|
رد: اسئل هنا عن أمراض الببغاوات...!!
بعد التحية العطرة عندي ببغاء هولندي صغير جدا إلى حد أني أضع له سيرلاك في إبرة ليأكل لكني فجأة لقيت الطير يضعف والعظم في بطنه ظاهر كالسيف وأخاف أذهب إلى البيطري فيتسرع في علاج يؤذي الطير فما الحل علما أن له أخ صغير مثله ولكنه في صحة جيدة أفيدوني ولكم جزيل الشكر أبو طارق |
رد: اسئل هنا عن أمراض الببغاوات...!!
اخوي stt95 مشكور على العرضك التشخيصي مثل ما ذكر اخوي فواز الصيدليات اللي عندنا او بالاصح الدكاترة اللي عندنا اغلبهم نصب بنصب ولا يعرفون شي يعني انا لي تجربه معاهم وكانت للاسف اكثر من سيئه كان عندي كاسكو وكانت عيونه الثنتين تطلع وصخ لين في بعض الاحيان انها تسكر و وديته عندهم فطقون ابره 2 ملي و طبعا المحلول هذا اكتشفت انه للحيوانات مو لطيور لا وبعد في رقيته الطير ما كمل ليله إلا مات وهذا اللي خلاني ما افكر ابد اني اتعامل مع اي دكتور . اسف لاني طلعت عن الموضوع انا عندي مشكله في الكاسكو المتواجد حاليا عندي لا حضت على عينه اليمين او بالاصح الجفن انه متورم وصار له كم يوم ويوم ورا يوم التورم يزيد لين العين صارت الجفن التحتي نص مسكر يعني كانه فاتح بس نص عينه وحطيتله في عينه معقم العيون بس مافي اي تحسن والورم ما زال بس مع العلم ان عيونه لونها طبيعي وما فيها اي احمرار او تطلع اي افراز ...
ابي حل الله يعافيك ولو انت متواجد في الدمام او الخبر اجيبه لك شخصيا علشان تشوفه ومشكور على مبادرتك القيمه اخوك محمد الدوسري |
رد: اسئل هنا عن أمراض الببغاوات...!!
اقتباس:
أخي بو طارق هذا شيء طبيعي في الطيور الصغيرة إنشاء الله . اقتباس:
أخي محمد ضع له مرهم EYE AND EARCREAM وإنشاء الله يتحسن لأن هذا المرهم فاعليته قوية وللأسف لست متواجد لافي الدمام ولا الخبر . وأي سؤال أنا حاضر إسئل ولا تتردد |
رد: اسئل هنا عن أمراض الببغاوات...!!
السلام عليكم.............عندي سؤال ؟؟؟؟؟
عندي الكاسيكو محجل عمره من6الى8 شهور.... اليوم كان تكرمون الوسخ حقه طبيعي وبعد المغرب اشوفه كأنه اسهال اعزكم الله وانا ماغيرت مكانه ولا طولت على المكيف والكاسيكو انا موكله امس خضار مشكل هل ممكن يكون من الخضار ؟؟؟؟مع ان الكاسيكو نشيط .....تكفون وش السبب ؟؟؟؟؟؟والعلاج؟؟؟؟؟؟؟واعذروني على الاطاله |
رد: اسئل هنا عن أمراض الببغاوات...!!
باين الحمدالله أنك مهتم فيه
وإذا كان هو في التوقيع فهو غاية في الجمال مشاء الله تبارك الله :) الأفريقي طبيعة برازه - أكرمكم الله - أن اللون الأخضر بيكون شبه سائل أما اللون الأبيض فهو سائل أما دلالات الإسهال هو أن البراز - أعزكم الله - يكون جميعه سائل , لونه غير الأخضر , يكون متقطع , يكون كله أبيض أو كله أخضر . إذا كان أحد هذه الإحتمالات أرجوا إخباري أي واحد هو :) أما إذا كان أخر فأرجوا الإسراع بإخباري . |
رد: اسئل هنا عن أمراض الببغاوات...!!
كيف حالك اخوي , شفت طيري قبل اربعة ايام خامل اشوي ويلهث دايم واحيانا زيله يتحرك مع تنفسة وهو يلهث وديتة للبيطري بصيدلية جوزل بالدمام وقالي حالته لك عليها وقالي شكله عنده دود في بطنة لانه احيانا يكون عنده اسهال واحيان لا وعطاني دواء حبوب اسمة wormix ( ورميكس ) وقالي احطله حبتين كل يوم لمدة يومين واوقف وارجع احطهله مرة ثانية بعد 15 يوم وقلت له هو عنده مشكلة في التنفس ليه ما اعطية دوكسين ولا تيلان قالي لا مايحتاج وبعدها وريته منقار الطير فية تأكل قالي يحتاج فيتامينات واحماض امينية وعطاني هذا الدواء مرفق صورة للدواء
[IMG]http://www.viafy.com/uploads/8ca3428f80.jpg[/IMG] [IMG]http://www.viafy.com/uploads/682bbf7752.jpg[/IMG] وقالي احطله نصف ملعقه لمدة 15 يوم . انت اشرايك بالحاله تكفى فيدني إذا عندك علم وهل يحتاج لهذا كله وهل الدواء هذا مفيد له وإذا كان فية دواء افضل ياليت تقولي , وآسف على الآطاله |
رد: اسئل هنا عن أمراض الببغاوات...!!
الدكتور أخطأ لما ما تأكد من الحالة
إمش على كلام الدكتور يومين عطه الحبوب وبعدها 5 أيام عطه تايلان واليوم 15 عطه الحبوب مرة ثانية قبل تعطيه الدواء شيل الماء مدة ساعتان إلى أن يعطش الطائر أنا مو متأكد من الحالة لأن إذا يلهث وسهال ممكن دود وإذا يلهث ويصدر أصوات والذيل يهتز ممكن يكون الميكوبلازما يعني أنا ماني عارف أرجو تعطيني شلون حالت السهال وتشخيص عن الطير |
رد: اسئل هنا عن أمراض الببغاوات...!!
الاسهال مو دايم عند الطير ولونه اخضر سائل غير كذا اكثر الاحيان يلهث ولا ذيلة يتحرك , بعد ما اعطيتة الدواء احسة اتحسن اشوي وبداء يلعب داخل القفص
|
رد: اسئل هنا عن أمراض الببغاوات...!!
طيب ماقلت لي فايدة الدواء الثاني
|
رد: اسئل هنا عن أمراض الببغاوات...!!
الدواء الثاني علشان إحتمال الميكوبلازما أو السامونيلا
|
| جميع الأوقات بتوقيت GMT +3. الساعة الآن 02:34 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو