مشكله خطيره

[sdda7]

عندي كوكتيل مربيه من عمر يومين الحين عمره شهر الفرخ اليوم لاحضت انه معد يهضم الاكل وبعدين بطنه نحف نحف غير طبيعي الفرخ نشيط وشهيته مفتوحه للأكل المشكله ما اقدر اوكله الا الين يروح الاكل الي بالحوصله,
المشكله هذي صارتلي مع فرخ ثاني ومات الفرخ من الجوع و(الحوصله مليانه)
ابي اعرف اذا قد صارت الامشكله هذي لاحد واذا فيه حل مضمون لهذي المشكله ارجو الرد بسرررررررررررررعه لا يموت الثاني كروكودايل
يالله يا مشرفين ويا محترفين ويا فاهمين افيدوني جزاكم الله خير

[sdda7]

شكله اذا مات الفرخ ردو العالم او شكلهم ما عندهم سالفه ما يعرفون الا كم تبيض وش لونه احطه بقفص ولا برا يا ناس ابي رجال فاهم شوي ويربي فروخ يمكن القا عنده خلفيه
بسرعه حسبي الله على من ضلمني

[sdda7]

الحين دريت ان مافيه احد في المنتدا عنده سالفه لا مشرف ولا غيره

[salmen]

اخي سوي الخطوات الي اقول لك عليها وانا مجرب لاتستخدم سريلاك استخدم بسكويت الشاي مع الماء وخليه قريب إلى السائل وكل ما اكبر الطير قلل من الماء

[sdda7]

ما قصرت اخوي salmen الله يوفقك دنيا واخره والله يحسن خاتمتك والمسلمين اجمعين والله يرزك المال الحلال والصحه والعافيه والله يطرح فيك البركه امين
ابجرب وانشالله يرجع كروكو دايل مثل اول
بس المشكله كيف انضف حوصلته الاكل ما ينزل ياليت ينزل ابي طريقه اخليه يقدر يهظم باقي الاكل

[كوكاتيله]

أخوي أني صار لي من قبل نفس هذه الحالة

ورحت إلى محل الطيور وعطاني بعض الأدوية

لكي يساعده على هضم الطعام إللي بحوصلته

ولكن للأسف مات لأني تأخرت بالذهاب إلى مكان الطيور :(

فأنصحك بالذهاب إلى البيطري بأسرع وقت

والله يشفي طيرك وبالتوفيق:)

[sdda7]

رحت وعطاني مضاد حيوي وفيتامينات لكن ما عنده سالفه عن الطيور
وكلمت عيادات بيطريه قالو تعال نسويله عمليه والكلاب يوم رحت قالو تعال السبت الخميس يسكرون العياده الساعه 1 الضهر وكروكو دايل الحين عندي في العنايه المركزه ادعولي يعيش اللين السبت انا قاعد اعطيه سوائل والحمد لله جسمه قاعد يتجاوب مع السوائل والفيتامينات بس حالته بشكل عام سيئه اليوم الفرخ بدت عليه اثار خمول والله يستر من الجاي

[كوكاتيله]

أخوي إعطيه ماء مع الفيتامينات الملونة لكي تقوي جسمه

وهذه الفيتامينات تباع في بعض أماكن الطيور

وهي مفيدة جداً للطيور

وإن شاء الله يشفى وتفرح بفروخه :)

ولكن عندي سؤال

ما هي السوائل إللي تعطيه إياها ؟؟؟

[كوكاتيل مشاغب]

السلام عليكم

اخوي انا طريقتي ممكن تختلف عن طرق البعض
انا الفروخ مهما كان نوعها او عمرها لازم اضيف للاكل شوي رمل بحري مغسول عشان يساعد على طحن الاكل في الحوصله بس مو كل مره بالاسبوع مره بسسسس
وخلطة الاكل
قمح مطحون + ذره مطحونه + حمص + رز + ملعقه صغيره زيت جنين القمح
انقعهم بمويه دافيه لمدة 11 ساعه واغير المويه كل 5 ساعات او 6 ساعات
بعدين اصفيهم وبالخلاط مع ملعقتين طحينه سائله واضعهم بحافظة طعام وبالثلاجه لما يجي موعد الاكل اطلع اللي يكفي و ادفيه بالماكروويف
هذي الخلطة الاساسيه ومع تقدم السن اضيف لها مهروس الفاكهة او الخضار او البيض المسلوق المطحون او بسكوت الشاي المطحون وانت عند المجال للأبداع
تحياتي

[sdda7]

اخوي السوائل اللي اعطيه اياه مويه مع فيتامينات ومويت الرز
اما عن الانتفاخ اللي بالحوصله ما راح الا يوم جربت الطب النبوي طحنتله شعير وطبخته مع الماء الين صارت سائل لزج تقريبا وعطيته سم كل 3 ساعات وصار تكرم والقارئين يتبرز احسن من اول مع انه اول يتعصر مده طويله تشوفه تقول بيبيض ولا يطلع الا نقط والحمد لله اللي كان مثقل عليه الحمد لله نزل من حوصلته
ما قصرتو يا اخوان الله يكتبلكم في كل خطوه سلامه يا رب والله يسهل عليكم كل امر صعب تتمنونه امين يا رب
والحمد لله صحته الحين احسن بمراحل

[sdda7]

اخوي اما عن الرمل انا اتعامل مع طيوري بنفس الطريقه لاكن ما جربت على الفروخ
دايم اوفرلهم رمل وتراب والغالب ارضيت الاقفاص اخليها رمل واغيره كل يومين وهم ياكلون منه