ابتدت عملية الولاده ................................. !!

[nobody-know-me]

الساعه : pm 6:00 ..

ابتدت عملية الولاده عند شيري ولله الحمد ..

وطلع اول بيبي و قاعده تنظف فيه ..

والحمدلله ماحتاجت اي مساعده مني ..

ادعوووو لها تخلص بالسلامه ..

<< راح اوافيكم بكل جديد خطوه بخطوه ..

[أبيــ قطـوـوهـ ..^^]

يــآآآي

وقسسسم باللهـ إستآنسست ..

مآشـآء اللهـ تبآركـ اللهـ ..

واللهـ إني فرحآآآنهـ .. تستآهــل كل خيييييييييييير ..

والحمدللهـ ع سلآمتهمــ .. وسلآمــة مآمتهم .. :D

وأخيــرآآ وولدت .. إن شاء اللهـ توولد مشمش بأسررع ووقت ..

ونبغى نشووف صوورهم ^^

سلآم ..:D


وانـــآ متآبعهـ لكـ بكل خطوووة .. وإن شاء اللهـ تجيب كيتنزز حلوين وسليمين زيهآ .. ^^ ..

[nobody-know-me]

مرت 40 دقيقه من طلع اول بيبي ..

والحين قاعد يرضع ..

عادي تطول هالمده و ممكن توصل ساعه لين الثاني ؟

[أبيــ قطـوـوهـ ..^^]

بعضهم يوصلوون ليوم كآمــل ..

اصبرر عليــهآ لإن الولآدهـ صعبهـ شووي ويبيلهآ صبرر ..^^

[أم صوفي]

مبروكـ والله

تتم ولادتها بسلام

اييييي عادي صوفي طولت المده جابت 2 بعدين ظلت فتره طووووويله وجابت بعدها 3

إن شاء الله خير وتولد بالسلامه

مبروكـ مقدما

خبرنا شنوو يصير ..

[أبيــ قطـوـوهـ ..^^]

بشرر ووش صآر ...؟؟

[nobody-know-me]

للحينها ..

نظفت الاول كويس و نظفت حالها و الحين يرضع ..

ننتظر :) ..

[oOKittyOo]

الحمدلله .. وأخيرا ..

ان شاء الله تقوم بالسلامة ..

ومبروووك مقدما ...

وبانتظار آخر المستجدات :D

[mr.no]

مبروووك على البدايه

ونشاء الله تتم الولادة على خير

وعقبال ليزا

[nobody-know-me]

الساعه : pm 7:45..

وصل البيبي الثاني بصحه و سلامه ..

:)

[ايطاليستا]

مبروك مبروك مبرووووووووووووك
الف الف الف مبروك
بجد كلنا فرحانين عشان هى بخير وعشان اطمنا عليها
وان شاء الله كل الكيتنز يوصولو بالسلامه وبصحه ويتربو بعزك

طمنا عليهم بقى وشوف هتسميهم ايه
وهنستنى الصور

[nobody-know-me]

الساعه : pm 8:05..

وصل البيبي الثالث سليم و لله الحمد ..

:)

[nobody-know-me]

الساعه : pm 8:10..

ماشا الله ..

تم وصول البيبي الرابع بالسلامه ان شا الله ..

:)

[nobody-know-me]

الساعه : pm 9:35..

وصل بحمد الله البيبي الخامس سليم ومعافى ..

:)

[أم صوفي]

ماشاء الله

الله يخليهم لكـ

كيفها بستكـ

[CaRni]

ما شاء الله ..
الله يتم على خير ..

تلاقيك تعبت خالص .. من الساعة 6 الى 9 و نصف ..
بس مهما كان التعب .. اكيد الفرحه لا توصف ..

مبروك تاني .. و طمنا ..

[WeEzY WeE]

الف الف مبروك البيبيز


ان شاء الله انهم بيتربو بعزك يا رب

[nobody-know-me]

أبيــ قطـوـوهـ ..^^ + أم صوفي + oOKittyOo + mr.no + ايطاليستا + WeEzY WeE

مشكووووورين كلكم و ماقصرتوا صراحه ..

والله يبارك فيكم جميعا و ان شالله الصور راح تجي باقرب وقت ..

و السموحه توي ارد عليكم بس توي فضيت و الله :) ..



أم صوفي

والله الحمدلله هي بخير بس تعب الولاده لازم :) ..


CaRni

الله يبارك فيك ..

تدري انو انا مش نايم من امس !!!

كنت مواصل و ماتوقعتها راح تولد اليوم الا الساعه 7 الصباح شكيت بالموضوع ..

والى الان مش نايم ..

واكيد الفرحه غطت على كل شي :) ..


مره ثانيه اشكركم جد جد ماقصرتوا معي و الله ، ووقفتكم ولو بالكلام كفتني ووفتني ..

[oOKittyOo]

http://www.pusup.com/up/get-4-2009-wuet3smp.gif (http://www.pusup.com/up)

الحمدلله على سلامتها ...

مبرووك عليك الكيتنز ... يتربون في عزكـ ان شاء الله ...

بانتظار صور أحفادكـ :p

[sisi_moon]

مبروووووووووووووك مبرووووووووووووك مبرووووووووووووووك

والله فررررررحنا لها ولك

تتهنى فيهم ان شاءالله

ويابختك حضرت ولاده قطوتك

< ماحضرت الا على اخر واحد :(

المهم خيوو

طمناا على الكيتين مره ثانيه وعالأم اهم شي

[Capt.HuSsEiN]

ما شاء الله

الله يبارك لك فيهم اخوي nobody-know-me
و الحمدلله على سلامة شيري و عيالها
و تسلم ايدك على هالتغطيه الرائعه

عساك عالقوه

[nobody-know-me]

oOKittyOo

الله يسلمك والله يبارك فيك و الصور باقرب وقت ان شا الله .. :)


sisi_moon

الله يسلمك والحمدلله شهدت الولاده لحظه بلحظه ..

صراحه شي يستحق التجربه ..

شيري تعبانه اشوي من الولاده بس ..

وفيه واحد احسه ضعيف مدري ليه ، مو مثل البقيه يعني ..



Capt.HuSsEiN

الله يسلمك يالغالي والله يبارك فيك ..

ماسويت شي غير اني حبيت انكم تشاركوني الحدث لحظه بلحظه :) ..




بس ابي اقول شغله ..

و آسف عاللي بقوله لانه مو سار و غريب ..

اختفى واحد ..

كيف و شلون ووين ..

مدري ..

بس دورت عليه بكل مكاااااااااااان و ماحصلته ..

معقوله مثل مايقول رفيجي ( امه شافته ضعيف و اكلته !!! ) ؟

[oOKittyOo]

لا ما اعتقد ..

انت دور عليه زين يمكن عشانه صغير ما شفته ..

ويمكن هي تحاول تغير مكانهم عشانها خايفه عليهم ..

انت حاول تحطهم بمكان ما فيه احد عشان لا تخاف ...

و خلها بروحها معاهم ..

[oOKittyOo]

nobody-know-me

وينك وش صار .. حصلته والا لا :confused:

[nobody-know-me]

لا و الله ياخوي ..

مالقيته ، و انا حاطهم اصلا بغرفه لحالهم و محد شافهم غيري ..

و صاحبي الي قال لي عن انو ممكن الام تاكل ولدها مش موجود معي هنا ..

والله اعتفس مووووودي ،،

:confused:

[sisi_moon]

والله شي واارد ان الام تاكل احد من اولادها لو كان تعباان

بس لاتستعجل بالامور

دووره مضبووط .. يمكن تحت المفرش او ورااه .. دوره مضبوط

[عشووووقه]

الف الف مبروك
والحمدلله على سلامتها وسلامت الكيتز
الله يخليهم لك ويتربون بعزك يا رب
وبالنسبه للام ترى ممكن ان تاكل واحد من عيالها
وانا سمعت بهالشي من ناس وايد بصراحه
واذا كان صج عسى الله يعوضك باخوانه الصغار
تقبل مروري

[sama-vip]

اوف اوف وين طس الخامس ... !!

معقوله تاكلهم امهم إذا مريضين ... ؟؟

( سبحان الله )

" ولله في خلقه شؤون "

معلومه اول مره اسمعها صراحه ومستغرب :(

إن شاء الله تحصلها اخوي بس دور زين ... وترى ننتظرك وتبشرنا بالخير :)

بالتوفيق وبتربون بعزك إن شاء الله

[ايطاليستا]

ايوة هى ممكن تكون كلتها عشان ضعيف ومريض
فهى بفكرها انها كدة بتحافظ عليه
يعنى مش تقصد تاكله
بس دور كويس اوى يعنى ممكن يكون تحت الفرش او هى نايمهوهو تحتها
دور كويس اوى ان شاء الله تلاقيه

[كيوووت]

الف مبروووك عالكيتينز
الله يخليهم لك يارب
اما اللي اختفى ممكن الام اكلته لأن فيه تشوه او مريض
بس لاتزعل عليها عاللي سوته هي تفكر انها كذا تحميه سبحان الله غريزه الأم
بس هو نفسه اللي قلت انه ضعيف وغير عن اخوانه ولا واحد ثاني ؟

[nobody-know-me]

sisi_moon
دورت زين مازين ومالقيته ..
صار لي ساعه و اشوي يمكن 5 مرات ادور و ماحصلته ..


عشووووقه
الله يبارك فيك و الله يسلمك ..
والله كل شي جايز ..
الله كريم ..


ايطاليستا + same-vip
والله كل شي جايز ..
بس دورت مليون مره و مالقيته ..


كيوووت
الله يبارك فيك ..
طيب لو اكلته بتاكله بعظامه !!!
ايه هو نفسه الي قلت انه ضعيف وغير عنهم ..
كان الرابع و طلع بعد ساعتين الا ربع عن الثالث ..
وكان حجمه صغير و من اول ماطلع الام مانظفته خلته تقريبا ثلث ساعه ..
وكانت تبعده برجليها و بقى يبكي لين اذاها و نظفته عالخفييييف بس ..

[آنـــــو]

ماشاءالله

مبرووووك مبروووووك أخووي

فرحت لك بجد كنت شايله همها لأنها تأخرت

بالنسبه لأختفاء المولود دور زين .. أو يمكن غلطت بالحسبه أحياناً تصير معي أحسبهم 5 وهم 4 مثلاً

وبعدين لو هو ضايع منا ولا منا بتسمع صوته يصيح ..

ومب شرط أذا كان ضعيف جسمانياً وأصغر حجم من أخونه أن بيموت وأن ضعيف وأمه بتاكله مب شرط ولا مقياس

ومرتين صارت معي يجي مولود أصغر من أخوانه ونحيييف بس بعد أسبوعين يصير هو أكبرهم حجم ..

ولو شاك أن أكلته ..

مره قالي البيطري الأم أذا حست بخوف أو شي .. تاكل ولدها وتبقي الراس دايم يعني ماتاكله كله ..

فـ دور بقايا لاسمح الله ..

ومبروووك مرره ثانيه ويحفظهم لك ..

[nobody-know-me]

الله يبارك فيك و تسلمي ..

دورت عليه لين تعبت صار لي اكثر من ساعه و انا ادور ومافيه اي اثر ..

وبالنسبه للحساب متاكد مليون بالميه انهم كانو 5 ..

اول اربعه لونهم ابيض وشفتهم يرضعوووون الاربعه ..

واخر واحد طلع لونه بني و هم شفتهم الخمسه و حسبتهم اكثر من مره ..

وزي ماشفتي بالموضوع كل ماواحد طلع كنت اجي و اكتب هنا ..

مافيه صوت ابدا ..

وبالنسبه لو انها اكلته و بتخلي راسه ..

ماشفت اي بقااااياااااااا ولا اثر .. :(

[nobody-know-me]

اسمحو لي انا صار لازم انام ..

من امس مواصل صار لي 35 ساعه مو نايم ..

وبالنسبه للبيبي اللي راح هذي ارادة الله وهذا المكتوب له ..

مشكورين مره ثانيه وماقصرتوا ..

و اسف جدا عشان انقلب الموضوع من فرح الى حزن ..

تصبحون على الف خير ..

تحياتي ..

[sama-vip]

يارجال الله يعوضك ... لاتكون طماع بعد انت <<< lo0o0o0o0ol :d

يتربون بعزك

[sisi_moon]

يلا ماعلييه مو مشكله

تتعوض بالباقي ان شاءالله

[أبيــ قطـوـوهـ ..^^]

ربي عووضكِـِ بأربعهـ ..

ومآعليكـ حنآ فرحــآنين لكِـِ .. ^^

اللهـ يخليــهم .. مآشـآء اللهـ ..

حلوو انهآ من أوول حمل جآبت 5 *_^ ..

وونتظرر صوورهمــ ..!!

[عاشقة القطاو]

مبــــــــــرووك على الكيتينز ..

و الحمدالله ولدت بسلامة ...و جابت لك احلى كيتينز

و حليله الكيتينز الصغير المهم


الله يعوضك بالباقي إن شاء الله

[ايطاليستا]

لا متزعلش ع اللى راح نصيبه كدة
المهم ال 4 الباقيين يتربو بعزك ويكونو قمرات زى امهم
مبروك يا اخى

[nobody-know-me]

sama-vip
هههه ، لا ياخوي والله مو طمع ..
والله العظيم خوفي على امهم و صحتها اهم عندي من البيبيات او عددهم ..
الموضوع كله اني استغربت بس و خفت صراحه ..
يعني شفت عملية ولادته كاملة من الالف لين الياء ..
و حزنت عليه يوم لاحظت امه مو مهتمه فيه ..
و بالاخير يختفي ولا حتى ادري وين هو .. :confused:

sisi_moon
ان شا الله و هذا المكتوب فيه و الخير بامه و اخوانه :) ..

أبيــ قطـوـوهـ ..^^
حلت دنياك و ربي يسعد ايامك .. ;)

عاشقة القطاو
الله يبارك فيك و يسلمك و ثانكس :)

ايطاليستا
الله يبارك فيك و مش زعلان و هذا المكتوب له ..
و ان شا الله بيطلعو حلوين زي ماماتهم .. :)


* * * * *

عندي 3 شغلات ابي اقولها..

اول وحده هي سؤال ..

شنو اعطيها اكل عشان يزيد انتاج الحليب عندها ؟؟

ثاني شغله كمان سوال ..

بالنسبه للحبل السري اللي فيهم - الباقي منه طوله تقريبا نص اصبع - هذا هي تشيله و الا يطيح بروحه بعدين ؟؟

ثالث شغله هي صوره - اوليه - لهم ..

صورتهم اكثر من صوره بس زي ماتعرفوا ماشا الله حركتهم وايد و دايم يتخششون تحت امهم او يرضعون منها ..

ف مايكونوا واضحين ، بس ماعليه بعد كم يوم بحط لهم اكثر ان شا الله ..

هذي هي الصوره :) ..

http://www.pusup.com/up/get-4-2009-6gao3jpf.JPG

<<< احس البني يقول حق اخوه الي فوقه : ووووخر عني يا اهبل فعصتني !!

:D

[sisi_moon]

بالنسبه للسؤال الاول

لاتحاتي هالنقطه / نااادر لما يكون حليب الام قليل وتحتاج فيتامين مدر للحليب

انت اعطيها دايما اكل صحي .. يعني دراي فود رويال .. دجاج مسلوق مع خضاار .. لحم كل كم يوم .. زبادي قليل الدسم

والسؤال الثاني

اي ياخذ له كم يوم ويطيح لوحدو

وصورتهم ماطللللعت :(

[آنـــــو]

ماشاءالله تبارك الرحمن ياحلوهم

الأكل بما أنها مرضعه أكيد بتحتاج وجبات أكثر مثل وضعها لما كانت حامل لأنهم يستهلكونها رضاعه مسكينه

قدم لها أربع وجبات .. وزبادي وجبن قليلين الدسم

والسر بيجف ويطيح من نفسه تقريباً في غضون 4 / 5 أيام ..

ويحفظهم لك هالقمورين ..

[oOKittyOo]

بالنسبة للأسئلة ما قصرو معك سي سي مون و آنو ...

أما الصغنونين يا قلبي يزنننوووووووووووووووون ماشاء الله ...

ربي يخليهم لك ويحفظهم ...

[sisi_moon]

طلعت الصووووره

قلببهم والله .. الله يحميهم ان شاءالله

حركه العسلي ذكرتني بفيديو لقطاوتي ههها

جوليان وروزي في الفيديو طقوا بعض لين قالوا بس وهم يرضعون :p

الله يحميهم ان شاءالله

[ايطاليستا]

بسم الله ما شاء الله
حلوين جدااااااا يتربو بعزك ان شاء الله
المشمشى دة عسل
يا قلبى عايز يدخل يرضع زيهم هههههههههههههه

[nobody-know-me]

sisi moon + انو + oOKittyOo + ايطاليستا ..

مشكورين و ماقصرتو و الله ..

و ان شا الله بعد كم يوم بضيف صور يديده بقسم الصور ..
:)

[أم صوفي]

ماشاء الله

ربي يخليهم لكـ

اي ترررى مواقفهم مااااره حلوه يجنننون

بالليل قبل لأنام اجلس اشوفهم من بعيد لبعيد

يزننون برآآآه

[nobody-know-me]

ام صوفي

هههه ، اي و الله عليهم حركات تضحك ..

ثانكس ..

:rolleyes:

[mr.no]

مشاء الله عليهم من جد اشكالهم تجنن

ونشاء الله عقبال ليزا يارب


وحنا ننتظر الصور الجديدهــ

[nobody-know-me]

عيونك الحلوه يالغالي ..

و ان شا الله تولد ليزا بالسلامه يارب ..