استفسار حول إنشاء مشروع دواجن

[tanaf]

السلام عليكم ورحمة الله وبركاته

اخواني الاعزاء خبراء هذا القسم وتربية هذي الانواع من الطيور ، اليوم انا بحاجه لإستعان بخبراتكم في هذا المجال


خلال 6 شهور ان شاء الله باخذ مزرعة كبيرة ..

افكر ابدأ بــ مشروع الدجاج


انا افكر اشتري 150-300 دجاجه كبداية

ابا اعرف كيف اقدر استفيد منهم افضل استفادة وازيد من الانتاج .. لأني راح اشتري حاضنات للبيع

ابا اعرف كم يبلغ عمر الدجاجه البالغه اللي ممكن اتيب بيض مخصب يصلح لـــ الحضانة وكيف اعرف البيض المخصب من الغير مخصب
عندكم فكرة كل 100 دجاجه كم تستهلك من الشعير ؟
وكيف اعمل لهم البيت والاماكن المفروض تبيض فيها

اريد معرفة ايضا طريقة استخدام الحاضنات ، وكل التفاصيل الخاص بها
وطريقة تربية والاعتناء بالــصوص الصغير وطريقة اطعامه والتفاصيل


بنتظاركم

وشكرا

[m3n]

وعليكم السلام
اخوي شكلك بطلت انك تبدأ مشروعك من الكتاكيت :D
انا انصحك انك تبدأ من الصفر والله حتتعلم عن حياتهم اكثر وتستفيد من أخطاءك من بدري ومهم مكلفين الصيصان يعني ان شاء الله منت خسران شي بس وفر المكان المناسب والاكل المناسب
وموفق في مشروعك اين كان بدايته ’,,;)
وانشاء الله تحصل اجوبة لأسألتك
من المشرفين ,..

[! هاويه الطيور !]

عليكم السلام

طبعا هذي معلومات بسيطه جداا لاني ماعرف عن الدجاجه كثير
لكن الدجاج افضل الطيور لانها تعتني بنفسها وتاكل كل شي على الارض

في معلومه قراتها وهذي معلومه اول مره
مو متاكده اما النعام او الدجاج وجبته المفضله هي [ التربه ] تاكل التربه :)


شي حلو تبتدي من الدجاج اكبر من تاخذ الصيصان لانها راح تكلف لانها حساسه حيل حيل بالحر او بالبرد

بما انها مزرعه للعلم مراح تكلفك حيل لانه الدجاج راح ياكل كل شي في المزرعه ويعتمد على نفسه



الدجاج بالغ من العمر يكون لون العرف احمر < اي اللحم الرقيق حول المنقار والراس يكون لونه احمر بوضوح



وانا راح اترك للمجال لـ زميلي عبيد العباسي لما له خبره بالدجاج :) واكيد يفيدك
بس الشغله سهله مو بالصعوبه

وموفق ان شاء الله بالمشروع

[tanaf]

مشكورين على المرور

انا افكر ابدأ بالصيصان + الدجاج الكبير بنفس الوقت

يعني بعمل قفص كبير بربي فيه الدجاج الكبير

و قفص ثاني للحظانة الصيصان

وقفص ثالث لـــ الصيصان بعد مايعتمدون على نفسهم

اريد معرفة التفاصيل حول الحضانة + معرفة البيض المخصب من الغير مخصب +طريقة الاعتناء بالصوص حتى يكبر متى يمكن للصوص ان يعتمد على نفسه واتركه في قفص ياكل بنفسه

الصوص الصغير عمره يوم واحد إلى 7 ايام كيف كيف اربيه
ووين احطه
يفضل لو يكون القفص من شباك ، الارضيه تراب والسطح مربع خشب على ارتفاع 3 متر
او
يفضل لو اعمل له قفص مسكر مثل الغرفة واحط بداخله مراوح ودفايات ؟
للعلم انا من الامارات ، وتعرفون الجو عندنا كيف ^___^
كم لازم تكون درجة حرارة الصوص ؟
كيف اقدر اعتني بالصوص بعد فقس البيضه مباشرتا
للعلم انا راح اخذ حاضنات للبيض الحجم الكبير 2
يعني بيكون فيه 500 صوص كيف اقدر احافض عليهم من دون مايموت احد منهم؟


المشروع بيكون كبير ، اريد اعرف ادق التفاصيل لأني راح اربي مجموعة كبيرة من الدجاج اي خطأ او اهمال او تقصير مني بيأثر على الحلال كله ^__^!!


اذا في مواضيع تفيد ^ حطولنا الروابط وشكرا لكم

[tanaf]

المشروع كبير وتكلفته بتكون كبيرة جدااا جدااا
في المزرعه لن يكون هناك دواجن فقط
بيكون فيه عنز تقريبا 100-200 راس
ونعام 30 راس
وصفارد
وارانب
وزراعة
ومناحل

مجموعة كبيرة من الحيوانات

بييب عامل واحد او اثنين للمزرعه @___@!! وانا معاه

لهالسبب ابا اعرف ادق التفاصيل حتى اعرف بالضبط كم بيكلفني المشروع بالضبط!!


وشكرا لكم على تعاونكم

[tanaf]

ان شاء الله ببلش فيه بعد 4-6 اشهر

[! هاويه الطيور !]

في احد الاعضاء وضع معلومات ربما تفيدك ^^ في موضوعك السابق

http://www.2zoo.com/vb/showthread.php?t=95602

[tanaf]

هل يصلح البيض المخصب لأكل ؟؟
ابا ابيع بيض الدجاج
وين احتفظ بالبيض بعد الفقس ، وكم لازم تكون درجة حرارة البيض ؟
متى وكيف يخترب البيض ؟

[! هاويه الطيور !]

هل يصلح البيض المخصب لأكل ؟؟

لو نلاحظه ! تجميع البيض في نفس اليوم يعني بعد ماوضعت الدجاجه البيض :) ويباع
يصلح لانه لابد من الرقود على البيض وتكون هناك درجه حراره لـ يتكون الصغير :) ..

::

وين احتفظ بالبيض بعد الفقس ، وكم لازم تكون درجة حرارة البيض ؟

راح يجاوب عليك زميلي عبيد العباسي ..


متى وكيف يخترب البيض ؟

عندما تكون هناك درجه عاليه من الحراره
او درجه عاليه من البروده ^^ + وهناك علامات البيض الفاسد اللون يصبح داكل اللون الى الاسود او نلاحظ ندبات ملونه على البيض هذي دليل على البيض فاسد او رائحتها :)

[tanaf]

ألف شكر لج اختي الكريمه "ღهاويه الطيورღ"
وبنتظار الاخ عبيد العباسي

[hask2004]

نصيحتي قبل كل شيء



تأكد هل هناك طلب على المنتج الذي سوف تقوم ببيعه، هل هناك منافسين .