تسجيل الدخول

مشاهدة النسخة كاملة : اكل الببغبغاء الخضرا ((الدره)) ساعدوني!!!!

بنت الذكريات
16-04-2009, 05:50 PM
السلام عليكم ورحمة الله وبركاته

شخباركم اعضاء وعضوات منتدى تو زوون انا عضوة يديده عندكم حبيت المنتدى وااايد لانه فيه معلومات افادتني واايد

عندي مشكله في طيري البغبغاء الاخضرا الدره هيه عمرها شهر ونص في هالفتره قبل كانت تاكل من الابره الحين ماتحب تاكل من الابره ماعرف شو اعطيها من الاكل لانه طول اليوم ما تاكل كل ازاعج ماعرف شو اسوي معها ممكن تنصحوني يا اهل الخبره
اختكم
بنت الذكريات
amd_attia
16-04-2009, 05:58 PM
اختنا بنت الذكريات مككن تعطيها بيض مسلوق يهرس جيدا جدا مع اضافة البقسمات وتقلب الخلطه وتعطي للفرخ باليد
هاوي الدره المطوقه
16-04-2009, 07:46 PM
هلا اختي حياس في المنتدى
شوفي مثل ماقال اخوي amd_attia عطيها بيض او رز مطبوخ يعني طازج واهرسيه في صحن وحطيه في يدس وعطيها
وهي على طول تبي تاكل لنها جوعانه
وهذا الي عندي ونشوف خبراء المنتدى
كاسكـــو
16-04-2009, 08:04 PM
كيف صحة الببغاء ؟؟

لأنه مستغرب كانت تآكل وبعدين وقفت !!

وش نوع الأكل اللي كنتي تعطينها ؟

وكم صار لها على هذا الحال ؟

ياليت توضيح ولي بآك على موضوعك
جداااوي
16-04-2009, 09:35 PM
كيفك
زي ما قال الاخ كاسكو

او اذا الطير ما يحب يقرب الابره اعطيه زي ما قالو لك الشباب بيض مسلوق و خس
انتظر الافاده
7mamah
16-04-2009, 09:42 PM
اناا طيري بنفس العمر تقريبا وصار ياكل شوي من الابره وشوي يدور بالارض ما اعرف شو يدور كأنه يبحث عن أكل غير السيريلاك

هل اعطيه مثل ما قلتوا بيض مسلوق ؟؟

واعطيه ايااه كل اربع ساعات مثل السيريلاك ؟؟

وهل اعطيه حب دوار الشمس واخليه يحاول يقشرها او اكل ثاني علشان ينفطم والا تو الناس عليه ؟؟


وسامحيني اختي بنت الذكريات على دخولي في موضووعج بس نحن نفس المشكله وقلت يمكن نستفيد من استفساراتنا مع بعض يمكن وحده تنسى شي ههههه

:)
فارس مجهول
16-04-2009, 11:47 PM
الله يخليلكم طيوركم :oانا عندي فرخ دره لما كبر وصار عمره شهرين او اقل بشوي قام يرفض انه ياكل سيريلاك فقمت افصفص له الحب الشمسي والفول السوداني وقام ياكلها واعطيه تفاح وموز وعنب لما الطير يبتدي يعتمد على نفسه في الاكل
بنت الذكريات
17-04-2009, 08:20 AM
مشكوووووورين خواني كلكم على مساعدتي... وجزاكم الله خير... وانا بسوي نفس ماقلتم وبرد بخبركم

احتكم
بنت الذكريات
ا
بنت الذكريات
18-04-2009, 11:33 PM
السلام عليكم
شخباركم خواني وخواتي
انا سويت مثل ماقلتو بس البيض ماحبته فا شو سويت لها.... سويت لها العيش مع البقسماط واالماي شويه وبعد البطاطا والبقسماط والحمدالله كلت وارتحت وااايد لانها وااايد تعبتني من صريخها ومشكووورين على نصايحكم الي افادتني وااااايد وتسلمون
اختكم
بنت الذكريات
CHUKY
19-04-2009, 02:09 AM
أختي اذا ماعجبته وصفات اعضاء المنتدى اديه جرجير لاتعطيه الورق اعطيه الي بالوسط
واذا كلامي غلط فاياليت تصححوه
بنت الذكريات
19-04-2009, 02:22 PM
أختي اذا ماعجبته وصفات اعضاء المنتدى اديه جرجير لاتعطيه الورق اعطيه الي بالوسط
واذا كلامي غلط فاياليت تصححوه

مشكور اخويه على الفكره بس وضحلي اكثر شو الوسط كله ورق انتظر ردك
اختك

بنت الذكريات