رمل الببغاء

[محمد شاويش]

ممكن اعرف ايش فائدة رمل الببغاء ؟؟
وشكرا

[Madrid Spirit]

لعدم خروج الرائحه

قاتل للبكتيريا و الجراثيم و الفطريات

[كاسكـــو]

الفايده

يمتص فضلات الطير ويجففها

وهو يمنع الفضلات من الالتصاق اسفل القفص

وعند عمليه التنظيف يكون اسهل

[Q8 Sailer]

الله يعطيكم الف عافيه على المعلومات وانا بخاطري احط رمل بس كل يوم اقول باجر :>

ومشكورين :>

[سكر]

أحب أوضح نقطة يا شباب.

فيه رمل ينباع في محلات الطيور, ينحط مع الأكل حق الببغاء, يحتوي على صدف صغير, وحبيبات الرمل.

هذا ياكله الطير , بس ما أعرف فوائده, الأخوان قالو انه يساعد على الهظم وتزويد الطائر بالأملاح, وأنا أئيد كلامهم.

الثاني, هو رمل ينحط في أسفل القفص, وهذا فايدته للنظافة. وممكن نستغني عنه بالتنظيف دايماً.



تحياتي.

[تركي12]

والله الرمل للنظافه حلو بس للاكل زي ماقال اخوي سكر انا ما شفته ابد

[سكر]

أخوي تركي انا مثلك ما كنت اشوف رمل للأكل حق الببغاء.

لكن في الطبيعه شفت أسراب الببغاء, تطير لطرف جبل, وتآكل من التراب المتكدس.

وكان هذا في أحد البرامج, بإشراف أحد العلماء, ويقول انهم يعوضون الأملاح والمعادن اللي يحتاجونها من خلال التراب.

وفي نفس الوقت أشوف الطيور الأخرى الداجنة, مثل الحمام والدجاج وغيرها, تآكل حصا صغار, عشان تساعدها في هظم الحبوب.

وهذي درسناها بس ما أذكر في أي مرحلة.


تحياتي لك يا قمر

[كاسكـــو]

صح ياسكر كلامك مضبوط بالطبيعه يحتاجون لهذي الاشياء الضروريه

لكن الحين الحمد لله كل شي متوفر بالسوق مايحتاج نحط رمل مع الاكل عشان يعوض

نشتري له كالسيوم ونعلقه بالقفص وكل شي ضروري صار يباع بالاسواق

وبالنسبه لرمل الارضيه مايحتاج نشتري ولله الحمد اراضينا رمليه ندور اي بقعه نظيفه وناخذ منها كميه يابلاش