يا شباب مسكت طير كوكاتيل ولا أدري وش أسوي به

[النمر الجليدي]

السلام عليكم ورحمة الله وبركاته

كيف حالكم عساكم طيبين

وآسفين على ها الغيبة لظروف خارجة عن إرادتي المهم

قبل يومين أو ثلاث أيام جاء طير كوكاتيل منحاش لبيتنا أكيد أن الخضرة جابته المهم ومسكه أبوي وحطيناه في كرتون فيه فتحات ( أنا أدري أنه غلط بس على أساس إني أبعرف راعيه بسرعة )

وسئلت عنه الجيران ولا أحد ربى ذا الطير وقلت أبيعه ولا لا يوم شفت سعره ما أعجبني قلت أبربيه عندي بس يحتاج قفص وأنا ما أدري وش القفص إلي يناسبه

و السؤال ألحين يقول

القفص يكون كبير ولا صغير ؟

أجيب معه واحد ثاني ولا ما يحتاج ؟

وش تاكل ؟

هل هي متكلمة ؟

ما هي البيئة التي تناسبها (باردة - حارة - جو الرياض :p ) ؟

وصورته بعدين أبصوره

وسلامتكم

~.~

[ienna]

الكوكتيل يحب القفص الكبير

وعموما هو سهل ترويضه وتدريبه

وأكيد يحب الطائر ألا يكون بمفرده

يأكل لب دوار الشمس والفلارس والقليل من ا لدنيبة والبلكم
أيضا الخضروات والفواكهة بالتناوب يوم بعد يوم

وهو يحب الجو المعتدل وفي الحر الشديد يوضع له طبق للإستحمام يوميا حتى يلطف درجة حرارة جسمه

والله الموفق

[diiie_hard]

ienna (http://www.2zoo.com/vb/member.php?u=34133) افادك بكل المطلوب

[جداااوي]

افادك الاخ ienna
ما يحتاج اضيف رد زي ما قال

[Msha3il]

حط داخل القفص منظره عشان ما يحس انه وحيد بالقفص ( بس لا تكون حاده عشان ما تجرحه وركبها زين عشان ما تطيح و تجرحه بعد )

واذا كان معاه كوكاتيل ثاني لا تحط معاه منظره عشان ما يخلي اصدقاءه

[Cocktail Bird]

مثل ما افادك اخوي ienna

لكن اول شيء لا تجيب له زوجة عشان سهولة تدريبه في الفترة الاولى وتقدر تطلعه بسهوله تامة

ولازم تلعبه وتطلعه برع واهم شيء انك تقص جناحه عشان ما يطير مثل ما جاك..

وانا عندي كوكتيل زوج جننوني بس الحمدالله الذكر قام يطلع برع القفص ويوقف على يدي لكن الانثى توحش X توحش

ع العموم اذا راح تخليه فترة بووحه اشتر له العاب ومثل ما قال الاخ حط له منظرة وراح تشوفه يصفر ويغرد

اذا كان ذكر

وفي اكل ينباع للطيور في المحلات وهو متكون من الحبوب لب دوار الشمس والفلارس والقليل من ا لدنيبة والبلكم

وان شاء الله في المواضيع المثبتة تفيدك

[سندباد]

ما قصرو الاخوان معاك

لاكن جو الرياض الصراحه غير

بتخلي طيرك مشوي على الفحم

الافضل هو جو البيت الداخلي

وما انصحك تجيب واحد ثاني خله على الاقل عندك شهر

ثم شوف اش يصير له ممكن راعيه اطلقه لانه مريض لا سمح الله

وبعدين تأكد هو ذكر والا انثى ثم جيب له الي يبي

والقفص عادي ممكن طوله 50 كافي

[خبيرهـ الحيوانات]

طير الكوكاتيل يفضل القفص الكبير طبعا يحس بالراحة اكثر
والاكل اكل طيور الكوكاتيل فيتامينات اكثر
وانت كيفك تبي تييب طير ولا لا
لا طيور الكوكاتيل ماتكلم بس ممكن تدربها انا كوكاتيلي مدرب
يفضل طائر الكوكاتيل العيش في جو معتدل واحسن لة
تحياتي