سؤال عن لولو ؟؟؟

[بسووووم]

السلام عليكم
اول شي انا سعيده بانضمامي للمنتدي الرائع صراحه وايد استفدت منه و اشكر كل اللى اجتهدوا وشاركو فيه و اتمنى تقبلونى صديقه جديده معاكم :)

المهم عشان ما اطول عليكم انا سؤالي يمكن يكون متكرر بس و الله انا عندي قطوة اسمها لولو شيرازيه و عمرها الحين يمكن 10 شهور تقريبا و هى حامل بايامها الاخيرة و طبعا هاذي اول ولاده لها و انا قريت اغلب قسم القطط و كلكم اجمعتم ان القطه الحامل قبل لا تولد تنعزل و انا حسب حساباتى انو لولو بتولد يعنى المفروض اليوم ولادتها و امى تقول من اليوم للاربعاء على اسوا تقدير بس هى ما تنام او تقعد الا معانا يعنى لما اكون بمكان تنام فيه و الصندوق بغرفتى و ما تروحه الا و انا في الغرفه و مو دايما و مو معزووله يعنى عادي تقعد بره ويغرفتى و معانا بس ما تروح مكان ظلمه او شي و ناد لما تقعد بالصندووق فهل هذا عادي يعنى ولا في شي مع العلم انى تاكدت من الحمل عند الطبيب و ما فيها الا العافيه الحمد الله و سؤالي الثاني هذا تونى تذكرته عند صدرها في نقط سووود هذا عادي ولا في شي ؟؟؟
ادري انى طولت عليكم بس بليز جاوونى و الله يعطيكم العافيه مقدما:d

[رياني]

اختي اول شي مرحبا فيج في هذا المنتدى الرائع
بس انا ماعندي خبره في القطط بس ان شاء الله
الخبراء يفيدونج
سلام

[بسووووم]

تسلم رياني على الرد يعطيك العافيه : ) بس وين خبرائنا ابي احد يرد على يعنى بتولد لولو ولا بتعطيني مقلب ؟؟؟ و نسيت اقووول اليوم سوت حركه غريبه اليوم قعدت تنادي و طلعت لاول مره على الفراش و تبينى ادلعها و دلعتها طبعا و هى صارلها جم يوم مسويه معاهده صداقه و كله معاى و تبينى ادلعها بس ما مو مبين عليها انها بتولد و كله نايمه سوري طولت عليكم بس يمكن لانه اجازة واول مره قطوتى بتولد ما كو شغل يعنى الا لولو وتسلووون مقدما على الرد : )

[westlife]

اول شي اختي حياك في هذا المنتدى الي فيه كل خير
وانشالله اتفيدين وتستفيدين
اول شي فتره الحمال تقريا 63 يوم
وطبعا القطوه لمن تحمل اتلاحظين انه تهدى وتلحق وتتلصق فاظن ان هذا شي طبيعي انها ما اتدش الغرفه الا اذا انتي دشيتي ما شالله شكلها وايد متعلقه فيك
وبالنسبه للنقط السود يعني مب فاهم هل تقدصين مثل الحبوب يعني شي بارز او فقط لون على الجلد لاني اول مره اسمع بالهشي انشالله الاعظاء افيدونك

انا عندي لك سؤال ما عليك امر
فطوتك كم عمرها بالظبط لمن احملت؟
لولو حامل ابكم قطوه؟

واليعطيك الف عافيه

[بسووووم]

تسلم ويست لايف على الرد و يعطيك العافيه
و ما يامر عليك عدوووووووووو
و الله لولو حملت تقريبا لما كانت 7 شهور جاءها نداء الطبيعه مطالبا بالزواج : )
اما بجم واحد والله ما ادري و بالنسبه لنقط السوده لا مو بارز هى على الجلد و ما ظهرت الا عند الحمااال يعنى لما صارت تنظف نفسها و تشيل الشعر عشان لما ترضع وبسسس

[westlife]

اي ترى بس الدكتور يقدر اعرف كم واحد في بطنها تقريبا ولو اتصورين بطنها يمكن اقدر اقولك كم
بس ترى عاده القطوه اول مره تولد اتييب 3
المهم لمن تولد بشرينه
وانا قطوتي لمن ولدت ما كان ابين انها بتولد لان كانت طبيعيه حتى في يوم الولاده
المهم انا انصحك اتحطينها في غرفه خاصه او مكان خاص علشان تولد فيه يعني حطيلها فوطه ودلعيها علشان تولد عليه

[بسووووم]

و الله يا ويست لايف ما سالته يومها بس بغيت اطمن عليها لانها بيوم و ليله ماكو بطن فكنت خايفه يكون في شي و قال لا انها اوكي و ما فيها شي من جذي نسيت اسالها بس هى خفيفه وبطنها صغير انا اقول بتييب واحد بعد مو ثلاثه : )
شلون احطها بغرفه بروحها انا سويت لها الكرتون وحطيت فيه فوطه ناعمه و غطيته وسويت له فتحه بعد عشان تحس انه مظلم و امن بس تقعد في اى مكان الا الكرتووون بس تقعد وين ما اقعد و ان شاالله اول ما تولد بقوووووووووووووول بسوي عرس بس بس بقووول و يعطيك العافيه : )

[westlife]

خلاص يعني في مكان للولاده اهو الكارتون تمام
صدقيني وكت الولاده بتدش في الكارتون
واذا ماتدش دايما حطي اكلها في الصندوق علشان تتعود

او في حل ثاني مدام اهي تقعد وين ما انتي تقعدين خلاص اقعدي في الكرتوون واهي بتقعد معاك (اتغشمرر)

[بسووووم]

هههههههههههههههههههههههههههههههه ممكن والله ليش لا اذا بتقعد ما عندي مانع بس انا لو قعدت ما بيكون لها هى مكااااااان و ان شالله بحط اكلها بالصندوق يمكنتتعود و تسلللللم

[قطو_Q8te]

لوووول اختي
حلوه معاهدة صداقه
لاتخافين هذا دليل على اواخر ايام الحمل
التدليل والدلع
وشكلج انتي اكثر وحده مدلعتها ومهتمه فيها لانه هالحركه القطط النثايه يسوونها لمربيهم الحنون واكثر تدليل لهمـ
مومشكله بظلمه او مومظلمه
اخر ولاده لقطوتي اتواد من 3 اسابيع مادري 4 ولدت بكبت امي لوولـ !
احسن حل فجي كبتج يمكن تولد فيه
وموبعيده تولد يمج
عندج العضوه : قطقوطه قطوتها سدحت راسها على ريلها وبدت تولد
اهم شي وكليها عدل
ولما تولد
1- مسكي ايديها
2- مسحي على راسها
3- نادي اسمها بصوت حنون
4-خلي اكثر واحد تحبه يقعد يمها
5- بعدي عنها كلشيييييييييييييييييييييييييي مزعج ولاتخلين اكثر واحد يؤذيها يمها
6- لو الذكر موجود حطوه خليعرف انه مرته تولد تفادي للغرور وعض اليهال
7-صكو الليتات لاتفجون الليتات قويه فوق راسها
8- اذا نولد قطو داخل جيس نفس نايلون وماقدرت الام تبطه ييبي شي حاد مثل عود اسنان او شي بطقه خفيفه ينبط عشان يتنفس

ورح تشوفين نفس قطعة مربعه مثل لحم تنزل مع كل ياهل صج مقرفه بس لاتخافين رح تاكلها الام لانه كلها فيتامينات
والله يعينج عالريحه المصاحبه للولاده من اول ياهل لوولـ فلوعندج كمام خليه احتياطي وماعندج دبري

بخصوص نقط سود مادري والله
بس انتي دهنيهم بفازلين اهم شي
لانه اتواد ولدت 10 وصارو 7 من كثر مايبون يشربون حليب التهب صدرها وتحت بطنها حيل دهنت بفازلين وراح الالتهاب

[الصولجان]

اهلا فيك بسوم ومنورة
صراحة كنت بتفلسف وبقول كلام كبير=========> هع هع
بس يوم قريت رد قطو خلاص ======> مابقى شئ وها بشري ولدت ولا باقي

[جوري]

الله يسهل عليها يارب:)

[بسووووم]

تسلم اخووووى قطو وسوري انى رديت متاخر بس ما لانى ما شفت ردك الا الحين :)

وتسلم على المعلومات اللى قلتها و بنفذها ان شالله بس خل تولد و الله تعبت صارلي 4 ايام ما انام بسبتها جنى انا الحامل مو هى من كثر ما احاتي و من كثر ماا اهى تصيح :d
و ان شالله اول ما تولد ببشركم و تسلم مره ثانيه

[بسووووم]

تسلم اخوي صولجان و تسلمين جوري و الله يعطيكم العافيه كافي مروركم و الله للحين ما ولدت والله لولا انى وديتها للطبيب عشان اتاكد انها حامل جان قلت انه كاذب :)
عموما على اسوا تقدير هى الحين باليوم 63 او 64 و الله يستر و انا جهزت كل شي الجلافز و الليت الخفيف و الكرتوووون و سديت جميع المنافذ اللى ممكن تولد فيها و ما اشوفها و ما انام بعد اخاف انام و تولد بروحها و هاذي اول ولاده و اخاف عليها :d

و ان شالله لما تولد بالسلامه بقوووولكم
وشكراااااااااااااااااااا على الاهتمام

[قطو_Q8te]

على فكره اتواد ولدت ب اليومـ ال 70 ويابت عشر يعني اليوم ال65 مو مقياس اكيد لميعاد الولاده
عموما" القطه تمر بالمراحل الاخيره للحمل بالتالي
1- تصبح حنونه جدا
2- تصدر صوت غريب
3- تزوع
4- اسهال ريحته خايسه

[بسووووم]

:eek: لا لا تقوووووووووووووووووول معقووله عقب هالانتظار كله تولد باليوم 70
هههههههههههههههههههههههههههههههههههههههه لا حرااااااااااااام صارلي اسبوع ما انام بسبتها ولا اطلع خايفه تسويها و انا مو موجوده :D

يعنى بتطول الحلوووة و انا اليوم عندي عشان و قاعده اقولهم مالي خلق بسبتها ههههههههههههههههههههههههههههههههه عيل بطلع و خلاص دم فيها للسبعين بس احساسي النحيس يقولي انها بتسويها لانى بطللللع

و تسلم قطووووو على العلامات الاخيره هى الشي اللى تسويه ومتاكده منها انها تتدلع بس اسهال ما اعرف و اصوات غريبه ماكو و الحمد الله ما تزوع

[بسووووم]

نسيت اقووول بس قاعده تحوووووووووووووس و تصيح مياو و مياو بس ما ادري شتبي و ادلعها تسكت و شوي و تقوم او لو انا رحت تقووم ما ادري اشفيها ؟؟ الله يستر و صارلها جذي يومين

[قطو_Q8te]

بسسسسسسسسسسسس
هالصوت يعني قربت الولاده وماتحسين بصوتها مع المواء نفس هوا شي جذي

[بسووووم]

لا و الله ماكو شي عاديه و الحين شفتها راحت نامت و لما رحت لها ناديتها جان تقول مياو بستها تقول مياو اقولها شفيج تقول ميااااو بس قاعده مرتاحه متمددة ما تحوس و نفس او هوا ماكو و بعد مافي اسهال ؟؟؟ ماكو علامه ثانيه خلالالالالالالالالالالالالالالاص تعبت من كثر ما احاتى اقول بتولد لا ما بتووولد تسلم يا قطو ادري تعبتك من كثر الاسئله بس هاذي ضريبه الشهرة :)

[بسووووم]

تسوي هالصوووت كركركركركركركككركركرررررررررررررررررر بس هذا مو تسويه لما تكون مستانسه و صوتها حده ما ينسمع و هى تقول ميااو و تبي تدش تحد الفراش بس انا ساده كل المخارج و المداخل و ما ترووح للكرتوون ابد اعتقد يا قطووو انها بتولد بالسبعييين بما انها الولاده الاولى شكلها بتطووووول

[قطو_Q8te]

لوووووووووووووول
قطوتج شنو نوعها؟
الله يسلمج هذي قصتي مع ولادة اتواد الاولى والثانيه
الولاده الاولى:-
كانت الساعه 11 بالليل مانشوف غير اتواد راحت درج بكبت امي فاضي وسدحت نفسها ونسمع صوت جنه احد بردان قاعد يرجف
رحنا ولا ماده راسها وصوت يرجف وتخرخر شويه ولابطنها يتحرك تضغط اهي وتتعور ويطلع ماي من فتحة الولاده هني كلنا تضايقنا لانه اول ولاده حقها واول مره نشوف هالمنظر
وتضغط وتضغط ليما الساعه 2 ولدت الاول ونزل معاه قطعة لحم خفنا قلنا شنو هذي
حتى نزلت موضوع والله يعطي قطقوطه واختي ميساء الف عافيه ساعدوني حزت الولاده وولدت

الولاده الثانيه:-
الصبح قعدت اشوف اتواد تنوي وتمشي بالبيت كله تروح تدش غرفه غرفه وتنوي بسرعه العاديه ماتنوي الا لما امي اتحاجيها او اتناديها
رحت الصيفي ورديت ولا الاخت والده بكبت امي فماعشت حزت الولاده

وهذا موضوعي بث مباشر عال24 حزت ولادةا تواد

http://www.2zoo.com/vb/showthread.php?t=6062

[قطو_Q8te]

تسوي هالصوووت كركركركركركركككركركرررررررررررررررررر بس هذا مو تسويه لما تكون مستانسه و صوتها حده ما ينسمع و هى تقول ميااو و تبي تدش تحد الفراش بس انا ساده كل المخارج و المداخل و ما ترووح للكرتوون ابد اعتقد يا قطووو انها بتولد بالسبعييين بما انها الولاده الاولى شكلها بتطووووول
لالا لا70 ولاشي
دام صوت كركركر جنها مزكمه يعني خلاص
يا اليوم وانا احتمال اقولج بعد 5 ساعات لانه بولادة اتواد الثانيه جذي صار رحت الدوام 7 رديت 11 والده او باجر الصبح

[بسووووم]

يا ويلىىىىىىىىىىىىىىىىىىىىىىىىىىىىى يارب باجر الصبح مو اليووووم
و البث المباشر خوفنى و عور قلبي ما ادري عاد بتحمل اشووفها ولا لا قطوتى شيرازيه بس ما اعرف شيرازى بس اى شيرازى ما اعرف : ) ومع الاسف ما اعرف احط صور بالموقع بحاول اعرف و بحطها عشان تقولي شنو نوعها

[قطو_Q8te]

طريقة تحميل الصور:-
دشي على مواقع تحميل
www.q8boy.com
www.ir11.com

ضغطي Browse ودوري وين الصوره مسيفه وضغطي عليها بعدين upload - تحميل
يطلع لج رابط الصوره اخذيه وحطيه بالرد وتطلع صوره

[بوب عراد]

والله سوري اختي ماعندي خبره ع اتوليد