|
ببغاتي ماتت
السلام عليكم شخباركم اعضاء منتدى 2 Zoo ان شاء الله مرتاحين انا بنوته يديده ع المنتدى عندكم واتمنى انه استفيد منكم وافيدكم :) من شهر ونص اخوي هداني 2 ببغاء من ببغاء الكاسكو دودي الذكر وأنونه الانثى ومهتمه فيهم اهتاام كبير امس ماتت الانثى :( >> يا حرام اهئ اهئ بسرعه ماتت ما تهنيت فيها مع انه اعطيهم اكل نظيف ومهتمه في نظافتهم وايد انظف كفرهم التحتي وكنت ادخل آخذ معلومات عنهم من عندكم مثل كيف انظف اكلهم وانظفهم واستفدت من المعلومات اللي عندكم وايد بس من 3 ايام سبحتهم الاثنين وكانو عاديين ما يشكون من شي بس اليوم الثاني أنونه كانت تعبانه ومنتفخه ومش طبيعيه وشهيتها منسده دخلت على موقعكم وقريت ملعومات وانه لازم انوديها عند طبييب بيطري وخبرت اخوي وراح وداها عند طبيب بيطري والطبيب قال لاخوي لازم تنام عندنا في المستشفى علشان انشوف حالتها ونعرف كيف نعالجها امس يتصل الدكتور لاخوي بعد المغرب وقاله انها ماتت :( يوم راح اخوي قاله ماتت الصبح وكانت تعاني من التهابات قويه انتشرت في جسمها كله الحين ابا اسألكم هل الغلط مني انا يوم سبحتها ( لانه الصراحه متلومه فيها ) واباكم تنصحوني كيف اسبحها لانه انا شكيت من طريقتي يمكن غلط يوم سبحتها وماتت عليه :( اتمنى كل من يدخل صفحتي يفيدني بشي اختكم الصغيره الجديده لولو الصغيره |
رد: ببغاتي ماتت
6 مشاهدات في 3 دقايق ومحد رد على موضوعي :( |
رد: ببغاتي ماتت
الله يعوضك اختي
يمكن سبحتيه بماء بارد او عرضتيه لهوء بارد وجسمه مبلل بالماء العوض في الثاني |
رد: ببغاتي ماتت
مرحبا اخوي طير جديد اسعدتني بمرورك العطر مممم هيه كانت برع يوم سبحتها وانا الحين خايفه ع الثاني خصوصا انه صار يعظ ريشه بشراسه ما اعرف ليش تسلم ع المروور |
رد: ببغاتي ماتت
طريقة الاستحمام ممكن انك بللتي راسها ودخل ماء في اذانها وادي الي التهاب قوي واد الي موتها سريعا .
|
رد: ببغاتي ماتت
اسمع مني انا مجرب هذي الحاله وصار لطير الكاسكو اللي عندي نفس الشي وكنت ماعرف عن حالها كنت افكر انها تلعب بس تبين لي بأنها مصابه بمرض في جسمها بعدها فارق الحياه بعد اربع ايام من مرضة والحل السريع في لقاح ضد الامراض عند البيطري واحتمال مثل المرض الذي صاب بغبغائي وهو مرض الكنكر وهذا لازم تعرضيه على بيطري بسرعه علشان يتبين له عن طريق براز الطائر اعزكم الله (( حسب الخبره التي اكتسبتها من الموقع وكذلك من البيطري اذا كان براز الطائر ابيض او برازه يكون على شكل خيط اخضر ومعه ماء )) فيكون مريض وعليك الاسراع به للبيطري هذا والله أعلم
|
رد: ببغاتي ماتت
ما اقول الا
أحسن الله عزاك والله يعوضك وبالنسبة للتسبيح انصحك بالبخاخ او صحن كبير فيه موية وهو يسبح نفسه بنفسه |
رد: ببغاتي ماتت
اقتباس:
للأسف نعم سبحتها وببلتها وراسها تبلل اكثر شي :( تسلم اخوي ع المروور |
رد: ببغاتي ماتت
اقتباس:
ايييه نعم الببغاء الاول كان يعاني من هالشي وبعج ما سبحته زااد عليه الاتهااب ومات :( والثاني اليوم اعزك الله تبرز ماي مع خيط اخضر يبالنا نتلاحق عليه وشو بيكون علاجه تلقيح ولا شي ثاني يعطيك العافيه اخوي تسلم ع الرد |
رد: ببغاتي ماتت
السؤال الاهم كم عمرهم ....؟؟
اذا كانو صغار وفي مرحلة الخطر ما بنصح انك تسبحينهم..... اما اذا كبار فالاخوان ما قصروااا |
رد: ببغاتي ماتت
احسن الله عزاك
|
رد: ببغاتي ماتت
اقتباس:
امين الله يعوضني فكره حلوه بصراحه تسلم ان شاء الله بجربها تسلم ع المروور :) |
رد: ببغاتي ماتت
اقتباس:
اما الثاني اللي عندنا امبين انه اصغر واذكر مره اخوي قالي انه عمره ما بين 7 لـ 8 اشهر يعني الثاني اسبحه ولا لا ...؟ وعندي سؤال الحين طالع لنا بحركه جديده يفتح منقااره للآخر شي ويطلع صوت يوم يتنفس عسى ان شاء الله انه بداية طريقه للكلام بشروني يا جماعه :D تسلم اخوي ع المروور ما قصرت والله |
رد: ببغاتي ماتت
اقتباس:
الدكتور قال لاخوي عن اللي توفت انه عمرها كان سنه وشهر اما الثاني اللي عندنا امبين انه اصغر واذكر مره اخوي قالي انه عمره ما بين 7 لـ 8 اشهر يعني الثاني اسبحه ولا لا ...؟ وعندي سؤال الحين طالع لنا بحركه جديده يفتح منقااره للآخر شي ويطلع صوت يوم يتنفس عسى ان شاء الله انه بداية طريقه للكلام بشروني يا جماعه :D تسلم اخوي ع المروور ما قصرت والله |
رد: ببغاتي ماتت
قصه جدا محزنه:( الله يعوضك بغيرها:( |
رد: ببغاتي ماتت
اقتباس:
شكرا :( تسلم ع المروور |
رد: ببغاتي ماتت
اقتباس:
اجل اجل محزنه قلبي يعورني على موتها لين الحين ومتلومه فيها :( امين الله يعوضني بغيرها يسلموو حبيبتي المرور |
رد: ببغاتي ماتت
الله يعوضك بطيور احلى منهم قولي امين
اختي التسبيح يكووون عباره عن رش بسيط في جو معتدل ولا تعرضينهم لهوى بااااااااااااارد والا لمكيف ولا تخلينهم بالشمس وحاولي شوي شوي تعودينهم على الفواكه |
رد: ببغاتي ماتت
اقتباس:
امين يارب بس اخوي شكله ما بييبلي طير هدية مره ثانيه شكرا ع الملعومه عن طريقة التسبيح وان شاء الله بتقيد بهالطريقه واذا ع الفواكه ما نقصر معاعم نعطيهم التفاح والفواكه اللي تحتوي على فيتمامينات وامس الدكتور وصا اخوي بالجزر وماشاءالله ياكل الجزر ما يخلي شي انزين محد جاويني شو سالفة الحركه الجيديه اللي طالعلنا بها اليوم يفتح منقاره على اخر شي ويطلع صوت هوا منه نفس اللي يبا يتكلم بس مش قادر ع الكلام لانه اختي قالت قبل ما يتعلم كيف يطقطق كان يسوي هالحركه قبل ما يتعلم الطقطقه ان شاء الله اتجاوبوني ومشكور اخوي ع المروور والملعومه ما قصرت فيك الخير :) |
رد: ببغاتي ماتت
اختي انتي مليون بالميه مسبحتها غلط ياليت تدخلين على موضوع طريقة ترويش الطير لانه راح يفيدك كثير ... اكيد انه اثناء السبوح دخل ماي بفتحة التنفس واذا دخل ماي بهذي الفتحه الالتهاب مليون بالميه فيه ..
عظم الله اجرك وانصحك ماتقدمين على شي الا انتي على دراية كامله فيه |
رد: ببغاتي ماتت
اقتباس:
هيه انا مسبحتنه غلط وقلبي يعروني على موتها والله ليت الحين مب مستوعبه انها ماتت :( ما تهنيت فيها في شهر ونص وراحت من ايدي اجرنا واجرك يارب تسلم اخوي ع المروور وع النصايح |
رد: ببغاتي ماتت
اذا الثاني عمره 7 ـ8 شهور ...
انا انصحك لا تسبحينه إلا في الاسوع مره وحد... خصوصا انك ماعندك دراية جيدة في التسبيح... والله يحفظه لك يارب... |
رد: ببغاتي ماتت
اقتباس:
ويحفظك لاهلك يارب ما تقصر :) |
رد: ببغاتي ماتت
ياااقلبي انا ... لحقي على ببغانك التاني ووديــه عند البيطري عشان يعطيه لقاح
الصراحــه الصــراحه المفروض في تطعيمات خاصــه بالببغانات .. حرام هي كمان لها مشاعر واحاسيس كيف لو مرضت اكيد تتعذب .. يارب استر على ببغاناتنا واحفظها .. ياقلبي الله يعوضك وانتبهي على ببغانك ليجرا له شي .. انا اجل مابروش ببغاني خليه يعفن ولا يمرض .. اقتباس:
|
رد: ببغاتي ماتت
اقتباس:
هلا والله اختي كلامك عشره على عشره امين يارب الله يحفظهم ممم لا والله انا عني اليوم اشوف هالحركه يسويها مع خروج صوت نفس منه بس اختي تقول قبل ما يتعلم الطقطقه كان يسوي هالحركه وياد بعدين تعلم الطقطقه نحن الحين متفائلين فيه انه يتكلم ويارب يتكلم :D بس هو اليوم سواها بعد الاكل تسلمين يا عمري على المروور جدا اسعدني مرورك :) |
رد: ببغاتي ماتت
ياختي نونه ما ماتت الدكتور باعها واخذ الفلوس بدل أتعاب هههههههه (المعذره)
عموما ومن خلال خبرتي والتي إمتدت الى 12 سنه بالتمام والكمال أقول التالي: 1- مو مني والطريج أول ما ييي الكاسكو للبيت ترويش دايركت . لا غلط بعد اسبوع وفيها حتشي. 2- عظم الله أجرتش ، وبعدين من أراد ترتبية كاسكو في بيته ياليت يكون لحاله لأن إثنين يصيرون طرمان يعني تقلب لغه خاص بينهم ز 3- يا بنت الأيواد ليش قلبتي علي المواجع عقب تسع سنين وللحين ما نسيت الكاسكو (حسن) مالي ، أأأأأه هسع آني هوايه زعلان على مود الكاسكو حسن مات إش قد إنفطر قليبي عليه. 4- بصي بأولك على حاقه أوعي تحممي الكاسكو بتاعك على طول دي حاقه غلط أوي. 5- مش يمكن نونه حزنانه عل صاحبها الأولاني مش كده والا أيه ، شفتي بأه إنتي حرمتي إتنين بحبوا بعض ، وخالتي وخالتك وإتفرأوا الخالات. وتحياتي : المخلّص : حسين بن عاقول. |
رد: ببغاتي ماتت
حسين البنت اماراتيه مو مصريه عشان تتكلم كذا ..!
ثاني شي الله يصبرك اختي .. والله مثل ما قال اخوي حسين ناظري للجانب المشرق .. كذا بيتعلم الذكر حقك .. وبالنسبة للتسبيح .. انتي قلتي ان لهم شهرين عندك يعني يا اخوي حسين هي مو جديده بالبيت ..! انا من رايي تودينهم طبيب بيطري او محل يهتم بالطيور وينظفهم وانتي تشوفين كيف وبعدين انتي تنظفينهم .. يعني بعد ماتشوفينهم ينظفونها تاخذين كورس تنظيف وبيسهل عليك . بالنسبة للحركة والله ماعندي علم ..! بس انتبهي ترى كثير من الطيور اذا كانوا بقفص واحد مدة ومات احدهم الثاني ينتحر .. يخنق نفسه او يسوي اي شي .. لكن احمدي ربك انه ماشافها تموت ^_^ هالايام اكيد بيكون حزنان وبتتغير نفسيته لانه معروف ان الكاسكو نفسيته زفت ..! الله يرزقك اختي ويوفقك والله حزنتني قصتك انتبهي لهم كثير وفيه موضوع يهتم بالكاسكو بشكل خاص اقريه كله وتصيرين توب التوب في كل شي واقري هالموضوع عشان تعرفين الامراض وأسبابها عشان تبتعدين عنها http://www.2zoo.com/vb/showthread.php?t=105962 شكرا |
رد: ببغاتي ماتت
اقتباس:
اختي الصرآحة انتي تسببتي بالطير ..؟ لاتزعلي مني ووآضح من ردك بالاقتباس ...>>>انك روشتي الطير وكذ1لك الراس ؟؟يعني دخلت الموية الى خشمه الصغير وانسد وتعرض للهواء |
رد: ببغاتي ماتت
اقتباس:
هههههههههه بس انا ما سبحتها الا مرتين اول مره بعد 3 اسابيع من وصولهم لنا والمره الثانيه اللي قبل ما تموت بويمين بعدين الثاني بدا يقلدنا في الكلام بس عن طريق التصفير يعني طور من تصفيره خخخخ تسلم اخوي ع الرد الجميل يعطيك العافيه :) |
رد: ببغاتي ماتت
اقتباس:
ثانكس والله ع الاهتماام اول شي نحن سويناه بعد اسبوع من جيتهم لبيتنا اخوي واشترا قفص ثاني وبعدناهم من بعض وما نخليهم يشوفون بعض الا يوم نطلعهم في الحوي ( الحوش ) بعد ما يبرد الجوي ما يكون حار الحين ما اسبحه الا بعديييين يمكن خخخ تسلم والله وان شاء الله بقرأ القوانين عن طريقة تنظيفهم اسعدني مرورك العطر :) |
رد: ببغاتي ماتت
اقتباس:
اعرف انه انا اللي تسببت في الطير :( بس ما كنت قاصده انه اموته قصدي انه انظفه بس يسلموو زياد على هيك مروور |
| جميع الأوقات بتوقيت GMT +3. الساعة الآن 04:51 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو