|
رد: زيبرا فل أورنج ايزابيل من إنتاجي
وعليكم السلام ورحمة الله وبركاته ,,,,
مرحبا فيك ياخوي ولد البحرين (بحرين سن ) وفى البداية مشكور عالمرور وعالكلام الطيب اللى كتبته أناملك الكريمه والله يسمع منك بخصوص دعائك الجميل واللى أشوفه انه طالع من قلب صادق وبخصوص الإنتاج فالك طيب ياخويه والله لو تامر عليهن أمر فالك طيب إلا أهو ريش مايسوى تراب ريولك ونتمنى انكون دائما عند حسن ظنكم وظن جميع مشرفين ورواد هذا المنتدى الجميل ولاتنسونا من دعائكم الصالح ............. أخوك أحمد |
رد: زيبرا فل أورنج ايزابيل من إنتاجي
مرحباااااااااااااااااااا أخي ملك الزيبرا
بالنسبة عن الانثى هل من انتاجك ؟ لان من خلال الصورة اشوف فيها خط الدمعة باين خفيف اذا كانت من انتاجك وعارف الساس لها زاوجها معاه لاكن اذ كانت الانثى مو من انتاجك أو ماخذها من السوق حاول تشوف وحدة من انتاجك لان خط الدمعة لو انة خفيف بس يأثر في الانتاج أخوك بوحــســـن |
رد: زيبرا فل أورنج ايزابيل من إنتاجي
هيه نعم ياخويه بوحسن
النثية من أنتاجي وطالعة من أب فل اورنج ولن ظهره بني والأم إيزابيل ومستواها عالي ومن إنتاج أخونا عبدالعزيز المناعي عندكم من البحرين وأعتقد انه يسكن بمنطقة الحد أما بخصوص الدمعة فنفس الشيئ أمها فيها دمعه خفيفة لكن البنت شوية طلعت أغمق منها بس ما خبرتني ياخوي بوحسن شوه تأثيرات هاي الدمعه عالإنتاج بتريا ردك |
رد: زيبرا فل أورنج ايزابيل من إنتاجي
الله يعطيك العآفية
تقبل مروري |
رد: زيبرا فل أورنج ايزابيل من إنتاجي
تسلم والله يالغالي ملك الزيبرا وردك الرائع هذا ان دل على شي دل على اخلاق وكرم
الأماراتيين وطيب اصلهم العالي والمعرف عندك كل الخليج والعرب وانا اتشرف في معرفتك يالغالي واي خدمة لك في البحرين تراني حاظر او اي خدمة في صحة الطيور بحكم عملي في الطب البيطري وعندي خلفية في هذي الامور ,,,, سميك ... احمد |
رد: زيبرا فل أورنج ايزابيل من إنتاجي
الله يحفظك ياخويه أحمد
هذا العشم فيكم ياهل البحرين عموما هذا الطير ظهر وبطن من عندكم من البحرين ابو الطير شارنه من واحد اسمه عادل من المحرق يربي زيبرا وبادجي انجليزي والام خذتها من عبدالعزيز المناعي من منطقة الحد بالقرب من المقبره اللى بنفس المنطقة واتمنى منك التواصل ............ وتسلم يالسمي |
رد: زيبرا فل أورنج ايزابيل من إنتاجي
وكذلك تسلم ياخوي دوووووووووم 20 عالمرور
|
رد: زيبرا فل أورنج ايزابيل من إنتاجي
أخي وعزيزي ملك الزيبرا
توكل على الله وزاوجهم لان انت عارف ساسهم يعني ماتحاتي الانتاج بأذن الله وربي يبارك لك فيهم يا الطيب أخوكم بوحــســـن |
رد: زيبرا فل أورنج ايزابيل من إنتاجي
أكيد متوكلين على الله فى كل الحالات ومنتكم نستفيد ياأستادي
|
رد: زيبرا فل أورنج ايزابيل من إنتاجي
ما شاء الله تقبل مروري
|
| جميع الأوقات بتوقيت GMT +3. الساعة الآن 10:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو