رد: تجربتي مع أسوأ ببغاء مر علي والامور اللي استفدت منها
 

ايه أعترف اني استفدت مع اني لين اليوم اعاني منه...وقبل كم يوم ناقشت تجربتي والامور اللي عملتها معاه مع احد المروضين المحترفين وأكّد لي اني ما سويت غلط..والغلط من الببغاء نفسه...ونصحني بأمور كثيره للمرات الجايه عشان لا أطيح في نفس الخطأ واشتري ببغاء طبيعي ^^

[COLOR="rgb(0, 100, 0)"]بعض الببغاوات تمر بتجارب مريره مع الاطفال...الاطفال ما يعرفون يتعاملون مع الحيوانات فتجوف البعض يعاملهم بوحشيه...مره عصفور انتحر بسبب بنت عمتي لما مسكته بقوه بقبضة يدها وكانت تصرخ مثل الوحش..مسكين تعقد >_>
[/COLOR]

[COLOR="rgb(0, 100, 0)"]هو عايش لين اليوم ما مات...والوضع يزيد سوءا لأنه صار يصارخ ويجعر لأتفه الاسباب او بدون سبب -__-[/COLOR]

[COLOR="rgb(0, 100, 0)"]ايه جفت مثل هالحالات ولو انها مب في كل الطيور...احيانا الامر له علاقه بتجربه سابقه مر فيها الطير مع امرأه مثلا او رجل ^^
من شهرين مر علي كوكاتو يحب البنات...فكل ما كنت ازور المحل كان يلصق فيني ويرقص على يدي ويمسح راسه علي..ولما راعي المحل يبي ياخذه ما يرضى يتركني XD [/COLOR]

[COLOR="rgb(0, 100, 0)"]ما شاء الله...كل واحد فينا يتمنى يوصل لهالمستوى...يمكن صادف وانه عانى من كذا "فوقو" لين وصل لهالمرحله...الواحد ما يحترف الترويض الا لما يصادف كم ببغاء معقّد مثل اللي عندي...او ممكن اقول ان اللي عندي حاله مستعصيه عجز كبار المروضين عن تفسيرها -___-"[/COLOR]

رد: تجربتي مع أسوأ ببغاء مر علي والامور اللي استفدت منها
 

[COLOR="rgb(0, 100, 0)"][COLOR]للي حاب يعرف اخر تطورات "فوقو"

صار يجعر مع الترويش...يكره الستاند...يجعر لما امسح على ظهره او قرب جناحه...يكثر الصراخ لدرجه ان نضطر نغطي القفص خاصة اننا مشغولين بالعباده هالايام ونبي هدوء

احد المروضين اعطاني دوا هو يعالج فيه كل الطيور والحيوانات ويعدل النفسيه ايضا...الدوا أنبت له ريش حول الرقبه كامل وجزء من الصدر واكثر من نصف الظهر في خلال اسبوع...وظهرت مجموعه من الريش الاحمر للذيل...لكن الببغاء شغال ينتف في ريش الظهر وتحت الذيل

جربت معاه الصبار وفعلا صار الريش ناعم من اول يوم...لكنه صار يجعر من اي قطرة ماي تلمسه حتى لو بالمسح الخفيف

يعني كان يخليني قبل امسح على جسمه كااااااامل وكان يحب وينام لما اداعبه...اما الحين تفاجأت بأنه صار متوحش وأسوأ حالاً من اول يوم اشتريته والجعير والصراخ شي جديد عليه...عمره ما جعر او صرخ قبل

ايش الاسباب؟ الله اعلم
أحد أذاه أو صايقه؟ لا ابدا
هل ناقصته ألعاب او اكل؟ بالعكس القفص مليان اكل منوع والالعاب تتبدل وتتجدد اول بأول
هل هو محروم من الطلعه؟ هو يطلع ما بين 3-5 ساعات ولو مشغوله احاول اطلعه ساعه او ساعتين...بالكثير ينحرم من الطلعه يوم واحد وهالشي نادرا ما يحصل
هل يعاني من القشره؟ نعم لكن هو يكره الترويش...ولما أروشه ينتف زياده...حاله أفضل بدون ترويش والنتف أخف

وأخيرا...اقول اني من اليوم قررت اوقف علاج واوقف محاولات ولا حتى طايقه اقربه الا لتغيير الاكل والماي وتنظيف القفص...يمكن الاعبه شوي وعقب اترك المكان اللي هو فيه...وهو معروض للتبني وهذا هو الحل الاخير

اللي أتعجب منه ان الطير اللي مثله عادة ينتحر ويموت في خلال شهرين بالكثير...لكنه ما شاء الله لين اليوم عايش وياكل بكميات كبيره ويشرب ويلعب بأي شي يجوفه غريب امامه...فلو كانت حاله نفسيه بسبب ضيق او حزن كان مات من زمان...بس هو على هالحال من 4 شهور وصحته ممتازه 100% @_@

بالنسبه للطوق...حسب تحليلي لشخصيته فالطوق ممكن يسبب زياده في الصراخ والجعير...والمروض قال أصبر عليه شوي لأن ممكن يعطي نتايج عكسيه

البعض اقترح أجيب له طير ثاني...والله ما جفته يتوالف مع الكوكاتيلات اللي عندنا مع ان واحد منهم جدا جدا أليف وطيب معاه...ولما وديته المحل وجاف طيور مثله ما حسيته مهتم بوجودهم...والبعض حذرني انه ممكن يخرب الطير اللي بجيبه ويصير عندي 2 "فوقو" مزعجين بدل واحد <_>



وهذا كل شي عن تجربتي المريره الحامضه المالحه لحد الحين -..-"

اسفه عالاطاله[/COLOR][/COLOR]

رد: تجربتي مع أسوأ ببغاء مر علي والامور اللي استفدت منها
 

مشاركة اكثر من رائعه ومفيده بشكل (( حتكسبي اجر كبييييير يا أختي من ورى هالموضوع)) جزاك الله خير
تقبل مروري أخوك / إحساس رسام

رد: تجربتي مع أسوأ ببغاء مر علي والامور اللي استفدت منها
 

رد: تجربتي مع أسوأ ببغاء مر علي والامور اللي استفدت منها
 

ماشاء الله على صبرك ..
لو أني صاحب الطير قطعت راسه .. قهر

رد: تجربتي مع أسوأ ببغاء مر علي والامور اللي استفدت منها
 

بيني وبينك آحسك من النوع الي يستسلم او سبق انك سمعتيه يجعر بصوت عالي وتركتيه
فخلاه يربط امر الجعر بالعناد وتخويفك اكثر واكثر لا تخلينه اغصبيه خليه يجعر لين يموت هههههههه

يعني لو جلس يجعر على شي اسبوع كامل وكل يوم تتوقعين الاسبوع الي بعده راح يجعر اكيد لاء
ماششرط عليك اسبوع بس اقولك مثال ممكن اقل ممكن اكثر بس مرده يتعود !!
حطي ذا الشي ببالك انتي مو يومين اذا جعر خلاص معاد يرضى اكيد لو تلاحضين راح تلاقين جعراته خفت
الشي الي اول مره ماهو مثل عاشر مره ,, انا ربيت كم طير ولا لي خبره وربي بالتوليف
وانعضعضت وتقطعت يدي لين قلت امين هههههههههه
ماعمري تركته بلحظه عشان صرخه ولا عضه كنت اغصبه اول طير توالف معي لدرجة اني اذا
اخذته لمكان فيه ناس غريبه واحطه على الارض يجي يركض يرقى يدي

وثاني طير من اول يوم شفته كان يهجم علي هجوم كامل والله انه ينط نط علي يبي يعضني
نشبت له لين صار يطير لين عندي ويجي يتهاوش معي ويحارشني من نفسه هههههه

والله اني يوم بعته حبيت راسه وخليته يبوسني حزنت عليهم حيل يوم بعتهم
والطير الثالث ماعمره طلع من القفص ولا عمره اكل شي غير الحب الاسود كنت امد يدي يركض بالقفص وينسدح ويتشقلب وبعضني اطلعه من القفص بعد ماخلى يدي شاورما يرجع للقفص مره ثانيه يركض
والله انه مع الوقت صار يجيني من اناديه واذا شاف اهلي بالمطبخ وفيه ريحة اكل طب عليهم شوفي الجراءه
من بعد ماكان مايتعدى القفص !
كل الي في البيت يمسحون عليهم كبار ولا صغار اكلهم من اكلنا شربهم من شربنا حتى العصير اذا شربت قدامهم عطيتهم وكنت معهم 24 ساعه والله ان بعض الطيور يعرفون اصحابهم عز المعرفه وانتي لاحضيها في طيرك

لو جاء احد يبي يلعب معه تلاقينه يناظرك يشوف وش تسوين ,
اسف طولت عليك , نصيحة استاند بوسط الصاله عند الاطفال اذا عضته مو قوية ,
+ اكلو قدامه والقفص مفتوح وجوعيه مع الوقت حتى لو مايبي يكون جريئ راح يكون جريئ غصباً عنه

رد: تجربتي مع أسوأ ببغاء مر علي والامور اللي استفدت منها
 

رد: تجربتي مع أسوأ ببغاء مر علي والامور اللي استفدت منها
 

بالعكس انا ظليت ادربه 8 شهور متواصله بدون ما اقطع التدريب...وانا ما اقصد انه يجعر عناد...الجعير لما احاول اروشه..ولما يجعر اواصل ترويشه غصبن عنه بس بسرعه ما اطول عشان لا يتعقد...المهم أثبت له ان الجعير ما ينفع معاي...اللي اقصده عنده صرخه مزعجه اسوأ من صوت الغراب يصرخها لما يبي يطلع من القفص او لما يناديني

[COLOR="rgb(0, 100, 0)"]لا والله ما نفع...اكثر من 3 شهور اروشه والوضع يسوء اكثر لين صار ينتف ريشه زياده...لما وقفت ترويش خف النتف وما شاء الله الصدر والظهر امتلوا ريش من جديد[/COLOR]


[COLOR="rgb(0, 100, 0)"]وهذا اللي سويته وفي الاخير تعلق فيني بجنون لكن بدون احترام...يعني لازم اغطي قفصه ومايجوفني انزل واترك المكان عشان لا يصرخ...ولما اركبه عندي ما يقعد عدل ويخرب ملابسي او يجعر لما احاول امسك ظهره مثلا...الراس يخليني حسب المزاج...بالنسبه للناس الغريبه فشي طبيعي اي طير يحتمي بصاحبه جدام الناس الغريبه والاماكن الجديده حتى لو ما يحترم صاحبه...اقولها عن تجربه مع كذا طير ^_^
[/COLOR]

[COLOR="rgb(0, 100, 0)"]والله اني جربت كل اللي ذكرته..وبما اني مش موظفه فعطيت الطير وقتي كله لأني فاضيه...لكن ما جاب نتيجه بالمره...حتى أهلي ما توالف معاهم وانفروا منه ومن كثر صراخه...ومثل ما قلت عرضته على كذا مروض وبيطري والكل اتفق على انه مب صاحي أساسا...أشك في المصدر اللي جابوه منه...طيري مب الوحيد اللي يصرخ على فكره..في ناس غيري تشتكي من طيور هالمصدر @@
[/COLOR]
[COLOR="rgb(0, 100, 0)"]يكره الستاند كره العمى...قبل كان متوعد عليه ويحبه...الحين ما يرضى يركب عليه...مع ان محد أذاه وهو عالستاند ولا صار له موقف عشان يكرهه...فجأ جذي...وحتى فوق القفص كان يحب يوقف...الحين ينتف ريشه فوق القفص...التجويع ما نفع معاه في اي تدريب...تخيل اني شهر اجوعه واعطيه اكل من يدي وعلمته المسح عالراس وكل شي...ولما يتعلم وارجع اعطيه اكل طبيعي يرجع مثل الاول ولا كأني علمته شي...جيت شهر ثاني جوعته بطريقه مختلفه وقمت اعطيه اكل منوع من اللي يحبه...بعد يرجع من الصفر لما اوقف تجويع...يعني هو يتعلم وقت التجويع مهما طال...وعقب يرجع مثل الاول -__-

اما الجرأه فجريء ما مقصر معانا هههههه حتى انه ينزل من القفص ويركض عالارض ويلعب برجولنا XD واحنا وقتها نلاعبه بأصابع رجولنا (يحبها) ونعطيه ألعاب وكل شي...لكن فجأه يوقف لعب وينتف كم ريشه وعقب يكمل...وبعدين يركض صوب الدرج ويتعلق عالدرابزين وينتف بجنون...مادري ايش السر ورا هالحركه @_@

فالطريقه الوحيده اللي خلته يوقف نتف هي تغطية القفص طووووووول اليوم...ما ارفع الغطا الا لما ابي اطلعه والاعبه...وعقب أرجع الغطى...يكون هادي ومسترخي ويصفر بأحلى التصفيرات...ياكل عدل ويلعب بألعابه طبيعي...بس شرط ما يسمع صوتي عشان لا يصارخ ينادي (صدقتي الصراخ يبط طبلة الاذن >_<)

يعني ما جفت منه خير يوم كان يكرهني...ولا جفت منه خير يوم حبني -__-

وفعلا قريت عن حالات الطير فيها ما يتروض أبدا ووضعه يسوء لأسباب غامضه...البعض يرجع السبب لنشأة الطير...يكون نشأ في مزرعه سيئه مثلا (لو مش مصيود) وانحرم من السيريلاك والتربيه الزينه فيصير طول حياته متعقد وعنيد لين يوصل للنتف...هذا الشيء ينطبق علينا كبشر نفهم والا ليش في مجرمين لدرجة الجنون؟ اكيد الطير اللي هو ما يفكر مثل الانسان نفس الشي @_@[/COLOR]


[COLOR="rgb(0, 100, 0)"]اسفه ادري اني طولت اكثر ><
بس حبيت اوضح اني ما يأست بسهوله وحاولت حتى لما قالوا لي ان ترويضه مستحيل...وحتى لما قالوا لي بصير يصارخ والوضع يسوء..لين تأكد من هالشي بنفسي
تخيل حياتي شلون...ماقدر أقعد في الصاله عشان اهلي لا يسمعون صراخه..وكلامي كله همس عشان لا يسمعني..ولو وديت القفص اي غرفه هاديه ينتف ريشه...فما أنلام لو مستعجله أصرفه من البيت ):[/COLOR]

رد: تجربتي مع أسوأ ببغاء مر علي والامور اللي استفدت منها
 

[COLOR="rgb(0, 100, 0)"]اممممممم بقول لك بكل صراحه @@ .... ترى انا احس بحزن لأني بضطر أعطيه لحد غيري...كفايه انه يحبني ويصفر لي احلى التصفيرات حتى لو يصارخ وايد ويجعر مرات...ويدلعني لما يلعب بخشمي ويلحس خدودي هههه XD لاحظ التناقض الغريب في تصرفاته
بس انا ما بقدر اعطيه اللي يبغيه وهو على هالحاله...ولا اظن احد بيقدر بسهوله...لكن لاحظت انه يحترم الاولاد...فمثل ما قال لي مروّض هو ممكن يميل للأولاد اكثر لأن بعض الببغاوات تميل لجنس معين (صادفتني هالحاله كم مره)...وفعلا اجفوه يعض اي بنت تحاول تلمسه لكنه ما يعض الاولاد بالمره مجرد يبعد راسه او يستسلم لهم...فممكن يكون أسعد لو أعطيته لرجل يربيه ^_^[/COLOR]



[COLOR="rgb(0, 100, 0)"]هالببغاء وحده موسوعه كامله في الترويض ههههه XD [/COLOR]

رد: تجربتي مع أسوأ ببغاء مر علي والامور اللي استفدت منها
 

الف شكر علي الموضوع
الله يعينا ان شاء الله الدور علينا