كوكاتيل شري جدا جدا ..

[Msh3l]

السلام عليكم ورحمة الله وبركاته ..


من كم يوووم شفت كوكاتيل عند واحد من ربعي .. وعجببببببببببببببببببببني حده حده ..


رحت اليوم خذت لي واحد .. ابيييييييض كامل والـ سبايكي حقه اصفر :p .. وخدوده برتقاليه :rolleyes: ..




،، الكوكاتيل شرررررررررررري جدا جدا .. حطيت يدي فالقفص ابي امسكه .. مسكته .. تم يحووفص ثانيتين ويعععععععععععضني ذيك العضه على الابهام .. بالقووو .. وقف الدم بعد العضه بربع ساعه ،، والله للحين صبعي يعورني .. وابي ادربه .. شسوي .. 90% ماراح اقدر اقلقصه ،، وفي محل بعيد يدربه بس مابي اوديه يقولون دفش .. وذابح طيور من قبل << (( له سوابق )) :p ..

شتشورون علي .. شاسوي فيه .. شري شري من قلب .. تركته فالديوانيه .. تم يدور يدور لين ما صفق بالثريه وانجرح جرح بسيط جدا جدا (( بعدها تميت ساعه لين ماغطيته بخلق ودخلته القفص )) ،، حاولت اعطيه اكل وهو فالقفص بس مب راضي ياكل مني .. اكل من الاكل الي فالقفص ،، بس ماكل مني .. وووو اول ماتركته تم يزااااعق ويزاااعق .. واول مادخل القفص سكت .. ،، وووو سكرت اللمبات عليه .. اول ماجيت فتحتها تم يصارخ بعد بس سكت بعدها بشوووووي ..


والله متوهق فيه وخاطري ادربه واخليه يتعود علي .. ويريت حد يشوف لي سالفه حق التقلقص .. بهدلني وهو يطير ،،



ناطر ردودكم الحلوه ..

[Msha3il]

بيعه و اشتر واحد ثاني : )

[Cocktail Bird]

اخوي اذا انت عايش في قطر(عرفتك من كلامك) هه

المهم في محلات في المنترة والنصر

وانا اقولك خله يتعود ع البيت ولا تطفي الليتات عليه مرة ثاية

وحط له الاكل والماء كل يوم وغسل القفص بعدين (بعد اسبوع) البس قفاز جلد سميك وامسكه واقعد امسح على راسه كل يوم طلعه مرة او مرتين وبتشوف التجاوب لاحقاً

واذا تبي مساعدات اخرى قولي

[خبيرهـ الحيوانات]

السلام عليكم
انا عندي كوكاتيل مدرب اقول لة تعال تعال تعال ينط لي
بس خسارة طار
شريت واحد ثاني وهذاني ادربة ... المهم
اول شي لازم تقلقصة عدل عدل علشان مايطير ويسفق راسة في الطوفة
والبس قفازات قوية جدا لان عضتة اول ماتشترية تعووور واايد
وحط يدك عند ضهرة وحكحكة علشان يتعود عليك وبيحس بالامان
وكل يوم دربة الا فالليل عشان يرتاح وينام
واي اسفسارات او اسئلة انا موجودة
لاني خبيرة في تدريب الكوكاتيل
تحياتي

[بنت الإمارات]

والله انا حالي من حالك :(...

كرهت كوكاتيلي بسبة هالموضوع ..عندي زوج كوكاتيل ..وعندي زوج طيور الحب

مايحبوني :(

[عاشقه طيور الكوكتيل]

انا كان عندي واحد مثله تماما شرس مره بس بعدها صار اليف مره
ارجع لمواضيع التدريب وان شاء حتساعدك

[الأسد الملك]

يالغلا اقرأ المواضيع المثبته عن الكروان

والله يوفقك