ وهل يحتاج الى تذكره ؟؟ وكم تكلفتها ؟؟
نعم من مكان البيطري حيث يعطوك تصريح لتاكد من سلامة الحيوان وخلوه من الامراض

[7mamah]

تسلم اخوي

عن طريق الشحن يعني عند المطار ولازم يكون عندي تصريح من عند بيطري بس ؟؟

وهل لازم اطلب شحنه قبل سفري بمده معينه او على طول واناا مسافره اطلب نقله ؟؟

والشحن يكون في نفس الطائره اللي برجع فيها ؟؟

او شحن بمواصلات اخرى ؟؟

[الماسه السوداء]

انا ايضا ابي اجابه للاسئله

[sama-vip]

والله حتى انا ودي انقل ثعبان ( كورن سنيك ) صغير

من جده إلى الدمام ... كيف ؟؟

[7mamah]

ياارييت حد يساعدناا :(

[7mamah]

معقوله محد يعرف :(

[BAHLOOOL]

السلام عليكم
اول شي لازم تحدد علشان الناس يعرفون يجاوبون
ولو ان حتى لو حددت ماكو فايده محد بيجاوب
اول شي
لازم اعرف انت من اي دوله
ومن اي دوله تبي تشتري الحيوان
هذا اهم شي
وبعدين لازم اعرف شنو نوع الحيوان الي تبي تشتريه
اذا مو حاب تذكر هالامور للخصوصيه ارسل لي عالخاص او الايميل
بس عموما علشان افيدك وافيد الناس الي شافت الموضوع وودها تعرف
الدول الخليجيه والعربيه اغلبيتها ما تستورد حيوانات ايا كانت من دول آسيا مثل تايلند وماليزيا واندونيسيا
وما تستورد الا من اوربا وامريكا وافريقيا
وايضا مو كل الحيوانات
يعني الطيور والقطط والكلاب فقط مسموح فيها وطريقتهم بسيطه فقط الجواز من البيطري وتدخله اي دوله بدون أذن لان كل الدول مسموح فيها
وبعض انواع الثديات الداجنه والقوارض
لكن الانواع الاخرى ممنوع وطريقتهم صعبه
مثل القرده والنمور والاسود والسناجب النادره والزواحف والحشرات والبرمائيات

اذا كنت من دوله تسمح بإستيراد هذا الحيوان
وهالشي تعرفه فقط من هيئة الثروه الحيوانيه في بلدك
او تسمى بعض الاحيان هيئة الزراعه والثروه السمكيه
تسألهم اذا يسمحون بالإستيراد من هالبلد هذا اولا
ثانيا اذا يوافقون راح يعطونك شنو المسموح استيراده
او يسألونك شنو تبي تستورد
وراح يقولوك ممنوع ولا مسموح
خلصنا من الاهم
الحين المهم
تاخذ الأذن منهم
اذن خطي مو شفوي
وتسافر الدوله الي تبي الحيوان منها
تشتري الحيوان من هناك
وبعدين تاخذ الحيوان للبيطري يفحصه(فحص دم او كشف نظري)حسب سمعة الحيوان
ويعطيك ورقه ان مافيه امراض وانه سليم
بعدها تاخذ الورقه وعلى حسب الدوله انت اسأل البيطري
يطلع الجواز حق الحيوان من البيطري نفسه ولا من هيئة الثروه الحيوانيه تبع الدوله؟لان كل دوله لها نظام
وبعدها تاخذ الجواز والحيوان
وتروح المطار
اولا كل الحيوانات تشحن جوا بكل الدول
وهالشي نهائي
لا يشحن بالبر الا في ظروف خاصه اذكرها لك بعد شويه
تروح المطار وقت سفرك المحدد ومعاك الحيوان والجواز
يفضل تتأكد من المطار قبل موعد السفر لتفادي اي مشاكل تعطل السفر
يعني تاخذه وتتأكد ان كل شي سليم وراح يسافر معاك الحيوان
وقت السفر اذا كل شي سليم
اول شي الحيوان يشحنونه معاك بنفس الرحله
واذا كان الطيران الي انت فيه ما يسمح بنقل الحيوانات يشحنونه بطيران ثاني وراك
يعني انت توصل وبعد كم ساعه يوصل حيوانك
بالمطار يحددولك رسوم شحن الحيوانات
واهي مو غاليه ولا بطيخ
يعني مرات ربع سعر الحيوان تكون+ الوزن (اذا كان الحيوان ثقيل فقط)
وبعدها يختمون جوازك وتسافر بالسلامه(الحيوانات مالها تذاكر) رسوم ووزن فقط
والحيوان يوصل بلدك
لما تستلمه
لازم تكون معاك الاذن الخطي تبع دولتك الي خذيته اول شي
تعطيه الجمارك
وتعطيهم الجواز
ويتأكدون من المعلومات ونوع الحيوان
وبعدها توقع وتستلمه
وكل شي تمام
وبس
بالنسبه للبر
مرات مثل دولة الكويت ما تسمح استيراد انواع معينه من الحويانات
لكن الدول المجاوره تسمح
مثل السعوديه والبحرين والامارات
شنو يسوي صاحب الحيوان؟
يوصل الحيوان للسعوديه مثلا
ومن هناك يروح بالسياره للكويت ويدخل الحيوان بالحدود (بالواسطه) :)
او يدفع لهم مبلغ حلو (رشوه) او اذا كانو الحرس ما يتوسطون لأحد
راح يضطر يهربه
مع كمية طيور أو قطط أو كلاب بحيث انه ما يبين بينهم
وبس
للاسف هذا الي يحصل مرات
بس هاذي الصراحه ومحد يزعل منها
بعدها يوصل الحيوان للبيت.
وآسف على القصور واذا في أي غلط بالكلام ياريت يصححونه القراء
وهذا الكلام من معارف لي مرو بكل هالآلام بسبب قوانين الدول ضد هواة الحيوانات.
مع السلامه

[7mamah]

مشكووووووووور اخوووي افدتني وااااااااايد

وهذي هي كل المعلوومااات اللي كنت اريييدهاااا

جزاااك الله خيييييييير :)


شكرا على الافاااده :)

[BAHLOOOL]

العفو هذا اقل من الواجب وأتمنى الكلام الي قلته مافيه أغلاط ويكون كله سليم

سلام

[r3odi]

مشكوووور اخوي

كلامك رائع فعلا افدتني



جزاااك الله خير

[love_dog]

الاخ octopus
ما قصر معك

[no comment]

سلام

بغيت أسأل لو شريت قط من السعودية وحبيت اخذه للبحرين عن طريق الجسر شنو اهي الاجراءات اللي لازم اسويها؟؟