هل تنصحوني اشتري ببغاء افريقي

[المنصوري77]

السلام عليكم ورحمة الله وبركاتة


شحالكم شباب المنتدى...عساااكمم بخيرر

طبعا بعد موت فرخ الدرة الي عندي فكرة اني اشتري ببغاء افريقي بس حبيت انكم اتساعدووني الان معضمكم عنده خبرة في الببغاوات ابى اسالكم كم سؤال واتمنى انكم اتجاوبون علي ^^


1.يفضل اني اشتري ببغاء كم عمرة الان كان عندي فرخ درة ومات واضن الفروخ بسرعة اتموت

2.متى الببغاء يوقف اكل سيريلاك يوم كم يكون عمره

3.بحدود كم سعر الكاسكو من عمر 3 شهور الي 8

4.شوو يعني محجل و مصيود واايد اسمع عنه بس ماااعرف شو؟؟

5.هل ببغاء عمرة 3 شهور ياكل سيريلاك بعده وهل 1800 وايد علية

[المسافر العربي]

نصيحة خذ افريقي

خذ صغير بس يأكل لانة الاطعام باليد يحتاج خبر وسالفة المصيود في الببغاء كبير السن بس . هو المصيود والفراخ تكون انتاج محلى بس شرط يكون فيه حجل واحسن شيء الجامبو يكبر وشكله يحلو

[سكر]

منصوري الله يعوضك في الفرخ اللي مات

وشايف انك أخذت موقف من فروخ الدرة وتفكر انها تموت بسرعة.

وأحب أقولك إن نسبة الموت في الكاسيكو أكثر بكثير من نسبة الموت في الدرة

وبالعكس في نظري إن الدرة أقل الأنواع موتاً,

وأنصحك تشتري فرخ درة آخر مثل اللي كان عندك أو أكبر شوي

ولا تآخذ موقف لأن اللي صار معاك شيء نادراً ما يحدث.

تقبل تحياتي

[جداااوي]

هلا والله اخوي
كيفك بشرني عنك
المهم انا انصحك انو تاخذ افريقي جامبو من 6 شهور الى 9 شهور
لانو بيكون يعتمد على نفسو في الاكل
اما اسعرها رح تكون من 1000 الى 1500
اما اللي قالك 1800 هادا مره نصاب
انا اليوم اخذت واحد عمره 11 شهر بصحه جيده الحمد لله
وسعره مره رخيص >>>>>>>يعني تقدر تقول صدفه

[لوتيه]

جداوي في اختلاف فالاسعار عندكم و عندنا انتو كل شي عندكم رخيص :)
لاكن نحن كل شي يدبلونه لا تقوله غالي الانه اسعاركم غييييييييييييير عنا بوايد انا حايطه السوق كله و اعرف اسعارنا عدل :)


المنصوري الحجل لي يتكلمون عنه حلقه فالريل مال الكاسكو يوم بتروح محل الطيور بتلاقي شي من الطيور في حديده على ريولهم الريل ريل وحده مكتوب عليها الكيلو و السنه هذااا احسن شي يعني تاخذ وحده فيها حجل على قولتهم يعني حيل :) افضل من لي بدونه و لي بدونه تكون ارخص الانها مصيوده لاكن لي فيها يعني انتاج محلي والله اعلم ...

بعدين متى مات الطير ماعندي خبر :( الله يرحمه و يعوضك بالي اخير عنه ان شاء الله

[الخبراء]

أنصــحـك يأخوي تآخذ واحد بعمر 11 شهر ويكون اليف ويرقى عاليد

88 هذ1 انا ابيعه من 1400 - 1600


لاكن بالسوق تقدر تلقاه بـ 1800 على ماعتقد ( بالرياض )

تصحيح معلومه


سعره با 700 الى 1200 على حسب الالفه >>> من مبطي ما سالت عن سعره با لا السوق بس هذا الي اتوقعه

ما يتكلم

[Noo]

انصحك لا تاخذ هالكمن يوم من سوق طيور ... بسبب تغير الجو في فايروس منتشر ويجتل الكاسكوات ...
وانصحك تاخذ فرخ درة نيبالي احسن لك ... بس خذة اكبر بشوي من الي خذته قبل ...

[Noo]

اانته من اي سوق تاخذ طيورك ؟؟

[Noo]

سعر الكاسكو الجانبو عندنا في سوق الشارجه للطيور ما بين 1500 درهم الى 2200 درهم ... والعمر مابين 4 و5 شهور ...

[Noo]

وسعر الدرة ... ما بين 50 درهم الى 350 ...

[المنصوري77]

مشكوووووووووووووورين كللللللللكم على النصايح عيل خلاص انا باخذ افريقي عمره من 7 الي 9 شهوور

[المنصوري77]

اانته من اي سوق تاخذ طيورك ؟؟



انا اخذ الطيور من العين بس مافي واايد طيور بس بسير سوق الشارجة للطيور وبشتري الكاسكو

[Noo]

انا اخذ الطيور من العين بس مافي واايد طيور بس بسير سوق الشارجة للطيور وبشتري الكاسكو

نصيحه اتريا اشوي ولا تشتري من السوق هالكمن يوم ... كلهن مرضانات ... انا شارية من اسبوعين طير من عندهم وهكو طايح في جبدي مريض ...

واذا بتاخذ لك طير ودة البيطري قبل ما تدفع فلوسة ... ودة بيطري اسمه الجوارح ... مب يقصون عليك ويودونك النوادر ترا والله بتندم ... وشوف اشوة بيقول لك عن صحة الطير ... وخلة يعطيك مضاد حيوي وفيتامينات ...

وليش ما تاخذ طيور مزارع ؟؟ ... صحتهم احسن ...

[المنصوري77]

من وين بحصل طيور مزارع

[Noo]

من وين بحصل طيور مزارع

سمعت عن مزرعه في الخوانيج << من أهل اربيعتي وناوية آخذ من عندة ...
وفي مزارع في الزبير (الشارجه) ...

[الخبراء]

تبيعه بـ 700 انا اشتري منك 20 وآحد ونفس السعر وبدون جمله ..~

رآسلني بالخاص

اسعار الاليف الي فوق سنتين فوق 2000 لاقيها بالسوق
هه وينك فيه ؟

اول شي ما قلت انه عندي لو تلاحض انا وش كاتب كاتب من مبطي ما سالت عن سعره مهب معناته ما اعرف السوق و اذا بغيت اشوفلك ابو عين بيضاء يعني تفريبن ها السنه ادورلك و طبعن ما به شي با بلاش و مثل مانت تبي تترزق الله انا بعد ابي اترزق الله مثلك و اذا صرت صامل قلي :cool:

[لوتيه]

نووو اذكر مره اتصلت على واحد عنده مزرعه و يبيع الفرخ على 5,500
و الحمد الله اني ماخذته الاني بهذا السعر خذت 3 :) كل تأخيره فيها خيره
بس انا لي كنت داقتله مزرعته في دبي و قعد يمدح انتاجه بس ماسرتله
اخرتها خذته من بوظبي :) و الحمد الله
الله يخليهن حقي و يباركلي فيهن ...

[لوتيه]

صح المنصوري اليوم رحت محل الطيور في بوظبي اول محل ماعرف اسمه عنده فرخ كاسكو عمره 4 مادري 5 لعبة معاه و سرت عنه :)
يباه على 1700

[المنصوري77]

صح المنصوري اليوم رحت محل الطيور في بوظبي اول محل ماعرف اسمه عنده فرخ كاسكو عمره 4 مادري 5 لعبة معاه و سرت عنه :)
يباه على 1700




ماعليج زوووود لووتية بس ممكن اتقولين لي وين المحل في اي منطقة مدينة زاايد ولا ويين ؟؟

[لوتيه]

لا يطولي بعمرك مش مدينة زايد متى فيها محل طيور ؟؟ :)
في الميناء وين يبيعون الزوالي هناك عدالهم محلات الطيور و ين يبيعون الهوش ؟؟ ادله و لا لا ؟؟
عند اول محل لقيت وحده ب 1700 فرخ قالي 4 اشهور عمرها و عنده وحده كبيره ترمس تقول حمدان
و لولوو السلام عليكم و ماعرف شو حتى قالي اخذها بدون فلوس و اجربها اذا مارمست اردها و اذا رمست اعطيه الفلوس و اشلها يباها على 3500 قتله مابا :) عندي انا بس احب احوط عند الطيور :)
بعدين لا تتسرع اصبر الصبر زين نووو تقول عن راعي المزرعه ارقبها لين تاخذ و تحطلنا صورته
يمكن يكون اوك و 1500 بلاااااااااش انته اصبرلك كم يوم مش خسران شي و كل تأخيره فيها خيره
بنخليها تتوسطلنا و يعطونك اياه ب 1500 نفسها :) سوري نووو داشين :D عرض عليج و نتطلب بعد :)

[Noo]

لا يطولي بعمرك مش مدينة زايد متى فيها محل طيور ؟؟ :)
في الميناء وين يبيعون الزوالي هناك عدالهم محلات الطيور و ين يبيعون الهوش ؟؟ ادله و لا لا ؟؟
عند اول محل لقيت وحده ب 1700 فرخ قالي 4 اشهور عمرها و عنده وحده كبيره ترمس تقول حمدان
و لولوو السلام عليكم و ماعرف شو حتى قالي اخذها بدون فلوس و اجربها اذا مارمست اردها و اذا رمست اعطيه الفلوس و اشلها يباها على 3500 قتله مابا :) عندي انا بس احب احوط عند الطيور :)
بعدين لا تتسرع اصبر الصبر زين نووو تقول عن راعي المزرعه ارقبها لين تاخذ و تحطلنا صورته
يمكن يكون اوك و 1500 بلاااااااااش انته اصبرلك كم يوم مش خسران شي و كل تأخيره فيها خيره
بنخليها تتوسطلنا و يعطونك اياه ب 1500 نفسها :) سوري نووو داشين :D عرض عليج و نتطلب بعد :)

لا الغالية ... عادي مافيها شي ...

سارت اربيعتي في الدوام وخذت طير من نفس المزرعه يوم الاثنين وعمرة 6 شهور وياكل ابروحه ... وانا كنت ابا بو 8 شهور والي باقي عندة ألحين قوم بو سيريلاك ... واتريا الدفعه اليديدة بتي بداية الاسبوع الياي ... وان شاء الله من آخذة بنزل صورته ...
وان شاء الله اذا سرت المزرعه بسأل لج عن اليلو ناب ... ادري في خاطرج من متى ... بشوف لج بكم ....