استفسارات

[الطـبـيـب]

بسم الله الرحمن الرحيم

السلام عليكم ورحمة الله وبركاااته

إن شاء الله سأقوم بشراء فرخ ببغباء من سوق الحمام في الكويت

وذكلني لا أملك الخبرة ولا أريد أن يكون سعرة مرتفع

هل كل الببغاوات مستعدة للتدرب على الكلام ؟

هل هناك نوع يكون أليف وآخر لا ( مع العلم أني سأشتري إن شاء الله فرخ)

هل الأفراخ تتواجد على مدى العام أم لها أوقات محددة وماهي إن وجدت.

كم العمر الأفضل لشراء الفرخ

ماهو طعامه المفضل

ولو كان لديكم أي اضافة أرجو أن لا تبخلو علي

دمتم بخير

[Q8 Sailer]

وعليكم السلام ورحمة الله وبركاته ..

هلا اخوي ...

اخذ فرخ لكن يكون يقدر يأكل من نفسه .. وريشه يكون مكتمل ...


ونعم غالبية الببغاوات تكون مستعده للكلام لكن عليك انت لازم تدربه بجديه...

والببغاء يعتمد على صاحبه هو يقدر يخليه اليف ويقدر يخليه متوحش .. لكن اذا بغيت ببغاء اليف وهاديء اخذ الببغاء المحجل ... يكون اهدى واليف ...

وانطر على السوق بالكويت راح يطيحون اسعارهم ..

انا الاسبوع اللي طاف رحت لسوق الحمام وشفت اسعار الفروخ على 160 - 170 .. غاليين :)

لكن راح اتطيح الاسعار الى 120 - 150 ...

بالنسبه لطعام الببغاء يكون الفواكه وانواع الحب (المكسرات) لكن الغير مالحه ...

وانصحك قبل لا تاخذ كاسكو .. الجمعه الجايه باذن الله روح لسوق الحمام وراح تشوف ناس يبيعون ببغاوات .. اسألهم كل سؤال بخاطرك لأنهم يجاوبون عليك .. واسأل المحلات .. وانصحك تاخذ معك صاحب خبره في هذا المجال.. افضل لك .. علشان لحد يقص عليك ..
----

وفي اضافه اخرى .. اذا ما كنت تقدر تدرب الببغاء أو ماعندك وقت .. انصحك تاخذ واحد متعلم عمره مابين ال 3 الى 5 سنين .. يكون متكلم ويصعد على اليد ومايعض ... لكن سعره اغلى شوي .. ممكن فيه 250 الى 300 دينار ...

وربما اكثر .. :) يعتمد على تدريب الببغاء ..

والله العالم ...
وان شاءالله اكون افدك .. واتمنى ان معلوماتي تكون كلها صحيحه .. .

والسلام عليكم ورحمة الله وبركاته ..

[كاسكـــو]

هل كل الببغاوات مستعدة للتدرب على الكلام ؟

نعم الببغاوات مستعده للتدريب لكن يوجد بعض التفاوت بالانواع
بعضها يكون ناطق بشكل جيد مثل الامازوني والأفريقي
والبعض الاخر محدود الكلام مثل الدره والكوكاتو والمكاو

هل هناك نوع يكون أليف وآخر لا ( مع العلم أني سأشتري إن شاء الله فرخ)

الاليف هي تربيه المزارع المحجله والغير اليف هي ببغاوات الصيد

هل الأفراخ تتواجد على مدى العام أم لها أوقات محددة وماهي إن وجدت.

الآن هي اصبحت تنتج محلي ومزارع ومتوفره ماعدا ببغاوات الصيد تعتمد على الطبيعه

كم العمر الأفضل لشراء الفرخ

العمر الافضل من 6 شهور وطالع يكون فرخ الببغاء قوي ويتحمل ولك الاختيار

ماهو طعامه المفضل

خلطات حبوب للببغاوات المفطومه اما اذا تاخذ فرخ تطعيم باليد يوجد اكل خاص بالفراخ بالمحلات

[كشكوش]

ياخوي طبيب الله يسلمك
وجه نظر
اذا ماقد ربيت طير قبل كده خذمعاك لسوق صاحب خبره
والطير الا تاخذه يكون كبيرفي العمر ووالف يعني مابين عمر 3-5 سنوات
والمعرفه والخبره تتولد من صحبتك وقربك من الطير
والله يوفقك

[كاسكـــو]

ليش ياخذ ببغاء بعمر 3 الى 5 سنوات كبير هذا

الببغاوات الاليفه المدربه والمتعلمه الجاهزه يكون عمرها سنه الى سنه ونص

لأنها بهذا العمر تم تدريبها وتعليمها واصبحت جاهزه للبيع

[الطـبـيـب]

جزاكم الله خيرا كيفتو ووفيتوا

بارك الله بكم

دمتم بخير