درتي بتموت تعالوا ساعدوني :(

[7mamah]

السلام عليكم ورحمة الله وبركاته


اخواني درتي امس ما شااء الله عليها كانت صاحيه وتصارخ ومسويه ازعاج يوم تشوف اي حد وتفتح فمها علشان تاكل

لكن يوم صحيت الصبح لقيتها طايحه ما تقدر توقف ولا تريد تاكل حاولت اني اعطيها اكل بالغصب بس الاكل يطلع ما يمشي في حلقها رحت عطيتها 2 مل من الماي والفيتامين اللي عطاني اياه البيطري

والظهر لقيت مع برازها دم وهي مب قادره توقف أبدا :(

شو يعني الدم مع البراز ؟؟؟ :(

اريد اتجنب هذي الحاله مع درتي الثانيه :(

علما بأني اعطي الدره الثانيه من نفس الفيتامين قالي البيطري استخدمه لهم لمدة 5 ايام واناا امس بديت فيه

هل اكمله مع الدره الثانيه والا اوقفه عنها ؟؟ :(

ودرتي الثانيه تقريبا الريش اكتمل وتبحث في كل مكان عن شي تاكله وتنبش البراز اللي يابس بالقماش اللي تحتها وكأنها تقشره مثل حب الشمسي وتحاول تاكله

هل اعطيها حب والا في البدايه اقشره لها واعطيها لين تتعود والا بعدها صغيره

يعني الريش توه مكتمل وانا يوم اشتريتها في تاريخ 14\4\2009 قال لي البايع ان عمرها شهر تقريبا

وفي حد قال اعطيه بيض مسلوق اهرسه له واعطيه بيدي بس اريد اعرف اعطيه كل اربع ساعات ؟؟ واخلي السيريلاك والا اعطيه مره بيض ومره سيريلاك واحط له حب علشان ينفطم بالتدريج ؟؟

خبروني شو اسوي مبتلشه والله ولا عارفه شو اسوي :(

واعتقد ان درتي المريضه خلاص بتموت صح ؟؟ :( :( :( :( :(

والله قلبي يعورني عليها وهي تحاول توقف لكن ما تقدر طايحه على جنب ويالله يالله تفتح عيونها شوي وتتنفس :( :( :( :( :( :( :(


السموحه على الاطاله :(:(:(:(:(

[pato]

والله انا مقدر اقولك شي ... بس ان شاء الله الاخون بيفيدونك

الله يشفي طيرك

[FSOLY]

وين الصور .؟

شلون نفيدك بدون صور ....

[كاسكـــو]

والله ياحمامه للأسف واضح الدره عندها مشكله

وبصراحه انا اتجنب الرد في حالات المرض والادويه ماحب اخوض فيها

لأنه زي هالحالات تحتاج انسان متخصص طبياً

لكن بعطيك اللي اقدر عليه يمكن الدره قامت بأبتلاع شي مشبوه

شي خشن براز يابس زي كذا

سبب لها جروح بالداخل في الجهاز الهضمي الله العالم

لكن وقفي الفيتامينات اخشى سبحان الله تكون قويه عليهم اقصد التركيب لهذا الدواء

وبالنسبه للدره الثانيه حاولي تتعاملين معها افضل لايصير معها زي الأولى

واهم شي نظافه المكان من فضلات او غيره وبالمناسبه عمرها صغير ماعتقد تقدر على الحب

الشمسي اذا كانت لاتزآل تأكل من اليد خليك على الاكل الاول

واذا ناويه تغيرين نوع الاكل هو نفس الشي 4 مرات باليوم بالعدد مايفرق

وتقدرين تشكلين بالوجبات اذا الدره تقبل هالشي يعني كل وجبه شكل عادي

[moom]

اعتقد ان سبب عدم قدرتها على الاستقامه هو عدم تبديل الارضيه

فأنا استخدم النشاره وابدلها يوميا بسبب الفضلات اعزكم الله التي يخلفا الطائر

وتسبب هذه الفضلات بعد جلوس الفرخ لفتره طويله الى ضعف في الاقدام

[7mamah]

ماتت الدره :(:(:(:(:(:(:(

صح كلامك يا كاسكو اناا قلت بعد انها يمكن ابتلعت شي :(

ان شااء الله تبقالي الدره الثانيه :( :( :( :(

وبوقف عنها الفيتامين وببدل الارضيه كل يوم ان شااء الله :(


انوع لها بالاكل يعني مره اعطيها بيض مسلوق ومره سيريلاك ومره بسكوت مذوب بالماي ؟؟

هل مناسب اني اعطيها بسكوت مذاب في الماي ؟؟؟

جزاكم الله كل خير على ردكم :(

[كاسكـــو]

الله يعوض عليك ياحمامه ولا تيأسي هذي شي وارد مع المربين

وياما راحت علي ببغاوات بالالاف بس الحمد لله الواحد مع الوقت يكتسب خبره


نوعي بالأكل اذا هي تتقبل حلوو مافيه مشكله

بالنسبه للبسكوت انا اعطي ببغاواتي بسكوت شاهي ( اولكر )

[7mamah]

شكرا اخوي وان شااء الله ما بيأس ولا بخلي اي حد يحبطني :)

انا اليوم اعطيته بيض مسلوق هرسته وعطيته بيدي

بس ما رضى ياكل بس ذاقه شوي يمكن لانه اول مره اعطيه أكل من غير الابره

خليت له شوية بيض على الارضيه لانه يشوف النقوش اللي على القماش ويحاول يشيلها :D

وبعد شوي بروح اشيله اذا ما اكل منه علشان ما يفسد ويضره :)

ان شااء الله اني اقدر احافظ على هالدره اللي بقت لي :)


جزاك الله كل خييييييير :)

ربي يحفظك

[جداااوي]

الله يعوض عليك اخوي
ويرزقك خير

[مجنون عويشق]

السلام عليكم

قد يكون هناك التهاب في القولون !!!


قد يكون هناك اصابه باميبا !!!

قد يكون هناك اصابه بديدان !!!


اقرب مختبر يحلل لك واكتشفي السبب


بالتوفيق

[FSOLY]

اهم شي لاتحطين الأرضيه خشب منشور .. ترا يحاول ياكله .. وهو الي يموته ...

[بنت الذكريات]

الله يعوضج خير ان شاءالله
جبوبه انا درتي كبرت وماطاعت تاكل سويت مثل ماقالو الاخوان لي اني اسويلها بيض مسلوق مع البقسماط بس ماحبته فا شوسويت سويت العيش ويا البقسماط خلطته ويا الماي وكلته الحمدالله وبعد البطاطا والبقسماط بعد كلته سوي مثلي وان شاءالله بتستجيب وياج وحيااج الله في اي وقت حبوبه
اختج
بنت الذكريات

[7mamah]

اخوي مجنون شو اسباب الامراض اللي قلت عنهم وشو اعراضهم لانه درتي كانت صاحية تماما حتى البيطري قال ان صصحتها ممتازه لكن فجأه طاحت :(


اختي بنت الذكريات انااا سويت له بيض مسلوق وهرسته زين ما طاع ياكل بس خليت له شويه على الارضيه وسرت عنه ويوم رجعت لقيته ياكله واليوم بجرب اسوي له مثل الاكل اللي قلتي عنه وان شااء الله خيير


تسلموون كلكم على ردودكم