رد: عندك مشكله في الكمبيوتر .. ادخل واطرحها
 

رد: عندك مشكله في الكمبيوتر .. ادخل واطرحها
 

ياخوي مافهمت منك شي ... :) اتمنى توضح اكثر ..

رد: عندك مشكله في الكمبيوتر .. ادخل واطرحها
 

واذا ماضبط معاك .. راسلني وان شاءالله اساعدك :))

رد: عندك مشكله في الكمبيوتر .. ادخل واطرحها
 

الاب تووب احيانا يسير حار مره لدرج محد يقدر يمسك اظرافه وينقفل لوحده بعد سخونه ومن اجي اشغله ما يشتغل لاذم استنه ساعه واشغله ايش سبب

رد: عندك مشكله في الكمبيوتر .. ادخل واطرحها
 

اخوي عندي مشكله بالكتابه يعني اللغه متحوله انقلش في الكيبورد ومو راضيه تكتب عربي مررره..مع ان الجهاز كاان عاادي اكتب عربي وقت ماابي واحول انقلش وقت ماابي..بس للاسف الان مو راضي ويكتب عربي بس بالماسن..وانا الحين اكتب بالماسن وانسخ والصق في موضوعك..
والنظام :فيستا

رد: عندك مشكله في الكمبيوتر .. ادخل واطرحها
 

تم ارسال الحل :) ..

وباذن الرحمن يكون شغال .. :)

رد: عندك مشكله في الكمبيوتر .. ادخل واطرحها
 

رد: عندك مشكله في الكمبيوتر .. ادخل واطرحها
 

هلا اخوي .. ان شاءالله بيكون الحل بسيط ..

روح حق start
بعدين control panel
بعدين اختار ********, and Region
بعدين بتحصل كلام صغير تحت الكلام الكبير .. اختار منه

Change Keyboard Or Other Input Methods

بعدين اختار Change keyboards

راح يطلع لك مربع بالنص مكتوب فيه
English (United State)

أو انها تكون English (UK)

شوف تحتها مكتوب Arabic ?

اذا مو مكتوب اضغط على كلمة Add

راح يطلع لك مربع فيه جميع اللغات تقريبا .. اختار Arabic ( Suadi Arabia)

واضغط على علامة الزائد اللي صوب كلمة keyboard
واختار Arabic (101)

واضغط Ok
وبعدين Apply بعدين Ok

وان شاءالله بيضبط معك ..

واذا ما ضبط قولي علشان اعطيك خيارات ثانيه :) ..

رد: عندك مشكله في الكمبيوتر .. ادخل واطرحها
 

اخوي كلامك انقلش مرره يعني شوي شوي علي..ادخل ابدا وبعدين وش اسوي..؟ ياليت عربي ويعطيك العافيه اخوي تعبتك بس استحملني شوي..

رد: عندك مشكله في الكمبيوتر .. ادخل واطرحها
 

اها انت الويندوز مالك عربي ؟ ..

المهم ماعليه ..

روح ابدأ

بعدين روح حق لوحة التحكم أو شيء بهذا المعنى ..

بعدين دور كلمه بما معناها .. الساعه,اللغه,الدوله <== شيء من هذا القبيل ..

بعدين اختار كلمه بما معناها .. تغيير لغة لوحة المفاتيح .. <== شيء بهذا المعنى ...

بعدين اضغط على لوحة المفاتيح واللغات .. تكون في الوسط فوق.. باعتقادي

بعدين اضغط على كلمة تغيير لوحة المفاتيح ... أو تغيير لغة لوحة المفاتيح .. <== شيء بهذا المعنى ..

راح يطلع لك مربع بالنص مكتوب فيه
الانجليزيه (الولايات المتحده)

أو انها تكون الانجليزيه (بريطانيا) <== أو كلمه تخص ببريطانيا ..

شوف تحتها مكتوب العربيه ؟

اذا مو مكتوب اضغط على كلمة (إضافه) تلقاها على الجنب

راح يطلع لك مربع فيه جميع اللغات تقريبا .. اختار العربيه (السعوديه العربيه)

واضغط على علامة الزائد اللي صوب كلمة لوحة المفاتيح <== أو شيء بهذا المعنى ..
واختار العربيه (101)

واضغط موافق
وبعدين تطبيق بعدين موافق

وان شاءالله بيضبط معك ..

اخي الكريم ممكن الخيارات اللي انا كاتبها لك باللغه العربيه تكون مختلفه عن اللي موجود عندك بالويندوز .. لأن الويندوز مالك عربي وانا ما عمري جربت الويندوز العربي .. لكن اتمنى ان الخيارات اللي كتبها لك تكون متقاربه أو نفس المعنى الموجود عندك .. اذا ما لقيت الخيار اللي انا كاتبه لك .. ممكن تلقاه بكلمه اخرى لكن نفس المعنى ..

وبانتظارك يا اخوي الكريم .. :)