ارجوو الرد سريعاً...

[اسيرالمحبه]

السلام عليكم ورحمه الله وبركاته


كيفك يالغالين ؟؟؟

انا عندي كم استفسار ...


الاول : اللي من سكان الرياض ايش ارخص محل سمك بالرياض ...

والثاني : اللي يعرف محل زجاج ومراياء بالرياض ويكون المحل كويس في تزيين احواض السمك ويكون رخيص ....

الثالث : انا عندي هاذا النوع من السمك وله فترة كثير عندي وللحين ما ولد ولا شي هل هو يلد ولا لا وكيف افرق بين الذكر والانثى ؟؟

http://2.bp.blogspot.com/_g91XBTyd9uI/RppwEHqxMHI/AAAAAAAAAzM/btKxLpPpI4g/s400/Gold%2520Fish%2520Red%2520Fantail.jpg


تحياتي للجميع

[انجل مان]

السلام عليكم ورحمه الله وبركاته


كيفك يالغالين ؟؟؟

انا عندي كم استفسار ...

وعليكم السلام ورحمه الله وبركاته ..

بخير اخوي اسير


الاول : اللي من سكان الرياض ايش ارخص محل سمك بالرياض ...

ما فيه ارخص واحلى واجمل من سوق الحمام بالرياض .. ولا تغرك المحلات الباقيه لان اغلبهم نصابين بالعربي .. وضرب بالاسعار .. وانا من اهل الرياض ..واي شي تبيه قولي وادلك عليه

والثاني : اللي يعرف محل زجاج ومراياء بالرياض ويكون المحل كويس في تزيين احواض السمك ويكون رخيص ....

اذا ناوي تفصل حوض فيه احواض وطنيه جاهزة وحلوة ورخيصه .. تقريبا من 200 ريال الى 400 ريال ..

وحلوة جدااااا ..تناسبك ويجي بعضها معاها فلتر وديكور داخلي

الثالث : انا عندي هاذا النوع من السمك وله فترة كثير عندي وللحين ما ولد ولا شي هل هو يلد ولا لا وكيف افرق بين الذكر والانثى ؟؟

http://2.bp.blogspot.com/_g91XBTyd9uI/RppwEHqxMHI/AAAAAAAAAzM/btKxLpPpI4g/s400/Gold%2520Fish%2520Red%2520Fantail.jpg


تحياتي للجميع

طيب هذا النوع اسمه قولد فيش وطبعا هيه سمكه مشكورة جدا .. وتفضل المياه البارده نسبيا لانها اسماك برك . او تفضل العيش في البرك ..

وبالنسبه لك كمبتدئ . صعب تفريخها عليك .. شوي ..

لكن اذا تبي اسماك تولد .. خذ لك مولي او جوبي او سوردتيل او بلاتي .. وكلها اسماك حلوة وتولد . وتقريبا مع الاطعام الجيد ..

تجيب لك كل شهر من 20 الى 50 سمكه ..ومده حملها 22 الى 25 يوم ..

واي سؤال اخر انا حاضر

[اسيرالمحبه]

مشكور اخوي انجل


لاكن هل الاحواض الوطنية كويسه وما تتكسر بسرعه نوعيه الخشب زينه ؟؟؟

لانو انا من سكان شمال الرياض وصعب انو كل يوم انقز لسوق الحمام يكفي طريق الملك فهد وزحمته >>> صدع راسي بس يوم تذكرت زحمته ,, هههههههـ