كروانتي انشللت !!! مرفق صور

[sarab99]

السلام عليكم ورحمة الله وبركاته

لاتقف على رجولها من 3 ايام تزحف على القفص فقط !


ماهو الحل ؟

وشكرااا

http://i432.photobucket.com/albums/qq50/maha9/aa/20090402013.jpg

http://i432.photobucket.com/albums/qq50/maha9/aa/20090402012.jpg

http://i432.photobucket.com/albums/qq50/maha9/aa/20090402011.jpg


http://i432.photobucket.com/albums/qq50/maha9/aa/20090402010.jpg

http://i432.photobucket.com/albums/qq50/maha9/aa/20090402016.jpg

[الأسد الملك]

وعليكم السلام ورحمة الله وبركاتهـ

يالغالي شكلها مكسورهـ

ويمكن تجلط بالرجولهـ

انصحكـ توديهـ للبيطري

تحياتي

[h(hisham)h]

غريبة؟؟يمكن نقص كالسيوم...
او رجله مكسورة زي ما قال (الأسدالملك).. اوغيره...
انصحك تعرضوا على بيطري ...
وتهتم بالتغذية....

[sarab99]

كانت قد وضعت بيضتين وراقده عليهم قبل ان تصاب.

لم تصب بكسر لانها لم تخرج من الصندوق .

سمعتها تصرخ وانا نائم والغرفه مظلمه وعندما فتحت الصندوق وجدتها ممده.

هل يمكن ان تكون جلطه ؟ لا قدر الله .

[sama-vip]

والله شكلها يحزن ... :(

انصحك اخوي تروح اقرب بيطري وبسرعه ... حرام يومت وانت السبب فيه موته ( بالتآخير )

وان شاء الله يقوم سالم يارب ... :)

[MR.F]

اعتقد به نقص في التغذية و هو يعاني من ضعف
و استبعد ان تكون رجله مكسورة

عليك باطعامة جيداً و وضعه في مكان دافئ
و عرضة على بيطري في اقرب فرصة

[german shepherd]

هو اذا كان الكروان بايض المفروض تخلي عنده اضائه خفيفه عشان يقدر يشوف يمكن طلع من العش
وما شاف شي وطاح ونكسرة رجله
الله يعينك ووديه البيطري احسن شي

[رامبو خان]

هالحاله مرت علي لكن على بلبول.........
ورحت للطبيب وعطاني نوعين من الحبوب واحد اععطيه الظهر واحد اعطيه بالعصر وهكذا لمده خمس ايام
لكن تميت ثلاثه ايام وطاب البلبول على طول
وهي تجيب مقدار الابره ماي وتخلطه مع حبه وتعطيها الطير طبعا مب كل الماء على قد مايشربه الطير
واحد اسمهmultivitamin eb12 ولونه اصفر وهذا بالليل وهذا معوض عن الاكل اللي ماياكله
والثاني اسمه +chlortteracyclin ولونه ازرق وهذا يكون بالصباح
وهذي صورته
ولك مني بااذن الله يطيب
http://www.up-00.com/wsfiles/bvI20439.jpg (http://www.up-00.com/)

[sarab99]

مشكوور رامبو

سوف ابحث عن العلاج الذي ذكرته

[مجنون عويشق]

السلام عليكم

اخوي رامبو ..

العلاج الي عطاك الدكتور البيطري تقليدي

(( ليس معناه بأنه لاينفع ))

لا بلعكس

أنا اقصد ان علاجك متوفر في كل الصيدليات البيطريه ..وهو متوفر في علبه واحده ممزوج مع الفيتامنيات


ولكن الشلل هذا ..يجب ان نبحث عن اسبابه ...فممكن ان يكون بسبب نقص في البوتاسيوم فنقصه يسبب شلل وضعف في التنفس ...وممكن ان يكون نقص في فيتامين b3

معافى بإن الله

بالتوفيق لك

[رامبو خان]

معليش يامجنون
بس دائما يقولك اسئل مجرب ولاتسئل طبيب واذا متوفر فلله الحمد الرجال ماهو بمتعطل وهو يدوره
واانا ماقلت هالكلام الا عن تجربه ومستفيد منها ولا ماحطيتها
مروا علي طيرين بالحاله شلل ثلاثيه ايام بالكثير الاهم واقفين
وحتى لو قلتلي خلنا نبحث عن اسباب الشلل وين تبحث من زين المستشفيات عندنا ولا من كثرهم ولابتاخذ دمه وبتجلس تحلل فيه وبتسوي تجارب
اذا على كذا الطير مات الطير ولااستفدنا شي
يجرب الدوا اللي عندي وباذن الله راح يشفى والشفى على الله
وانت ياصاحب الطير لازم تعتني باكله وشربه و نظافه مكانه ونظام التهويه وتعرضه للشمس لان كل هذي تؤثر على الطير لان الطير جسمه يحتاج مثل مااجسامنا تحتاج
ومعافى باذن الله

[mlk6]

وديها البيطري فوراً

[sarab99]

وديها البيطري فوراً


ان لله وان اليه راجعون


خلاص مــــــاتت

امس وديتها للبيطري واليوم ماتت

[الفيلسوف]

الله يرحمها ويعوضك خير منها

أرجو عدم اهمال طيورك وسرعة علاجها فهم أمانة في عنقك

[MR.F]

الله يعوضك خير منها

[THE END]

الله يعوضك بخير منها

بس يالغالي ايش الكلام اللي قال لك عليه الدكتور حتى يستفيد الاخوه

هل هو شلل مؤقت او نقص في الفيتامينات ؟؟

والله يعين الجميع

[رامبو خان]

الله يعوضك باحسن منه وماتدري لعل في ذلك خيره ..وعسى ان تكرهو شيئا وهو خير لكم
والطيور ماتنشل الا لسبب اما مضروبه او عيب خلقي او نقص حاد في عنصر ماا
وانا ارجح انه كان ناقص لعنصر ما اما لعدم تعرضه لااشعه الشمس الكافيه واما عدم تعويض الطير بما يحتاجه من الفتيمينات
وياليتك مجرب الدواء اللي عطيتك ..

[قمرية الوادي]

انا لله وانا اليه راجعون

الله يعوووضك

[FSOLY]

عين ماصلت على النبي