سؤال للحن الخلود و لأخي أبو عزوز خاصة و للجميع عامة

[زائر رقم]

هل الهاسكي قابل للتدريب عل الشراسة .؟.

أتمنى الإفادة

[pitbull terrier]

نعم يا اخوي , كلب الهاسكي قابل للتدريب على الشراسه .

http://webzoom.freewebs.com/rockcreekkennels/dogshow%20007.jpg

[زائر رقم]

طيب يا أخي أنا أعاني الآن من تعليمه المبادئ الأساسية ..هل هو متعب لهالدرجة ؟
على عكس الشيبرد..لاحظت أن الشيبرد قابل للتعليم بسرعة بس الهاسكي أتعبني بالخوف الزايد؟.
وش الحل مع خوفه الشديد؟.

[boobee]

اي نعم الهايسكي قابل للتدريب
وعند صاحبي هايسكي ماشاءالله عليه
مدريبه طاعه وشراسه ومن احسن ما يكون

[الكلاسيكي]

مرحبا اخي زائر رقم

اهو سهل تدريبة وما يحتاج معاناة ..

بس قيل كل شيء ..

ابي اعرف كلبك كم عمره ...؟

ويخاف من ايش بالضبط ..؟

لكي استطيع الشرح لك ..

[زائر رقم]

هلا أخوي كلاسيكي..
الكلب عمره 12 شهر تقريباً (هو الآن داخل الشهر الثاني عشر)..
و يخاف من حركة الناس و الأطفال و من القطاوة..
لدرجة أني مشيته بحوش الاستراحة و فيه قطاوة بالهبل هناك فلما شافته القطاوة هربت و هو بعد اتنرفز و فزّ من الخرعة و زغل و جلس يحاول الهروب لولا أني ماسكه بالحبل.
كيف أهيء له جو بارد ؟.
يا أخي الرياض جوها حر و مكتوم و غبار وسموم و هو ما يداني هالحرارة أرجو الإفادة

[الكلاسيكي]

هلا أخوي كلاسيكي..
الكلب عمره 12 شهر تقريباً (هو الآن داخل الشهر الثاني عشر)..
و يخاف من حركة الناس و الأطفال و من القطاوة..

هذي حاله بسيطه ..

شوف اخي طلع كلبك كثير لما يكون في ناس وخلهم يقدمون الطعام وكل واحد يعطيه قطعة صغيره ..

وخلهم يلمسون عليه ويتمشون معه عشان مايخاف منهم ويعرف ان مافي خوف منهم ..

وبرضو بالنسبة للأطفال اربطه قريب منهم وخلهم يلعبون عنده بس لا يكلمونه ولا يضربونه ..

ويتجاهلونه مرررررررا ولا كأنه موجود ..

وبعدين انت اختار واحد منهم يقرب ويرمي له قطعة عضم ولا قطعة لحم ..

بس من بعيد عشان مايقوم الكلب ويأذي الطفل لأنه خايف ..

وبعدين يبعد الطفل عنه مباشره بعد رمي القطعه ..
لدرجة أني مشيته بحوش الاستراحة و فيه قطاوة بالهبل هناك فلما شافته القطاوة هربت و هو بعد اتنرفز و فزّ من الخرعة و زغل و جلس يحاول الهروب لولا أني ماسكه بالحبل.

بالنسبة للقطط ..

هذه غريزه تجي بداخل الكلب وأي كلب انه مايخاف وانه يكره القطط لدرجة ..

الاحاق بهم ومحاولة اصتيادهم ..

لاكن كلبك بتنحل مشكلته بعد تعزيز ثقته وعدم الخوف مثل ماشرحت لك بالأول ..


كيف أهيء له جو بارد ؟.

بسيطه انا اقولك وانا مطبقها بعد ..

انت اكيد حاط الكلب في شبك ومسكر عليه ..

ضيف بلاستك 5 مل من محلات الخيم وغيرها ولبس الشبك من الخارج ..

وثبته من فوق بحيث انك تستطيع ازالتها ورفعها فوق الغرفه وانزالها وقت ما تشاء ..

وركب مكيف واحد طن ..

واذا جاء وقت الصباح عند الساعة الـ 10:00 صباحاً ..

قم بأنزال البلاستك وشغل المكيف .. وذلك في وقت الصيف ..

وعند الـ 5:00 مساءاً قم بأطفاء المكيف ورفع البلاستك عن الكلب ..

وملاحظة :

لا تستخم الملطف للجو الي يستخدمونه بعض الناس للتبريد على الكلب ..

لأنه مايصلح للكلاب وجونا مايساعد على اغتناءه ..


يا أخي الرياض جوها حر و مكتوم و غبار وسموم و هو ما يداني هالحرارة أرجو الإفادة

اضن هذا كل الي تبي تعرفه في الوقت الحالي ..

والباقي بعدين بعد ماتمارس مع الكلب الكلام الي علمتك ..

وبلغنا بالجديد ..

[kuk]

نعم يا اخوي اشي اكيد

[زائر رقم]

اعذروني يا أخوان على هالسؤال البديهي..م سألت إلا لأني لاحظت عليه على -خلاف الشيبرد- صعوبة تطويع وتكييف..

كان ودي أخوي الكلاسيكي تقول لي كيفية إخضاعه و تطويعه..

بس بغيت أفهم -واعذرني على قلة الفهم- كيفية زرع الثقة في نفسه حين يواجه القطط..

و هل هو عاصي لدرجة أنك إذا ناديته ما يرد عليك بالمجيء؟.

[الكلاسيكي]

اعذروني يا أخوان على هالسؤال البديهي..م سألت إلا لأني لاحظت عليه على -خلاف الشيبرد- صعوبة تطويع وتكييف..

كان ودي أخوي الكلاسيكي تقول لي كيفية إخضاعه و تطويعه..

بس بغيت أفهم -واعذرني على قلة الفهم- كيفية زرع الثقة في نفسه حين يواجه القطط..

و هل هو عاصي لدرجة أنك إذا ناديته ما يرد عليك بالمجيء؟.

الحين اخوي انت ابداء معه من البداية ليش مستعجل بنعلمك الباقي بعدين ..

الحين خله يتعود على الناس والأطفال ومايخاف منهم بعدين ..

شوف الباقي ..

لا اخوي بيرد عليك ليش مايرد ممكن توضح اكثر ..

[زائر رقم]

صعوبة التطويع ناتجه فيما اعتقد من كبر سنه (12شهر)
اليوم ألاحظ عليه حركات تقفيز و كر وفر خصوصاً لما أجيه، و لما أبعد عنه يحن و يعوي..

[زائر رقم]

بالمناسبة:
الهاسكي يعوي ؟.

وإن كان عواءه طبيعي فهل له علاقة كبيرة بالذئاب؟.

وماذا يعني عواءه؟.