|
ممكن من وقتكم دقيقه
السلام عليكم ورحمة الله وبركاته
بقولكم الموضوع لاني للحين مصدومه انا من قبل يومين نزلت ارانبي من السطح للبلكونه لان الجو كان غيم وكنت بنظف السطح قبل المطر المهم نظفته كله وماكان فيه شي لكن اليوم لما رجعت الارانب اكتشفت ان فيه 4 بيبيز وميتات وربي انصدمت بقوه لان ارنوبه مابينت شي من تصرفات الارنب الحامل كان فروها كامل وماكانت تتهاوش مع ارنوب بالعكس كانت دايما جنبه والحين ارنوبه صايره شويه عصبيه وبس بتجرح يدي لما اقرب لها طبعا انا شلت كل شي واسئلتي كم المده وتحمل ارنوبه ثاني مره وكم مدة الحمل وعادي انه مزاجها يكون عصبي كذا ومتى بترجع زي قبل حبوبه:( واسفه لاني طولت عليكم |
رد: ممكن من وقتكم دقيقه
اقتباس:
ومدة الحمل 28-35 , وكل ما زاد عدد الخلفة في بطن الام قل ايام الحمل , وكل ما قل عدد الخلفة كثرة الايام . .. الله يعوضك . |
رد: ممكن من وقتكم دقيقه
انا ماعرف شي كثير بالارانب
بس اللي اعرفه انه خرمشتك او اعضك امر طبيبعي لانه عيالهاماتو ويمكن ولدت بالبلكونه عشان ارتاحت فيها اكثر من السطوح ويفيدوكي خبراء الارانب |
رد: ممكن من وقتكم دقيقه
تسلمون والله على مساعدتي
شكرآ لكم |
رد: ممكن من وقتكم دقيقه
اختي احلى ارنوبه غريبة ما انتبهتي للصغار الا عقب ما خلصتي عموما قدر الله وما شاء فعل وبما انهم بالسطح والمكان واسع لهم مو شرط تتهاوش مع الذكر هالشي غالبا يحدث بالاقفاص الضيقة عموما اذا هيا مع الذكر اوكي بالكثير ١٠ ايام وتحمل تاني باذن الله ومدة الحمل شهر موفقه |
رد: ممكن من وقتكم دقيقه
تسلم اخوي رعوود
اما ليش ماانتبهت وربي هذا اللي قاهرني مع اني نظفت مكانهن حيل وجلست العب فيه بعد بس عاد قدر الله وماشاء فعل |
رد: ممكن من وقتكم دقيقه
انا بعد كان عندي ارنب و كل 15يوم تولد ..............
|
رد: ممكن من وقتكم دقيقه
شيء طبيعي ان الصغار يمتو لان الام كانت بعيده عنهم وانتي قلتي انك شلتيهم من السطح يعني غيرتي مكان الام المهم الله يعوض عليك بالنسبه للحمل مره ثانيه يكون بعد ثلاثه اسابيع لكن مره ثانيه انتبهي طبيعي ان كل حيوان بعد مايوضع يكون مزاجه متعكر
|
رد: ممكن من وقتكم دقيقه
الحزينه وناسه يعني عندك صغار واجد
اخويfawzi وربي مقهوره يعني نظفت المكان بكبره ولا شفتهم لكن قدر الله وماشاء فعل واكيد الحين اشيك على المكان 10 مرات لما انقلهم وبنتظر شهر ان شاء الله يجي بيبيز جدد تسلم على التواجد والافاده |
رد: ممكن من وقتكم دقيقه
اهلا اختي
من كلامك عن الذكر والانثى انهم مايتهاوشون هذا يدل على انهم متفاهمين مره مع بعض لذلك انا ابصم لك بالعشره ان انثتك الحين حامل لان الذكر اذا كانت الانثى معه طيبه مايقصر بعد الولاده بيوم يحاول يلقحها وهي بتسمح له لذلك احسبي لها ٢٨ يوم وجهزي بيت الولاده لها عشان ماتغلطي مره ثانيه والافضل انك تجهزيه قبل الولاده ب١٠ ايام عشان تتعود عليه ويمكن مايعجبها وتغيرينه لها بواحد ثاني واي سؤال انا حاظر هنا او على الخاص :) |
| جميع الأوقات بتوقيت GMT +3. الساعة الآن 11:11 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو