تسجيل الدخول

مشاهدة النسخة كاملة : @#@# تعليم الكلام بالمسجلة #@#@

أحمدووو
05-04-2009, 03:32 PM
السلام عليكم

كثير من الطيور اللي شفتها تتكلم رواعيها قالوا أنهم علموهم الكلام و الجمل و الآيات بالمسجلة

فإذا الإخوان اللي بالمنتدى خاضوا هالتجربة و شافوا نتيجة يا ريت يفيدونا بطريقة تعليم الطائر بالمسجلة

و شكثر نخلي المسجلة شغالة ؟؟؟ و متى ؟؟؟

و هل الصوت يكون عالي و لا هادي ؟؟؟

عموما ... خبرتكم تفيدنا ان شاء الله يا شباب
the big
05-04-2009, 04:26 PM
اهلا اخوي


الي اعرفه وده مكان نومه في وقت نوم الببغاء وغط القفص وحط المسجل فوقه

وراح يكون كل تركيزه على المسجله

بس انصحك انت تكلمه بنفسك علشان يعرف صوتك

بالتوفيق
Madrid Spirit
05-04-2009, 06:33 PM
انا عملتها

مع 6 كاسكو بقفص واحد

سجلت كلمة كوكو + هالو ووضعتها على الكمبيوتر و خليتها شغاله طول الليل لمده اسبوع تقريبا

و طبعا انباعت الطيور :D

بس اللي خذوهم بعد مده كلهم كلموني قالوا لي الطير يقول كلمة كوكو و كلمة هالو

ما عدا واحد ما تكلم للان

بس 5 تكلموا و انا شخصيا جربتها
أحمدووو
05-04-2009, 10:54 PM
مرزوق جنك داش غلط !!!

عمي احنا نسأل عن تعليم الكلام بالمسجلة @@
أحمدووو
05-04-2009, 11:33 PM
ممتاز ... يعني أفضل وقت ... الليل

انزين الصوت يكون عالي و لا واطي ... ما يخلي الكاسكو يتضايق طول الليل ؟؟؟
ابو سفر
06-04-2009, 01:59 AM
السلام عليكم...

اخوي طريقة المسجل طريقة جيده ...بس الطير اللي يتعلم عن طريق المسجل مايتكلم امام الناس ...


وانا شخصيا عندي طير يتكلم كلمات وجمل طويله ومتعلم عن طريق المسجل...ولاكن لايمكن ان يتكلم امام الناس..

وافضل شي الشخص يعلم الطير بنفسه ...لانك اذا علمت الطير بنفسك راح يرد عليك بنفس الكلام وامامك..
أحمدووو
06-04-2009, 08:32 AM
ممكن كلامك يكون صحيح

لكن المشكلة الطريقة هذي و التعليم المباشر يبيله مجابل و وقت و تفرغ

و طريقة المسجلة وايد أسهل و توفر الوقت و الجهد

لكن مثل ما قلت ... يمكن يقول الكلام و هوا بروحه !!
سماوي الجبه
06-04-2009, 10:47 AM
طريقه حلووه كي تحفظ الطير كلمه معينه وافضل وقت اول ماتصحى من النوم والطير كذلك ووقت النوم مته ماينام الطير، واذا تكلمه مباشر بيكون افضل لان اي وقت انت تدخل البيت راح يكلمك على طول،وشكرا،
بويوسف الميلاني
06-04-2009, 01:25 PM
انا اصوت ضد المسجله.....

لانو كلام اخوي ابو سفر تمام ميه ميه...
أبو ريـــــــــــــان
06-04-2009, 02:14 PM
أخي أفضل وقت هو الصباح وأخر النهار قبل المغرب

في هذه الاوقات يكون الطير مركز أكثر

وتقدر تسجل صوتك على جوال بجمل معينة انت تبيه يتعلمها

وتخليه جنبة شغال مع وضع التكرار وهذي الطريقة انا مجربها

لاكن أرجع وأقول لك كلام أبو سفر صحيح أحتمال كبير يصاب

طيرك بالخجل الزائد ولا يتكلم امامك ولا اما الناس

ومن المعروف أن طائر الكاسيكو من الطيور الخجولة
أحمدووو
06-04-2009, 11:31 PM
ممتاز

آنا سجلت بحدود 7 كلمات

و حاليا قاعدة تتكرر على الكاسكو الفرخ عمره بحدود 7 أو 8 شهور

و ان شاء الله انشوف نتيجة قريبا

:)
qadsiafans
08-04-2009, 12:44 PM
بلغنا بالنتيجة :)
أحمدووو
08-04-2009, 02:20 PM
ان شاء الله

بس أتوقع يبيله فترة

سجلت له بهالطريقة :

( بابا ... بابا ... بابا ... حمود ... حمود ... حمووود ... علاوي ... علاوي ... علاوي ....... إلخ )
mlk6
08-04-2009, 06:52 PM
ممكن تكون نافعة ولكن الافضل التعليم الشخصي
qadsiafans
08-04-2009, 11:32 PM
اعتقد كبداية لازم تعلمه كلمه وحده بس
أحمدووو
09-04-2009, 10:03 AM
كلمة واحدة ؟؟؟

آنا سمعت أنه تسجل له كلام وايد يتكرر و أهوا يلقط منه

بس مادري مدى صحة هذي المعلومة ...

المشكلة بعض الناس يقولون لك المسجلة ... بس ما يعطونك التفاصيل الدقيقة و المهمة



موفقين
المري1
09-04-2009, 01:56 PM
اخوي احمدوووو

ابعطيك حلو بالنسبة لرايي طبعا

اول شي خل الطير يتلقن منك الكلام

وافضل طريقه انك لما تسوي حركة معينة تقول كلمة واحدة ،، مثلا لما تمسح راسه قول اي كلمة تبيه يرددها ، يعني مع الملامسة قول كلمة تبيه يقولها

بعد مايبدا يتكلم قدامك ويتعلم كلمات كثيرة ممكن تنتقبل لتحفيظه جمل طويلة عن طريق المسجل

لكن تذكر خل اول الكلمات ياخذها منك افضل

وخل المسجلة للجمل الطويلة ،، وتكون في المرحلة الثانية
أحمدووو
10-04-2009, 09:19 AM
آنا حاليا مخلي المسجلة تشتغل باليوم بحدود ساعتين

و كل ما أمر عند الكاسكو أقول له ( كاسكو ) و أطقطق له

و أسمع منه خرابيط وايد ... الظاهر قاعد يحاول يتكلم