ابي عيادة بيطريـه..الدمام اوالخبر.

[jazora]

السلام عليكم
اخباركم..عساكم بخير..

سوال وماعليكم امر ..
ابي عياده بيطريـه بالدمام او الخبر...؟؟

واسعاار التطعيم.؟واذا في تطعيمات انوواع ووشهو الاحسن ؟


وابي وصف المحل وين مكانه.؟

ارجو الرد بسرعه....؟؟؟

[enta 3omri]

فيه بالدمام عيادتين جنب بعض

وحده اسمها الغربية والثانية جوزل

بس بصراحة انا اتعامل مع الغربية

وهي قريبة من اسواق التميمي

اذا تعرف/ين محل حق مستلزمات هدايا وحفلات اسمه عالم الاحلام

البيطري قباله

المشكل ماني عارفه وصفه بس هو بشارع زينة حق سيارات

واسعار التطعيمات الوحده بـ 50 ريال

ان شاء الله يجي احد ويعطيك الوصف مضبوط

[jazora]

الله يعطيك العافيه ومشكوور..

[jazora]

وين الرد الباقيه

[lady_cat]

اي صح جوزل والغربيه بنفس المكان بعد تويوتا عند بنك الرياض انا اتعامل مع الغربيه د. طارق ممتاز بس اسعارة شوي غاليه ( اشتري منه الاكل ومستلزمات القطط )

بالنسبه للتطعيمات اتعامل مع د. صالح اسعارة جدا معقوله اسم عيادته السويدان بمخطط 71 ماظن سعر التطعيمه يتجاوز العشرين او الخمس وعشرين

[مدرب نمور]

انا طعمت بستى تطعيمتين بـ 120 ريال

[lady_cat]

انا طعمت بستى تطعيمتين بـ 120 ريال



وين طعمتهم ...!!!! هذا السعر مع الشهادة ؟؟

انا سمعت ان التطعيمات بالخبر اغلى من الدمام

عموما الله يسلم د. صالح اتعامل معه من سنوات ويمكن عشان كذا يراعيني بالاسعار

[jazora]

lady :)
ممكن تعطيني الوصف اذا ممكن وين بالضلط بــ71 ؟..

ويعطيكم العافيه ..

[lady_cat]

امممم والله انا مو شاطرة بالوصف بس بحاول

تعرف الكوبري الي يودي للجبيل اظن عند الخضريه ؟ طبعا لما تطلع ع الكوبري وتواصل لنهايته بتلاقي اشاره قبلها بشوي تلاقي لفه ع اليسار ترجع منها (يو تيرن ... تدوير مثل مايقولون ) .. ورح تلاقي كل الصيدليات البيطريه اغلبهم يتعاملون مع البهايم بشكل عام وقليل الي يعالج او يطعم القطط انت روح للسويدان وعساة يكون رجع من مصر


بالتوفيق

[jazora]

الله يعطيك العافيه

ومشكورهـ ماقصرتي..

انا بنت مو لد :o

[lady_cat]

الله يعافيك اختي

انا اسفه

[d7om]

يا لادي كات


وين بمخطط و71 انا ساكن هناك


في أ ولا ب ولا ج ولا د

[lady_cat]

بصراحه ما فهمت .... في أ ولا ب ولا ج ولا د

لوكنت ساكن هناك اكيد بتعرف من خلال وصفي السابق

بتعرف مطاعم الثريد وصدف و مادري شو بعد !! وصيدليات بيطريه على طول الشارع

[d7om]

عرفته


ايه انا شاك في الوصف الحين تاكدت


انا قاري كلمة بيطري بس ماتوقعته زين

[lady_cat]

انا حددت صيدليه السويدان لاني اتعامل معه من سنوات صحيح عيادته مش راقيه ومش مرتبه لكن اسعارة معقوله وفي نفس الوقت شاطر
وبصراحه انا ما اثق بالباقي لان مثل ماقلت يتعاملون مع البهايم واغلبهم حتى ما يطعم القطط !!!!!!! و واحد منهم كان سبب بموت قطي الاول

واذا ماتهمك الاسعار عندك الغربيه عيادة نظيفه و معقمه ماشاءالله واحسن بكثير من غيرها

بالتوفيق

[boabode]

للاسف صيدلية الغربيه الدكتور اللي فيها مايفهم شي انا كنت ماخذ قطوتي حامل لعنده ولزم ان يطعمها حمايه للاجنه ووقايه لهم على كلامه وماتوا ببطنها وسقطتهم ... ولما رحت لجوزل( انا دايم اتعامل معه بس هذاك اليوم ماكان موجود ورحت للغربيه ) قال مافي شي اسمه تطعيم وقايه للاجنه والتطعيم سبب التسقيط لان الجسم يقاوم ...