القفص قفل على رقبة ببغائي لمدة 5 ساعات

[سكر]

السلام عليكم ورحمة الله وبركاته



أمس بعد ما صليت الفجر جلست ربع ساعة مع ميزوو ببغائي,, واللي ما يعرف ميزوو يقدر يراجع مواضيعي ويلاقي صوره في كل موضوع.

المهم ان عندي قفص كبير ينفتح من فوق, وله بابين من فوق القفص.

أنا شكلي نعسان وفتحت باب واحد بس,,,

ورحت انام,,,

صحيت على المنبة عشان صلاة الجمعة,,,

شوي الا المدام تقول لي الحق على ميزوو علق راسه في القفص.


رحت اشوفه لقيته مسكين ناشب في القفص ومخنوق فيه,,,


أثاري ميزوو كان يلعب كعادته وطلع فوق الباب المفتوح وتقفل على راسه

صار جسم ميزو فوق الباب,, وراسه داخل القفص...

يعني صار داعس على راسه,,,

قمت فتحت الباب له وطلعته وحضنته,,,

ولقيته مسكين ما يقدر يحمل راسه,,,

وكل شوي يميل على جنب او يطيح على تحت,,,

وفي الأخير استقر انه يرجع راسه على ورى عشان يثبت

لكن كل ما فكر ياكل أو ينزل راسه قدام,, يميل برقبته كلها وما يصير يقدر يرفعها الا بجهد كبير,,

كأني فهمت انه صار له خلع في رقبته,,,

جلست ادلك رقبته,, وامسح على راسه,, وأضمه لصدري,,, وأقول لاحول ولا قوة إلا بالله.

إنا لله وإنا إليه راجعون.

وهذي صوره,,,



http://up2.m5zn.com/photo/2009/4/17/01/fvgc5z119.jpg/jpg (http://up2.m5zn.com)


http://up2.m5zn.com/photo/2009/4/17/01/7cvbxfrl6.jpg/jpg (http://up2.m5zn.com)


http://up2.m5zn.com/photo/2009/4/17/01/0x5mwjzk2.jpg/jpg (http://up2.m5zn.com)





المهم اني رحت صليت الجمعة,,,

وبعد الصلاة لقيت شايب طالع من المسجد ورايح بيته,, قلت له يا عم تعال أوصلك,,

الجو كان غباار,, وركب الشايب معاي وجلس يدعيلي وانا في بالي ان ربي يشفي ميزوو.


ولما رجعت البيت لقيته أحسن شوي

وكان عنده اسهال, ونافش ريشه مثل مانتم شايفين في الصور,,,

ومغمض عيونه,, وحالته تحزن والله,,,

وكل شوي يطلع صوت استعطاف,,, مثل صوته وهو صغير لما كان يبغى ينام, بعد ما أكله,,,

وأنا قلبي ينعصر عليه,,

جلست أعطيه أكل,, بيض مقلي (بزيت الزيتون),, وجزر وخس وخيار وتفاح, ومكرونة.

بس ياكل شوي ويوقف,, قمت تذكرت كلام أخوي مجنون عويشق, الله يجزاه خير عن موية الرز.

ونقعت الرز في الموية وشربت ميزوو منها,, وجبتله حبة بركة وخليته يآكل كم حبة.

وطول الوقت وانا أطالع فيه وقلبي ينعصر من الألم عليه,, والخيال لعب في حسبتي للآخر,,,

توكلت على الله, وحسيت انه مرهق ويبغى يرتاح,,, طفيت النور ورحت أنام للعصر.

قمت لصلاة العصر وأول ما دخلت الغرفة عند ميزوو وشغلت النور جلس يرفرف بجناحه فرحة بشوفتي,,

مثل ما كان يعمل أول كل ما شافني أو سمع صوتي,,, وفرحت كثير انه قدر يرفرف بأجنحته,,,

قمت ألعب معاه بس مازالت رقبته تعبانه,, وانا طول الوقت أدلك رقبته وأعمل له مثل المساج.

لكن لاحظت انه تحسن كثير عن أول,, وصار يلف راسه وينظف ريشه,, وهذي علامة جيدة.

بعدين صار يخبي منقاره تحت جناحه من ورى,, مثل ما يعمل لما ينام ويخبي منقاره بين الريش اللي في ظهره.

وجلست معاه للمغرب,, وبعدين قمت سويت له خلطة أكل,, طحنت شابورة وحبة بركة وعسل وتفاح مهروس,, وخلطتها له وأعطيته بالابرة أو الحقنة.

أكل نصها ووقف, وهذا شي أفرحني كثير.


ورجعته للقفص عشان ينام.


اللي يحزنني انه يبغى يتشقلب عشان يرضيني بس مو قادر,,,

يبغى يلف حول العصا بس رقبته تخونه,,,

وكل ما أقرب يدي منه يمد ارجوله عشان يسلم,, بس يختل توازنه ويرجعها,,,

ولما امسح على رقبته يغمض عيونه ما أدري مرتاح والا من قوة الألم,,,


والله يا شباب من غلاته عندي لو يجيني 10 آلاف ريال ما بعته...

وأسأل الله العلي العظيم انه يشفيه برحمته التي وسعت كل شيء.


وفي الأخير أتمنى من كل الأعضاء انهم إذا بينصحوني بشيء بقولون لي إذا جربوه أو لا.

يعني لاحد يقول استخدم الشي الفلاني أو أعطيه الشي الفلاني الا إذا قد جربه فعلاً.

أما المعلومات اللي عن طريق النت أو المنتديات أتمنى من الكل انه اذا بينقل منها انه يقول ان طريقته منقوله من غيره, وليست مجربة.



وكثير منكم بيقول وديه لبيطري,,, وأنا أقول أشكرك لكني ما أثق فيهم, ولا أعتقد ان عندهم الإمكانيات اللي تخولهم بعلاج مثل هذي الحالات.


تمنياتي لكم ولطيوركم بالصحة والعافية





.

[كاسكـــو]

الحمد لله على سلامة ميزوو

ومايشوف شر ان شاء الله

[امزوني وبس]

الحمد لله على السلامه وزين جات على كذا لانه جلس مده طويله مخنوق

بس انا عندي احساس انه بيتحسن وقريب ان شالله بتشوفه مثل اول وفضل

الله يخليه لك ويدوم عليه الصحه والعافيه

[قلب ميمي]

الله يشفيه ويعافيه يارب بس حاول تعمله تدليك خفيف باصبعك على رقبته عشان تنشط الدوره الدمويه لانه مع سكت القفص اتحبس الدم في الرقبه بس انتبه لاتزنطه ههههههههههههه
ترا زوج اختي دكتور بيطري وهو الي قالي كده
وحاول تسويله كمدات دافيه بس بعدها لاتعرضه لتيار هوا بارد

تقبل مروري

[سكر]

الحمد لله على سلامة ميزوو

ومايشوف شر ان شاء الله

الله يسلمك يا كاسكو والشر ما يجيك يا غالي

أشكرك على المرور

.

[سكر]

الحمد لله على السلامه وزين جات على كذا لانه جلس مده طويله مخنوق

بس انا عندي احساس انه بيتحسن وقريب ان شالله بتشوفه مثل اول وفضل

الله يخليه لك ويدوم عليه الصحه والعافيه

اي والله يا امزوني شكله نزل كل السوائل اللي في حوصلته,, والحمد لله ما اختنق فيها...

آمين يارب

مشكوور على مرورك

[سكر]

الله يشفيه ويعافيه يارب بس حاول تعمله تدليك خفيف باصبعك على رقبته عشان تنشط الدوره الدمويه لانه مع سكت القفص اتحبس الدم في الرقبه بس انتبه لاتزنطه ههههههههههههه
ترا زوج اختي دكتور بيطري وهو الي قالي كده
وحاول تسويله كمدات دافيه بس بعدها لاتعرضه لتيار هوا بارد

تقبل مروري

آمين يارب

والله طول الوقت وانا اعمل له تدليك,,,

والله يجزاك ويجزا زوج اختك خير على النصيحة.

اشكرك على المرور

[أبو ريـــــــــــــان]

قدر الله وماشاء فعل

الله يشفية ويعافية والحمدلله انها جات على كذا ولا مات


ماشاءالله تبارك الله والله يشفية لك ويهنيك فيه ولا يوريك فية شر آمين يارب

[mns2009]

الله يشفيه والله ما تستاهل ياسكر
بس أخوي اتوقع أنها شغلة بسيطة
و أنصحك تدلك رقبته مع شوية زيت زيتون مشان تعطي مرونة لرقبته بس هذه الوصفة مالي مجربها

[عاشقة الببغا]

الحمدالله عاى سلامة طيرك والله يخليه لك صراحه يجنن شكله

[آنـــــو]

لاحووول ولاقووة الا بالله

شكللله يحزززن خاصه أول صووره :(

والحمدلله أنه حي وربنا كتب له عمر ،، 5 ساعات مو هينه وأن شاءالله مده بسيطه ويرجع مثل قبل

ويتشقلب لك لين يدوخ راسك ..

وأن شاءالله الأعضاء يفيدونك بالشي الأكيد والمفيد ..

الله يحفظه لك من كل مكرووه ..

[تركي12]

الله يشفيه لك اخوي سكر ولايوريك فيه مكروه وان شاء الله راح يتحسن

بس انا ماجربت الكمادات على الطيور بس تراها نافعه كثير مع الانسان

وانت سيد العارفين ولو لاقدر الله مانفعت اكيد ماراح تضره اذا كان المكان

دافئ ومره ثانيه اقول الله يشفيه ويهنيك فيه ياغالي والله اني حزنت

من حزنك عليه ياغالي

[خربووش]

الله يشفيه لك ياسكر والله انا اليوم صحيت ومعي صدااااع قوي ورقبتي تعورني كله عشان المخده شوي عاليه كيف المسكين اللى صاك على نفسه الباب......على فكره هذي اول مشاركه لي وعشاني تعاطفت معه رديت ...بس ماقول الا الله يشفيه لك

[قلب ميمي]

لا شكر على واجب بس خلي في بالك لاعاد تنزل صورته في النت انت عارف الطيور والحيوانات تتنظل (تتحسد ) زي الانسان وترا في ناس لا يذكرو الله ولا يصلو على النبي لازم الواحد لمن يشوف اي شي يعجبه يقول ماشاء الله ولا حول ولا قوة الابالله الله يباركلك فيه

[Madrid Spirit]

بسم الله الرحمن الرحيم

الرائه سكر ما اقدر اني ما اجاوبه بكل تفصيل

سكر قبل اي شيء ساجاوبك على الخاص باذن الله غدا بالتفصيل ايضا بس خلنا الان بالغالي ميزوو

اول مشكله

القفص سكر على رقبته

بسيطه جدا هذي يا غالي و ما تخوف

شوف يا غالي

هيا علاجها بالوقت فقط ( اذا ما كان في كسر )

ولا اعتقد وجود كسر مادام الطائر يحاول تحريك راسه و يرفرف بجناحيه

ممكن انت تساعد الطائر بوضع ماء دافئ داخل كاسه ( اجعل الكاسه من الخارج دافئه

و ضع الكاسه على رقبه الطائر لمدة ربع ساعه فقط

ما تخليها تكون ساخنه فقط دافئه

و موضوع الاصابه مساله وقت فقط ( لا تخاف من هذا الموضوع الا اذا كان كسر )

الموضوع الثاني

الاسهال

الاسهال علاجه بمرحلتين مهمتان جدا

الاولى تعويض الطائر السوائل اللي فقدها

الثانيه مكافحه المرض

نروح للنقطه الاولى

كيف ممكن نعوض الطائر السوائل اللي فقدها

الطائر مادام ياكل شيء ممتاز و لكن الغذاء ليس كل شيء لتعويض السوائل

فبحالة الاسهال اول شيء يفقده الطائر السوائل اللي بالجسم فينقص وزنه بشكل ملحووظ

روح الصيدليه يا غالي

جيب دواء اسمه ORS

هذا مشروب للاطفال

ضع مقدار كيس بكاسة ماء دافئه

و اعطي الطير كل ساعه 2-3 مل

بمجموع 20-25 مل باليوم

هذا فقط لتعويض الطائر السوائل اللي يفقدها مع الاسهال

المرحله الثانيه العلاج

الاخ مجنون عويشق اقادك بشيء ممتاز جدا

و لكن الطائر بحاجه لمضادات حيويه

من رايي اذا الطائر ياكل و ما فقد شهيته و يشرب لوحده

نضع المضاد بالماء

ممكن تستعمل 3 انواع لعلاج الاسهال

1- تايلان ( تجيبه من الصيدليه )

2- انروميك ( بيطري و صعب جدا تحصله )

3- سلفامايسن ( بيطري - دواء فوار سوري )

اذا استخدمت تايلان ضع بالماء كل يوم 5 نقط + فيتامينات فيتوبلكس 2 حبه ( تلاقيها عند البيطري او محلات الطيور *
و تجدد الماء بشكل يومي

اذا استخدمت انروميك نفس الشيء تماما كما التايلان

اذا استخدمت سلفامايسن تضع كل يوم بوعاء المياه مال الطائر 2 حبه + 2 حبه فيتوبلكس

ولا تنسى ابقي الطير بمكان دافئ دام عنده اسهال

و باذن الله مساله ايام و الطائر يعود كما بالسابق باذن الله

اتمنى اكون افدتك يا غالي

و الله يشفيه

اللهم امين

[Madrid Spirit]

^^

ردي كثير طويل انا مليت و انا جالس اراجعه

الله يعينك يا سكر حتقرء هذا كله :D

[بحر السكون]

أأأأوووووووووووووووووووف لا إله إلا الله محمد رسول الله أذكروا الله يا أعضاء توزو على هذا الطير
ماشاءالله ولا حولا ولا قوة إلا باالله صحيح ياسكر قلب المؤمن دليله وأنا من دخلت المنتدى المغرب
كان عندياحساس رهيب فقدنا طلتك علينا وقلت في نفي ياالله عسى خير ...
والله ما تستاهل يا سكر إلا كل الحلى لكن قدر الله وماشاءفعل معليش ياخوي قول إن شاءالله
أزمه وتعدي .. وأنت قد الصلايب تطمن أخوي سكر ..مراح يكون إلا كل خير إن شاءالله
لأن الطير بالصور واضح أنو زعلان وخايف فقط أكثر من أنو تعبان يعني زي ماقالوا الأعضاء
مسألة وقت وتعدي حاول تهتم فيه أكثر من الناحيه النفسيه وراح يتحسن بإذن الله ماعليه إلا
العافيه .......................................... وفي الىخير أتمنى من كل عضو يدخل للرد يذكر الله على هذا الطير
زي ما قال أخونا أبو ريان وتأكد سكر حنا معك في كل وقت بس أنتا أهدى على اساس تقدر تركز
في معرفة الدوا المناسب له

[زياد محمد]

:eek: يؤيؤيؤيؤ سلامات والله ياسكر ياغالي على طيرك ليته برااس طيري ابوو جعررة هههههه وابشرك توفقت امس وبدلت فيه والان بنزل المووضووع الف سلامة تقبل مررروري بدووون مخالفات;)

[الفارسي100]

اخي العزيز سكر الف سلامه على ميزو وفكره الاخ ابو ريان جزاه الله خير جيده ماشاء الله تبارك الرحمن بعدين اتمنى والله من كل قلبي انك ماتطبق وصفه الاخ مدريد جزاه الله خير تايلان وش هو له وليه هو عنده مايكروب او التهاب في الرئه وانروميك وسلفا مايسين يستخدم للجراثيم والعصيات في الامعاء تكفى لاتجرب ما يستاهل ميزو ان شاء الله عدت مرحله الخطر اتوقع انها بس شد في العضلات لطول الفتره الى اجبر انه يثني رقبته وما فيه زي مويه الرز للاسهال والشاهي الثقيل واستمر بالتدليك وان شاء الله ماعنده غير العافيه اشوف صورته الاخيره متحسن كثير والله يسعدك بسلامته

[the big]

ماشاء الله تبارك الله

لاحول ولاقوة الا بالله

الله يشفيه وان شاء الله يرجع احسن من اول

[كاجو]

مراحب أخوي سكر ...

مايشوف شر ميزو والله من امس من يوم قريت ردك لواحد من الاعضاء وقلت عن حالة ميزو

وأنا أفكر فيه وناوي اليوم الصبح أسألك عنه على الخاص بس شفت موضوعك وقلت الله يستر

مايكون صاده شيء بس الحمدلله على كل حال وان شاء الله معافا ومايشوف مكروه ...

ميززوووووووووو الحمدلله على السلامه وهذي باقة ورد ماحبيت اجي وايدي فاضيه ][IMG]http://up2.m5zn.com/photo/2009/4/17/10/qcn3j8oos.gif/gif (http://up2.m5zn.com)[/IMG[/CENTER]]



.

[dr_weed911]

الف سلامة علية .................... والله مزيون ما يستاهل بس طال ما انه يحرك رقبته يعني ما في خلع انشاء الله

ولا كسر لان لو في كسر اوخلع لا قدر الله الطير يكون رقبته على اسفل على طول ما يقدر ارفعها ابدا انا في رائي

الشخصي انك تستخدم المضاد الحيوي كورس لمدة 5 ايام متتالية للوقاية وعلى شان يخف الالم وانشاء الله راح

يرجع مثل اول واحسن كمان ........:(

تمناتي لمزوووووووون بالشفاء العاجل ,,,,,,

[طير جديد]

الحمدلله على السلامة
مايشوف شر

[كاجو]

لا شكر على واجب بس خلي في بالك لاعاد تنزل صورته في النت انت عارف الطيور والحيوانات تتنظل (تتحسد ) زي الانسان وترا في ناس لا يذكرو الله ولا يصلو على النبي لازم الواحد لمن يشوف اي شي يعجبه يقول ماشاء الله ولا حول ولا قوة الابالله الله يباركلك فيه

أسمع منه ياسكر وانتم بعد ياأعضاء توزوو

أأأأوووووووووووووووووووف لا إله إلا الله محمد رسول الله أذكروا الله يا أعضاء توزو على هذا الطير
ماشاءالله ولا حولا ولا قوة إلا باالله .. وفي الىخير أتمنى من كل عضو يدخل للرد يذكر الله على هذا الطير
زي ما قال أخونا أبو ريان وتأكد سكر حنا معك في كل وقت بس أنتا أهدى على اساس تقدر تركز
في معرفة الدوا المناسب له

فعلا ياليت اي واحد يشوف صورة طير ويعجبه يذكر الله

سامع ياسكر .. تذكر كلامي لك هههههههههه

أنا من الاول قايلك ماعاد انزل صور طيوري ياخي ماتشوف العافيه الطيوري

من تنزل صورهم..

شوفو الي عنده طير ومزعجه مايبيه يسويله صوره حليوه وينزلها هههههه

علشان يفتك منه..ههههه

أعترفوا يا أعضاء توزوو منهو فيكم الي عينه حاره هههههههههههه


أمزح معاكم .. بس والله العين حق وحنا مانقول ان الي صار لــ ميزو عين

لا.. ممكن يكون قدر من الله لاكن ذكر الله واجب ( الابذكر الله تطمئن القلوب )

وتقبلو مرروري واتمنى محد يزعل مني..

.

[بريق العيون]

الحمدلله على سلامة طيرك ياسكر
قدر الله وماشاء فعل لكن عندي إحساس إنه بيتحسن
والله تألمت على ماحصل لميزو والله يشفيه إنشأالله.

[kane_h]

معافى ان شاء الله

ما يشوف شر يالغالي

[حبي كاسيكو]

سلامات لميزو ان شاء الله يرجع حصان

اخوي انا بديت استعمل دواء بببغائي فتو

لان رجله فيها خلع من اول مايقدر يحركها الحين ياطا عليها

اسم الدواء هو:Neomycine-Hydrocortisone سعره:SR 35

اتمنى لميزو الشفاء العاجل

كل يوم مره بس لاتكثر

لمدة اسبوع

[محمد شاويش]

الله يشفيه والله انك عضو مميز الله يخليك لأهلك ولوالديك ويحميك من العين

[مجنون عويشق]

السلام عليكم

اعذرني سكر توني انتبه لموضوعك والله

والحمدلله على سلامة طيرك ومايشوف شر ان شاء الله وبيرجع مثل اول بإذن الله

بس اذا تقدر تحط فوطه فيها ماء دافي على رقبته علشان تخلي العضلات تنبسط شوي

وبإذن الله مافيه الا الخير


مايشوف شر ان شاء الله

تحيه طيبه

[CENA]

انا عندي قصة تشبها ولقيت لها حل

كنت ابطلع ببغائي فوق القفص وهو ما صبر لين افتخ الباب طلع بسرعة وتسكر على رجله وقام يصارخ بصوت عالي وانا من الخوف ما قدرت اسوي شيء بس بعيد قدرت اطلعه بس الحمد لله ماصار له شيء


بس لي نصيح مهمة لك

إذا جيت تنوم دخله القفص وسكر عيه

[عزيزان]

سلامات انشاءالله انها بسيطه بس عشان اولها وراح يتحسن باذن الله

وطمنا عليه

[clair de lune]

قطعت قلوبنا ،،
لكن الله يشفيه بصراحة استفدنا كثير من مواضيعك ،،

[عاشقة الطيور]

وعليكم السلام ورحمة الله وبركاته

الحمدلله على السلامه ومايجوف شر ولا خبيث ان شاءالله

وانتبه مره ثانيه

والله يشافيه ويعافيه

[الخبراء]

الله يعينك


لي مده ما دخلت و اول موضوع اقراه موضوع ببغاك :(

بشر رجع مثل اول

[حلوان]

ألف ألف الحمد لله على السلامة

وما تشوف شر ياسكرنا

أسأل الله أن يرد طيرك أفضل مما كان عاجلا غير آجل

وأرجوك طمنا عليه أول بأول

[Noo]

سلامته وما يشوف شر ... الله يعافيه ان شالله ويخلية لك يارب ...
وان شاء الله ما يكون الي فيه أكثر من شد عضلي ...

[Q8 Sailer]

وعليكم السلام ورحمة الله وبركاته ..

هلا اخوي سكر ..

انا مابنصحك ولا بقولك وده للبيطري ولا اقولك عطه ولا تعطيه ..

لكن من كل قلبي وربي يشهد ..

عسى ربي يشفيه لك ويرده لك عافي متعافي مثل قبل واحسن ..

يالله ان شاءالله ربي يشفي لك طيرك ويعافيه من كل مرض ومن كل الم .. ويحفظه لك من كل شر ومن كل مرض ..
اللهم امين .. وصلى اللهم على محمد وعلى اله وصحبه اجمعين ..

((الدعاء من دون الصلاة على النبي(صلى الله عليه وسلم) لايكون مستجاب))

واسف على الاطاله . :)

[سكر]

الله يجزاكم خير

أبشركم انه بخير وبنعمه وصار تمام

وبرجع بإذن الله وقت ثاني أرد على الكل وأشرح اللي صار بإذن الله,,, حالياً عندي ضرف بطلع من النت

وبرجع بإذن الله وقلبي معاكم طول الوقت الله لا يحرمني منكم,,,


أخوكم سكر

[talloo]

ألف سلامه والله
ومايشوف شر ماقدمو الى العافيه
طمنا على ميززو با أخوي سكر

[في خاطري شي]

اللي يحزنني انه يبغى يتشقلب عشان يرضيني بس مو قادر,,,



.




فديت الوفاء واهل الوفااااء
8
8


اتخيلت الموقف وربي حزنت مثلك من الموقف ... فما بالك انت !!!!!:(




وترى 5 ساعات ماهي سهله بالنسبه لجسم الببغاء

والحمدلله ان السالفه انقضت على كذا


والعافيه ياسكر .. ماتجي دفعه وحده .. تجي شوي شوي

وان شاءالله راح يتحسن لاتخاااف

راح يتعافى بأذن واحد احد :)


وطمنا عن حالته يوميا


راح اكون متابع معك


في حفظ الكريم

[Madrid Spirit]

اتمنى من الاداره حذف ردي من الموضوع

:)

[ألأصيل]

الحمدلله على سلامة طيرك ياسكر
قدر الله وماشاء فعل لكن عندي إحساس إنه بيتحسن
والله تألمت على ماحصل لميزو والله يشفيه إنشأالله.

أخي العزيز,

ممكن تقبل مني نصيحه وتسوي شي لباب القفص عشان لا يتكرر الحادث مره ثانيه, فمثلا ممكن يوم تفتحله الباب تربط الباب بواير ولا شي ولا يسكر الا يوم انت تبي تسكره. او استبدل القفص بقفص بابه يفتح افقي يعني مو رأسي ويكون امان لميزو اكثر.

الله يوفقك ياخي ويشفي طيرك.

[abo8od]

Madrid Spirit ردك اكثر من رائع لماذا تريد حذفه

[سكر]

مدريد أنا بحذف راسك

بطل حساسية زايدة،،،

أنا والأعضاء دائما" نستفيد من نصايحك

بس المره هذي أنا بنصحك تغير نيتك في ردودك ومواضيعك

خليها لوجه الله واحتسب الأجر سواء وافقوك الأعضاء أو عارضوك

عندي كلام كثير بس ما أقدر أقوله الحين لأني في الدوام وداخل من جوالي

بس أرجع وأوريك شغلك

إنت ما تعرف غلاتك عندي يبغالي أجيب لك عيال الزرقا وعيال إربد ونتفاهم معاك

تحياتي

[CHUKY]

الحمد لله انو مانخنق او صار له شي خطير تقبل مروري

[7mamah]

والله حزنت عليه كثييير :(

ان شااء الله انه بيتحسن ودليل انه صار يسوي اشياء ما كان يقدر يسويها اول ما تعور

الله يشفييه ان شااء الله وطمنا عليه :( :(

[جداااوي]

الحمدلله انها جت على كدا
الحمدلله على سلامته
تقبل مروري

[افريكانو]

هلا اخوي سكر

لا ما يشوف شر ان شاء الله معافي باذن الله

و الله زعلت من سمعت الخبر الله يشافيه ان شاء الله معليش ان جات متاخر

[لوتيه]

احزنتني يا سكر :(
الله يشافيه و يعافيه شوي و بصيح تحريت شي صارله الله يطولك بعمره و يخليه لك
فديته شكله يكسر الخاطر :(
اتمناله الشفاء العاجل ...

[yassine-28]

الحمد و الشكر لله على سلامته

[لوتيه]

سكر انا كنت دايم اقولك لا تحط بيعطونك بعين
شفت لي صار حق ميزو الحين ان حطيت صوره ياويلك خله يشفى و يتعافى
العين حق يا سكر و مب كل عضو يذكر الله يوم يشوف الصور و قالك اياها الاخ كاجو ..
يبغالي أجيب لك عيال الزرقا وعيال إربد ونتفاهم معاك
ضربني فضول ابا اعرف شو معنات هالكلام خخخخخخخخخخخ
بس عيال الزرقا يعني عيال ابليس ولا ؟؟
مدريد عن الحساسيه الزايده لي مالها داعي
و مب كل حد ما يتقبل ردودك تعكس سلبياته علينا :(
نحن كل شي نتقبله منك حتى لو كان علقم :) عزيز و غالي

[بويوسف الميلاني]

ياجماعه انتوا تقولوا عين....

انا اخالفكم...

العين دايم تصيب الواحد بدون سابق انذار...

اما اخوي سكر مع كل حبي له ....

هو اعترف انه اخطأ....

لا تكبروا موضوع العين...الواحد يقرأ المعوذات ويضع الصور...

اللي فرحان بطيره الجديد وحاب يشاركنا فرحته...واللي طيره مريض وحاب يستشير...

ويعلم ربي اني اتمنى الشفاء العاجل لطير الغالي..

[امزوني وبس]

بشر عن طيرك وش صار فيه ؟؟؟ ان شالله الحين احسن ؟؟

[MR-$had0w]

ياخوي سلامة طيرك...

الله يشفيه انشاءالله


المهم وش صار به...؟

[سكر]

.

كاسكـــو
امزوني وبس
قلب ميمي
أبو ريـــــــــــــان
mns2009
عاشقة الببغا
آنو
تركي12
خربووش
قلب ميمي
Madrid Spirit
بحر السكون
زياد محمد
الفارسي100
the big
كاجو
dr_weed911
طير جديد
بريق العيون
kane_h
حبي كاسيكو
محمد شاويش
مجنون عويشق
CENA
عزيزان
clair de lune
عاشقة الطيور
الخبراء
حلوان
Noo
Q8 Sailer
talloo
في خاطري شي
ألأصيل
abo8od
CHUKY
7mamah
جداااوي
افريكانو
لوتيه
yassine-28
بويوسف الميلاني
MR-$had0w





بــيّـــض الله وجــيهــكم




جزاكم الله خير الجزاء على مساندتكم ونصائحكم الغالية,,,

وبصراحة لقيت منكم اهتمام يشرح الصدر ويسر الخاطر,,,

وأبشركم الحمد لله ميزوو بخير وصحته طيبة,,, وما شاء الله أوضاعه تمام مثل ما قلتم انها بسيطة وما تخوف,,,

سامحوني خوفتكم شوي,, وكثير من الأعضاء تعاطفو وتأثرو, ودعولي في أنفسهم سواء كتبو رد أو ما كتبو,,,

وأسأل الله انه يرضى عليكم وينور دروبكم دنيا وآخرة,,

وأخوي يوسف العين حق,,, لكن إسألني عن العين,,,

أنا الحمد لله أعرف العين لما أشوفها,, لكن اللي صار لميزو مهي عين,,

هذا قدر من ربي,, لكن الأخوان يجتهدون للمجتهد دائماً أجر,,,

أشكر كل من اجتهد أو حاول يساعدني بأي شكل من الأشكال, سواء اتبعت نصيحته أو لا,,

بس عشان نوضح بعض الأمور,, أنا إنسان متوكل على الله دائماً,,,

وعالجت الطير بالصدقة وفعل الخير,,

هذي هي الوصفة, وقلتها لكم في بداية الموضوع, وقصتي مع الشايب اللي وصلته,,,

والسبب في ذكر عمل الخير في بداية الموضوع عشان تعيشون معاي الموقف من بدايته,,,

مع اني من أول ما شفت ميزووو وقت المشكلة, وأنا عارف ان ربي بيشفيه وعندي يقين وثقه بالله.

اخوتي الكرام,, القصة اللي صارت لي ممكن تصير لأي أحد فيكم سواء في طيوركم أو في أنفسكم,,

وعودتكم اني ما أتكلم عن شي إلا بعد ما أجربه,,

وهذي وصفه مجربها طول حياتي,,, (داوو مرضاكم بالصدقة),,,

عندك مشكله!!! اعمل خير, واحتسب نيتك عند الله, حتى في ردودك في المنتدى,,


طولت عليكم في المحاضرة :D


مع اني احس اني بنضرب من الأعضاء بس هذي صور صورتها قبل شوي لميزو هههههههههه :




http://up2.m5zn.com/photo/2009/4/19/11/7uuytplhf.jpg/jpg (http://up2.m5zn.com)

http://up2.m5zn.com/photo/2009/4/19/11/ga24nzcan.jpg/jpg (http://up2.m5zn.com)

http://up2.m5zn.com/photo/2009/4/19/11/qfjy3s2ko.jpg/jpg (http://up2.m5zn.com)








.

[لوتيه]

:) :) :) :)
فرحتني يا سكر فديييييييييه ياربي الحمد الله شكله بخير و ان شاء الله مايصيبه مكروه
الله يحفظه و يخليه لك ان شاء الله ..

شوقر فري بو طبيع ما يوز عن طبعه و فهمها على هواك ...

[CHUKY]

مبروك شفائه ميزوو وان شاء الله مايشوف شر والحمد لله على السلامه

[بحر السكون]

مو راضي تتوب يا سكر يا معقود وبعدين معاك أيوا نسيت بسرعه لأنك مو أنت اللي بتضرر
بعد الشر طيورك هذي روح رطبه إذا ما حصنتها راح تنصاب بعد الشر ولا تزعل مني ياسكر
أنتوا قلتوا المنتدى موضوع لحتى نستفيد من تجارب الغير الشخصيه وأحلف لكم باالله اللي
لا معبود سواه أني مريت بتجربه جدا جدا صعبه طبعا البعض هنا ذكر ان اللي حصل قدر أوكي
أنا معك حتى العين تكون مقدره من الله .. أو يكون بذنب اقترفته ربما تراه بسيط لكنه كبيره
عند الله معليش اعذروني ماعرف احكي بالعاميه يابختك يا لوتيه بسرعه تلوتين الكلام وتطلعين
ههههههههههه .. المهم راح أحكي لحبيبنا الغالي سكروه عن الموقف اللي صار معي اوكي

كنت انا مشاركه بمنتدى آخر يختص بالطيور بأنواعها وحاطين موضوع عن الصور كل شخص يدخل يحط
صور طيوره ورحت فورا منزله صور للبلابل وحبيبي السنغالي هههههههه

ومعظم اللي دخلوا الموضوع أمدحوا في البلابل عن جد .. والله بنفس اليوم الساعه 3 فجرا رحت
أغير لهم أكل وكنت حاطه قفص البلابل وعليه الشرشف يعني خلاص نامين الا حبيبي كان طبعا يتجول
بالصالون ودايم يوميا على هذا الحال ويشوفهم ما يقرب صوبهم حتى لدرجة أنهم يدخلوا عنده القفص
وأهو موجود ويشربوا من مويته وياكلوا من اكله ويطلعوا صاروا حتى هم مطمنين من ناحيته وتعرف البلابل
عندهم حب فضلوا كل شيئ يحبوا يعرفوا عنه .. رحت المطبخ اجيب اكل والله دقيقتين بس حتى كنت مطمنه بسرعه رجعت على صوت الصفير واهو خايف مني يضن اني بضربه بس لما شفت شكله كيف خايف مني وانه صوته فيه عتاب ماكذب عليكم ياأخوان سبحان الله شعرت في هذي اللحظه أنو فيه تواصل كبير بين الحيوانات والأنسان عن طريق إماءات وإحاءات لكن وين اللي يفهم ويترجم يا سكر هههههههههه
وظنيت ان التصفير من البلابل خوف منه لأنه يوميا لما يصحوا يطلع ويجلس على قفصهم من غير ما يؤذيهم

ولما ناظرتهم لقيت البلبوله قدمها بتوره والدم معبي القفص وهي كانت وقتها في فترة تفريخ عفس مزاج
أمها هههههه الحين كل ما تبيض تكسره فلما قلت الها ليش تعملي كذا قالت أشبعوا فيه هههههههههه ياسكر
هاه صح .. وأنا من ذاك اليوم وأهلي موتينه دعاوي تقصف يا شيخ عمر الآدمي فما بالك حيوان
طبعا نفسيته تحطمت حبيبي وتحطمت آمالي كلها معه وظهرت النتائج الآن علينا كلنا وانا بس اودي
وأجيب فيهم للبيطري كل ما يفتحون يوم ينصابون في الثاني

أددددددددددددددددددددددددددددددددددددعوا يا أخواني أن الله واسع الرحمه يشفيهم ويردهم مثل اول
وبالفعل صحيح كلام سكر الصدقه تدفع ميتة السوء والله ما ضل شيئ بحمد الله ما عملته لوجه الخير

سكر أ{{{{{{{{{ رجوك .. حنا ما قلنا لا تحط صور أول حاجه رقي ميزو أو سودان ههههههههه بالذات سويدان
لاني احبه وبعد كذا براحتك تنزل صورهم ما تنزل ياخي تحتاج ترقيه وأنا كمان &&&&&

[الفارسي100]

لا ياخوي سكر هذي المره انا اختلف معك لازم عشوه بمناسبه شفاء ميزو . والحمد لله على سلامته وصدق الحبيب صلى الله عليه وسلم .

[بحر السكون]

سامحني سكر على الإطاله خيبت ضنك هذي المره خطبة عيد مو جمعه هههههههههههه
ياالله اهم شيئ انو تعافى ميزوو حبيبي مو بس حبيبك لانه يشبه حبيبي خخخخخخ عن
جد وإن شاءالله يحفظه الله وصاحبه من كل مكرووووووووووووووووووه يارب العالمين

[بحر السكون]

اتمنى من الاداره حذف ردي من الموضوع
:)

اخوي سكر اسمح لي أعلق على كلام مدريد .. وأتمنى ما تعتبره تطفل
مني .. لأنه مش موضوعي أوما يخصني ..

حبيت اوضح شغله للأعضاء اللي هنا .. إن لكل جواد كبوه .... ومو معنى المثل
أنو نقرأ ردود أصحاب الخبره وناخذ اللي يعجبنا أو اللي نثق في قدراته أكثر
هذا الكلام مو صحيح .. كل شخص لديه علم بجانب معين من العلوم والعلم
بحر مهما تعمقنا فيه لاقينا أنفسنا أنا لسا في بداية المشوار والعلم إذا ما سغل
بالتجارب وش الفايده .. وأخونا مدريد دائما يدعم ردوده بتجربه شخصيه من عنده
وش اكثر من كذا يعني والله يكفيه أنو كلف نفسه وانغمس في قراءة الموضوع وحاول بكل مالديه من خلفيات أنو يقدم يد المساعده من باب تجربه شخصيه مش عبط ولا تطفل من
غير علم .. والعلوم تختلف من منطقه لأخرى أنه اللي فهمته أنو درس بالاردن ماعرف
المعذره إذا هو أردني .. تحيه كثير كثير كثير طيبه لاهالي الأردن وفلسطين بأي ارض كانوا

معليش خرج برا الموضوع أنا راح ادعم كلامي كمان بتجربه شخصيه لكن لوحده من قرباتي
كانت تعمل مواعيد حمل عند دكتور جدا شاطره والكل يمدح فيها ومع ذلك بائت نصايحها بالفشل
ولما راحت لدكتور الكل يعرف يمين باالله انها كانت ساقطه مرتين في أمتحان القبول او المقابله
الشخصيه ومع ذلك زباينها بالهبل والكل يثني عليها وعلاجها جدا ممتاز وفاهم شغلها مو شرط
يعني .. طبعا الدكتوره الشاطره تحولت لمحظر تحقيق لأنها أودت بحياة جنين لديه 5 اشهر ونصف ودايم تقول التحليل والاشعه كويسه خلاص طفشت المره بلغت سن ما يخولها انها تتحمل المسؤليه .. فاحسبنا الله ونعم الوكيل ..

الشيئ الثاني : يا مدريد ياحبيبي ياغالي أنا قرات ردودك في موضوع لي بعنوان أرجو
مساعدتي في ببغائي وضليت تقدم لي المشوره أول بأول وأنا كنت دايم أتأخر بالردود
حتى إيميلك سجلته عندي بس انمسح والله لأني وقتها صر عندي زي الصدمه والوشوشه

لدرجة أنو أبتعدت فتره عن المنتدى لحد ما تهدى أعصابي وارتاح لحتى اقدر اركز وش اللي
راح أمشي عليه والله الشاهد علي وسكر كمان حتى أرسل لي اني تغيبت عن المنتدى
وسال عن ببغائي وش صار عليه .. وكمان أختي الغاليه وحبيبة قلبي (( عاشقة الطيور ))
كانت تراسلني اني قاطعتكم وابتعدت عن المنتدى شهر كامل الا اسبوع كنت منهاره ومريت
بحاله لا يعلمها الا الله فا الحمد لله على كل حال الله هو الكافي وهو الشافي وهو المعافي
الادويه ما هي الا تحصيل حاصل ..




الشيئ الثالث :: يا قلبي يا مدريد أنا قرأت ردك ورد عضو هنا واللي فهمته منه أنو زعل وتضايق
لكن ما اعرف وش السبب بس أنا أحب أوضح شغلات مو شغله يعني لما تجي وتجتهد يامدريد
وتعطيهم وصفه للمرض اللي حددوه تلاقيهم قد نسيوا عارض من الاعراض ما ذكروها او ما قدروا يوصفوا ايش يشكي منه طائرهم فلما توصف الهم دوى على حسب الاعراض اللي ذكروها
وبعد كذا يحث لبس وتصادم مع وجود عارض او اعراض اخرى غيرر التي ذكروها وتكون النتيجه عكسيه يعصبون ويلمون اللي يعطيهم نصايح ويجلسون يمشون ويذمون وهم هم الغلطانين
لأن آحيان توجد أمرض تتشابه أعراضها مع أعراض مرض آخر أو لا تظهر الأعراض كلها مره واحده

وهذا ما ذكره لي الدكتور البيطري المشرف على حالة ببغائي قال هناك امراض اعراضها تتشابه مع امراض اخرى مما يصعب علينا نحن الأطباء تشخيص الحاله ألا بجهد جهيد وبعد التقصي والبحث
والرجوع للمستشارين المختصين أكثر في مجال المختبر والتحاليل

قال بعضهم تجده لا يكلف نفسه في الكشف على الطائر ولا يضيع وقته ويستعجل في صرف الدواء
حتى لو كان لديه شك في حالة الطائر يله اهي حيوانات وبالآخر بتموت




أيضا قرأت وتجولت في بعض المنتديات وكان به عباقرة البيطرين المعرفين وكانوا يتشاورون فيما
بينهم تخيلوا كل واحد يخطأ الثاني مع انهم من مناطق توفر بها علم عظيم وصيدليات ضخمه
ولكن كل واحد يدلو حسب ما يراه من وجهة نظره ومن باب ما تلاقاه من أساتذته ودكاترته

وأنا من غير مجاملات أستفدت منك كثير يا مدريد واحبذ التواصل معك من بعد آذنك للأستفاده \

واعذروني للإطاله ولكن وجب علي ان اضع النقاط على الحروف
والدليل على ذلك

[كاجو]

الحمدلله والشكر

مبارك عليك شفاء ميزو ياسكر

وأنت معاك حق الصدقه تمحو الخطيئه ورد عن الرسول صلى الله عليه وسلم

مداواة المرضى بالصدقه ومانقصت من مال الا وزادته ... والله أني أعرف واحد كانت

ظروفه الماليه سيئه وطلب منه شخص مبلغ مالي ورغم احتياجه للمبلغ الا أنه عطاه

الرجال والله ماهي الاساعات بسيطه الاورزق باضعاف المبلغ ..

وياأخواني الصدقه مو ضروري تكون بالمال أذا ماعندك الصدقه بالكلمه الطيبه

بالفعل الحسن ومساعدة الغير .. وياليت الناس تتعض..


http://up2.m5zn.com/photo/2009/4/20/12/czhq8m9c1.gif/gif (http://up2.m5zn.com)



أشكرك ياسكررررررررررررررر على الموضوع الاكثر من رائع

[امزوني وبس]

الحمد لله على السلامه متى العشا ان شالله ؟؟ (-:

[K-O-H]

مايشوف شر ان شاء الله الامزوني


مايحتاج نوصيك أو نعلمك انت فاهم كل شي لعلاجه وصحته والحمدلله :)


حصل خير وان شاء الله ماتتكررر

[7mamah]

الحمدلله على سلاامته

انتبه مره ثانيه لا تروح عنده وانته نعسان ههههههه

الله يخليييه لك ان شااء الله

وتسلم على المحاضره الجميله وصدقت فيها

ما شااء الله عليك الله يثبتك ويزيدك خيير ويزيد من أمثالك ^_^

ربي يحفظك

[kAA]

ما اقول الا الله يقومه بالعافيه ويرجعه افضل من اول ولا حول ولا قوة الا بالله

[هدير الأمواج]

الحمد الله إنها جات على كذا
والله إني حزنت عليه كثير
بس خلي ثقتك بالله كبيره وإن شاء الله الله سيشفيه
بس خليك على التدليك ( المساج) لأنو باين عليه تحسن يوم سويتلو كذا .

[محمد شاويش]

ماشاء الله الله يخليه لك

[qadsiafans]

لا تخاف اخوي ان شاء الله بيرجع طبيعي
صارتلي نفس الحالة

بس لازم تعطيه فيتامينات يوميا
وفي بودرة صفره تخلط مع الماء اعتقد اسمه hk 66
او شي جذي ماني متاكد

راجع الرابط
http://www.2zoo.com/vb/showthread.php?t=75585

[سكر]

أشكركم جزيل الشكر على الإهتمام

ربي يبارك فيكم ويخليكم

الحمد لله صار تمام 100% وصار مثل أول وأحسن ولله الفضل والمنة

وكلامك أخوي qadsiafans عن اني ما أشيل همّ سليم وجزاك الله خير على الإفادة

والله شفت موضوعك حزنت على ببغائك, بس الحمد لله على سلامته.

أشكرك وأشكر كل الأعضاء اللي شاركو بالكتابة أو شاركو بالدعاء, أو بالتعاطف, أو في الخاص,,,

جزاكم الله خير الجزاء

تحياتي