مشكله صار لها 8سنين ولا انحلت .. [الأرشيف]

passposse

29-07-2006, 10:32 AM

السلام عليكم ورحمة الله وبركاته ..

اليوم عندي موضوع اتمنى انكم تحلونه لي من زمان للحين ما قدرت اني احله ..

عندي طير من نوعية مليكون كاكتو صار له عندي تقريبا 8 سنين .. اول ما يابوه لي كان يخاف وايد وما يخلي احد يقرب عنده كان عن اطفال فأظن عشان جذيه كان يخاف من اي حد ..

المهم كمل فتره والحمد لله صار عادي وتعود علينا وصرنا نطلعه ويانا يقعد ويانا ونمسح ريشه وياكل ويانا ..

ظل فترة تقريبا سنتين من دون مشاكل وعادي معانا .. وصار يعيش بغرفه خصصناها له ويقعد ويانا بالبيت من دون قفص خاص له وما كان يطير .. بس بعد فتره فجأه تغير وصار يخاف من كل شي تقريبا مرات يقرب منا او يخليني اقرب منه بس بشكل نادر جدا ..

وفي هل الفتره بدأنا نلاحظ انه ريشه شوي شوي بدأ يتنتف بس مثل اي طير ثاني عدنا ظنينا انه بيرجع ينموا يته فتره اوكي ..

لكن فجأه بعد فتريعني لاحظنا اغلب ريشه راح .. ما كنا نتوقع يصير جذيه قلنا ممكن يظهر له ريش لو عطيناه اكل زين .. بس ظلت المشكله لكنه الحمد لله صار يقرب منا ويقعد ويانا وياكل ..

لكن ريشه للحين يومنا هذا من 5 أو 6 سنين ما راضي يطلع .. حاولنا وديناه البيطري ما فاده شي الا تقرع ع الاخر .. حتى منقاره صار هب زين منعوج وواحد العلوي مقصوص لين نصه .. والسفلي يطول ونرجع نبرده له عشان يقدر ياكل ..

طبعا الي مربنه يعرف كيف يكون مرات مزعج وصريخه يهد المكان هد لكن تربيته حلوه وهو وايد ذكي وظريف .. لكن مشكلته في الصريخ ..

فلو سمحتوا اي حد ممكن يساعدني وياه لانه مو هاين علي يظل بهل حاله والله انه يظل يتنافض من البرد .. تعرفون كيف المكيفات في الصيف .. مشكلته انه وايد يخاف من كل شيء مرات بنص الليل يصارخ كانه حد قاعد يكفخه بشيء طبعا ما يحب الحشرات مثل الذباب يسويلنا بالبيت حفله اذا شاف وحده .. وما اخفي عليكم عندي بالبيت بعد قطاو ممكن انه يخاف مسوين فيه شي بس هو من يصرخ او يبدأ صراخ يهجون عن المكان الي هو فيه ..

الله يعينا وياه .. واسمحولي اذا طولت عليكم بالقصه .. وتسلمون ..

سلاماتو ..

Mr. MeMo

29-07-2006, 11:47 AM

اخي العزيز

بخصوص الصراخ فهو شي طبيعي مع الكوكاتو
فصرخاته هي اهم عيوبه اما بخصوص صراخه
ليلا فالكوكاتو يخاف الظلمه ارجو منك و ضع
نور خافت له بالليل

اما بخصوص الريش و نتفه له سببين
الاول
حاله مرضيه في الجلد
فهل قمت بمراجعه البيطري ؟
والثانيه
حاله نفسيه
فهل وضعت له اللعاب او اغصان شجر في القفص؟

واليك هذه الصوره فهل وصل الحال لهذا الشكل؟

http://www.ir11.com/File/1154163722.jpg

هل حاولت استخدام الطوق كما في الصوره التاليه اذا
طائرك هو من يقوم بنتف الريش ؟

http://www.ir11.com/File/1154163897.jpg

ارجو منك الاجابه علي الاسئله لكي نستطيع افادتك
واتمني لك التوفيق

فطوم

29-07-2006, 12:10 PM

طبعا مستر ميمو القميل اكبر خبير وخطير بالمنتدى ماشاءالله عليه ماراح يقصر معاج بس انا بقولج قصه عم امي...

عم امي كان عنده كاسكو مدلل لمده 10 سنين يمكن والكاسكو بدا يطيع ريشه جرب معا كل شي لدرجه انه وداه السعوديه وكذا دوله عربيه يعالجونه من كثر مايحبه (وقتها مااكن فيه اطبه بيطريه بالكويت نفس الحين) وظل الكاسكو على نفس الحاله وبصراحه مادري هل اهو كان ينتف ريشه او ريشه بروحه يطيح...

المهم يوم من الأيام حفيد عم امي طلع الكاسكو من القفص والولد صغير قاعد يلعب مع الكاسكو واضاهر الولد انحصر وبال عالكاسكو وهو بالحمام ومن يومها طلع حق الكاسكو ريش بعد 3 سنين من المشكله!!!

انا مادري شنو السبب لكن اعتقد البول يكوي الجسم مما يقتل مسببات هذي الحساسيه

فنصيحتي لج حاولي تجلبينله بول ناقه وتسبحينه بماء البحر وانشاءالله يفيدونج لانه انا الكاسكو مالتي كانت نفس المشكله وديتها البيطري وعطاها فيتامينات وابره لكن ماكو فايده لين قمت اسبها بماء البحر او ماء مع بيكربونات الصوديوم

عاشق الحيوانات

29-07-2006, 07:31 PM

فطوم كان عندي نفس المشكله حطيت بوول ناقه بس ماكو فايدة جان يقول البيطري لفة بقصدير ودخله الفرن مع شوية باشميل
وحطيته بس حت ريش راسه وكنت بوديه لبنان اسويلة زراعة بس صارت الحرب الحين احتمال اسقيه سبرايت :d

فطوم

29-07-2006, 10:24 PM

عاشق الحيوان انت مجرم شلون تسويه بشمل!!!!!
بس انا احب بشمل الدياي:p

تطنز ها
والله السالــــــــفه صج والله ليش اجذب يعني
بعدين بول الناقه معروف ومذكور بالطب النبوي

FAWAZ

30-07-2006, 02:27 AM

حياك الله أخوي الغالي وسعيد بمشاركتك المشكلة معنا

فيه يا أخوي أسئلة واجد في بالي عن مشكلتك لأنها مشكله مو سهلة الحل بصراحه

لي تعليق بسيط ...
أحب أقول وني سبق وربيت هذا النوع ومو طير واحد عدة طيور منه في أعمار مختلفه
الطير هذا مناعته قويه جدا ضد الأمراض , إلا أنه حساس بزياده فأي موقف يصير معه يمكن يأدي فيه إلى الحاله إلى أنت ذكرتها
مثلا .... احد خوفه , أحد ضربه تذكر وراجع كل موقف مر فيه يمكن يكون سبب
حاجه ثانيه وظن انها سبب رئيسي بعد ... هي حاجة ورغبة الطير في التكاثر وهو معروف إنه أسهل طير في التكاثر , منعه من الحاجه هذي تسبب له مرض عضوي ونفسي بعد يؤدي فيه إلى قلع ريشه أو سقوطه لوحده , وتصير الحالة هذي غالبا إذا تقدم بالعمر
شي ثاني وهو مرض عضوي يصيبه يؤدي فيه إلى الحالة هذي

طيور الكوكاتوه طيبه لاكنها عنيدة جدا جدا فيجب الصبر معها والمداومه على العلاج

وذا بتكلم عنها كمشكله صارت لي .. فأنا تعبت وحترت وكل واحد يقول لي راي ويعطيني علاج دون أي فايده
بدايه المشكله زي ماقلت طيري يصفف ريشه أكثر من اللازم ولاحظه بدا يصير زي الأعواد مدري اذا الشي ذا صار معك وبعدها قام يسقط وحده ورا الثانيه ونا أتفرج مدري وش أسوي بعد ماتعبت من إعطائه كل علاج
عمر طيري كان 6 سنوات أليف جدا ملوكان كوكاتو ذكر
والحل كان غريب جدا ومحد يتصوره جبت له أنثى من نفس نوعه مع إنها متوحشه ومدري كم عمرها وسبحان الله تغيرت حالته وبدا يتعدل ريشة وصحته تحسنت وكلها كم شهر وريشه كله طالع
حاولت اني اكاثرهم من دون أي فايده

أعتذر عن الإطاله
لاكن حبيت أعطيك تجربه لي مع نفس الموقف الي حصل لك
ولي عوده إلى موضوعك إذا أفدتنا بمعلومات أكثر
أخوك فواز ,,,

عاشق الحيوانات

30-07-2006, 07:21 AM

فطوم مذكور بالطب النبوي حق الشرب مفيد للانسان بس تكبينه على الطير :p

passposse

30-07-2006, 10:56 AM

السلام عليكم ..

فهل قمت بمراجعه البيطري ؟

نعم اخوي بس من دون فايده ..

فهل وضعت له اللعاب او اغصان شجر في القفص؟

من ناحية الالعاب ايوا تقريبا كل شي مايخاف منه .. وهو ما يعيش في قفص خاص له فقط غرفه خاصه له والي يجلس عليه عباره عن حديد موب خشب ..

واذا وصلت حالته نفس الي بالصوره فأقولك للاسف اسوأ من جذيه كل الريش تساقط من راسه لين رجوله ..

من ناحية انه اذا كان ينتف ريشه بنفسه فهذا الشيء مو متأكده منه ..

وتسلم وايد اخوي Mr. MeMo ع الرد .. والله يعطيك العافيه اتمنى اجوبتي تساعد في التشخيص ..

سلاماتو ..

passposse

30-07-2006, 11:41 AM

السلام عليكم ..

تسلمين اختي فطوم ع القصه الي اثمرت وصار للكاسكو ريش بعد عناء ..

وانا بحاول اني اجرب اذا يصير اني اوفر هل شيء بس انتي قلتي اسبحه بماي البحر ممكن يفيد بروحه ولا لازم استخدم بول الناقه معاه .. ووين ممكن احصل هذي بيكربونات الصوديوم .. وبحاول وبإذن الله تنحل المشكله ..

الله يعطيج العافيه .. سلاماتو ..

passposse

30-07-2006, 11:51 AM

السلام عليكم ..

هلا اخوي عاشق الحيوانات مشكور ع الحضور الطيب ..

اذا يصير الحين انه في علاجات الانسان وداخل في الطب النبوي .. ليش ما نجرب ع الطير ممكن يساعده ويتعافى .. سبحان الله لخلقه شؤون ..

وتسلمون كلكم .. سلاماتو ..

passposse

30-07-2006, 12:17 PM

السلام عليكم ..

هلا اخوي FAWAZ مشكور وايد ع القصه الي صارت وياك مع طيرك وفدتني بها وتسليت بقرائتها مشكور ..

ومن ناحية الخوف ممكن او الضرب يعني التخويف بالضرب .. مرات يصير بس مو مني من اخوي لانه لما يصارخ يصير وايد مزعج في الصوت صراحه .. فممكن بعد خوفه من الذباب هو الي يخليه بهل حاله لكن نفس ما قلت لا فيتامينات ولا اي شي يساعده .. هو يته فتره بدأ شوي ريشه يطله وبعد فتره قصيره نشوف هل ريشتين الي ظهرن راحن .. اكبر مثال هو الذيل عنده تطلعله ريشه وحده بس لكن تظل فتره لابأس بها وترجع تنكسر وتطيح بعدها بفتره ..

انا بحاول اني ارفق صوره للطير لكن اخاف انكم تنتقدوني بسبب الي صاير فيه ع العلم انه ما خلينا شي ماسويناه عشان يكون احسن ..

ومن ناحية العناد اخوي صدقت وايد عندي لكن محبوب ع القلب حتى لو كان مزعج وعنيد .. وحنون وايد .. بس الحين كيف لو ابي اعرف اذا هو ذكر ولا انثى .. وهو الحين مدام هو حشره وصوته واصل الشارع الثاني فكيف بيب له انثى لو كان ذكر ماشا الله الموسيقا ما بتخلص .. خخخخخ :rolleyes:

والسموحه منكم وتسلم اخوي .. سلاماتو ..

انا و سمسم

30-07-2006, 01:05 PM

اخوي الاخوان مااا قصرووا معك بس فيه علاج جديد اكتشفووه
ما اتوقعت انك جربت وهذا الدواء عالج ببغاوات كثييييييييييييييييييير بشكل غير طبيعي
وهو للاسف مو متوفر في الدول العربيه بس لو تبي الموقع حقهم وتطلبه منهم جبته لك:D
وفيه مقالات كثير عن العلاج هذا وان شاء الله يفيدك:)

Mr. MeMo

30-07-2006, 01:44 PM

اخي الكريم

المشكله واضحه وضوح الشمس
الببغاوات بشكل عام طيور اجتماعيه
وهي في الطبيعه تعيش في جماعات

و ما فعلته بأن وضعته في غرفه بمفرده
و في معزل عنكم خطاء كبير
و الخطاء الثاني هو جعله يقف علي ستاند
من الحديد فيفترض ان تضع له غصن شجره
او ستاند خشبي يقف عليه و يتسلي به بعضه
و تكيسره مثل ما تفعل باقي الببغاوات

http://www.ir11.com/File/1154257250.jpg

حاول قدر المستطاع ان تضع له اغصان شجر حتي لو
صغيره الحجم كي يقوم بتكسيرها و يجب ان تخرجه
من المعتقل و ان تضعه في مكان تتواجد به الاسره
لو كان في فتره النهار ثم اعادته الي مكانه في المساء
لكي ينام

جرب ما قلته لك و لو لمده اسبوع وسوف تري الفرق
بأذن الله و انصحك في هذه الفتره بتنويع الطعام قدر المستطاع
و استخدام الفيتمنات كي تعوضه نقص الريش

اعتذر ان كنت قسيت عليك ببعض الكلمات ولكن في النهايه
انني لا اريد الا مصلحه طائرك و اتمني لك التوفيق

فطوم

30-07-2006, 04:54 PM

اختي اذا تقولين انه مافي ريش واسوأ من الصوره مانصحج اب بيكربونات الصديوم وماء البحر لانه يمكن يحرقه... مادري انا موخبره لكن مثل ماقتلج أحد الاعضاء نصحني بماء البحر ونفع مع كاسكوتي بس حالتها وايد كانت اقل

بيكربونات الصوديوم نوع من انواع الملح تلاقينه بالجمعيه يغسلون فيه الحوم والخضار لانه معقم ممتاز لكن مانصحج فيه:)

بخصوص بول الناقه ففعلا اهو دواء للثعلبه وتساقط الشعر والامراض الجلديه خصوصا البرص:)

عاشق الحيوانات

30-07-2006, 07:41 PM

اولا اختي شعر الثعلب غير عن الريش وبعدين الرسول صلى الله عليه وسلم قال كبيه على الكاسكو

passposse

31-07-2006, 07:40 AM

السلام عليكم ..

هلا اخوي Mr. MeMo عن موضوع انه الطائر معزول هو مو معزول بالعكس هو دايما معنا من الصبح اول ما يصحى الين ما ايي وقت نومه هو يسير لحاله لغرفته وينام ..

ودايما فترة الغداء يتغدا معانا وما شا الله ياكل كل شي تقريبا معنا بس اكثر شي يفضله الجزر المطبوخ وياكل الرز بعد .. يعني كل تقريبا الاكل الي ممكن يحبه اي طائر ودايما ننوع له في الاكل .. بس ممكن اسألك انه ممكن السمك لو كل منه القليل لانه هو يحب اكله ممكن يضره او هو عامل من العوامل الي تساعد ع تساقط ريشه ..

ومن ناحية الخشب بإذن الله بحاول اني اغير له هل شي ونخلي كل شي له بالخشب بإذن الله .. وبجرب وان شا الله يتحسن ..

وتسلم اخوي وايد ومن ناحية انك تقسو علي بالكلام بالعكس عادي انت عندك الخبره اكثر مني وانا اتقبلها وهذي مو قسوه منك هذا حرص منك ع الطير انه يحصل الافضل لانه طير وايد حلو في تربيته ..

سلاماتو ..

passposse

31-07-2006, 09:35 AM

السلام عليكم ..

شحالكم جميعا عساكم بخير ..

وفرت لكم الصور اليوم واتمنى تعطوني رايكم بالحل الي ممكن يساعد في إرجاع ريش الطائر ..

اترككم مع الصور ..

:eek: :eek: :eek: :eek: :eek:

http://uaemusics.com/up/uploading/be1.jpg

هني توه ياي ماكل وشبعان ومرتاح يبي شويت حنان وتمسيحه ع جسمه ..

http://uaemusics.com/up/uploading/be2.jpg

شوفو محلاته وهو يطالع ع جنب ...

http://uaemusics.com/up/uploading/be3.jpg

هذي احلى لقطه عندي لما يقرب من الكاميرا ..

http://uaemusics.com/up/uploading/be4.jpg

هني شوي خايف من الحركه الزايده بالغرفه او اي حشره او صوت يخاف منه .. حتى لما يقربون منه القطاو .. يظل في حالة ترقب للحركه الجايه من بعيد لبعيد يطالع لووول ..

http://uaemusics.com/up/uploading/be5.jpg

وهذي اخر صوره هني لما يباني امسحه ع راسه ..

والسموحه منكم اذا طولت عليكم .. سلاماتو مني ومن الطير ..

عاشق الحيوانات

31-07-2006, 09:53 AM

اخوي انا عندي كوكاتو منتف بس مو نفس الي عندك اعتقد من الحساسية وراجع الطبيب البيطري لاعطائك الدواء اللازم

passposse

31-07-2006, 10:11 AM

السلام عليكم ..

هلا اخوي انا و سمسم مشكور ع الحضور الطيب ..

بس شو هل الدواء الي تتكلم عنه وشو من الامراض عالج وهل جربته انت وشو المرض الي كان عند طيرك نفس مرض طيري او مختلف ..

واذا مافي مانع تجيبه لي وبشوفه ومقالاته بعد .. وتسلم اخوي ..

الله يعطيك العافيه ..

سلاماتو ..

passposse

31-07-2006, 10:16 AM

السلام عليكم ..

هلا اختي فطوم تسلمين ع الحضور الطيب منج ..

تسلمين اختي ع المعلومات وزين اني ما استعجلت وسويت الي قلتيه لي ولا كان حرقت المسكين الي عندي ..

وبالنسبه اذا كان اسوأ ولا لا عندج الصوره وحكمي وابدي رايج ..

الله يعطيج العافيه .. سلاماتو ..

passposse

31-07-2006, 10:23 AM

السلام عليكم ..

هلا فيك اخوي عاشق الحيوانات تسلم ع المرور ..

انت شفت الصور وتقول انه مو نفس الحاله الي كانت عندك بس اخوي اعتقد الي عندك كانت حالته اقل من هذا ..

وبقولك شي الطير ما كانت جذيه حالته بالعكس كان حالة ريشه اقل من جذيه اخوي يعني نفس الي كان باول الصوره الي حطاها اخوي Mr. MeMo فخفنا عليه وودينه لواحد بكستاني بيطري في الشارجه وعطاه كمن ابره ما سلم من بعدها بدأ ريشه كله يتساقط ..

يحليله تام جذيه في البرد لمن نشغل المكيفات يتنافض .. حاولنا بكل الطرق .. حتى بزيت الي يحطونه ع الشعر حطيناله وفيه ثوم قلنا يمكن يساعد لانه يساعد الشعر ع النمو لكن الريش ما فاده .. ما خلينا شي ما حاولنا وياه ..

الله يعينه هو ع هل حاله تقريبا من 6 سنين او اكثر .. تسلم اخوي والله يعطيك العافيه ..

سلاماتو ..

Mr. MeMo

31-07-2006, 12:43 PM

اخي الكريم

و الله اني صعقت لما شفت الصور
الله يصبره و يصبرك

ولكن هذه ليست حاله نتف ريش مطلقا
هذه حاله مرضيه بحته و تحتاج الي بيطري
متخصص و له خبره كافيه مع هذه الحالات
و اعتذر لعدم اللمامي بالامور البيطريه

واتمني من كل قلبي الشفاء العاجل
لهذا الطائر المسكين

انا و سمسم

31-07-2006, 05:59 PM

لا حول ولا قوه الا بالله

والله حاله طيرك ما عمري شفت زيها بس هذي مو حاله نتف رييش لانه ريش راسه منتوف
وزي ماقال اخونا Mr.MeMo هذي لازم تكون حاله طبيه

الدواء الصراحه ماا جربت بس كلمت ناس جربوه في امريكا ويقولون انه يعني ساعدهم
بشكل خيالي انا بعطيك الموقع وانت راسلهم

http://www.petmedicinechest.com/avian/Default.asp

بس حاول تفهم حاله طيرك مظبووووووون عشان ما يفهمونك غلط ويقولون انك ما اهتميت فيه
قلهم انه راسه مافيه ريش وانه مافي بيطري عرف يعالجه وان شاء الله يعطونك العلاج المناسب
:D :D
اتمنى اكون ساعدتك اخوي:D

FAWAZ

01-08-2006, 01:30 AM

ياساااااااااااااااااااااااااااااااااتر :eek: :eek: :eek:

ولله اني ماتوقعت الحالة لهذي الدرجه أبداااااااااااااااااااااااااااااااا
وزي ماقالوا الاخوان بارك الله فيهم هذي حاله مرضيه تحتاج إلى دكتور بيطري فاهم

لاكني أحب أهنيك وأشكرك على صبرك وتحملك على طائرك المسكين هذا
ولله قليل من الناس يتحمل يناظره فكيف يلعب معه ويعتني فيه ويطعمه
الرسول صلى الله عليه وسلم يقول : في كل كبد رطبة أجر , وطيرك لو تركتيه راح يموت من البرد او الحر أو لعدم قدرته الدفاع عن نفسه ,
ان شالله ربي يفتح لك باب من أبواب رحمته

أتمنى لطيرك الشفاء
أخوك فواز,,,

هيبه اسد

01-08-2006, 02:08 AM

هذا بطه ولا ببغاء!!!!!
حجمه بدون الريش ولا شي
وبعدين المنقار العلوي في اعاقه
طيرك ماينتف لان راسه مافيه رش هو اكيد المرض في الجلد روح لاكثر من بيطري شوف وش مشكلته بالريش ولا تأخذ على كلام بيطري واحد مر على اكثر من واحد وش وش الكلام الي يقلون عليه اكثر
اتمنى اني افدتك

passposse

01-08-2006, 08:19 AM

السلام عليكم ..

هلا اخوي Mr. MeMo ع الحضور ..

كنت اتوقع انك رح تصعق من تشوف الطير لكن شو اسوي هذي ارادت الله .. ا

الله يصبرنا ويصبره .. وبإذن الله رح اخذه لاقرب طبيب ..

سلاماتو ..

passposse

01-08-2006, 08:33 AM

السلام عليكم ..

هلا اخوي انا و سمسم مشكور ع الحضور الطيب ..

تسلم اخوي عن المعلومات عن الدواء .. الله يعين إذا موضوع اني افهمهم انه مشكلة الطير مو نحن سببها او ممكن انه نحن اذيناه اخاف ياخذونه منا خخخخخ ..

انا في البدايه بوديه للبيطري وبشوف كيف بيصير الوضع ..

سلاماتو ..

passposse

01-08-2006, 08:42 AM

السلام عليكم ..

هلا اخوي FAWAZ اعرف انه يا ساتر ع الي صاير للطير ..

وصل لدرجه وايد مو طيبه وهب حلوه .. بس يلا الحمد لله انه عايش ومتحمل ويانا ..

الحمد لله هو طير طبيعي يلعب ويناقز ويصارخ >>>> الله يعينا ع صراخه ..

ويعصب ويعاند وايد .. صحيح انه مافيه ريش لكنه حتى وهو بهل حاله هو طير عادي انا احب مرات اني الاعبه او اني احكله جسمه .. ومثل ما قلت مافيه شي غير انه ريشه طايح كله الحمد لله انه هب تعبان وايد او مريض او فيه شي ثاني هب زين ..

وتسلم اخوي ع الكلام الطيب الله يعطيك العافيه ..

سلاماتو ..

passposse

01-08-2006, 09:05 AM

السلام عليكم ..

هلا اخوي كوكاتو .. هذا ببغاء لكن للاسف الريش طايح عنه ..

عن المنقار اخوي هذا وايد فيه مشاكل انه لما يطول عليه وايد ما يقدر ياكل ع راحته فيضطر الوالد يقصره له بهل طريقه .. واصلا ما اعرف شو الي خلاه يصير جذيه المنقار وكيف ابدا عشان يصير بهل طريقه ..

من ناحية تنتيفه للريش ما جد شفته ينتفه بس كان يسرحه سابقا لكن انه ينتفه ما مرت علي اني شفته يحاول تنتيفه ..

واخوي هو جسمه دايما حار وايد فهل ممكن انه سبب تساقط ريشه هو الحراره الي تجيه في جسمه ولا سبب نفسي .. بإذن الله بوديه الطبيب ويشوف حالته التعبانه هذي ليش وشو سببها ..

وتسلم اخوي وايد .. ومشكور ع الحضور ..

سلاماتو ..

انا و سمسم

01-08-2006, 10:38 AM

اخوي انا والله مستغرب لانه انتوا ما شاء الله الامارات اكثر دوله خليجيه متقدمه
واتوقع في دبي عندكم مسشفيات بيطريه حتا ذاك اليوم جابوها في animal planet
اكيييد في عندكم خبراء احسن من الخليج كلللله بس حاول تدورر زيين اخوي وانا متأكد
انه في احد بيلاقيلكم حل ان شاء الله:D
واذا ما لقيت وانت ان شاء الله بتلقى اخر امل لك اللي هو الدوا اللي قلتلك عنه:D
لانه طيرك لااااااازم يرجع ريشه ما يقدر كذا ما يعرف يسيطر على درجه حراره جسمه:(
اخوي دوور زيييين وان شاء الله تلقى الحل;)

sniper

01-08-2006, 12:44 PM

هذا الطائر الكوكاتو عنده نقص بالفيتامينات جربي عطيه كالسيوووووم وانشالله يطلع له الريش

passposse

02-08-2006, 08:12 AM

السلام عليكم ..

هلا اخوي انا و سمسم ..

اخوي لا تستغرب ولا تفكر وايد .. صحيح عدنا في دبي مستشفيات لكن المشكله صار انه الطير ما نقدر ناخذه اي مكان صار وايد يخاف انه احد يشيله يخاف يطيح ..

قبل كان عادي ناخذه بالسياره ويانا اذا سرنا دبي او اي مكان ثاني ..

لكن الحين اذا نشيله لازم نحاسب وايد عن يطيح ويتكسر .. بنشوف شو ممكن نسوي عشان نوديه للبيطري في دبي لاني اعرف انه هناك احسن وافضل من اي مكان ثاني ..

شكرا ع الحضور الطيب ..

سلاماتو ..

passposse

02-08-2006, 08:14 AM

السلام عليكم ..

هلا اخوي sniper مشكور ع الحضور الطيب .ز

ممكن انه يكون عنده نقص في الفيتامينات ..

وبإذن الله بعطيه الكالسيوم ..

سلاماتو ..

انا و سمسم

02-08-2006, 12:07 PM

اخوي من البيت حطه في قفص يكون بابه كبييييييييير عشان ما يخاف لما تجي تدخله
ووديه البيطري:D :D او انك تحطه في قفص الكلاب الصغير (وتحط على الارضيه
قطعه خشب او كرتون عشان رجله ما تخش في الشبك) هذاك حلو يجي بابه
كبير بس عشان مشوار البيطري اذا كان خايف:)

passposse

05-08-2006, 07:47 AM

السلام عليكم ..

هلا اخوي انا و سمسم مشكور ع النصيحه ..

اكيد بتبعها من اهل الخبره انا اخذ .. وبإذن الله قريب بوديه وادعولي انه الامور تكون وياي زينه واقدر اوديه البيطري ..

وان شاء الله يطيب ..

سلاماتو ..

otaibiam

13-11-2006, 01:16 PM

اولا الله يشفيلك طيرك ويخليه لك
ثانيا اعتقد والله اعلم ان طيرك محسوووووووووود لأنك تقول انكم كنتم تاخذونه معاكم في اي مكان اكيد في احد ناظره بعين وحسده
هذا مجرد احساس جاني والله اعلم

passposse

14-11-2006, 08:37 AM

اولا الله يشفيلك طيرك ويخليه لك
ثانيا اعتقد والله اعلم ان طيرك محسوووووووووود لأنك تقول انكم كنتم تاخذونه معاكم في اي مكان اكيد في احد ناظره بعين وحسده
هذا مجرد احساس جاني والله اعلم

السلام عليكم ..

هلا اخوي otaibiam ..

تسلم اخوي ع الرد الطيب والدعوه له لاني اتمنى انه يشفى والله لانه حالته ما تسر لا صديق ولا عدو ..

ومثل ما تقول اظن انها العين والحسد وممكن لانه في ناس ما كانت تدانيه وتكره فممكن من كثرة دعائهم عليه ..

يحليله هو فقير ماله ذنب .. الله يشافيه .. حاليا احاول اني امشيله علاج بس بعد من فتره لفتره لانه صراحه ما يحب هل دوا او اذا شافه بالماي ما يشربه ومرات اقطاوتي يشربون من مايه ..

تسلم ع الاحساس الطيب تحياتي لك ..

otaibiam

14-11-2006, 12:02 PM

طيب ممكن تكون عدوى التقطها من القطط او ان القطط خوفتوه وجاته حاله نفسيه او اي شي
هذا ايضا مجرد تخمين والله يحفظه لك

تفاحه حمرا

15-11-2006, 01:22 AM

والله عورلي قلبي يوم جفته

الله يشفيييه يارب

ماخبرتينا اختي شوصار ؟؟

هل وديتيه البيطري ولا ؟

passposse

15-11-2006, 01:34 PM

طيب ممكن تكون عدوى التقطها من القطط او ان القطط خوفتوه وجاته حاله نفسيه او اي شي
هذا ايضا مجرد تخمين والله يحفظه لك

السلام عليكم ..

هلا اخوي otaibiam .. صراحه ما اعرف بس ما اعتقد من القطاو لانه لو كان منهم كان من البدايه اول ما جبناه كان طاح ريشه ..

انا اعتقد بسبب نوع من انه ابتعاد الشخص الي يعزه عنه فتره من الزمن .. وممكن بعد بسبب الخوف من شي ..

صراحه ما اعرف بس اشكرك ع الاهتمام ..

والله عورلي قلبي يوم جفته

الله يشفيييه يارب

ماخبرتينا اختي شوصار ؟؟

هل وديتيه البيطري ولا ؟

هلا اختي تفاحه حمرا .. تسلمين ع الاحساس الطيب منج والمرهف ..

والله ياأختي انا اعالجه عندي علاج له .. وعن انه اوديه البيطري قبل مودينه اكثر من مكان ما فاد صراحه ..

اما الحين للاسف ما نقدر نشيله نوديه صاير يخاف وايد اذا كان في مكان مرتفع يعني مثل لمن نشيله ع ذراعنا يخاف ومرات يفر عمره من الذراع والله انه قصص تصير في هل سالفه عشان جذيه ما صرت اشيله ولا شي والحين ما شيه بالعلاج الي عندي ويصير خير ..

تحياتي لكم ومشكورين وايد ..

تفاحه حمرا

15-11-2006, 05:59 PM

ان شاء الله العلاج يفيده .....

اختي ماجربتي اتيبين له انثى يمكن يرد طبيعي ؟؟

the snipr

21-11-2006, 05:40 AM

walla madre wesh alsalfa
bas o5oi 3asheg al7aiwanat
shlon albashamel bel cocatu shaklah a7la men albashamel b aldjaj
hehehe

the snipr

21-11-2006, 05:43 AM

men jed walla iemken ma7sod
sab7eh bmoi magre 3aleah
la amza7

the snipr

21-11-2006, 05:52 AM

tara sha'3lat ennek tjebelah ontha weiiah
hathe law kan inattef reshah men almalal
w asef 3ala tankete elle mo jai f wagtah
w atmanna lah alshefa al3ajel
w shokran

ام رائد

30-11-2006, 08:46 AM

passposse

30-11-2006, 12:38 PM

اخوي والله طيرك حالته سيئة الله يشفيه
بجد حزنت عليه :(
اعتقد انو موب مريض.. محسود والله اعلم
فأنصحك اخوي لو تجرب تمسح على ظهره يوميا
بزيت قراية او ماء زمزم مقري عليه لمدة اسبوعين او حتى شهر بشكل يومي ..
وان شاءالله يطيب ..ويرجع ريشه مثل اول

السلام عليكم ..

هلا اختي ام رائد ..

اشكرج ع الاحساس الطيب منج ..

والله اختي جربنا كل شي معاه عشان يطيب ومثل ما قلتي الماي المقراي حتى هذا جرناه وياه ومافي شي صار ..

حاليا انا اعالجه بدوا اخذته من عند محل واشوف انه صار شوي افضل عن اول الحمد لله بس لازم ادوام عليه ومشكلتي اني احيانا انشغل فأنسى الموضوع ..

اشكرج مره ثانيه ع الاحساس الطيب منج .. تحياتي ..