منتديات تو زوو - شريت قطوه ومدري وش فيها ممكن تساعدوني ؟؟؟

مرحبا..

شوفي

بالنسبة للعمر فأعتقد إنها 5 شهور لأن طولها قصير بالنسبة لهالنومة..

ثانيا :

بالنسبة للهدوء والخمول هذا لأنها ليلحين مو متعودة عليكي أو على البيت فتلاقينها دايما بهالوضع ..

ثالثا بالنسبة للعب..

أنا دومينيك غرامه أعفس له ورقة أو كلينيكس بس يسمع صوت الورقة بيدي ينط واقف يبي يهجم عليها .. حتى اني فكرت أدخله فريق هوكي :D ماشالله عليه ما يترك الكرة أو الورقة المتكرمشة .

لعبيه بليزر أو ظل إيدك على الأرض.. دوريلك مكان يكون الضوء مباشر عليه وحركي أصابعك علشان يطلع ظلهم على الأرض أو الحيطة وشوفيه شلون ينط ويحاول يصيد الظل.. آنه عندي فيديو بهالشي ( دومينيك يحاول يصيد ظل صبعي وبنزله انشالله قريب ) .

رابعا: بالنسبة للريحة:

هل قصدك إنها تكون مثل ريحة بخاخ الجو بالخوخ أو ريحة ماء متنقع بسجاد ؟ لأنها بتكون ريحة الجسم ولما تسبحينها تطلع الريحة بس يوم وتروح ..

أو إن القطوة اللي عندك بالغة وقاعدة ترش بالبيت ( طبعا الذكر بس اللي يرش - يبول في أماكن معينة ليحددها للتزاوج - ) خل البيطري يشوف أسنانها وراح يعرف عمرها وإذا هي بالغة وللا لأ .

مسألة إنها تمشي بره البيت فهذي صعبة جدا لأنها بالامكان تفلت من ايدك وتهرب وماترجع لأن أغلب القطط فيهم التوحد - انهم يتعودون على أهل البيت بس ويخافون من الناس اللي بره- فلاتجازفين انا الصراحة دومينيك حتى الحوش ما أخليه يطلع مع انه كسلان ومستحيل ينط السور:p بس بعد ما أجازف

أدري حكيت واجد بس كله لأجل عيونك يا مشاعر مكبوتة

تحياتي / أختك دومينيك
.
.
.