فطرياااااات !! اوبس

[نآني]

السلام عليكم ورحمه الله وبركاته ..


اخواني واخواتي ..

كييفكم ..!!؟ ان شاء الله بخيير ..!

انا عندي قطوه عمرها بين 7 و8 شهور ..!!

البارحه لاحظت عند اذنها اليمين شعر طاييح ومكانه لونه احمر قطعه صغييره مش كبيره ..

خفت احكه بييدي واشوفه .. خفت ينقل عدوى او شيء ..!!:(
وفهمت انها فطريات من كلامكم عن الفطريات قبل ..!!

اتمنى تسـآعدوني لان ماعندنا بيطري قريب فالمنطقه ...

1_ شنو هو العلاج المناسب لهااا ..؟
2_ ممكن احصله في صيدليه بشريه ..؟
3_ هل تنقل عدوى لي ..؟
4_ شعررها يطيح كثير وجنني اكثر عن قبل وسمعت تقولون عن زيت كبد الحوت هل هو مفيد وكيف استخدامه ..؟
5_ افكر احلقها لان شعرها كثير يتساقط وهي مو لونق هيير .. هجين بين الشيرازي و السيامي ..
ومشكورين ..


:$

[nobody-know-me]

هلا اخوي ..

لاتحاتي كلنا مرينا بهالمشكله و محلوله باذن الله ..

1 : فيه عدة ادوية لعلاج الفطريات ، فيه المرهم و فيه البخاخ و فيه الشامبو و فيه الشراب ..

و هذا هم بهالصوره مع اساميهم ..

http://www.pusup.com/up/get-2-2009-o1asi7lv.JPG

بالنسبه لطريقة استعمالهم :

المرهم : تحط ع اصبعك بعدين تحطه عالمنطقه المتساقط شعر منها و تفركه فيها و تمسحه زين ..

البخاخ : ترشه عالمنطقه بعد و ترشه ع جسمها كامل بس لاتغرقها عاد ..

الشامبو : تحممها بالاسبوع مرتين فيه ، تفرك جسمها كااااامل بالشامبو و تخليه عليها عشر دقايق بعدين تغسلها ..

الشراب : تحط بابره مقدار 2 cc وتشربها اياه بفمها ..


2 : الادويه هذي تحصلها بالصيدليات البشريه نفس الادويه الي نستخدمها احنا بس للاطفال تكون ..


3 : ان شا الله مابتنقلها بس انت كل ماتحركها او تلمسها اغسل ايديك كويس و استمر بالعلاج هذا و ان شا الله من اسبوعين لين 3 اسابيع و كل شي ينتهي و ترتاح ..


4 : علاج تساقط الشعر صراحه انا اعاني منه و صرت احط 3 نقط زيت زيتون بالمويه حقتهم و بدا يخف ..


5 : بالنسبه للحلاقه صراحه ما ادري ماعمري جربت ان شا الله الاعضاء يفيدونك ..

[sisi_moon]

ماقصر معك خيوو ..

بس احب ازيد حبوب نيزورال مررره روعه .. ربع حبه باليوم لمده 20 يوم

والمكان الي تجلس فيه القطوه اثناء فتره العلاج وبعدها يتعقم بالكلوركس المخفف

وبالنسبه لزيت كبد الحوت .. بالموضووع الي قريتي فيه عنه موجوود جواب اسالتك :)

تفضلي هذا الموضووع
http://www.2zoo.com/vb/showthread.php?t=96893

[نآني]

اخواااني مشكورين على مروركم الرآئع وتجاوبكم معاآآي ..

وانا رحت اخذت لها البخاخ وبيتادين مطهر .. هذا اللي لقيته بس ..

برجع اشوف حبوب نيزورال ..

بس بسالكم هل احتااج اشتري لها شامبوو لان مالقيت نيزورال قال لي عن اسم ثاني نسييته .. ما اخذته لان ماعرفه ..

او اني اسبحها بالشامبو المخصص لها ..؟

[nobody-know-me]

دوووري نيزورال ان مالقيتيه اخذي الي حصلتي و عبري حالك فيه ..

بس اهم شي انه شامبو للفطرياااات ..

[نآني]

مشكووور اخوي وماقصرت .. وربي يحفظ لك شيري ويتربوون في عزك عياالها :$

ويرزقني بشووفه احفاادي عيال قطوتي :$

[أبيــ قطـوـوهـ ..^^]

إيهـ وبالنسبهـ لتسآقط الشعر

حطي زيت زيتوون .. ولآ .. زيت كبد الحوت ..

س لآتلحقينهـ لهآ ..

هوو شورت ليهـ تحلقينهـ ؟؟

خليهـ كذآ .. ويمكن إذآ حلقتيهـ مآيطلع مرررآ ثآنيهـ .. >_< ..

واللهـ يشفيهآ ويخليهآ لكـ ..

وأي سؤآل حنآ حآضرين .. :D

نوورتي

سلآم ..

[sisi_moon]

خيتو دوري الشامبو في الصيدليات والسوبر ماركات

لان يفضل تستخدمين شامبو وقت العلاج .. عشان يشيل القشوور وينظف جلدها ويحميها

[نآني]

مشكوريين .. على مروركم اخر سؤال الحين بطرحه

1_ اخذ لها حبوب نيزورال ولا لا ..؟؟ مهمه يعني ومفيده
2_ شامبو لازم نيزورال ولا اي شامبو للفطريات ..؟
3_ اذا حلقت لها شعرها ممكن مايطلع يعني ؟. لانه شورت

[sisi_moon]

1 \ ايوا خذيها مررررره كويسه وتقضي على الفطريات

2 \ انا دايما استخدم نيزورال . بس خيو ( نو بدي نو مي ) جرب نوعيه ثانيه واستفاد منها

فـ دوري الاثنين .. ^^

3 \ الا هو يطللع .. بس بعض الاحيان مايطلع بنفس طول شعرها قبل .. بس قطوتك شورت هير .. فـ اكيد بيطلع زي قبل

بس والله مافضل التحليق وماشوف له داعي .. حتى لو عشان الفطريات .. مراح يتعبك وقت العلاج لانه شورت ..

بس انتي حـــره ^^

[آنـــــو]

أهم من هذا كله الترويش

حتى ينظف جسمها من قشور الفطريات

شامبو نيزورال مره ززين ،، وفيه نوع ثاني واحد نصحني فيه أسمه فافو يقول مرره ممتاز وأحسن من نيزورال ..

ولاتحلقين شعرها ماله داعي دامها شورت هير .. أتبعي العلاج الموضعي من لاميزيل أو كانستين

وتعريضها للشمس ،، والترويش بنيزورال أو فافو ،، وتنظيف المكان وتعقيمه ..

[نآني]

مشكووورين .. بس الحين وانا احط الدواا .. حسيت اني محتااجه استشارتكم ..!!


1_ يوم انظف بالـ بيتادين .. هل اخففه ولا عادي احطه بالقطنه وانظف المكان ..!!؟
2_ يوم رشيت الـ لاميزيل قربته من المكان اللي فيه الفطريات ..!! لان المكان الغيير ... لازم ابعد الدواا يوم ارشه ولا عادي قرييب ..؟

[آنـــــو]

البيتادين أنا أستخدمه بدون تخفيف للقطط الصغار والكبار

حتى لجروح يدي أستخدمه بدون تخفيف وعادي

لكن لو حبيتي تخففيه مو مشكله ..

والاميزيل أيه عادي رشي من مسافه قريبه بحيث تتبلل المنطقه وأدعكيها بأصابعك لمدة دقيقه / دقيقتين

لكن لازم تكونين لابسه قفاز ..

[sisi_moon]

1 \ اي ماله داعي تخففينه .. انا استخدمه دايم بدون تخفيف

2 \ ايوا عااادي من قريب .. بس لازم ترجينه قبل .. وبعدين زي ماقالت انو دلكي المكان المصاب شووي عشان يمتصه

[نآني]

اختي سيسي مووون مشكوووره وماقصرتي ساعدتييني كثيررر ...!!!

عندي سؤال .. الحين الدوا كم مره احطه لها ..؟؟!

مره باليوم ولا مرتين ولا ثلاث ,..؟

[sisi_moon]

اللاميزيل مره بس باليوم يكفي ( انا يوم اعالج قطاوتي كنت احط لهم مره بس واستفادوا كثير )

بس اشوف اعضاء جربوا يستخدمونه مرتين وعاادي ماسبب لهم ضرر ^^

والعفو ياقلبو كلنا موجودين في الخدمه