|
أحلى المواقف المحرجه .. شاركونا الضحك و الكتابه
احلى المواقف المحرجه
كثير منا يستمتع بالمواقف المحرجه وناس كثير مثلي يخصصون لها جلسات خاصه في هالموضوع بسجل موقف من اكثر المواقف المحرجه في حياتي وانتوا لا تبخلون علي بمواقفكم الحلوه . . . . . . . . . . . . . مره بطلع للبيت في نهايه الدوام ايام الامتحانات وكنت مزفته في الامتحان مره ومن الزعل ما اشوف الطريق بس احسب كم باقي درجه وانجح .. وانا امشي اسمع الفراش يصرخ (يا بنت) وانا على بالي مارديت عليه لاني كنت اضن انه يحسبني من هالبنات الي يسنترون في الشارع بس انا رايحه للباص .. أحسن ما راح ارد عليه عشان ما يتلقف مره ثانيه وانا ماااااااشيه والفراش يصرخ (يابنت) .. آخر ما معه نط في وجهي وقال : وقفي الله يصلحك واطالع تحتي ولاقيني موقفه على طرف الحفريات الي في الشارع !!!!! واسمع وراي صوت ضحك السواويق والرجاجيل الي موقفين عند الباب ولمى ركبت الباص الاقي صديقاتي يشاهقون من الضحك .. والله لين الحين يأرخون احداث بهالموقف |
رد: أحلى المواقف المحرجه .. شاركونا الضحك و الكتابه
هههههههههههههههههههههه
مشكورة على الاحراج |
رد: أحلى المواقف المحرجه .. شاركونا الضحك و الكتابه
بليييييييييييييييز اكتبوا مواقفكم .. ما كتبت الموضوع الا عشان مواقفكم
|
رد: أحلى المواقف المحرجه .. شاركونا الضحك و الكتابه
مشكوووورة اختي على الموضوع الحلو والفكرة الاحلى ياحلوة:) الصراحه موقفج لا يحسد عليه:D بالنسبه لي وايد صارت لي مواقف محرجه ومضحكه:p بعطيج موقف احرجني شوي:o مرة كنت ابي رفيجتي بالمدرسه بسالفه بعدها مايت مليت وانا انتظر اشوف بنت تشبها وهي ماعطتني ضهرها لي وانا اصوت عليها ماترد قلت بيها وبناديها يمكن ماتسمع الا اقول حناااااااااان هوي انتي حنووووووووون:D لما رحت لها إلا تلتف علي واشوفها بنت ثانيه :D وانا سويت نفسي للحين ابي رفيجتي بس ارفع يدي اسوي نفسي جفتها :p ومن بعدها لما ابي وحده اروح اشوف ويها هذي اهي ولا لاء:D اما المضحك كنت انا واختي نتسابق الي تروح الحمام قبل اهي الاحسن:D <<<تعرفين مهابيل:p انا رحت قبل افتح الباب ويصفق في الطوفه وارضيه الحمام مبتله وادوس على الانعال وطااااااااااخ :p واقول :آآآآي تعالي يال... شيليني جوفي شنو سويتي فيني بس خلاص انتي الفايزة:D اتمنى ان امواقف تعجبج:D |
رد: أحلى المواقف المحرجه .. شاركونا الضحك و الكتابه
يا شين الحمامات ..
مره راحت شغالتنا وجبنا بدالها حبشيه .. والله من جتا ما غسلت الصاله .. وتتصلط وتغسلها يوم جيت بروح مع خواتي للسوق وبالنسبه لي طلعه ما تتفوت وانا كنت نايمه فوق وسمعتهم يقلون : بتروحين السوق انزلي بسرعه ترى عباياتنا علينا وانززززززل مدرعمه مع الدرج إلي قبال الحمام .. ومن سوء الحظ الباب مفتوح ومافي عتبه عند باب الحمام.. وزووووووووووووووووو .. الا انا في الحمام والله اني صحت بقوه يومها.. مع اني كنت كبيره وقتها بس مدري وش كان في بالي |
رد: أحلى المواقف المحرجه .. شاركونا الضحك و الكتابه
خخخخخخخ
عن الفاضيح بس عشانك راح اقول والله انا الموقف الي انحرجت فيه مره رحت الصالون او ظبط الشغل او حلقه او كل شي لمن يت ابي اطلع قاعد اسلم على صاحبي الي حلقني او اضحك او مستانس وله عبالي الباب امبطل عشان الباب زجاج الصبح مايبن عدل او اظاهر اهم كانو املمعينه عدل على حظي وله ادش بل باب يعني طق راسي فل باب طبعا انا عل طول ظحكت او طلعت بره قلت اشوه محد صورني يعطيكم العافيه بس عن الشماته ابعض ترا الله يبلاكم خخخخخخخ |
رد: أحلى المواقف المحرجه .. شاركونا الضحك و الكتابه
على طاري الزجاج
امي مره رايحه لسوق العويس بتشتري مواعين وكان وقت الصلاه والمحلات مسكره وتمشي وتتعجب في بلاطهم الي يلمع مع انه سوق شعبي و قديم وطرخ .. في قزاز المحل .. تقول امي احس خشمي طاح على خدي من قوه الصقعه و امتلت العبايه دم وامي مييييييييييييته ضحك |
رد: أحلى المواقف المحرجه .. شاركونا الضحك و الكتابه
معليش بجرب التوقيع
كيفي موضوعي |
رد: أحلى المواقف المحرجه .. شاركونا الضحك و الكتابه
هههههههههه:D شالمواقف الي تموت من الضحك:p توقيعج حلو :) في يوم كان اخوي رايح يلعب مباراة ويوم كملت المباراة واهو ماصلى المغرب وهو يتمشى سال ريال على باله هندي:قاله هي بيا فجت الصلاة؟ الريال:هي ياصبي انا موهندي:D خخخخخخخخخ:p مسكين |
رد: أحلى المواقف المحرجه .. شاركونا الضحك و الكتابه
تصدقووووووون عاد ما اذكر انه قد صارلي موقف محرج<<<<<نصاااااااب:p بس مشكووووووووره اختي ضمير مستتر على الموضوع والحمد لله على السلامه من طيحه الحمام شكلك والله صحتي من اللخمه:D (اللخمه=الروعه) هعهععهععهعهعهعهعهعهعهعهع كل ذا عشان سوق:rolleyes: لا لا صح ذكرت موقف بس مدري مضحك ولا لا هذي يوم رحت تركيا كنت داخل السنما وزي العاده شاري بوبكورن<<<بطل بوبكورن معد صار ياكل الا ناتشوز بعد شوي تعرفون ليه المهم انا كنت داخل مع اخوي وواحد من الشباب ونقعد الثلاثه جنب بعض وفيه حرمه على يميني طبعا الفلم مو مترجم فانا مركز مع الكلام عشان افهم وناااسي اللي حولي وقاعد اكل فشار ولا يوم يخلص الفلم ولا الحرمه اللي جنبي تقول ثانكيو وتروح و انا وجهي كذا:confused: واخوي وصاحبنا قاعدين يفطسوووون ظحك ميييتيييييييين وانا مازال وجهي كذا:confused: بعدين قلتلهم وش السالفه قالولي يااادرج الحرمه الي جنب من اليوم وهي تاكل من البوبكورن حقك وانت مسبه مع الفلم كاااااااااااااااااااااااااااااااااااااااااااااااااااااااااااك :D هعههههعهعهعهعهعهعهعهعهعهعهعهعهعهعهعهع:D الصراحه انا فطست علي نفسي :p بس الصراحه وش تبي ذي الحرمه الي تاكل من بوبكورن العالم والله شي غريب اتمنى انكم تقبلتوا الموقف خي خي:D سلااااااااااااااااااااععععععم:) |
رد: أحلى المواقف المحرجه .. شاركونا الضحك و الكتابه
خخخخخخخخخخخخخخخخخخخخخخخخخخخ
والله مواقفكم تمموت من الضحك.. انا والله ما في شي في بالي للحين بس تذكرت موقف واحد.. عشان خاطر بس ضمير مستتر.. كنت في الدوام وانتظر المراسل يجي ياخذ الرساله عشان يرسلها لدائره من الدوائر وحضرته تأخر واايد وعصبت عليه الانه الرساله كانت مستعجله.. واتصلت فيه قال لي الحين واصل عندج.. شوي ولا حد دق الباب انا حطيت في بالي انه المراسل قلت بصوت عالي وبعصبيه .. ( أدخل يا شمسوووو هالكثر تتتأخر - شمسوو = شمس المراسل او المندووب ) ولا يطلع مديري.. :d :d طبعا دخل وانا كنت منحرجه.. قلت له اسمحلي تحرينك المندووب.. قال لي انا بعتبر نفسي ما سمعت شي.. طبعا يقولها وهو فيه ضحكه علي.. مديري طيب الحمد الله.. وبس.. |
رد: أحلى المواقف المحرجه .. شاركونا الضحك و الكتابه
وش دعوه مترجم اللخمه يعني لازم احط الجواز السعودي جنب التوقيع
هههههههههه والله عليك موقف |
رد: أحلى المواقف المحرجه .. شاركونا الضحك و الكتابه
لا بس قلت يمكن احد ما يففهمها من الاعضاء عشان كذا ترجمتها:p |
رد: أحلى المواقف المحرجه .. شاركونا الضحك و الكتابه
تصدقون ما عمري سار لي موقف محرج
لأني دايماً افكر قبل ما اسوي اي شيء << وتحد يبغى كذب بس ما هو عارف لا و الله من جد ما اتذكر موقف محرج صار لي إذا تذكرت شيء حطيته لكم أما مواقفكم كلكم تضحك اللهم لا شماتة <<< خوفي يسير لي موقف ذي الأيام :d |
رد: أحلى المواقف المحرجه .. شاركونا الضحك و الكتابه
خخخخخخ:D اذكر قبل يوم كنت صغيرة بس مب وايد صغيييرة:rolleyes: جفت اربع اصبيان راكبين على عربه رابطين بها حمار شكلهم يضحك:p يعني مسكين الحمارمايستحمل احم احم رحت ارفع صوتي عليهم يا....مايحتاي اقول الكلمة وبعدين التفتوا علي وقالوا:سكتي انتينه خلينه بحالنه رديت عليهم:اخليكم بحالكم اوكي اما تسون في الحمار جذي لا مابسكت لو شنو :D <<البطله:p وبعدين دعيت عليهم انهم يطيحون ياعلكم تطيحون ذيج الطيحه الي ماتقومون منها <<<انياهاها:D وصج طاحوا وانا مت من الضحك وماقدرت اشوف المنظر الجميييييل لان عيوني انترست ماي من كثر الضحك:D :D وبعدين العربه راحت على صوب والحمار خاف وقف في مكانه رحت اخرعه يلاروح روحوصج شرد منهم ههههههه يستاهلون اكثر وبعدين شوي شوي واحد ورا الثاني يلحق ورا الحمار هههههههه:D وبعدين تم على ماظن واحد يبي يخوفني الحمدلله ماخاف الا من ربي:) الا انادي اخوي عبود هههههه:D راح له بالمرصاد:p سوري لاني طولت عليكم بعد احب اثرثر<<حشا عيوز:D |
رد: أحلى المواقف المحرجه .. شاركونا الضحك و الكتابه
الموقف هو : في فعليات صيف قطر العام أو أولت العام دخلت في لعبة المتاها الشفافة بس طريق واحد إطلعك من المتاها وفي طرق تدخلين المكان بعدين إتشيرين داخل وأنا كنت دائما وجهي في الجامة كنت أدعم كل شئ وإخواني كلا إزاعقون لا هاي المكان وأنا أروح حسب قولهم ,ادعم بعدين يوم طلعنا طلعت إني إنا فار تجارب إحركوني على كيفهم إي بعد الواحد إذا دخل لعبة وتوة ماكل إصير كأنة إمسبة المهم يوم طلعنا إلا إنشوف مرة شايرة داخل وإتصلن حق رفيجاتها إلي كانو معاها وإطلعو وتمو إقولون المكان إطريق الصحيح ويم إطلعت شفنا الدمعة في عينها والمقف الثاني يوم كنت في الصف الأول كنت شاطر في المدرسة وفي يوم قالت المدرسة إلي بيحفظ النشيدى لة هدية إكبيرة ورحت البيت وماقدرت أحفظ النشيدة وتميت أصيح لين ما خلص الدمع وبعدي حفظتني إمي ورحت المدرسة حافظ وفي الأخير الجائزة الكبيرة شنطة ما تكفي 30 ريال ويوم رديت البيت عطيتها الخدامة ودتة إبلادها http://www.3rbe.com/smiles/data/13/3rbe.com_010.gif
|
| جميع الأوقات بتوقيت GMT +3. الساعة الآن 10:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو