التهاب العين عند القطط

[تركوازية]

السلام عليكم

اخباركم؟

حبيت احط الموضوع و افيدكم...عشان لا تخافون وترتعبون ويجافيكم النوم مثل ما صار فيني لو صاب الشي قطاوتكم..وعشان تاخذون الاحتياطات بعد...

الاسبوع اللي فات طلعت "سبايكي" 10 دقايق في الحوش عشان يلعب و اعرضه للشمس...

في اليوم الثاني اشوفه يماوي صوبي من اطالعه يغمض لي عيونه و يفتحها...انا ظنيت انه يبي يلعب او يبغيني اشيله على الغنفه جنبي...وا علي عليه ما كنت ادري انه يبغي يخبرني انه عيونه تعوره فيها شي....باليوم الثالث...وكان يوم سبت ويكند...صحيت الظهر على صوته يماوي و "سلفر" تنقز علي تصحيني...

انصعقت يوم شفت عنون "سبايكي" فديت عنونه...فيها ورم ومثل الصديد....ما عرفت شو اسوي تخبلت ومافي بيطري فاتح اليوم...وديته عند امي قالت يمكن شامبو دخل عينه يوم سبحته او تراب يوم طلعته بالحوش و قالت حطي له ماي ورد..خطيت له و حسيته ارتاح شوي لانه بدا يلعب عادي.. لكن بالليل تسكرت عينه وزادت دموعه و زاد الصديد..وما قدرت انام لين الصبح اخذته للبيطري...وقال لي هذا التهاب في شي دخل عينه وسبب له التهاب...وعطاني دواء بشري و قل لي قطري في عينه مرتين باليوم...والحمدلله اليوم ثالث يوم لي من استعملت الدواء و عينه طابت وراح الصديد و باقي شوي من الورم لكنه اخف عن قبل...

فحبيت افيدكم انكم تاخذون من هالدواء تخلونه عندكم ينفع للبشر و الحيوانات...اسمه colircusi gentamicin 0.3% وموجود بالصيدليات البشرية..ويمكن بعضكم عنده بالبيت لانه يوصفونه للعين والاذن بعد...

ها صورة عين "سبايكي" بالالتهاب (اسمحوا على عدم وضوحها)

http://up2.m5zn.com/photo/2009/4/14/06/jx0jd6m1m.jpg/jpg
http://up2.m5zn.com/photo/2009/4/14/06/9eifyune7.jpg/jpg

وربي يشفيه ويبعد عن حيواناتكم المرض يا رب

[M 7 M 7]

ان شاء اخوي يتشفاااااااا سبايكي



ومشكوووووور على النصيحة

وانا اذكر استعملت نفس المرهم للعيون للقطوتي

المهم :: داوم على نفس العلاج و اكيد الدكتور حدد لك عدد ايام استخدام العلاج لاتنسى تراجع الطبيب

[الفايلسوف]

الله يشفيه يارب :( ..


وأنا قطوتي الصغيرة فيها نفس الكلام والحل هو ( المرهم للعيون ) مثل ما قال أخووي M 7 M 7 ..


وهذا تشتريه من الصيدلية بـ 22 << أفضل نووع ويجيك زي الجل وتحطله على طرف عينه وتفتحها وتسكرها وتسويله مرتين باليوووووم ;) ..




وإن شاء الله أستفدتم من الموضوووع ..

[مربي الطيور]

مسكين فديته شكله يكسر الخاطر

انتبه عليه تراه امانه برقبتكـ

[sisi_moon]

وآآآي عليييه فدييته :(

الله يشفيييه بأسرع وقت يااربي

ومشكوره ياقلبي على النصيحه

والله لا يبلي قطااوتنا بأي مرض ان شاءالله

[! هاويه الطيور !]

الله يشفيه يارب
ويسلمو على المووضوع

[تركوازية]

تسلمون على الردود

مربي طيور لا توضي اخوي :) والله اعاملهم كانهم عيالي و ما اظن في حد مدلع قطاوته شراتي ...لدرجة توهم الاثنين نشوا من رقادهم كانوا راقدين بعيد ((سبايكي على ايد الغنفه و سلفر ورا الستاره))..نشوا على طوول يوو عدالي كملوا رقادهم ..خاصه سلفر لازم تبدا او تنهي رقادها في حظني...ون تاخرت برع البيت شوي...تعفد علي و تيلس تماوي كانها تسالني وين رحت...

ربي يحفظهم لي و يحفظ لكم حيواناتكم...

[الـــــــرازم]

اتمنى له الشفاء العاجل بأذن الله

[black face]

يا حياتي

الله يشفي سبايكي

ويحفظه من كل شر

ومشكووووووووووورة ع النصيحه

[آنـــــو]

ياحااااتي ..

صدق الجو الفتره اللي راحت مرره غبره وجراثيم ..

الله يشفيه ياارب ..

ومشكووووره على النصيحه حبووبه ..