|
مشكلة رش البول " أكرمكم الله " بعد عملية الإخصاء
السلام عليكم و رحمة الله و بركاته كيفكم .. " إن شاء الله بخير .. " من زمااااان عن هالقسم .. " ارتاحوا مني سي سي مون و آنــــو :p بس هذا انا رجعت :D المهم ندخل في الموضوع .. " الموضوع بخصوص حفيدي لاكي .. " أول ما بدأت فترة البلوغ و بدأ يرش " أكرمكم الله " ... على طول ثاني يوم وديته العياده .. " و عملت له عملية إخصاء ... " لأني بصراحه مو مستعده أخسره ... و طبعا انتوا كلكم عارفين الأهل ما يحتاج أقول :D المهم .. سوا العمليه و قام بالسلامه و كل شي تمام .. " بس بعد أقل من شهر يمكن اسبوعين أو ثلاثه رجع لاكي يرش .. " و رجعت المعاناه ... أمي مرررره عصبت منه .. " فـ تلافياً لأي إصابات أو قرارات من أمي ... صرت احبسه في جزء من البيت ... " و صار يقضي معظم وقته لحاله ... بس اطلعه آخر الليل بعد ما ينامون أهلي و اجلس العب معاه .. " بس ما عاد صرت أحس بوجوده و لا يجلس معاي بالغرفه لأني مو لحالي فيها معاي اختي ... " و قلبي تقطع عليه مره يحزن .. " اللي عملوا لقطاوتهم عمليات إخصاء و رجعت لهم نفس المعاناه مع الرش وش سوو ؟؟ اللي قطاوتهم ذكور و لهم سنين معاهم كيف تعاملتوا مع هالمشكله ؟؟ مع العلم ان لاكي لما يتبول ما يكون رش .. عادي يحفر كأنه يحفر في الرمل .. " و أغلب الاماكن اللي يتبول فيها هي السرير .. " و حتى لما يتبول على الارض يكون على الارض نفسها مو الأثاث او الجدار .. " لكم كل الشكر .. " |
رد: مشكلة رش البول " أكرمكم الله " بعد عملية الإخصاء
عشان كذا انا ماحب الذكور
مع انو كان عندي ذكر عمر سنه بس ماعمره رش بس حرام عمليه اخصاء ماتبغيه يشوف عياله |
رد: مشكلة رش البول " أكرمكم الله " بعد عملية الإخصاء
اقتباس:
و أنا بعد ماحب الذكور .. " بس لاكي حاله خاصه .. " لاكي انولد على يدي و انا قطعت الحبل السري بـ يدي .. " و امه ما جابت غيره .. " و لما انفطم منها صارت ما تبيه و تضربه .. " فـ اتعلق فيني كثير وانا بعد اتعلقت فيه و صرت مو قادره استغني عنه .. " فـ ما لقيت حل غير اني اسوي له العمليه .. بس للأسف ما جات بنتيجه .. " لكن ان شاء الله يكون فيه احد عنده حل .. " ع العموم يعطيك العافيه ع المرور .. " |
رد: مشكلة رش البول " أكرمكم الله " بعد عملية الإخصاء
:: هلا وغلا كيتي منوره الحته كووولها لاولله ياقلبو ماآرتحنا بالعكس آشتقنالك ولطلاتك بالقسم ^^ بخصوص لاكي وآنه رجع يرش ماعندي علم يمكن البيطري ماضبط العمليه !! البيطري اللي آتعامل معاه قالي الذكور بعد العمليه توقف رش طوالي بحاول آسأله لك اليوم آن شاءالله :: |
رد: مشكلة رش البول " أكرمكم الله " بعد عملية الإخصاء
نفسسسسسسسسس الحليووووة الي عندددددددددددي
عملنا له عملية اخصاء عشان مانبغى نستغنى عنه نفس حالتك ورجع يعمل فوق السرير ويتزوج وكل شئ @@ بس الفرق انه الانثى ماسرت تحمل منه وريحة بوله ماسارت زي اول هذا الفرق ولا ع القلة الأدب نفسسسسسها يعملها وماتغيررت أنا عني سرت اقفل الغرفة الي فيها السرير لأنه اقول اكيد الريحة فيها وكل مرة واليوم الي انسى فيه باب الغرفة مفتوحة على السرير العوض >< مايصددددق يغتنم الفرصة اغتنام من جد طفشششت :( واهو لسه عاملها اول امس ووديت البطانية المغسلة :( من جد ياحظ المغسلة الي جنبنا مرة كسبت :D وياليت نلقى حل الله يصبرنا |
رد: مشكلة رش البول " أكرمكم الله " بعد عملية الإخصاء
طيب وش الحل .. ممكن تفيدونا .. لاني متابعه للموضوع هذا لو سمحتووا .. ننتظركم
|
رد: مشكلة رش البول " أكرمكم الله " بعد عملية الإخصاء
اللي اعرفه والله اعلم انه اذا تعلم الرش مايوقف حتى بعد العمليه لأنها صارت عاده
عشان كذا لازم اللي يسوي عملية لقطه يسويها قبل مايبلغ .............. |
رد: مشكلة رش البول " أكرمكم الله " بعد عملية الإخصاء
اقتباس:
تسلمين يا قلبي الحته منوره بأهلها :shy: و انا بعد اشتقت لكم والله .." قبل ما أسوي له العمليه قريت كثير و سألت كثير قالوا لي انه المفروض بعد العمليه يوقف رش .." و الا ما كنت سويتها له حتى لو كان عندي احتمال 1% انه ممكن يرجع يرش حتى بعد الاخصاء .." و الدكتوره اللي سوت له العمليه قالت لي ان فيه ذكور تنفع معاهم العمليه و يوقفون رش و ذكور لا .." طبعا ما قالت لي هالكلام إلا بعد العمليه :64: و فيه وحده نصحتني بـ هالعياده و عن تجربه و عندها قطاوه كثير سوت لهم فيها .." فـ لما رحت للدكتوره وقلت لها اني ما استفدت شي من العمليه و الحال مثل ماهو .. قالت يمكن عنده اكتئاب .. و انا صدقتها لأن وقتها كانت أمه مو طايقته .. بس تضرب فيه .." تكرهه حييييييل ... و شريت من عند الدكتوره شي سائل يتركب في الفيش حق الكهربا .. مثل تبع الناموس ... تقول يطلع ريحه مثل الريحه اللي تفرزها الام و الاطفال بعد الولاده .. و ممكن تقربهم من بعض و هيك ... و حطيته لهم لين خلص بس ماتغير شي .. فـ اضطريت اتخلص من أمه ... اعطيت صديقتي .. و صار لاكي وحده في البيت و مبسوط و جلس فتره يمكن اسبوعين الحمدلله ما يرش .. قلت الحمدلله انحلت المشكله ... بس بعدها رجعت حليمه لعادتها القديمه .. و كلمت الدكتوره و قالت لي تعالي نجرب له أدويه للاكتئاب .. بس انا ما حبيت بصراحه .. خاصة انه قبلها كان شوي تعبان و ما يآكل زين ... فـ خفت عليه .. و الحين أدور حل لأن أهلي و خاصه أمي مره كارهته :( أنتظرك و يارب يكون فيه حل .. " الله يعطيك الف عافيه .. " |
رد: مشكلة رش البول " أكرمكم الله " بعد عملية الإخصاء
اقتباس:
الله يعيني و يعينك .. جد مشكله .. " أمي صارت تقول ما شاء الله عيالي كبروا و جوني أطفال على آخر عمري أجلس أنظف وراهم :64: انا تعبت و انا طول اليوم وراه و اقفل الغرف .. " و كل ما خرج أحد من الغرفه قلت له قفل الباب .. " صرت احبسه و خلاص .. بس مقطع قلبي .. " تدرين .. الظاهر أنا و انتي متعاملين مع نفس العياده :D ياليت ترسلين لي اسم العياده ع الخاص عشان اتأكد .. " لو نفسها يعني العلّه فيهم .. انا رحت تهاوشت معاهم .. قلت لهم اجل وش الفايده من العمليه ؟!.." بس عاد وش يفيد الهواش .. " يالله تابعي الموضوع و ان شاء الله نلاقي حل .. " شاكره لك مرورك و مشاركتك .. " واسيتيني شوي .. " |
رد: مشكلة رش البول " أكرمكم الله " بعد عملية الإخصاء
اقتباس:
والله الحل للحين ماعرفناه .. " ننتظر اللي عندهم خبره و تجربه يفيدونا .. " تابعي الموضوع .. " شاكره لك مرورك و مشاركتك .." |
| جميع الأوقات بتوقيت GMT +3. الساعة الآن 02:45 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو