|
رد: السلام عليكم .. سؤال ضروري لو سمحتم يا خبرااء
مبروووووووووك أنجل والله يعطيك خيرها ويكافيك شرها
ببساطة البواء تحتاج 1_ رمل أو نشارة للأرضية 2_ أغصان خشب 3_ uvb 4_ لمبة حرارية للتدفية وهاذي تخليك تشيل هم البيات الشتوي 5_ الرطوبة وتقدر توفرها برش الماء عن طريق البخاخ أو تشتري جهاز الرطوبة هاذي تقريبا كل الاحتياجات أذا ما نسيت شيء وبالنسبة للأكل طبعا في أكثر من سبب منها أذا كانت البواء تريد تبديل جلدها في تمتنع تماما عن الاكل ويجب عدم لمسها او وضع أي كائن حي معها وممكن تعرف أنها تبدل جلدها أذا شفت طبقة بيضاء على عينها وأيضا من الاسباب أنه البيئة تكون غير مناسبة من حيث الرطوبة أو الحرارة فا أذا كانت الرطوبة منخفضة فانه لن يأكل وأيضا لو كانت الحرارة منخفضة فانه لن ياكل تحياتي,,, |
رد: السلام عليكم .. سؤال ضروري لو سمحتم يا خبرااء
مرره شكرا يا حامي ..
وربي يبارك بعمرك .. فعلا عندي الرطوبه شوي منخفضه وايضا الحرااره .. انا بدلت الرمل على كلام الشباب وحطيت مكانه نشارة خشب ! لكن همي الوحيد واللي قالقني ! انها ما اكلت !؟؟ واعتق السبب الرطوبه والحراره !؟؟ |
رد: السلام عليكم .. سؤال ضروري لو سمحتم يا خبرااء
حط كهف و خل المكان دآآآفي و فيه رطوبه يومين أو ثلاث
و خلها على راحتها لا تمسكها ~ بعدين قط لها الفار و انشالله تاكل ^^ لا تحاتي .. الحيايه مثل الأسماك دامك مشرفهم و عارف :D أول ما تحط السمج أو بالأخص البيرانا و هالسوالف الي نفسهم بتشوفهم ياكلون ؟ طبعاً لا يقعدون يومين أو ثلاث مرتاحين داخل بعدها ياكلون :D الزواحف مثل الشي ^^ |
رد: السلام عليكم .. سؤال ضروري لو سمحتم يا خبرااء
صحيح .. كلامك ..
طيب انا عملت لها رطوبه كل يوم ارش لها الحووض .. والحمد لله صحصحت شووي وبدت تلف بين الاغصان وتتمشى .. لكن ما دخلت بالكهف ابدا ! |
رد: السلام عليكم .. سؤال ضروري لو سمحتم يا خبرااء
خلها اهي الحين تستكشف المكان و تشوف شنو فيه
بعدها راح تنام فيه يا ليت لو تعطينا صوره للحوض ~ نحاول نساعدك بأي إضافات له ~ |
رد: السلام عليكم .. سؤال ضروري لو سمحتم يا خبرااء
أي صح نبي صورة للحوض عشان نقدر نفيدك اكثر
أهم شيء تركز علية هو الحرارة والرطوبة بالنسبة للحرارة ممكن تضع لها لمبة عادية صفراء حتى تمدها بالحرارة والرطوبة بالرش أو بوضع قطعة ديكور بشكل شلال حتى يساعد الماء المتبخر على الرطوبة وأيضا لازم تعرف شيء أنه الاكل لازم يكون مناسب يعني ما يكون الفأر كبير ولا صغير يكون منااسب لفمها وانشاء الله كل شيء تمام تحياااتي |
رد: السلام عليكم .. سؤال ضروري لو سمحتم يا خبرااء
اولا احذر من رش الحوض بالماء لأن الجو بارد الايام هذي .احرص فقط على التدفئة على ان تكون من 30 بالنهار الى 25 ليلا . والرطوبة راح تتكون طبيعي من تبخر ماء الاناء الخاص بالشرب وايضا نشارة الخشب مضرة وقت الاكل للثعبان لأنها ممكن تدخل الى بطنة عند التصاقها بالاكل و ممكن تحط قطعة موكيت يجلس عليها الثعبان عند استغنائك عن نشارة الخشب ومن ناحية الكهف مو كل الثعابين تفضل الدخول بالكهف يعني مو ضوروي واذا ما اكل الايام هذي الامر طبيعي لأن الجو بارد والثعابين تجد صعوبة بالاكل والهضم في الجو البارد والاهم احرص على عدم تعرضها للتيارات الهوائية الباردة بالتوفيق ... |
رد: السلام عليكم .. سؤال ضروري لو سمحتم يا خبرااء
مررة شكرا جميعا ..
وراح اشتري لها حوض مخصص ومجهز بالانارات المطلوبه كافه .. وطعام مناسب خلال هاليومين . |
| جميع الأوقات بتوقيت GMT +3. الساعة الآن 04:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو