انا مسافر للهند وابي اجيب طير

[abo hmod]

السلام عليكم ورحمة الله وبركاته
اولا احب اهنئ نفسي بهذئ المشاركة الاولى في هذا المنتدى الرائع والفريد من نوعة
بأعظائة وادارتة المميزين والموظيع المفيدة جدا
ثانيا انا املك طير كاسيكو وقد تم تدريبه قبل ان اشرية و في الحقيقة انا مسافر الى الهند بعد عده اسابيع وارغب في احضار ببغاء جديد ولاكن ليس لدي الخبرة والمعرفة بالانواع الجيدة التي استطيع ايجادها هناك طبعا السعر ليس مهم واهم شي عندي سرعة التعلم وتحمل تقلبات الاجواء واجادة الكلام ، طبعا انا اسمع كثيرا عن الببغاء المطوقة ولاكن اريد ان اعرف اذا كان هناك انواع افضل منها هناك
.........
اي شخص يملك معلومة عن سؤالي ارجو منه المساعدة وانا اكون له من الشاكرين ومعروفه على راسي

[أبو ريـــــــــــــان]

ياهلا مرحبا فيك يا ابو حمود في منتداك وحياك الله بين اخوانك وأن شاءالله تفيد وتستفيد

ثاني شي ياغالي حالياً ممنوع استيراد الطيور من اي دولة

إلا بموافقة وزارة الصحة بخطاب رسمي

وذالك بسبب انفلونزا الطيور

[abo hmod]

تسلم والله على الترحيب الحار
وبعدين انا راح اجيب تقرير طبي وعندي ناس في جمارك المطار قالو لي ازهلها فماراح اجيب شي الا وانا ظامن دخوله ....واتوقع دخول الطيور بعدد قليل ما يعارظون فيه المشكله زي ما قلت في الاستيراد بكميات تتعدى حاجة شخص واحد
والف شكر على اطلالتك وتحيتك الله لا يحرمنى منها

[أبو ريـــــــــــــان]

وبعدين انا راح اجيب تقرير طبي وعندي ناس في جمارك المطار قالو لي ازهلها فماراح اجيب شي الا وانا ظامن دخوله


واتوقع دخول الطيور بعدد قليل ما يعارظون فيه المشكله زي ما قلت في الاستيراد بكميات تتعدى حاجة شخص واحد



حتى مع التقرير الطبي ماينفع وغيرك كثير حاولو ومافي فايدة طيورهم تنمسك في الحجر الصحي وتصادر أو انها تموت من قل الاهتمام . لاكن إذا مثل ماتقول قالو لك ازهلها الله يوفقك

[abo hmod]

طيب ابوريان حبيبي بحكم خبرتك اذا تقدر تفيدني وش اقدر اخذ من الهند من ببغاء
الحقيقة الكاسيكو شي جميل في الكلام لاكن انا اطمع في الافضل
حقيقة انا متلهف اني اسمع واحد يقولي بتحصل غير المطوقة ونفسي اجرب الكوكاتو واتمنى احصل عندهم فروخ منه

[أبو ريـــــــــــــان]

الكوكاتو طائر يعيش ويتواجد بكثرة في المناطق الأستوائية ومنها الفلبين واندنيسيا والهند وغيرها

[كاجو]

مرررررررررررررررراحب

الله يحييك في المنتدى ...

اخوي نصيحه مني لك لاتشتري طيور وبعدين تخسر ماتدخل معاك والله ياخوي انه عندي طيور من فصيلتين

مختلفتين بالوان رائعه خارج المملكه من سنه وانا احاول ادخلها ولا قدرت ..

وقبل كم شهر رحت شرق اسيا وشفت ببغاوات من الكوكاتو ومن الامزونيات وحاولت اني اسوي تصريح دخول

ولاقدرت قالي واحد في السفاره اني اقدر اطلع فيهم من الدوله الي انا فيها لاكن في مطار الملك خالد

بياخذونها مني لو معي اكبر واسطه ماراح تدخل ..

عشان كذا لاتخسر نفسك وتتعب كان غيرك سواها وكثير الي يروحون الهند وشرق اسيا ولا احد قدر يدخل

شيء من الطيور انت ممكن تشتري قطط ،كلاب اي نوع حيوان وتأخذ له تصريح ويدخل لاكن الطيور مستحيل!!

[abo hmod]

مرررررررررحب فيك يالغالي - كاجو

والله يالغالي انا عندي رجال في الجمارك قالي ابدخلها لك وما عليك وهو صراحه قول وفعل وقبل فترة كلمته على واحد من اخوياي ودخل له 10 اجواز حمام من احد المنافذ...........؟ ( عشان ما احد يروح يدقق عليهم بعدين)
وامس قلت له ابروح الهند وابي اجيب لي طير وابي اسائل في مطار الملك فهد بيدخلونه لي والا ايش
قالي جبه وما عليك ادخل ابوه لك ما عليك ... بعدين قابلته اليوم في صلاة العصر قالي اذا لقيته رخيص جب لي واحد وانا بعطيك حقة ... طبعا انا بجيبه واذا دخله لي بحلف ما اخذ شي ...(اذا كان اقل من الف...ههههه)
اما بنسبه لردك اخوي ابو ريان انا اشكرك كل الشكر انت اعطيتني دافع كبير للمتعة الي بحصله في تربيت الكوكاتو وراح اوافيكم بكل جديد

[كاجو]

عموما الله يوفقك وتدخل الطيور الي تشتريها ..

بس نصيحه اذا جبت له طير خذ افلوسه علشان تعتبر خدمته من صديق الي صديقه وماتدخل لاسمح الله

تحت الرشوه وتكون بالحلال احسن ..(اخوك مسئول مايطيق الرشوه ..هههههههههههه)

[محمد الليثي]

يا صديقي ان تفكيرك مش سليم القضيه مش تدخل الطير او لا انت لازم تفكر في مصلحه بلدك فمن وضع هذه القواعد ناس مؤهلين ويعلموا مدي خطوره الوضع ووضعوا القوانين لحمايه ثروه البلاد من طيور داجنه وخلافه والتي تقدر بارقام نعجز عن كتابتها وكذلك حمايه البشر الذين تتهدد ارواحهم نتيجه تطور المرض وارتفاع نسبه احتمال انتقاله للبشر وانت تفكر ابغي اجيب ببغاء من الخارج والفلوس مش مهم ده كلام يا اخي واسف علي اللفظ موظف جاهل يقول لك اعديلك ابوه وانت سعيد يا صديقي اتقي الله في وطنك السعوديه بها عمالقه في تربيه وتفريخ الببغاوات وطيور الزينه وكذلك لهم مولفات عظيمه لي الفخر كمصري ان اقول انها افضل مولفات شامله في مجال طيور الزينه ابحث في المملكه ستجد انواع من الطيور لم تفكر انها موجوده اصلا عندكم وستجدها بكل الاعمار والانواع والسعر سيكون اكيد اقل وسيكون طائر مضمون ولا تنسي كارثه الانفلونزا عام 2007 عندما اعدمت كل الطيور في منطقه الخرج وهي استثمارت بالمليارات
ولا تنسي ان الرشوه معصيه والراشي والمرتشي في النار
فهل يستحق ببغاء هذا ؟؟؟؟؟؟؟ لا اعتقد

[كاسكـــو]

لكن انتبه لايصيدون خويك

اهل الجمارك وخصوصا المعرفه مايقصرون لكن تجري الرياح بما لاتشتهي السفن

والله عندي واحد اعرفه شغال بسفارة السعوديه بأندونيسيا وعندي برضوه واحد شغال بالمطار بالجمارك

لكن للأسف عزيزي ماقدرو يدخلون لي حتى ريشه اعتذرو مني رغم محاولاتهم وبصراحه ماقصرو لكن القانون فوق كل شي

[سكر]

أبو حمود اذا ما قدرت تجيب ببغاء جيب بيض حق ببغاء

ويقول المثل اذا بتسرق اسرق جمل.

لا تاخذ درة خذ لك طير ثاني مثل المكاو أو امازوني يلو ناب.


واذا عندك شنطة صغيره حط فيها كم بيضه ببغاء بس غلفها بشكل آمن.


أتمنى أروح الهند وأجيب كوبرى هندية أحطها في شنطة اللاب توب أو الملابس الصغيرة وأخليها معاي في الطيارة مو في الشحن. :D

عندنا في السعودية كوبرا بس مو مثل الهندية

شوف الكوبرى حقتي :D

http://up2.m5zn.com/photo/2009/4/12/02/u55zddtt1.jpeg/jpeg (http://up2.m5zn.com)


ماتت بعد ما أكلت ضفدع, شكل الضفدع مدمن مخدرات :D



بالتوفيق

تحياتي

[محمد الليثي]

يا سكر صباحك سكر في عندكم مزارع كبيره للببغاوات واصحابها معروفين هو مش محتاج لا يسرق جمل ولا حتي قطه
وصدقني انا كنت مدير مشروع دواجن في السعوديه الحمد لله ربنا حماه من الانفلونزا بس انتوا مش مقدرين خطوره المرض اسئل اي مهندس او دكتور بيطري في الخرج او حتي من الشرطه التي طوقت كل الطرق حتي اعدمت جميع الطيور السليمه والمصابه لحصر المرض في الخرج

وجميع الطيور التي ذكرتها موطنها غير الهند وهي موجوده بالمملكه اما بخصوص الكوبرا فان كانت هوايتك استوردها بطريقه طبيعيه فالمشكله متعلقه فقط بكل انواع الطيور وتخيل لو انت حططها في شنطتتك وفلتت في الطياره النقل يا سكر له قواعد والكبرا حيوان مميت يجب نقله بطريقه سليمه
والي الخ كاسكو انا مثلك اعشق الحيوانات بس الموضوع مش ان الجمارك ما تقصر الموضوع ان احنا اللي لازم نتوقف عن التفكير في نقل الطيور بين البلدان الا البلدان التي ليس عليها حظر فيمكن التاكد هل البلد عليها حظر ام لا قبل اتخاذ اي خطوه واعتقد ان الدول الاوربيه ليس بها حظر فقد استوردت من فتره قريبه بيض من هولندا وهي من الدول الرائده في مجال طيور الزينه كذلك بلجيكا يمكن السئوال عن الاجراءات الرسميه واتباعها فهذا اسلم وامن لبلادنا الحبيه خاصه دوله عظيمه كالمملكه بها حركه بشر عاليه جدا واي مشكله كالانفلونزا لن تكون مشكله بل كارثه نصيحه للاخوان اتبعوا فقط الطرق الشرعيه فالمشكله انت تقدرها ان الطائر اذا مرض مات اما انا اقدرها ان الطائر او البيضه لو تحمل الاصابه فانت سبب في دخول الفيرس العنيف بلادك بحسن نيه وانت تعلم المقوله المشهوره ان الطريق الي .......... مفروش بالنوايا الحسنه
اللهم اني بلغت فاشهد

[كاجو]

أخواني كلام الاخ محمد اليثي صحيح وهو نابع من كلام شخص مسئول وصدقوني لوكان في واحد منكم مسئول

راح يقدر ان المسئوليه اصعب شيء ..

وبعدين انا جربت وسويت كشف طبي لطيور الي عندي وهي عايشه معاي من زمان وادري انها مو مريضه

ومع ذالك رفضوا انها تدخل مع انه لقيت من الدوله الي انا فيها ناس تسفرها معاي بس المشكله كانت هل

يسمحون في السعوديه ولا لأ ومع ذالك ماجازفت يعني حطيت في رأسي سالفة اني لوكنت مكانهم ماكنت ارضا انه يدخل شيء ..

اخوي سكر بالنسبه للكوبرا يقولون تدخل عادي لان القطط دخلت عادي المشكله فقط بالطيور..

[Qatar535]

هلا ياشباب ,,,

أنا سمعت ان حق الصقووور مش البغبغاوات انك تحجز لها كرسي وتخليه جنبك في الطياره لين توصل بلادك,,

[abo hmod]

للتذكير فقط لاغير

انا اريد ان اعرف فقط ما هي انواع الطيور التي استطيع شرائها من الهند وبالتحديد من كيرلا اذا امكن
واتركو الجمارك وكل الكلام الباقي انا الحمد لله في كل اموري استخير واعتمد على الله فيها ومتوكل عليه سبحانه

[كاسكـــو]

خذ لك كوكاتو هي متوفره هناك

وجب لي معك واحد باخذه منك بالتقسيط مامعاي كاش :D

او خذ لك لفه بالأسواق هناك

يمكن تحصل شي يصلح لك

لكن الكوكاتو موطنه هناك

اما باقي الانواع ممكن هم يستوردونها

[سكر]

أخ أبو حمود انا في فريقك وما احب كثر الهذره هههههههه

المهم نرجع للخط الرئيسي.

حبيبي السعودية فيها ببغاوات كثير, موجودة بالسوق, بس طبعاً موطنها في مكان ثاني مالنا شغل فيه.

الهند نفس الشي, فيها ببغاوات كثير, وأكثر بعد, ومالنا شغل بموطنها, يعني طلعو من مخي حكاية موطنها.

المهم,,,
خذلك مكاو طال عمرك اذا كان سعره رخيص, أو يلو ناب, لأنك لو تاخذ شي ثاني مثل الافريقي أو الدرة, بتلاقيها في السعودية وما فيه فرق كبير في السعر, ولا حق المرمطة.

لكن تخيل لو لقيت يلو ناب فرخ صغير وأخذت لك 2 أو 3 فروخ عمرها من شهر الى 3 شهور.

تجي السعودية بيع واحد ب7 آلاف. وربي واحد.


وأعطيني واحد خخخخخ


لا بجد ربي يوفقك ومالك إلا تجرب لما تروح هناك, واسأل عن أغلى شي في السعودية وخذه من الهند اذا رخيص.

ويا شباب خلو التحليل الرياضي وانتقاد المنتخب لا يجيكم اتصال الحين على الهوى مباشرة هههههههههه.

تحياتي لك

[abo hmod]

سكـــــــــــــــــــــــــــــــــر والله واحلا من السكـــــــــــــــــــر كلامك
وكاسكــــــــــــــــــــــــــــــو جميل ورد مفيد وتأييد لرأي ابو ريان

لاكن زي ماقال سكر اذا حصلت يلونوب فرخ او فروخ على طلول ما راح اصدق خبر
وبنسبة للي يبي طير اذا جيت وجبت معي طيور كثير يعني اكثر من 4 اول ناس اعرض عليهم انتو وما عليكم براس المال --

[مجنون عويشق]

السلام عليكم

ابو حمووود

يالله حيهم

افهم من الكلام الذ ي تمت كتابته بأنه عندك واسطه ...معناها تقدر تظبطنا >>>يالييل اللييل مع الي ماينعطون وجه خخخخخخخخخخخخ


شوف ياعزيزي

الله يوفقك ان شاء الله في جيبة طيورك ...مع اني مره سألت وقلت بجيب الاوراق الرسميه ووووو ..قالوا مافي لو تجيب الي تجيب مافيه

بس من ناحيتك ان شاء الله اخوياك يساعدونك ويحلون المشكله


بالنسبه للطيور الي في الهند ...ماراح تحصل الا الدره والكوكاتو والسبب لان الامزونيات موطنها بعيد جدا عن الهند فطبيعي انها راح تكون اسيعارها غاليه

طبعا هذا في السعوديه يعني عندنا ..لكن في الهند ..قد يكون كل شيء مختلف ...فهي ارض سندباد وعلاء الدين ((( شف التحشيش بس )) ..الله يوفقك ان شاء الله

تحيه طيبه

[abo hmod]

احلى مرور مجنون عويشق وابشر بالخير خلهم يفتحون التصدير و بخلي عمالي كل ما جو يجيبون معهم بس خلني اروح اشوف الاوظاع والاسعار وارجع اعطيكم خبر
انا بروح بعد الاجازة 15 يوم وراجع