مساعده بالاختيار لو سمحتوا

[بدر^الكويت]

السلام عليكم
انا عضو جديد بهالمنتدى الرائع
واقول لكل الي فيه الله يعطيكم العافيه على هالمجهود وماقصرتوا
عندي استفسار اليوم شفت هالقطوه الشيرازيه عمرها شهر ونص تقريبا حبيت اخذ رايكم فيها هل هي اصليه ام هجين وسعرها 70 دينار هل تسوى.
اليكم الصور
http://www.ir11.com/File/1154202284.jpg
http://www.ir11.com/File/1154202374.jpg

بانتظار ردكم
تقبلوا تحياتي

[فطوم]

والله القطط شأنها شأن الكلاب ماتبين الا لمه تكبر ممكن يكون شعرها قصير ويطول ممكن العكس لكن حاليا شكلها أصيله وبصراحه 70 دينار وايد في بالسوق على 40 و50 حاول تدور بالسوق ان مالقيت توكل على الله

[قطو_Q8te]

هذا السوق الي ورا منتزه الشعب عدل
وهذا موقعهم http://www.mypuppyq8.com/
نصيحه اخوي انا زرت المحل صراحه قططهم مو نظاف
موتقليل من مكان المحل بس هذا الصج
القطط رحت شفتها مبين عليهم اعراض مرض وبروده وديدان يمكن بس الجلابه المناك نظاف
نصيحه مني لاتشتري من عندهم
بعدين 70 مبالغ رح يقولك هذا مستورد من هولندا ومادري شنو حجي فاضي
روح سوق الحمام نفسها ب60 تفاصل معاه تاخذها 40-50
ومن الصوره تلاحظ خمول العيون وهذا يدل على الاهمال
واول مره اشوف قطاوه حاطينهم بقفص سمج ! ويمهم فيران مفرخين لوول
وانت حر
وحياك الله بينه اكيد

[بدر^الكويت]

الله يعطيج العافيه اخوتي فطوم على رايج
اخوي قطو كويتي عدل كلامك هذا الي بالشعب بس عندك محل معين اروح له اللاقي قطاوه نظاف وزينين ياليت تفيدني.
وشكرا لكم على المساعده.
تحياتي

[فطوم]

اخوي تقدر تروح سوق الحمام
وتروح مركز سلطان بتشوف الكثير من الناس المنتجين حاطين ارقامهم وصور قطاوتهم:)

[مشاغــب]

وعليـــــــكم الســــــلام


يا هلا اخوي بدر الكويـــــت


شووف انا اقوووولك ابعد عن هذا القطو احسن

شووف انا ابي ادلك على محلي الي شاري منه قطوتي

روح حراج الجمعه .. روح للمحلات ملات القطاوه والجلاب

ادخل المظله الثانيه الي فيها محلات والمحلات الاولى خلها

تلقى علي ايدك اليسار محل للقطاوه ادخل تلقى فيه قطاوه حلوه وسعرهم

رخيص انا شاري قطوتي ب 35 دينار كويتي وانشاااء الله يعجبنك القطاوه وتلقى ترى في المحلاتي

الثانيه على 20 على 50 على الكثير بس انت نزل بسعر اذا لقيت الي يبيع هندي

وقالك على 40 القطوه قولها خلها 20 وخلك صامل لو انك تبيها وبعدها اذا عيا

اطلع من المحل وقول خلا ص تعطينيها على 25 راح يناديك وراح ينزل السعر وتكون انت الكسبان

ويقول المثل اسأل مجرب ولاا تسال دكتور

[قطو_Q8te]

صح كلام اخوي المشاغبـ .
لكن دربالك همن بسوق الحمام اهمال وعدم اهتمام فيهم لدرجه كلهم فيهم دود وخمولـ ..
يعني من تشتريها سيدا تدش البيطره الي جدام سوق الحمام يطعمونها ضد ديدان ويفحصونها.
بسوق الحمام اكو محلات وايد بس في محل صاير كله قطاوه قفوصه جدام محل يبيع همسترات
هذا بصراحه نصاب يشتري القطو ب15 ويبيعها ب60
انت نزل معاهم ترا ينزلون وطلع بايدك السعر الي تبي تدفعه اقلا شي ادفع 35 واذا كاسرت وياه يوصل 25 نفس مافاصلت بسوسي يبناه بـ 27 من 60 دينار ;)
وفي محل على ايدك اليمين ثاني جبره عاليمين عنده قطاوه حلوين واكو لداخل بعد
انت دش وفاصضل مويعطيك السعر ويقص عليك ولو هندي كاسر وياه ترا اهم يبون يبيعون بسعر عالي عشان راعي المحل يكافئهم على ظهورنا :rolleyes:
ومثل ماقلتلك سيسددا اخذها البيطره بس القطوه الي شفتها بهالمحل زوينه لكن باين عليها خمول وتعب بسبب اهمال واشك انه فيها دود اذا عطاك ياها ب40 توكل لاني شفت ذيك المره اثنين قاعدين يفاصلون على قطوه يقولونله يالله على35 :confused:

[بدر^الكويت]

فطومه ومشاغب وقطو كويتي الله يعطيكم العافيه ماقصرتوا
اليوم رحت سوق الحمام وشفت هالقطوه ومثل ماقال البايع انها هملايا عيونها زرق بس ما ادري ما اسمع لها حس كلش اش سالفتها هل هي خرساء وهذي صورتها ممكن تعطونا رايكم عمرها شهرين ونص
http://www.ir11.com/File/1154281044.jpg
http://www.ir11.com/File/1154281089.jpg
فباليت تقولولي رايكم اخواني
بانتظاركم
تحياتي

[قطو_Q8te]

هذا المحل الي كله قطاوه عدل في داخله هندي بويبها وريال كويتي
هذيل نصابين يشترون بسعر رخيص ويبيعونها غالي ومايهتمون فيهم
القطوه حلوه همالايا ...
حاس انه فيها دود والله اعلم لانه مناك مايحطون لهم مكان للبراز فيخزنون داخل البطن ويتولد دود
جم يبي فيها؟

[بدر^الكويت]

هو هندي الي كان بالمحل ماشفت كويتي والله
بس هو قالي 70 دينار بس انا ماكاسرت وياه كنت رايح اشوف بي
انت اشرايك واشلون اعرف اذا فيها دود اخو قطو ؟
يعني انت ايش رايك اخذ هذي والبيكي فيس؟
بس مالها صوت كلش حاولت اقرصها تفتح فمها بس من غير صوت اشسالفتها؟
ياليت تنصحني يا اخوي والله يجزاك خير ماقصرت.
تحياتي

[قطو_Q8te]

70 مبالغ فيه اخوي ! قول 50 - 40
لو تربية بيوت 70 - 60 يسوا
بس هذا محل واكيد مافي عنايه واهمال شديد
شوف برازها اذا اسهال واذا بطنها منفوخ
واسحب شعرها شوف يطيح
والخشم عليه نقط سوده او افرازات غامجه غير الخشم
والعين لماعه مبين عليها النشاط؟
انا الحين بكلملك رفيجي عنده قطاوه تربية بيوت شيرازيين وبعرضهم هني بموضوعك اذا تبي

[بدر^الكويت]

والله ياليت اخوي لاني تعبت وانا ادور
عيونها كانت لماعه وماكان فيه اسهال ولا شي انا قلتله باخذها اوديها الطبيب الي بسوق الحمام عشان افحصها واذا مو زينه برجها.بس الي اسال عنه الصوت القطوه مالها صوت كلش هل هذا عادي.
بس ياليت تكلم رفيجك هذا ابي قطوه حلوه بينكي فيس وتكون نظيفه لاني بحطها عند الاهل.
بس انت من رايك اي الاحلى الهملايا ولا البنكي فيس؟
وانا بانتظار رد صاحبك.
اقدرك مساعدك هذي لي اخوي قطو كويتي

[قطو_Q8te]

الهمالايا ذكي وحلو وجيك
البكي فيس ماحب اشكالهم يعني احسهم طفره غلط طالعه :D

بس قطه مالها صوت اعتقد خايفه يمكن؟ :rolleyes:

[بدر^الكويت]

ماعليه تعبتك معاي يا اخوي تحملنا شوي.
الهملايا حلو وعجبني انا حاولت اقرصها عشان تطلع صوت بس ماكو فايده.
بس انت من رايك هذي الهملايا اصليه ولا مو شي؟
تسوى اخذها الهملايا يا اخوي.؟ولا انطر رد صاحبك الي عنده الشيرازي وتوريني صورها؟
ومن رايك اخذها افحصها اول ما اخذها؟
هو قالي عمرها شهرين ونص وقالي ماتطعمت لين الحين قالي بعد 3 شهور تاخذ تطعيمها اشرايك بهالكلام.
ياليت تفيدني وشاكرلك

[قطو_Q8te]

اي صح القطط تتطعم بعمر الـ 4 شهور \ 3
الهمالايا ناتج من شيرازي وسيامي
عالعموم كلمتلك خالي وهذي صور القطويين المعروضين
الميلاد: 15\6


http://www.stooop.com/7/a0b6c709ae.jpg (http://www.stooop.com)

http://www.stooop.com/7/fa3ea34922.jpg (http://www.stooop.com)

http://www.stooop.com/7/53292b6637.jpg (http://www.stooop.com)

وهذا ابيض كل عين لون
نفس التاريخ والبطن



http://www.stooop.com/7/85b57ac491.jpg (http://www.stooop.com)

http://www.stooop.com/7/f27203bb76.jpg (http://www.stooop.com)

2\2

http://www.stooop.com/7/ff089fee4e.jpg (http://www.stooop.com)

http://www.stooop.com/7/90c928d561.jpg (http://www.stooop.com)

[بدر^الكويت]

مشالله عليهم حلوين والله
اخوي ممكن تعطيني ايميلك ابي اضيفك عندي علمسنجر اذا تسمح هذولي كلهم ذكوره ولا فيهم نثيه؟
هذولي شيرازي اصلي ولا مهجن يا الغالي؟

[قطو_Q8te]

اي كلهم ذكوره \ شيرازي اصلي
تربية بيت
وايميلي الحين اعطيك عالخاص

[ach3och]

جوف اخووي انا انصحك اتوديها البيطري في نفس اليوم علشان يسويلها فحص شامل ...:)
و هو يقلك عيوبها وشنو ناقصها واذا طلع فيه عيب ما يتصلح قطها على الهندي ورجع فلوسك
علشان لا يقول انت سبب مرضها.
بعدين اخوي يتراوالي 70 دينار وايد غالي عليها, فانا انصحك لا تستعيل واشتر من
اعلانات مركز سلطان لاني من جم اسبوع جايف يبيعون سيامي فلحق.
منهم اهمة نظاف وقابلين للمساومة ومطعمين و خالصين وماكو أفضل من تربات البيوت
والله يوفقك ببنت" قطوة"الحلال.....:):):):):):):):):):):)