تسجيل الدخول

مشاهدة النسخة كاملة : يالله ياخوين نسوي حمله جديده على التجار الحراميه بسبب طمعهم بل الاسعار

عاشق الاهلي+الدره
22-04-2009, 06:54 PM
السلام عليكم ورحمة الله وبركاته




كيفكم ياشباب ان شاء الله بخير




اليوم جات في راسي فكره


وشرايكم ننفذها


عشان تنخف اسعار الببغانات



وهي كتالي




1 ــ لازم الكل يتكاتف يد بيد عشان توقفهم عند حدهم




2 ــ لازم نسوي حمله ضدهم مانشتري منهم شيئ الين يخفضون اسعارهم


وانا اقصد التجار الحراميه



شوف الاسعار فين وصلت


والله حصلت كاسكو يغلب عليه المرض وغير اليف ولا متكلم 1400:eek:



ايش هاذا لاوم لازم نوقفهم عند حدهم



ويالله وانا اول واحد ارفع شعار التحدي مين يوافقني الراي


نسوي حمله زي خلوه تصدي

وسلام عليكم ورحمة الله وبركاته
r_3ly
22-04-2009, 07:12 PM
احنة اعدادنا اقل من 20
مانقدر انسوي شي والله فكرة حلوة بس مافي يدنا حيلة
كاسكـــو
22-04-2009, 08:48 PM
والله مشكله ياخوي

مو الكاسكو بس الا اغلب انوااع الطيور ارتفعت اسعارها

لكن شنسوي حب الطيور يمشي بدمك لازم نشتري

بس والله فيه ناس طيبين وطيورهم اسعارها معقوله لاتستعجل لف ودور بتلاقي الشي الزين
هاوي الكروان
22-04-2009, 08:52 PM
انا اعاني من نفس المشكله لقيت الكروان الجوز ب1500 هذا نوع ما ادري ايش سمه والنوع الاسترالي الواحد ب1000
7mamah
22-04-2009, 09:22 PM
صدق والله الاسعار مرتفعه كثيير

لكن مو بيدنااا :D

ولو سوينا اللي سويناه وحاولنا وتعبنا ما بنقدر نغير شي

ما نقوول غير الله كريم :D
مجنون عويشق
22-04-2009, 10:54 PM
السلام عليكم ...


والله ياخوي ماتظبط ....تدري ليــــه ؟؟


لان اسعار الطيور المستورده اساسا غاليه ....فكيف تبيه يبيع لك برخيص ؟؟؟

اترك عنك الانتاج المحلي ..لان قليل تجد انتاج محلي ..

لكن انا اتكلم عن المستورد ...هو يجيبه بسعر ويكلفه الشحن كثير !!!!

فكيف تبيه يبيع برخيص؟؟

لابد نفكر في الامور المتعلقه بإحضار الطيور

مع المعلوميه ...اذا كنت بدخل طيور بصوره شرعيه الى المملكه ..يترتب عليك فحص شامل لكل طائر وهذا يكلفك 1200 ريال

بالتوفيق


تحيه طيبه
سكر
23-04-2009, 12:53 AM
حملة تحت شعار (خلوها تتنتف) ههههههههه

والله وعليك أفكار يا عاشق خطيرررررة,,,

ترى نبلغ عليك انك تحرضنا على أعمال الشغب هههههههههه

على العموم يا قمر,, السلع انواع,, بعضها يعتبر ضروري وبعضها تكميلي,,

وسبحان الله من التناقض الغريب,, إننا ممكن نستغني عن السلع الضرورية ونتهاون فيها, مقابل السلع التكميلية

مثال: انت جوعان شوي,, وعندك ببغاء جميل جداً تدور مثله من زمااان لقيته على مواصفاتك وقيمته ب1000.

وفي جيبك 1000 ريال بس,,,

بتروح تشتري أكل والا بتشتري الببغاء؟

طبعاً بتشتري الببغاء وبتصبر على جوعك لحد ما تلاقي أكل حتى لو بارد ومبيت في البيت,,

المثال مجرد توضيح سريع يعني لا تدقق في تفاصيله, لكن خذ الفكرة الرئيسية.

الشاهد في الموضوع إن السلع المرتبطه بالعاطفة مثل الطيور, مافيها شي اسمه كساد, أو عزوف من المشترين.

دائماً بتلاقي أحد يشتري حتى لو غالي.

لكن لو انك تدور سيارة, ممكن تشتري مستعمل إذا كانت الجديدة غاليه مرة, << مع انها سلعة ضرورية.

على العموم اشكرك على مشاركتك لنا لفكرتك الرائعة

وعسى ربي يفرج عننا هذا الغلاء,,

وييسر لنا منفذ لسبر أغوارنا في حب الطيور والحيوانات.

تحياتي لك يا قمر
رامبو خان
23-04-2009, 04:18 AM
مافيه اي فايده لو تقاطعهم
والصراحه مافي احد مطقوق على يده وقاله اشتر منهم
تركي12
23-04-2009, 05:13 AM
والله بالعكس لاتقولون مانقدر نسوي شيء ابد

المهم الكل يطبقها مع بعض وتشوفون وش بيصير

لان الجبال من الحصى هههههههههههه

تراي انا ماني جازم الا اذا شفتكم جازمين

تقبلو مروري
عاشق الاهلي+الدره
23-04-2009, 01:31 PM
تسلمو على المشاركات




والله كلام اخوي تركي صحيح 100%100


صح الجبال من حصه لو كل حصه بطيح مافي جبل


واحنا نسويك كذا
كاسكـــو
23-04-2009, 02:05 PM
انا ملاحظ الاسعار ارتفعت بعد منع بيع الطيور بشكل رسمي اقصد ( بيعها بالمحلات والاسواق ) بسبب انفلونزا الطيور

لكن الآن تشتري فقط من ساحات الحراج كل واحد باسط بسيارته ويبيع يعني تجاره سائبه حره لا رقابه ولا اتفاقيات بالأسعار

كل واحد على مزاجه وش خسران غير اكل وماء للطيور 100 ريال تكفي اكل لشهور والماء ببلاش من بيته لكن اول بالمحلات حريصين كل الحرص على ان يكون السعر

مناسب ومعقول عشان تمشي طيورهم وراه اجار محل وكهرب ومصاريف مويه.. زايد الفايده حقته وايام المحلات

اللي بساحه الحراج ماقدر يتعدا الاسعار المعروفه لانك بكل بساطه راح تطنشه وتشتري من المحلات

وبالنسبه ان سبب ارتفاع الاسعار هو الاستيراد والفحص لا ماتوقع

لانه من زمان وهم يستوردون ويفحصون وش الجديد يعني ؟
Ziad-sa
23-04-2009, 02:16 PM
كلامك صحيح اخوي والله الاسعار مرتفعه اول كانوا يبيعون الببغاء بـ300 وحدودها والحين 1000وطالع

والبادجي كان بـ 15 ريال والحين بـ 100 وبـ 200 والله حراميه
الخبراء
23-04-2009, 11:47 PM
سالفه انكم تسوون مقاطعه حلوه بس ما تزبط ابد


طبعن تقولون ليه اول شي السيارات لو تلاحظون حمله خلوه تصدي اول ما بدات و كانت على مستوى المملكه صار فيه خوف من التجار على ان الحمله تقضي عليهم بدو ينززلون عروض اشتر السياره اقصاد و عيال عيالك يسددون بس انت فكنا من السياره و كم اسبوع الى العالم كله شاريه لا و الاسعار مرتفعه و با امريكا البلد الام لا السياره با نص السعر لا وخذ ثانيه هديه بعد

عندك هنا ما يحطون ايدينهم با ايدين بعض انس الموضوع :cool:

و با النسبه لا ارتفاع الاسعار ما ارتفعات مره الي رفع الاسعار الي يبيعون با السوق


انا شريت الببغاء با 800 ريال لا و يقاله رفع علي السعر 50 ريال و با الرياض كان يباع با 1100 ريال الى 1200 ريال با نفس الاسبوع الطمع شين :D


و انا شايف واحد هنا يعرض اسعار فوق الاخيال لا و يزعل لو قلت انك غالي ينقز و يقولك جبلي و جبلي لو انت صادق و من الهرج هذا ( هوايه تسكيت ):D


ادري اني طولت با الاكلام بس لي كم يوم ما تفلسفت عليكم ;)
عاشق الاهلي+الدره
23-04-2009, 11:52 PM
اي حقلهم اعطينا هم وجه


والله كلام صحيح اخوي البادجي كان 15 ذحين 100
زياد محمد
24-04-2009, 12:17 AM
:D هلا اخواني آنا آضم صوتي لكم >>> شدعوة مجلس الشعب ههههه والله انا من الشرقيه لاكن حاليا بمكة والله عندهم طيوور زينة واسعار معقولة سكر هههههه تقبل مروووري بدووون مخالفات ;)
الآسطورهـ
24-04-2009, 12:44 AM
جبتوها على الجرح :(

هذا الي يقهر

بسوق الحمام الاسبوع الي راح

شفت واحد معه درهـ انثى عمرها سنتين واليفه ولونها اخضر

يقول بـ 500 ريال

وجمبه واحد يبيع فرخ دره زرقا بـ 550 ريال

اخذ دره عجوز وانثى ولون عادي بـ 500 ريال

ولا فرخ لون نادر بـ 550 ؟

تشوفون كيف النصب

وذكر دره رمادي اليف 70% بـ 1100 ريال

سلااامااات

وش فيهم هالعالم !!

وخاصه البادجي والفيشر

هذي الي اسعارها فوق مرهـ

البادجي الجوز بـ 30 اول

والحين اقل شي بـ 110 ريال

والفيشر الجوز اول على 70 ريال

والحين بـ 200 للجوز ومريض بعد
عاشق الاهلي+الدره
25-04-2009, 03:28 AM
صارو مجانين


اكيد لقو الي يأيدهم

ومنهم هذول احنا ليش ياخي


ماتقدرون تصبرون فتره الين يعقلون بعدين اشترو زي ماتبون



بس المشكله احنا نسا عدهم على بعض

لي عوده
leo _n
25-04-2009, 12:27 PM
الفكره والله ممتازه جدا وانا معاك في نفس الصف <<<<<<:D

بصراحه التجار صار عندهم فن في النصب والاحتيال

وانا شفت هذا الشئ بعيني شفت دره عمرها 8 شهوربـ 2000 ريال سئلته ليه ؟

قال عشانها اليفه وتتكلم بعد ورجال حالف يمين انو السعر ماينزل ريال

بالله يا اخوان بالسعر هذا تجيب بيه كوكاتو اليف بعد

وانا اختلف مع بعض الاخوان اللي يقولو حب الطيور في دمنا ولازم نشتري يا اخوان حنا كذا نشجع التجار على النصب وش تستفيد يا اخوي الكريم من تشتري بسعر الخيالي هذا

يا اخوان نحنا نعرف اسعار البادجي والكناري بكم كانت اول كانت 15 ريال

اليوم 150 فما فوق

وبكره يمكن يكون 1000 ريال ما استغرب

وبعض الطيور اللي تو صل 8الاف ريال واللي بعشره الاف

هذي الاسعار راتب موظف في شركه محترمه

لا وكمان يمكن الطير يموت بعد اسبوعين زي الكاسكو بالله يا اخون هذا مو هدر للمال قهر للنفس

والله هذا اكبر ظلم للانسان



ومن يوم ما سمعنا انفوانزا الطيور صارت الاسعار بهذا الحال


وان شاء الله الاسعار تنزل والله يفك عنا الازمات


تقبل مروري
عاشق الاهلي+الدره
26-04-2009, 05:14 PM
تسلم اخوي leo _n

والله كلام سليم


وين الناس في الباقين

ولا شكلهم مع التجار
leo _n
26-04-2009, 08:11 PM
الله يسلمك
انا الذي اشكرك يا خي من قبل ومن بعد


وانا حاب اضيف شئ لو سمحت لي

عندما كنت في مصر ذهبت الى سوق الطيور المشهور با الزحمه

عندما ذهبت و لم اجد احد في السوق اللهم الا اشخاص ينعدون على الاصابع سئلت احد البائعين قلت وين الناس قالي الناس مسوين حمله علينا من شهر تقربيا وكان من نتائج الحمل ان الاسعار كانت رخيصه جدا جدا

والله يا اخوان لو سونا مثل هل الحمله لا اخذنا الطير با قل السعر ممكن


والبعض اللي قالو ما يمكن نسوي هل الحمله اكثرهم يتاجرون في الطيور فما يردون انهم يخسرون


يا اخوان حنا ما نبي نقطع ارزاق الناس يا اخي تاجر ولاكن مو بهذا الشكل الفضيع

والكل يعرف عندما كانت اسعار الطيور في الماضي كان السوق ماشي زي الفل

واليوم تحصل السوق يو ماشي ويوم واقف

اسف على الاطاله

واكرر شكري لك ولكل اعضاء هذا المنتدى
عاشق الاهلي+الدره
26-04-2009, 10:55 PM
شوفو الناس كيف يتعاونون

ياخي فتره بس وتعدي بعدين اشتر زي ماتبون
mur1415
26-04-2009, 11:15 PM
يبي لكم تنشروا الموضوع في كم منتدى من المنتديات المختصة علشان ينتشر الامر الى ان يقاطع الكل ويتم ترخيص الاسعار
عاشق الاهلي+الدره
27-04-2009, 03:41 PM
طيب خلاص كل واحد ينشره فب المنتدى الي يعرفه
almobher
27-04-2009, 03:59 PM
اخوي لا تزعل من كلامي لكن حملتك فاشلة لانها داخل منتدى مافيه الا كم نفر وحتى لو خليتها بجميع المواقع الناس رح تشتري رح تشتري 100% فلا تعذب نفسك بدون فايدة وخذ نصيحتي وسكر موضوعك وفكر بحل افضل

اعتذر

تحياتي
الخبراء
29-04-2009, 05:04 PM
الله يسلمك
انا الذي اشكرك يا خي من قبل ومن بعد


وانا حاب اضيف شئ لو سمحت لي

عندما كنت في مصر ذهبت الى سوق الطيور المشهور با الزحمه

عندما ذهبت و لم اجد احد في السوق اللهم الا اشخاص ينعدون على الاصابع سئلت احد البائعين قلت وين الناس قالي الناس مسوين حمله علينا من شهر تقربيا وكان من نتائج الحمل ان الاسعار كانت رخيصه جدا جدا هذا الكلام با مصر او با اي دوله با العالم مهب عندك با السعوديه اغلب دول العالم تبي تعلن افلاسه ( صارت شركه مهب دوله ) اوباما داق علي يقول سلفنا 400 مليار :D ( وش عنده ) عندك با السعوديه ما فيه شي ينقص لو تسوي حظر على سوق الحمام ما ينزل ريال لا با يزود دبل و دبل و دبل بعد علشان الحظر اقرب مثلا عندك السيارات العالم كله نزل الى عندك ارتفع لا وعليه حمله واسعه مره مره مره با الجرايد و المواقع و با الشوارع بعد ولا نزل ريال ترا كلامي مهب تحطيم ولا شي بس هذا الواقع

والله يا اخوان لو سونا مثل هل الحمله لا اخذنا الطير با قل السعر ممكن ايدي با ايدينكم


والبعض اللي قالو ما يمكن نسوي هل الحمله اكثرهم يتاجرون في الطيور فما يردون انهم يخسرون
انا منهم بس ناوي اتاجر بهم و الخساره و ارده با الموت وارده مهب بس با البيع

يا اخوان حنا ما نبي نقطع ارزاق الناس يا اخي تاجر ولاكن مو بهذا الشكل الفضيع كتبات با ردي السابق السبب

والكل يعرف عندما كانت اسعار الطيور في الماضي كان السوق ماشي زي الفل

واليوم تحصل السوق يو ماشي ويوم واقف

اسف على الاطاله

واكرر شكري لك ولكل اعضاء هذا المنتدى

والله كلامك صحيح بس صعبه ينفذ لا عداه اسباب السباب الاول و الاهم انه با يصير على مستوى النت و المتصفحين فقط
ما عندك جه اعلاميه ثانيه مثل الجرايد او التلفزيون :D ( ناوي يكسر السوق و ينشب الطيور با حلوق التجار )
والله ودي اروح لم السوق و اشريلي فرخ رمادي با 600 ريال ولا رمادي يقول خمسين كلامه با 1500 ريال ولا احلاء >>> كان اقلب البيت حديقه حيوان الملز للطيور ;)
كرير
29-04-2009, 05:31 PM
انا
شاري كاسكو ب 3000 ريال

اليف و يتكلم





(((انا مععاكم بالحمله)))
عاشق الاهلي+الدره
29-04-2009, 05:43 PM
تسلمو ياخوان

ياخوان والله نقدر

مثلا لو كل و احد يدفع ريال انا ريال انت ريال


لو سحبناى الريالات مابقيلهم شيئ ويضطر ينزل القيمه




كمان شوفو الغرب


قاطعو السيارات وذحين كيف يشترون السياره بنص قيمته

وياخذ سياره مجانا

نسوي زي كذا تشتري كوكاتو خذ كاسكو مجاناا
leo _n
29-04-2009, 05:51 PM
صحيح اخوي الخبراء

قد يكون كلامك صحيح

يا اخوي الناس ترمي فلوسها في اي شئ تافه بدون مبالة ولا اي تقدير

اخوي اسعار الطيور منخفضه بشكل كبير في جميع الدول الاروبيه

وحتى في امريكا

اليوم يقول الامريكي اوفر دولار عشان اعيش اكبر فتره ممكنه

اليوم في الدول العربيه

سباق مين يصرف فلوسه اول

وصحيح تحتاج الحمله الى جهد كبير ولاكن نحن نعمل على قد الامكانيات


وسؤال للكل

هل انت راضي على الا سعار الطيور ولماذا ؟؟؟
عاشق الاهلي+الدره
02-05-2009, 04:48 PM
اذا السؤال لي لالالالالالالالالا

السبب :شوف الاسعار وصلت فين راح تعرف السبب
محتاج لها
02-05-2009, 05:05 PM
الموضوع يستاهل المشاركه وفكره رائعه بس عندي ملاحظات بسيطه

اخوي قريت ناس تقول سعرها برا رخيص وانا اعطيك مثال ع الكلام
لقيت دبل يلو هد 700$ في احد المواقع الاجنبيه عندنا يبدا اسعاره من 8000 وانت طالع ؟؟؟

السبب حسب اعتقادي عندهم متوفر الاستيراد مسموح عندهم مزارع احنا وش عندنا ...؟؟؟؟ يعني لا تقارن سعر برا بسعارنا


والحق ينقال انا في جده واتكلم عن محلات جده فيها شي رخيص وسعره معقول وفي بعضها اسعاره مبالغ فيها بس كل واحد يعرف خراجه ويروح يشتري من اللى يناسبه

والشي الثاني في بعض الاحيان يكون هناك ازمه ع نوع معين مثل خلنا نقول فرخ الامزوني ارونج وينج في ناس مستعجله بتشتري وهو غالي وسعره تعدى السعر الحقيقي بمراحل وفي ناس عندها صبر تقول خلني انتظر الين ترجع الاسعار الحقيقه وفي ناس تكونن اشترت بالاسعار القديمه ومع الارتفاع قالت مثلي مثلهم ...


انا اشوف ان المشتري بيده كل شي اما يشتري غالي ولا رخيص والواحد دايم يلف ويلف ويلف وبعدين يشتري

واعتذر عن الاطاله
بياع هامستر
14-05-2009, 01:20 AM
اخواني انا متفاجئ

ولله العظيم اليوم رحت مكان جمب بيتنا يعني جمب سوق تجاري في جدة

لقيت بسطه كم واحد من الشباب يبعو انواع كثيره من العصافير

على العموم قلت خليني اسئل على الاسعار

لقيت الكناري بـ 600 ريال الزوج

والله حرام والله حرام

وكمان لقيت دره صغيره تتكلم بـ 2700 ريال وانباعت

وببغاء كاسكو او نيجيري المهم لونو رصاصي وريشو مو مره حلو ويتكلم كلام كثير

بـ 5000 ريال

وزوج كروان بـ 500 ريال تقريبا ومو اليف

ليش ليش ليش ليش

والله حرام

وكمان دره فرخ اليف بـ 450 ريال

وانا مشتري دره من واحد امين في المنتدى بـ 250 ريال...


اله يعيننا

حتى الكتاكيت في السوق وفي المحلات الفخمه صار بـ 10 ريال ليش دجاجه على غفله

الله يصبرنا...
بياع هامستر
14-05-2009, 01:23 AM
جاتني فكره نقتلت المحلات بهذي الطريقه

مثلا نعرض في المنتديات اسعار العصافير

مثلا نحدد زوج البادجي بـ 100 ريال اقل من كذه لا تشتري

زوج كروان بـ 350 اقل من كذه لاتشتري لين ماواحد يلاقي على الاسعار اللي حددناها

ونبدا نشهرو في المنتدى ونشتري منه لانو يكون سوا على السعر المطلوب

واقول في الاخير ثبتووووووووووووووووو الموضوع واحد يكلم الادراه انو انبغى نثبت الموضوع

وشكرا
بياع هامستر
15-05-2009, 12:54 AM
اخواني انا غلطت في المشاركه اللي قبلها وهو تشتري الزوج البادجي بـ 100 اكثر من كذا لاتشتري

وانا كتبت اقل من كذا لاتشتري

تحياتي...
كاسكـــو
15-05-2009, 05:48 AM
اخوي بياع الهامستر

الطيور انواع مثل البادجي يجي له انواع كثير واحجام يعني سعرها مو واحد

وافضلهم البادجي الانجليزي الحجم الكبير تاخذ جوز مضمون الانتاج ومحجل بـ 200 ريال والحين تغير كل شي

لكن انا مع الكل الاسعار مرتفعه مرررره مررررره مررررره وتراهم ذبحوووونا

اول الدره الهنديه اللي تتكلم والله شوف عيني وقدامي بالسوق على 500 ريال تتكلم وااليفه

وحصلت مره عند واحد بالسوق دره نيباليه اكبر من الهنديه تتكلم واليفه وطلعت على يدي بـ 700 بس الحين سعرها نار

والدره الأليفه الهنديه لكن ماتتكلم على 150 وتقدر تفاوض بالسعر وتاخذها على 120 هذا اول مو الحين

والدره الهنديه الوحشيه اول على 70 ريال للحبه الجوز يعني بـ 140 ومع التفاوض يعطيك اياها بـ 130

انثى الكناري السوريه اول على 70 و 60 ريال وانا شاريها بهذا السعر الحين واصله 200 وشذا الطمع ؟

البلابل الوحشيه 20 او 25 ريال تاخذ لك جوز الحين على 60 وعلى 50 ريال ليش ؟

ماقول الا يارب الحكومه تشيل الحظر وترجع المحلات تبيع من جديد هذا افضل وتنزل الاسعار

الحين كل السالفه بيع شخصي يعني الواحد يجيب طيورة من بيته ويتفنن عليك بالاسعار

نبي السوق يرجع مثل اول وتتوحد الاسعار الحين المحلات مافيها الا اسماك وحيوانات بس

تسأل عن الطيور يقول رح للحراج وهذا الموووت يكسر ظهرك بالسعر
عآزف ..
15-05-2009, 06:17 AM
خلونا نتكاتف مع بعض ونقاطع محلات الطيور ، وربي كلها كم شهر وتشوفون الأسعار تنخفض بشكل كبيير

لأنه إذا ما باع طيوره تبي تفطس وراح يخسر ..


بالنسبه لي اعلن المقاطعه من هالحين :D

وارفعوا هالشعار .. " خلوا طيورهم تفطس " :D
عاشق الروت وايلر
15-05-2009, 06:56 AM
الله يسلمك
انا الذي اشكرك يا خي من قبل ومن بعد


وانا حاب اضيف شئ لو سمحت لي

عندما كنت في مصر ذهبت الى سوق الطيور المشهور با الزحمه

عندما ذهبت و لم اجد احد في السوق اللهم الا اشخاص ينعدون على الاصابع سئلت احد البائعين قلت وين الناس قالي الناس مسوين حمله علينا من شهر تقربيا وكان من نتائج الحمل ان الاسعار كانت رخيصه جدا جدا

والله يا اخوان لو سونا مثل هل الحمله لا اخذنا الطير با قل السعر ممكن


والبعض اللي قالو ما يمكن نسوي هل الحمله اكثرهم يتاجرون في الطيور فما يردون انهم يخسرون


يا اخوان حنا ما نبي نقطع ارزاق الناس يا اخي تاجر ولاكن مو بهذا الشكل الفضيع

والكل يعرف عندما كانت اسعار الطيور في الماضي كان السوق ماشي زي الفل

واليوم تحصل السوق يو ماشي ويوم واقف

اسف على الاطاله

واكرر شكري لك ولكل اعضاء هذا المنتدى

يبي لكم تنشروا الموضوع في كم منتدى من المنتديات المختصة علشان ينتشر الامر الى ان يقاطع الكل ويتم ترخيص الاسعار

صحيح اخوي الخبراء

قد يكون كلامك صحيح

يا اخوي الناس ترمي فلوسها في اي شئ تافه بدون مبالة ولا اي تقدير

اخوي اسعار الطيور منخفضه بشكل كبير في جميع الدول الاروبيه

وحتى في امريكا

اليوم يقول الامريكي اوفر دولار عشان اعيش اكبر فتره ممكنه

اليوم في الدول العربيه

سباق مين يصرف فلوسه اول

وصحيح تحتاج الحمله الى جهد كبير ولاكن نحن نعمل على قد الامكانيات


وسؤال للكل

هل انت راضي على الا سعار الطيور ولماذا ؟؟؟

خلونا نتكاتف مع بعض ونقاطع محلات الطيور ، وربي كلها كم شهر وتشوفون الأسعار تنخفض بشكل كبيير

لأنه إذا ما باع طيوره تبي تفطس وراح يخسر ..


بالنسبه لي اعلن المقاطعه من هالحين :D

وارفعوا هالشعار .. " خلوا طيورهم تفطس " :D

تعددت الاراء والطريقة واحدة ،،،، مقاطعتهم وخلوا طيورهم تموووت عندهم

بس انا اللي فهمته انه سبب ارتفاع الاسعار اللي هو انفلونزا الطيور لانهم صاروا يمنعوا الاستوراد من خارج السعودية
وبالنسبة للي يقول الفحوصات انها تكلف فهذا اتوقع كلام فاضي ،،، يعني قبل ماكانوا يفحصون الطير قبل لايدخلونه :confused: ؟!!! <<<< شكله اللي يقول ذا الكلام تاجر هههههه
احس اي واحد مايبي المقاطعة تااااااااااااجر من التجااااااار
سمو الاحساس
23-05-2009, 05:22 AM
من جد كلام مره حلو انا اليوم كاتب موضوع عشان الاسعار انا من جد انصدمت من الاسعار بسوق جده ياخي الدبل تقريبا اذا قرنها باسعار الرياض ياخي في الرياض تقدر تشتري طير افريقي بعمر سنه بحدود 700 ريال في بعض الاحيان اما في جده مافيه امل .... وودي انا وانتم وجميع الاعضاء نتفق على الشي هذا وانا اولكم
كاسكـــو
23-05-2009, 07:54 AM
قبل امس وامس كنت اتردد على السوق بالرياض


فروخ البلابل على 150 ريال الواحد وبدون قفص تبي قفص ادفع زياده يؤ :eek:


ماتدفع زياده يطلع البلبل من القفص ويحطه بيدك وتمشي قدام الناس بلبلك بيدك :(


تدور اقرب كرتون تحطه فيه وزين اذا حصلت لك كرتون
عاشق الاهلي+الدره
08-06-2009, 04:04 PM
يالله الكل يرفع الشعار


خلوا طيورهم تفطس
كاسـكو
08-06-2009, 05:15 PM
وانا بعد معاااكم بالحمله قبل اسبوع لقيت بادجى مقنبر الزوج 3000ريال بالقطييف وشو هالنصب
عاشق الاهلي+الدره
06-07-2009, 05:23 PM
خلوا طيورهم تفطس