منتديات تو زوو - إطعام الفروخ ( الغر ) !!

العفو اخوي .. يسعدني خدمتكم وافادتكم
خبرتي من القراءة من المواقع الاجنبية ومن تربية الطيور :)
عادي اخوي .. اي سؤال اطرحه وان شاء الله تلقى الاجابة
شيء حلو انك تبي تدرب الفروخ .. في العادة في تدريب الفروخ يكون كل فرخ لوحده بقفص .. علشان لاينشغلون الفروخ مع بعض ومايستجيبوا للتدريب
خوف الفروخ منك من اول مابتديت بالغر او الان صاروا يخافون ؟
تحتاج الى ان يكون كل فرخ لوحده وكل فرخ يتدرب لوحده
قبل فترة ربيت ثلاثة فروخ روز " طيور حب " بالبداية كانوا لطيفين ويجون للابرة ويطيرون لي علشان ينغرون :freind:
لكن من انفطموا ولانهم كانوا جميع بقفص واحد تمردوا وصاروا يخافون ورفضوا يطيرون لي وقاموا الاثنين الكبار يعضون ههههه
المقصد من الكلام السابق في تربية وتدريب فرخ واحد افضل من تربية عدة فروخ ..
بالبداية بيجون لك علشان ينغرون لكن من ينفطموا وكانوا مع بعض بقفص بيسحبون عليك
لكن لو كان فرخ واحد .. هالفرخ راح يتعلق فيك مرره وراح يتعبرك محور اهتمامه .. يعني بيعتبرك امه وابوه وراح يلاحقك كل مكان :)
فروخك ان وصلوا لعمر مناسب للفطام افطمهم بالتدريج ودرب كل فرخ لوحده .. الخوف اللي فيهم جوعهم فترة بسيطة او موعد وجبة الغر غرهم جزئية بسيطة وتصفر لهم من مسافة علشان يجون لك وتغرهم ..
في العادة فروخ الغر يعلمونها تصفيرة معينة واسم للفرخ .. ولما بيغروهم يصفرون لهم او ينادونهم بالاسم .. ولما يكبر الفرخ شوية يصفرون له من مسافة علشان يجي لهم الفرخ او يطير لهم .. ولما يكبر الفرخ وينفطم يصفرون له علشان يطير لليد ويعطوه مكافأة " حبوب او طعام يفضله الفرخ " يعني الطير لما تصفر له بيتعود يطير لك :)
للتدريب على الكلام تبتدي بكلمة سهلة وترددها يومياً قدام الطير واذا نطقها تدربه على كلمة غيرها او جملة من كلمتين وهكذا .. الذكور افضل بالكلام من الاناث
هذي فيديوهات لكيفية تعليم الطيور بعض الخدع والحركات .. تصلح للكروان
في التدريب يستخدمون الكليكر وعصا خشبية ومكافاة للطير ..ويجوعون الطير علشان يستجيب لهم .. مع اني مااحبذ تجويع الطيور علشان تدريب
هذا لتعليم الطير المرور من خلال انبوب
http://www.youtube.com/watch?v=1d4BLDArPd0
وبرضو هذا فيديو لبادجي وتدريبه للعبور خلال انبوب " البادجي المسكين صار من الثانية رقم ثلاثين - منتصف الفيديو - يراكض من الجوع علشان المكافأة ههه "
http://www.youtube.com/watch?v=l-8WHd50bQ8
وهذي لتعليم الطير فتح اجنحته
http://www.youtube.com/watch?v=qhJYy...eature=related
وهذي لتعليم الطير ان يحط كورة بالوعاء " المعذرة اول 15 ثانية من هالفيديو توجد موسيقى وبعدها مافيه "
http://www.youtube.com/watch?v=FoBZ2...eature=related