المساعد الشخصي الرقمي

مشاهدة النسخة كاملة : ارجوكم يا اعضاء توزو

زيزو الرياض
25-04-2009, 12:55 AM
ارجوكم يا اعضاء توززو اريد ان اشتري كروان وعندي بعض الاسأله واريد اجوبتها بسرعه


هل الكروان يتطعم اذا كان نعم وش التطعيمات ؟


وكيف اخليه يتعود علي الكروان ؟


وهل اذا شلته كثير يموت ؟؟ <<<< ترا ما قد ربيت كروان فلا تستغربون عن اسألتي


وكيف اعرف عمره ؟
طير الهوى
25-04-2009, 01:40 AM
،،

هل الكروان يتطعم اذا كان نعم وش التطعيمات ؟

لا يالغالي مايحتاج تطعيمات ولا شي ^.^

وكيف اخليه يتعود علي الكروان ؟

بإمكانك الاطلاع على المواضيع المثبته ولكن باختصار

انا فهمت انك تبيه يكون أليف وتقدر تلعب معه ..الخ

اول شي .. قصقص جنحانه ..

ثاني شي اسحب الاكل والماء منه مدة يوم كامل ..

وطبعا من يوم تجيبه قابله 24 ساعه وهو بالقفص

بعد كذا حط الاكل على راحة يدك .. ودخلها داخل القفص .. وخلها ثابته ولا تسوي اي حركه مفاجئة لانك بكذا تخوّف الطير وتزيد عدم ثقته فيك

اذا كان جوعان بيجي ويقرب من يدك شوي شوي وياخذ حبه ويهرب ..

وبيظل على هالحركه يجي ياخذ حبه ويهرب .. وانت لا تحرك يدك .. لين يعرف ان يدك ماتشكل اي خطر عليه بعد كذا بيجي يوقف عليها وياكل الاكل منها

اتركه لين يشبع وينزل منها .. واسحبها بهدووووووء خارج القفص .. مارس هالشي معه كم يوم لين تشوفه وثق فيك ..

بعدين طلعه برا القفص .. وخله فوق القفص يتمشى على راحته اغلب الوقت

طبعا لا تحط له الاكل ابد .. خلك انت مصدر الاكل .. تعال له كل خمس ساعات مثلا .. وحط اكل بيدك .. وخله لين يجي هو ياكل من يدك ..

بعد كذا راح تكون فيه ألفه بينك وبينه .. والله يوفقك ويسهل امرك ..

وتذكر ان الصبر هو سر النجاح في عملية الترويض


وهل اذا شلته كثير يموت ؟؟

لا ماعليك .. كل ماشلته حبك اكثر وزادت الألفه بينك وبينه .. لكن طبعا بالطريقه الصحيحه


وكيف اعرف عمره ؟

في البدايه ياليت تضع لنا صوره .. ونعلمك بعمره بشكل ( تقريبي )

ومع الوقت راح تعرف كيف تميز بعمر الكروان


موفق اخوي

،،
زيزو الرياض
25-04-2009, 02:06 AM
مشكور الله يجزاك الف الف خير الله يوسع قبرك ومدخلك
ويدخلك الجنات الفردوس
الأسد الملك
25-04-2009, 02:23 AM
ملاحظهـ

على رد الاخ طير الهوى

اسحب الاكل والماء منه مدة يوم كامل ..

هذي طريقهـ خاطئهـ

جوعهـ ساعتين فقط يوم كامل بيضر الطير

والباقي افادك الاخ طير الهوى وماقصر بشي

تحياتي
طير الهوى
25-04-2009, 02:39 AM
ملاحظهـ

على رد الاخ طير الهوى



هذي طريقهـ خاطئهـ

جوعهـ ساعتين فقط يوم كامل بيضر الطير

والباقي افادك الاخ طير الهوى وماقصر بشي

تحياتي

خله يطلع قلبه

ههههههههههههههههههههههههه

والله وانا اخوك قلبي مافيه ارحم منه .. من اول اذا جيت أولف الطير والله كل ساعتين اجي عنده .. بس مااااش .. رافع خشمه علي .. قلت مافيه الا كذا .. خله يطقه الجوع ومرده لي لووووووول

وخل اخونا ينبسط يولف بسرعه هههههههههههههههههه

،،